প্রধানমন্ত্রীগী লোইশঙ
পি.এম.না কুশিনগরদা রাজকিয়া মেদিকেল কোলেজকী উরেপ উয়ুং তমখ্রে
কুশিনগরদা চাউখৎ থৌরাংগী প্রোজেক্ত কয়া অমসু শঙ্গাখ্রে অমসুং উরেপ উয়ুংসু তমখ্রে
“তঙাইফদবা খুদোংচাবশিং মরাং কায়না ফংলবা মতম খক্তদা, মংলান চাউনা থম্বগী থৌনা অমসুং মংলানশিং অদুবু ফংনবগী ইথিল পোক্লক্কনি”
“উত্তর প্রদেশ দিকেত ৬-৭তা নমশিনবা ওইথোক্লোই। লমদম অসি নিংশিংবা ঙমদ্রবা পুৱারী লৈবা, নিংশিংবা ঙমদ্রবা থৌদাং কয়া লৌখিবা মফম অমনি”
“ ‘দবল ইঞ্জিন’ সরকারনা ফিভম অসি দবল স্ত্রেংগা লোয়ননা ফগৎলক্লি”
“স্বামিত্বা স্কীম্না উত্তর প্রদেশকী খুঙ্গংগী মফমশিংদা নুঙাই-য়াইফবগী অনৌবা থোঙ হাংদোক্কদৌরি”
“পি.এম. কিসান সম্মান নিধিদগী য়ু.পি.গী লৌমীশিংগী বেঙ্ক একাউন্তশিংদা লুপা কোতি ৩৭,০০০ হেন্না হাচিনখি”
Posted On:
20 OCT 2021 2:35PM by PIB Imphal
প্রধান মন্ত্রী, শ্রী নরেন্দ্র মোদীনা কুশিনগরদা রাজকিয়া মেদিকেল কোলেজকী উরেপ উয়ুং তমখ্রে। মহাক্না কুশিনগরদা চাউখৎ থৌরাংগী প্রোজেক্ত কয়া অমসু শঙ্গাখ্রে অমসুং উরেপ উয়ুংসু তমখ্রে।
মীতিন অসিদা ৱা ঙাংলদুনা, প্রধান মন্ত্রীনা হায়খি মদুদি কুশিনগরদা লৈরিবা মেদিকেল কোলেজ অসিনা দোক্তর অমা ওইবা পামজবা অমদি মেদিকেল ইনফ্রাস্ত্রকচর অফবা থম্বা পামজবা লোকেলগী আসা তৌজবশিংগী নিংবা থুংলগনি। মহাক্না পুথোকখি মদুদি নেস্নেল এজুকেসন পোলিসীগী মখাদা, তেক্নিকেল এজুকেসনশিং মশাগী লোলদা তম্বা ফংবা অসি ওইথোরক্লি। হায়রিবা অসিনা কুশিনগর লোকেলগী নহারোলশিংদা মখোয়গী মংলান মংফাওনবা ঙমহল্লি, হায়না প্রধান মন্ত্রীনা হায়খি। শ্রী মোদীনা মরুওইবা পীখি মদুদি তঙাইফদবা খুদোংচাবশিং মরাং কাইনা ফংলবা মতম খক্তদা, মংলান চাউনা থম্বগী থৌনা অমসুং মংলানশিং অদুবু ফংনবগী ইথিল পোক্লক্কনি। স্লমদা লৈরম্বা য়ুম লৈজদবশিংনা পক্কা য়ুম অমা ফংলবদা, য়ুমদা তোইলেত লৈরবদা, ইলেক্ত্রিসিতী শম্লবা, গ্যাস শম্লবা, তোতি ঈশিং লাক্লবদা, লায়রবশিংগী থাজবা হেন্না হেল্লক্লি। প্রধান মন্ত্রীনা মরু ওইবা পীখি মদুদি রাজ্য অসিদা ‘দবল ইঞ্জিন’ সরকারনা ফিভম অসি দবল স্ত্রেংগা লোয়ননা ফগৎলক্লি। মহাক্না নিন্দা তৌরম্মী মদুদি মমাংদা লৈরম্বা সরকারনা লায়রবগী লেমজবা অমসুং চাউখৎনবা করি অমত্তা খনবিদে অমসুং দাইনাস্তী পোলিতিক্সকী শাথিরবা লায়নানা লায়রবশিংগী মথক্তা লায়রবশিংগীদমক পায়খৎপা য়াবা খোঙথাং কয়া অমা পন্দুনা লৈখি।
প্রধান মন্ত্রী নিংশিংখি মদুদি রাম মনোহর লোহিয়ানা হায়বিরম্মী মদুদি – কর্মা অসি মীনুংশিগা লোয়ননা চৎকদবনি, মপুং ফাবা মীনুংশিগা লোয়ননা চৎলু। অদুবু মমাংগী পাল্লম্বা সরকারনা লায়রবগী চৈনাবু করিসু খনবিদে, মমাংগী সরকারনা মখোয়গী কর্মা অসি স্কাম অমসুং ক্রাইমগা লোয়ননা চৎলি।
