মরু ওইবা ৱারোলশিং:

• নীংশিংবগী থৌরমদা আই.এন.এ. ভেতেরান, স্কুলগী মহৈরোই, লোকেলগী খুন্নাই অমসুং অতোপ্পা মীওইশিংনা জন ভাগিদারীগী তসেংবা ৱাখল্লোনগা লোয়ননা শরুক য়াখি।
• ওরিশা, মনিপুর, নাগালেন্দ য়াওনা তোঙানবা রাজ্যশিংদা থৌরম পাংথোখি।
• গৃহ মন্ত্রী, শ্রে অমিৎ শাহনা অন্দমান অমসুং নিকোবর ইথত্তা হন্দক্তা চৎখি অমসুং লমদম অসিগা নেতাজীগা নক্নবা মরী লৈনরম্ববু নীংশিংবগী থৌরমশিংদা শরুক য়াখি।
• থৌরম অসিদা, সিঙ্গাপোরগী হাই কম্মিস্নর ওফ ইন্দিয়ানা আই.এন.এ. মেমোরিএলদা লৈ কৎখি।

অমৃত মহোৎসবকী নুংঙাইবা ফোংদোকপগী শরুক ওইনা, থৌরম অসিগা মরী লৈননা অমসুং নেতাজী সুভাস চন্দ্র বোসনা অজাদ হিন্দ সরকার শেমখিবগী কুমওন নীংশিংবা ওইনা ভারত অমসুং খা-এসিয়াদা ওক্তোবর ২১দা থৌরম কয়া পাংথোক্নবা শিন-লাঙখি। সরকারনা পাংথোক্কদবা অপুনবা থবকশিংবু ওইথোকহন্নবগীদমক্তা  কলচর মন্ত্রালয়না ভারতকী তোঙান-তোঙানবা মন্ত্রালয়, রাজ্য অমসুং য়ুনিয়ন তেরিতোরীনা শরুক য়াদুনা লমদম অমসুং জিওগ্রাফী শিনবা থুংনা পাংথোক্কদবা প্রোগ্রামশিংগী অপুনবা কেলেন্দর অমা শেম্বগী থৌদাং লৌখি।

নীংশিংবগী থৌরমদা আই.এন.এ. ভেতেরান, স্কুলগী মহৈরোই, লোকেলগী খুন্নাই অমসুং অতোপ্পা মীওইশিংনা জন ভাগিদারীগী তসেংবা ৱাখল্লোনগা লোয়ননা শরুক য়াখি।

নীংশিংবগী থৌরমগী শরুক ওইনা পাংথোকখিবা মরু ওইবা থৌরমশিং মখাদা পীরিঃ

১) মনিপুর (মোইরাং)

• মনিপুরদা লৈবা মোইরাং হায়রিবা মফমসিদা এপ্রিল ১৪, ১৯৪১দা ইন্দিয়ন নেস্নেল আর্মীনা ভারতকী লৈহাওদা মচু অহুমগী ফিরালবু অহানবা ওইনা পায়হনখি।  ওক্তোবর ১৯-২২দা আই.এন.এ. ফেমিলী য়াত্রা শিনখি। আই.এন.এ.গী ৱাখল্লোনশিংগী মমী তাবা ঈশৈ কয়াগা লোয়ননা লমদমসিগী জগোয়গা পুন্সিন্নবা কলচরগী থৌরম অমা লান্থোকখি। অখন্নবা নীংশিংবগী থৌরমগীদমক্তা মেমোরিএল অসিদা মৈ থানখি।

কলচর মন্ত্রালয়না শিন-লাঙদুনা মোইরাংদা রেকোর্দ তৌখিবা অখন্নবা আই.এন.এ.গী ঈশৈশিংগী পরিং য়েংবা য়াগনি।  (মসিদা য়েংবীয়ু)

২) নাগালেন্দ

• অজাদ হিন্দ সরকার শেমখিবগী কুমওনবু নীংশিংবা ওইনা কলচর মন্ত্রালয়গী ইস্ত জোন অমসুং নোর্থ ইস্ত জোন কলচরেল সেন্তরনা শিন-লাঙবা কলচরেল প্রোগ্রাম অমা রুজাঝো খুঙ্গংদা পাংথোকখি। নেতাজী সুভাস চন্দ্র বোসনা খুঙ্গংসিদা ইং ১৯৪০গী মতমদা লৈরমখি। নীংতম্বগী ইহৌদা নেতাজী অমসুং আই.এন.এ.না লৌখিবা থৌদাংশিং নীংশিংবা ওইনা লোকেলগী খুন্নাইনা থৌরম অসিদা থৱাই য়াওনা শরুক য়াবগী মতৌ উবা ফংখি।

