ঐহাক্না হিস এক্সেলেন্সী, প্রধান মন্ত্রী, মারিও দ্রাঘীনা লাকপীনবা পাউজেল্লকপগী মতুং ইন্না ওক্তোবর ২৯-৩১, ২০২১দা রোম, ইতালী অমসুং ভেতিকান সিতীগী খোঙচৎ অমা চৎকনি। মসিগী মখা তারকপা ওইনা, হিস এক্সেলেন্সী, প্রধান মন্ত্রী, বোরিস জোন্সন্না লাকপীনবা পাউজেল্লকপগী মতুং ইন্না ঐহাক্না য়ুনাইতেদ কিংদমগী গ্লাসগোদা নবেম্বর ১-২দা অমুক্কা চৎকনি।

ঐহাক্না রোমদা ১৬শুবা জি.-২০ লীদর্স সম্মিত্তা শরুক য়াগনি অমসুং মসিদা ঐহাক্না মালেমগী শেন্মিৎলোন অমসুং হকশেলনা লাইচত্তগী ফগৎলকপা, তুং-কোইনা চৎপা চাউখৎপা অমসুং অইং-অশাগী মতাংদা জি.২০গী অতোপ্পা লুচিংবশিংনা খন্ন-নৈনবদা শরুক য়াগনি। মসিনা ইং ২০২০দা লাইচৎ হেক থোক্লকখিবদগী হকথেংননা থেংনদুনা পাংথোকপা অহানবা জি.২০ সম্মিৎ ওইগনি অমসুং মালেমগী হৌজিক ওইরিবা ফিভমগী মতাংদা ঐখোয়দা ময়েক শেংনা খঙহনবগা লোয়ননা 

জি.২০না শেন্মিৎলোনবু নীংহন্নদবা নাইদনা মপাঙ্গল হেন্না কনখৎহন্নবা ইঞ্জিন অমা মতৌ করম্না ওইবা য়াগদগে হায়বগী মতাংদা ৱাখল্লোন লান্নদুনা লাইচৎ অসিদগী থোক্লক্তুনা মীয়াম পুন্না শেমগৎ-শাগৎমিন্নবা অমসুং তুং-কোইনা চৎহন্নবা হোৎনবদা তেংবাংগনি।

ঐহাক্না ইতালীগী খোঙচত্তা লৈরিঙৈদা হিস হোলিনেস পোপ ফ্রান্সিস অমসুং সেক্রেতরী ওফ স্তেত, হিস ইমিনেন্স কার্দিনেল পিত্রো পেরোলিন উন্ননবা ভেতিকান সিতীদসু চৎকনি।

ঐহাক্না জি.২০ সম্মিৎকা লোয়ন-লোয়ননা অতোপ্পা পার্তনর লৈবাকশিংগী লুচিংবশিংগা উন্নদুনা মখোয়গা ভারতকা লৈনরিবা বাইলেতরেল রিলেসন্দা চাউখৎপা লাকপশিংগী মতাংদা ৱারী শাগনি।

জি.২০ সম্মিৎনা ওক্তোবর ৩১দা লোইরবা তুংদা, ঐহাক্না য়ুনাইতেদ নেসন্স ফ্রেমৱর্ক কনভেন্সন ওন ক্লাইমেত চেঞ্জ (য়ু.এন.এফ.সি.সি.সি.)কী ২৬শুবা কনফরেন্স ওফ পার্তীজ (কোপ-২৬)তা শরুক য়ানবগীদমক্তা গ্লাগোগীদমক্তা অমুক খোঙশানগনি। ঐহাক্না মালেম শিনবা থুংবগী লৈঙাক/লম ১২০গী মকোক-থোংবশিংগা লোয়ননা নবেম্বর ১-২, ২০২১দা পাংথোক্কদবা “ৱর্ল্দ লীদর্স সম্মিৎ” (দবল্যু.এল.এস.) মিংথোনবা কোপ-২৬কী অৱাংবা থাক্কী মীফম অমসু শরুক য়াগনি।

মহৌশাগা নুংশি-চান্ননা লৈমিন্নবা অমসুং গ্রহবু থম্মোই শেংনা ইকায় খুম্নবগী ঐখোয়গী চৎনবীগী মতুং ইন্না, ঐখোয়না অশেংবা অমসুং নৌনা অমুক্কা শিজিন্নবা য়াবা ইনর্জী, ইনর্জী ইফিসিএন্সী, উমং য়োকখৎপা অমসুং বাইও-দাইভর্সিতী পাকথোক চাউথোকহন্নবা মিৎয়েং শানবা থবক-থৌরম কয়া পাংথোক্লি।  ক্লাইমেত এদাপ্তেসন, মিতিগেসন অমসুং রেজিলিএন্স অমসুং লৈবাক কয়াগী মরক্তা মরী শাগৎপগী মতাংদা পুন্না হোৎনমিন্নবগী হীরমদা মমাংদা পাংথোকখিদ্রিবা অনৌবা থবক কয়া ঙসিদি ভারতনা পাংথোক্লি। ইন্সতোল্দ রিন্যুএবল ইনর্জী, নুংশিৎ অমসুং সোলর ইনর্জী কেপাসিতীগী মতাংদা ভারত অসি মালেমগী মকোক থোংবা লৈবাকশিংগী মনুংদা অমা ওইরিবনি। অইং-অশাগী মতাংদা পাংথোকপা থবকশিংদা ভারতকী শীংথানীংঙাই ওইরবা থৌওংশিং অমসুং ঐখোয়গী মাই-পাকপশিংবু ঐহাক্না দবল্যু.এল.এস.তা পুথোক্তুনা মীয়ামদা পাউদমগনি।

কার্বন স্পেসপু চপ মান্নবা য়েন্থোকপা, অমাং অতা থোকপা হন্থহনবদা শৌগৎপা অমসুং চান্নবা হোৎনবা অমসুং রেজিলিএন্স লৈহন্নবা তঙাই ফদবা খোঙথাং, শেল-থুম শাগৎপা, তেক্নোলোজী পীনবা অমসুং গ্রীন অমসুং ইনক্লুসিব গ্রোথকীদমক্তা তুং-কোইনা চৎকদবা পুন্সি মহিংগী মরু ওইবশিং য়াওনা অইং-অশাগী হীরমদা পাক-চাউনা মিৎয়েং চঙবগী তঙাই ফদবশিংসু ঐহাক্না পুথোক্কনি।

কোপ-২৬ সম্মিৎনা পার্ত্নর লৈবাকশিংগী লুচিংবা, অনৌবা থৌওং পুথোকপা অমসুং ইন্তর-গবর্নমেন্তেল ওর্গনাইজেসন য়াওনা স্তেকহোলদর খুদিংগা উন্নদুনা ঐখোয়গী ক্লিন গ্রোথকী খোঙজেল হেনগৎহন্নবা মখা তানা পাংথোকপা য়াবা থৌওংশিংগী মতাংদা খন্ন-নৈনবগী খুদোংচাবা অমা পীগনি।

*****