প্রধান মন্ত্রীনা হায়খি মদুদি কেন্দ্র সরকারনা স্বামিত্বা স্কীম হৌদোকখিবা অসিনা তুংদা উত্তর প্রদেশকী মফমশিংদা নুঙাই য়াইফবগী অনৌবা থোঙ হাংদোক্লগনি। পি.এম. স্বামিত্বা য়োজনাগী মখাদা, খুঙ্গংগী য়ুমশিংগী মশাগী ওইজবা চে-চাং পীবা হায়বদি য়ুম অমগী মপু ওইবগী থবক হৌখ্রে। প্রধান মন্ত্রীনা অসি অমসু হায়খি মদুদি তোইলেত অমসুং উজ্বালা স্কীম অসিনা ইচল ইচাশিংদা শাফবা অমসুং লেমজনিঙাই ওইবা ফাওহল্লি। পি.এম. অৱাজ য়োজনাদা, অয়াম্বা য়ুমশিং নুপীগী মমিংদা লৈরি।
উত্তর প্রদেশতা মমাংদা লৈরম্বা লো অমসুং ওর্দরগী ফিভম পল্লদুনা, প্রধান মন্ত্রীনা হায়খি ২০১৭গী মমাংদা লৈরম্বা সরকারগী পোলিসীনা মাফিয়াশিংদা ফোংনা লুত তৌনা মখুৎতা শিন্নৈ। ঙসিদি, য়োগি জীগী লুচিং মখাদা মাফিয়াশিংনা লাল্লে হায়না হায়জরক্লি অমসুং য়োগি জী সরকারগী মখাদা মাফিয়াশিং খ্বায়দগী অৱাবা তারি, হায়না প্রধান মন্ত্রীনা হায়খি।
প্রধান মন্ত্রীনা পনখি মদুদি উত্তর প্রদেশ অসি লৈবাক অসিদা প্রধান মন্ত্রী খ্বায়দগী মশিং য়াম্না রাজ্য ওইরি। মসি উত্তর প্রদেশকী অখন্নবা অমনি, অদুম ওইনমক, “উত্তর প্রদেশকী মশক-মতৌ অসি মসিনা লোইবা নত্তে। উত্তর প্রদেশ দিকেত ৬-৭তা নমশিনবা ওইথোক্লোই। লমদম অসি নিংশিংবা ঙমদ্রবা পুৱারী লৈবা, নিংশিংবা ঙমদ্রবা থৌদাং কয়া লৌখিবা মফম অমনি। লোর্দ রামা মফম অসিদা শাফোংখি; লোর্দ শ্রী কৃষ্ণসু মফম অসিদা শাফোংখি। জেন তির্থনকরা ২৪গী মনুংদা ১৮ অমদি উত্তর প্রদেশতা উবা ফংলি। মহাক্না মখা তাখি মদুদি মেদিবেল মতমদা, ইপোচ শেম্বা তুলশিদাস অমসুং কবির্দাস মফম অসিগী লৈহাওদা পোকখিবনি। রাজ্য অসি লেমজনিঙাই ওইরবা সমাজবু শেমদোকপা সেন্ত রবিদাস পোকখি, হায়না প্রধান মন্ত্রীনা হায়খি।
প্রধান মন্ত্রীনা হায়খি উত্তরা প্রদেশ অসি লাইনিংবা কয়াগী খোঙদাফম অমসুং পোৎলম খুদিংদা ইনর্জী লৈবা মফম্নি। বেদাস অমসুং পুরানাসকী লাইরিক ইবগী থবকশিং নাইমিশারান্যা মফম অসিদা পাংথোকখি। মফম অসিমক্কী অৱাধ মফমদা, মফম অসিদা অয়োধ্যাগী লাইনিং মফম লৈরি, হায়না মোদীনা হায়খি।
প্রধান মন্ত্রীনা হায়খি ঐখোয়গী মঙাল থোক্না লৈরিবা সিখ গুরু চৎনবীসু উত্তর প্রদেশকা য়াম্না নক্নবা মরী লৈরি। আগ্রাদা লৈরিবা ‘গুরু কা তাল’ অসিসু গুরু তেগহ বহাদুর জীবু মহাক্না ঔরগজেব লান্থেংনখিবদা লৈখিবা মহাক্কী মথৌগীদমক ঙসিসু নিংশিংদুনা লৈরি।
প্রধান মন্ত্রীনা হায়খি দবল স্কীম সরকারনা লৌমীদগী পোত্থোক লৈবদা অনৌবা রেকোর্দ থম্লি। হৌজিক ফাওবদা পোত্থোকশিং লৈবদা য়ু.পি.গী লৌমীশিংগী বেঙ্ক একাউন্তদা চাওরাক্না লুপা কোতি ৮০,০০০ রোম য়ৌখ্রে। পি.এম. কিসান সম্মান নিধিদগী য়ু.পি.গী লৌমীশিংগী বেঙ্ক একাউন্তশিংদা লুপা কোতি ৩৭,০০০ হেন্না হাচিনখি, হায়না প্রধান মন্ত্রীনা হায়খি।
***
(Release ID: 1765326)
Visitor Counter : 155
Read this release in:
English
,
Urdu
,
Marathi
,
Hindi
,
Assamese
,
Bengali
,
Punjabi
,
Gujarati
,
Odia
,
Tamil
,
Telugu
,
Kannada
,
Malayalam