৩) ওরিশা

• কত্তক অসি নেতাজী সুভাসকী পোক্নফম লমদম্নি। ওরিশাদা পাংথোকখিবা থৌরমদা এন.সি.সি. কেদেৎশিংগী সাইকল রেল্লী, স্তেত ম্যুজিয়মদা নেতাজীগী সেমিনার অমসুং একজিবিসন, কলচরেল প্রোগ্রাম, রোদ শো অমসুং অতোপ্পা কয়া পাংথোকখি।

৪) অন্দমান অমসুং নিকোবর ইথৎশিং

গৃহ মন্ত্রী, শ্রে অমিৎ শাহনা অন্দমান অমসুং নিকোবর ইথত্তা হন্দক্তা চৎখি অমসুং লমদম অসিগা নেতাজীগা নক্নবা মরী লৈনরম্ববু নীংশিংবগী থৌরমশিংদা শরুক য়াখি।

অকুপ্পা মরোলশিং মসিদগী খঙবা য়াগনি। (https://pib.gov.in/PressReleasePage.)

৫) নোংচুপ বেঙ্গোল

নেতাজী অমসুং তেগোরগী মরক্তা লৈনবা তোপ-তোপ্পা মরীগী মতাংদা ই.জেৎ.সি.সি. সেমিনার অমা পাংথোকখি।

থৌরম অসিদা, তেগোরনা ইদুনা নেতাজীদা কত্থোকখিবা প্লে, তশেরদেশ উৎখি। (তশেরদেশ)

কোরিওগ্রাফ তৌরবা জগোইদা য়ুম্ফম ওইবা পর্ফোরমেন্স অমা কোদালিয়াদা লৈবা নেতাজীগী মপা-মপুগী ময়ুম, সুভাস গ্রামদা পাংথোক্তুনা রেকোর্দ তৌখি।

৬) কলচর মন্ত্রালয়

পোদকাস্ত – ওদিও ৱারী ‘জরা য়াদ’ লোঞ্চ তৌবা

কারো কুর্বানী’গী পোদকাস্ত ত্রেলর

মসিগী পোদকাস্ত পরিং অসি মীয়াম্না খঙনবা নীংতম ইহৌগী ৱারীশিংদা মমিং পন্দ্রবা অদুবু ভারতকী নীংতম ইহৌদা মশক থোক্না তেংবাংখিবা মীওই অমসুং ইহৌশিংদা ইকায় খুম্নবা উৎপনি। মখোয়গী কত্থোকখিবশিংদা ইকায় খুম্নবা উৎপগী থৌওং অসি ভারতকী নীংতম্বগী চহি ৭৫বু নীংশিংবগী শরুক অমা ওইনা অথৌবশিং অসিগী মথৌনা অমসুং শিবা কিদবগী ৱারীশিংবু নীংশিংদুনা ইকায় খুম্নবা উৎপগী খ্বাইদগী চুনবা থৌওংনি।

নেতাজীনা য়েক্লম্বা লাইশিংবু দিজিতেলদা ওন্থোক্তুনা পুন্সিনবা (নেতাজীনা য়েক্লম্বা লাইশিং )

এ.এস.আই.না লাল কিলাদা পাংথোকপা নীংশিংবগী থৌরম (লাল কিলাগী থৌরম)

কলচরগী এম.ও.এস., শ্রী অর্জুন মেঘৱাল অমসুং শ্রীমতি মীনাক্সি লেখিনা ঙসি লাল কিলাদা পাংথোকপা অজাদ হিন্দ সরকারগী ৭৮শুবা কুমওন্দা শরুক য়াখি। থৌরম অসিদা, জেনেরেল বকশী, এস.এম., বি.এস.এম. (রিতাইয়র্দ)না ইবা ‘বোসঃ দি মিলিতরী দাইমেন্সনঃ দি মিলিতরী হিস্তরী ওফ আই.এন.এ. অমসুং নেতাজী’ হায়না মীংথোনবা লাইরিক অমা ফোঙখি।

