ന്യൂഡൽഹി, ഒക്ടോബർ 21, 2021


 പ്രധാനമന്ത്രി ശ്രീ നരേന്ദ്ര മോദിയുടെ നേതൃത്വത്തിന് കീഴിൽ  നൂറുകോടിയിലേറെ ജനങ്ങൾക്ക് കോവിഡ്  19 വാക്സിൻ വിതരണം ചെയ്തതിന്  കേന്ദ്ര ആഭ്യന്തര- സഹകരണ മന്ത്രി ശ്രീ അമിത് ഷാ രാജ്യത്തെ  
 അഭിനന്ദിച്ചു. ചരിത്രപരവും അഭിമാനകരമായ നിമിഷം എന്നാണ് അദ്ദേഹം ഇതിനെ വിശേഷിപ്പിച്ചത്


" ചരിത്രപരവും അഭിമാനകരമായ നിമിഷം! ശ്രീ നരേന്ദ്രമോദിയുടെ  ദാർശനികപരമായ നേതൃത്വത്തിലൂടെയും , തുടർച്ചയായ പ്രോത്സാഹനത്തിലൂടെയും നൂറുകോടിയിലേറെ കോവിഡ്-19 വാക്സിൻ ഡോസുകളുടെ വിതരണം എന്ന റെക്കോർഡ് ഇന്ത്യ സൃഷ്ടിച്ചിരിക്കുകയാണ്.  നവ ഭാരതത്തിന്റെ അസാധാരണമായ കഴിവുകളെ പറ്റി മുഴുവൻ ലോകത്തിനും  ശക്തമായ ധാരണ ഇതിലൂടെ ഒരിക്കൽക്കൂടി  ലഭിച്ചിരിക്കുന്നു" എന്ന് അദ്ദേഹം ട്വീറ്റുകളിൽ  കുറിച്ചു


 ഈ നാഴികക്കല്ല് സ്വന്തമാക്കാൻ തങ്ങളുടെതായ സംഭാവനകൾ നൽകിയ ശാസ്ത്രജ്ഞർ, ഗവേഷകർ, ആരോഗ്യപ്രവർത്തകർ എന്നിവരോടുള്ള തന്റെ നന്ദിയും കേന്ദ്രമന്ത്രി അറിയിച്ചു

"ചരിത്ര നേട്ടം സ്വന്തമാക്കിയ രാജ്യത്തെ ഞാൻ അഭിനന്ദിക്കുന്നു. നിരവധി വെല്ലുവിളികൾ മറികടന്നുകൊണ്ട് ഈ വലിയ ദൗത്യത്തിന് തങ്ങളുടെതായ  സംഭാവനകൾ നൽകിയ എല്ലാ ശാസ്ത്രജ്ഞരോടും, ഗവേഷകരോടും, ആരോഗ്യ പ്രവർത്തകരോടും ഞാൻ നന്ദി പറയുകയാണ്. ഒപ്പം രാജ്യത്തെ ഓരോ പൗരന്റെയും  ആരോഗ്യം, സുരക്ഷ എന്നിവയ്ക്കായി വച്ചു പുലർത്തുന്ന  പ്രതിജ്ഞാബദ്ധതയ്ക്ക് ശ്രീ. നരേന്ദ്രമോദിയെ അഭിനന്ദിക്കുകയും ചെയ്യുന്നു "എന്നും  അദ്ദേഹം അഭിപ്രായപ്പെട്ടു