موثر طویل دوری کے بحری مواصلاتی رابطے فراہم کرنے کی تدبیر کی  شدید ضرورت کے پیش نظرکل شام کولکاتہ کے سیامہ پرساد مکھرجی بندرگاہ (ایس ایم پی ،کولکاتہ) پر ریڈیو اوور انٹر نیٹ پروٹوکول (آراو آئی پی) نظام کا افتتاح کیا گیا ۔آر اوآئی پی نظام بھارت کی کسی بڑی بندرگاہ میں پہلی بار بحری مواصلاتی وسیلے کے طور پر متعارف کیا گیا ہے ۔اس میں کولکاتہ سے سینڈہیڈس تک پورے ہگلی دریا کے دہانے کا احاطہ کیا جائےگا،اس کے چار مقامات پر بنیادی مرکز ہوں گے ۔اس سہولت کے ساتھ سینڈ ہیڈس پربالخصوص طوفان اور نا موافق موسمی حالات میں کولکاتہ سے ریڈیو کے ذریعہ براہ راست رابطہ قائم کیا جاسکے گا ۔

کولکاتہ ایس ایم پی کے چیئر مین جناب ونیت کمار نے اس پیشرفت کی یہ کہتے ہوئےستائش کی ہے  کہ ملک میں دریا کے کنارے پر واقع واحد بندر گاہ ہونے کے باوجود ایس ایم پی کولکاتہ گذشتہ 152 سالوں سے بھارت کی بڑی بندر گاہوں میں لگاتار محوری کردار ادا کررہی ہے ۔

************

ش ح ۔  ش ر ۔ م ش

U. No.12210