৭) এক্সতর্নেল এফিয়র্স মন্ত্রালয়

• মলেসিয়া

মিসন অসিনা রোয়াল সেলাঙ্গোর ক্লবতা ওক্তোবর ১৮, ২০২১দা হাইব্রিদ থৌরম অমা পাংথোকখি। নুংঙাইবা পাংথোকপগী থৌরম অসি নেতাজী সর্ভিস সেন্তর, নেতাজী ৱেলফিয়র ফাউন্দেসন, মলেসিয়া-ইন্দিয়া হেরিতেজ গ্রুপ, মলেসিয়ন বেঙ্গালী এসোসিএসন, কেলাব রেক্রেসি অভিজান অমাউং রোয়াল সেলাঙ্গোর ক্লবনা খুৎশম্নদুনা পাংথোকখিবনি।

নেতাজী সুভাস চন্দ্র বোসনা মহাক্কী মতুং ইনবা মীওই লিসিং কয়াগী মফমদা পুক্নিং থৌগৎপা ৱাফম থমদুনা নহা কয়াদা ভারতকী নীংতম্বগী ইহৌদা শরুক য়াবগী ইথিল পীখিবা মফম, সেলাঙ্গোর পদাং (দতারান মারদেকা নত্ত্রগা ইন্দিপেন্দেন্স স্ক্বার)গা হেক থংননা রোয়াল সেলাঙ্গোর ক্লব লৈবসিনা থৌরম পাংথোকফম অসি পুৱারীগী অনকপা মরী লৈনবা অমা ওইখি। থৌরম অসিদা শরুক য়াখিবা মীওইশিংদি থৌরম অসিদা ৱা ঙাংখিবা আই.এন.এ. ভেতেরান ৪নি। থৌরম অসিদা মশা লাক্তুনা শরুক য়াবা ঙমখিদবা আই.এন.এ. অমসুং ঝান্সি রেজিমেন্তকী অতোপ্পা ভেতেরান কয়াগী ইন্তর্ভিয়ুসু থৌরম অসিদা উৎখি।

• সিঙ্গাপোর

সিঙ্গাপোরগী হাই কম্মিস্নর ওফ ইন্দিয়ানা আই.এন.এ. মেমোরিএলদা লৈ কৎখি। নেতাজীনা ওক্তোবর ২১, ১৯৪৩দা অজাদ হিন্দ সরকার শেম্বগী ৱাফম লাউথোকখি অমসুং মন্ত্রী ১১ অমসুং ইন্দিয়ন নেস্নেল আর্মীগী মীহুৎ ৮গা লোয়ননা সরকার অসিনা সিঙ্গাপোরদগী মথৌ পাংথোকপসু হৌখি। (সিঙ্গাপোরগী থৌরম)

৮) এজুকেসন মন্ত্রালয়

ভারত শিনবা থুংবগী স্কুলশিংদা নেতাজী সুভাস চন্দ্র বোসকী মফমদা কত্থোকপা অখন্নবা এসেমব্লী পাংথোকখি। নেতাজী অমসুং আই.এন.এ. মীওইশিংগী ফিজোল শেৎপা মহৈরোইশিংনা আই.এন.এ.গী অফাওবা লান চঙবগী ঈশৈ, কদম কদম বরহায়ে জা শকপদা থৱাই য়াওনা শরুক য়াখি।

তুরিজম মন্ত্রালয়

নেতাজী সুভাস চন্দ্র বোসকা মরী লৈনবা পন্থুংফম কয়া য়াওদুনা নীংথিজনা পুন্সিল্লবা আইতিনরী কয়া য়াওবা তুরিজম মন্ত্রালয়না শেম্বা দি লেগাসী ওফ ফ্রীদম হায়না মীংথোনবা অখন্ননা শেম্লবা চেজায় অমা পুথোকখি। (চেজায়)

নেতাজীবু নীংশিংবগী থৌরম অসি হৌজিক পাংথোক্লিবা থৌওংনি অমসুং মসিনা মহাক্কী মপোক নুমিৎ, জনুৱারী ২৩, ২০২২দা পাক চাউনা পাংথোকপা থৌরম অমদা লোইশিনগনি।

****