শিপ্পিং অমসুং ৱাতরৱেজকী কেন্দ্রগী মন্ত্রী, সর্বানন্দ সোনোৱালনা দিব্রুগরগী বোগিবীল থোং মনাক্তা লৈরিবা কার্গো তর্মিনেল, তুরিস্ত জেত্তী অমসুং রিবর ফ্রন্ত দিবলপমেন্তগী মফম চৎতুনা য়েংশিনখ্রে অমসুং থৌরম অসিদা  থবকশিং অসিবু য়াংশিন্নবা স্তেকহোল্দরশিংগী মীফম অমা ফমখ্রে।

কোলোনিএলগী মতমদা মরুওইবা হিদাফম অমা ওইরম্বা, দিব্রুগর অসি ভারতকী শেন্মিৎলোন চাউখৎপদা মরুওইবা থৌদাং লৌখি। কেন্দ্রগী মন্ত্রীনা হায়খি মদুদি দিব্রুগর অসিবু লৈবাক অসিগী মরুওইবা হিদাংফম অমা অমুক হন্না ওইহন্নবা লৌখৎপা য়াবা খোঙথাংশিং লৌখৎলে। “পি.এম. শ্রী নরেন্দ্র মোদীনা এন.দবল্যু. ২ (ব্রহ্মপুত্র ) অমসুং এন.দবল্যু. ১৬ (বরাক)পু চাউখৎনবা পীরিবা খুদোংচাবা অসিনা বঙ্গলাদেশকা লোয়ননা লম্বী ফাওনবা ফগৎলক্লি অমসুং মালেমগী কৈথেলশিংদা য়ৌহন্নবগী লম্বী পীরি। মরম অদুনা ঐখোয়না এম.এম.এল.পি.শিং লিংখৎলি অমসুং আসমগী মফম কয়াদা হিদাংফম শেমগৎলি। দিব্রুগরদা, কার্গো অমসুং পেসেঞ্জরগী হিদাংফম অমা শারগনি,” হায়না মন্ত্রীনা হায়খি। মহাক্না মখা তানা হায়খি মদুদি পোর্তস, শিপ্পিং অমসুং ৱাতরৱেজ, আসম সরকারগী ইনলেন্দ ৱাতর ত্রান্সপোর্ত দিপার্তমেন্ত অমসুং নোর্থ ইস্ত ফ্রন্তিয়র রেলৱেজনা বোগিবীল থোংগী মনাক্তা মফম অসি চাউখৎনবা পুন্না থবক তৌমিন্নরি।    

“পি.এম. শ্রী নরেন্দ্র মোদী জীগী এক্ত ইস্ত পোলিসীনা অৱাং নোংপোক্তা লম্বী শম্নবগী হব অমা ওইনা ওন্থোরক্লি। পি.এম. গতিশক্তিনা লুচিংবা – নেস্নেল মাস্তর প্লান্না ব্রহ্মপুত্র তুরেলদা কার্গোশিং খোঙজেল হেনগৎনবা থৌরাং অমা য়েংশিল্লি।  হায়রিবা অসিনা লোকেল পোত্থোকশিংদা থবক অমসুং মালেমগী মার্কেত কান্নবা পীরগনি,” হায়না কেন্দ্রগী মন্ত্রীনা হায়খি। মহাক্না মতৌ করম্না সমুদ্রগী লম্বী শম্নবনা মীওই কয়াগী পুন্সিদা অহোংবা লাকপা, নহাশিংদা থবক পীবা অমসুং মফম অসিগী ব্যুজিনেস অসিনা ইরমদমদগী মালেমগী মার্কেত্তা য়ৌহনখি, মসিনা লোকেলদগী গ্লোবেলগী ৱাখল্লোন মংফাওনরি।

আই.দবল্যু.এ.আই. মেম্বর (তেক্নিকেল) শ্রী অশুতোশ গৌতম, প্রিন্সিপাল কম্মিসনর (ত্রান্সপোর্ত), জি.ও.এ. শ্রী কে.কে. দ্বিবেদি, জি.এম. এন.এফ. রেলৱে শ্রী অনশুল গুপ্ত, ওফিসিএলশিং অমসুং দিগ্নিতরীশিংনা থৌরম অসিদা শরুক য়াখি।

****