دواسازی اور طبی آلات کے معاملے میں بھارت کی عالمی پوزیشن کو مزید مستحکم کرنے کے وژن کے حصے کے طورپر دواسازی کا محکمہ انویسٹ انڈیا کی شراکت داری سے 27 اکتوبر 2021 کو ویڈیوکانفرنسنگ کے ذریعے صبح 10 بجے شام ساڑھے چار بجے تک ایک انویسٹر سمٹ کی میزبانی کرے گا۔

اس سمٹ کا موضوع ہے دواسازی اور طبی آلات میں مواقع اور شراکت داری۔یہ سمٹ حسب ذیل موضوعات پر تفصیلی ٹیکنیکل اجلاس میں شامل ہونے کے لیے صنعت کے شرکاء کے واسطے ایک موقع فراہم کرے گی۔

• اجلاس -1: بایوفارما مواقع کا فراہم کرایاجانا:دنیا میں بایوفارما ہب کی حیثیت سے ہندوستان کی شہرت
• اجلاس -2:ریسرچ اینڈ ڈیولپمنٹ سرمایہ کاری: انڈین میڈیکل ڈوائسزکی کچھ کامیاب داستان
• اجلاس-3: گواویکس:ویکسین مینو فیکچرنگ کی صلاحیتوں کو بڑھانے کے لیے مکمل ارتباط
• اجلاس-4: فارما اور میڈیکل آلات کے سیکٹر میں اسٹارٹ اپ کے لیے سرمایے کی فراہمی: وی سی سرمایہ کاری کے لیے مستقبل میں کیا ہے؟
• اجلاس-5: بنیادی سطح سے اوپر اٹھتے ہوئے : کثیر مقدار میں دواؤں اور طبی آلات کے لیے پیداوار سے جڑی ترغیب اسکیموں (پی ایل آئی) کے تحت منظور شدہ سرمایہ کاروں کے لیے انضباطی عمل کو آسان بنانے سے متعلق صلاح مشورہ

دواسازی سیکٹرسے متعلق اجلاس میں بایو فارماسیٹیکل نیزبایولوجیکس-بایوسیمیلرس، سیل اور جین تھیراپی میں اختراعی مصنوعات کی تیاری اور  ٹیکےتیار کرنے کی صلاحیت کو بڑھانے میں مواقع پر تبادلۂ خیال ہوگا۔دواسازی کے لیے پی ایل آئی 15 ہزارکروڑ روپے کے ایک تخمینے کے ساتھ شروع کی گئی ہے، جس میں اس اسکیم کے تحت درخواستیں دینے والی تقریبا 278 کمپنیوں کی دلچسپی دیکھی گئی ہے اور ان کی درخواستوں پر غور کیا جائے گا۔یہ سمٹ ان سرمایہ کاروں کی حوصلہ افزائی کرے گی جو ان مصنوعات میں ہندوستان کو عالمی چمپئن بنانے کے منتظر ہیں۔

طبی آلات سے متعلق سیکٹرکا جہاں تک تعلق ہے تو سمٹ میں اس بات پر تبادلۂ خیال ہوگا کہ کس طرح بھارت طبی آلات کے لیے مواقع کی ایک سرزمیں کے طورپر تیار ہوسکتا ہے اورسرکردہ سرمایہ کاروں سے سیکھاجاسکتا ہے۔طبی آلات کے سیکٹر کو ایک ابھرتے ہوئے سیکٹر کے طورپر دیکھا جارہا ہے اور اگلے کچھ سالوں میں طبی آلات کا سیکٹر موجودہ 11 ارب ڈالر سے بڑھ کر 50 ارب ڈالر تک ہوجائے گا۔قابل ذکر ہے کہ اس سال کے ابتداء میں طبی آلات کے لیے پی ایل آئی اسکیم کے تحت 13 کمپنیوں کو پہلے ہی منتخب کیا گیا ہے جو مطلوبہ آلات کی گھریلوتیاری بڑھانے میں اپنی سرمایہ کاری کریں گی۔

یہ اجلاس ابھرتےہوئے اسٹارٹ اپ ایکونظام میں سرمایہ کاری کا بھی احاطہ کریں گے اور یہ سبھی  اجلاس اس سیشن کے ساتھ اختتام پذیر ہوجائیں گے جس میں سرمایہ کاری کوکس قدر حسن وخوبی سے  نافذ کرنے کے بارے میں پی ایل آئی اسکیموں کے تحت منتخب کیے گئے درخواست دہندگان کے لیے جامع سہولت فراہم کی جائے۔

************

ش ح۔ح ا۔ج ا

 (U: 12172)