ভেক্সিন দোজ ৮,৩৬,১১৮ কাপখিবগা লোইননা হৌখিবা পুং ২৪দা ভারতকী কোবিদ-১৯গী ভেক্সিনেসন কভরেজ অসি ঙসি অয়ুক পুং ৭ ফাওবগী প্রোভিজনেল রিপোর্তকী মতুং ইন্না করোর ৯৭.২৩ (৯৭,২৩,৭৭,০৪৫) গী পন্দুপ হেনবা ঙমখ্রে। মসি সেসন ৯৬,০৫,৪৮২গী খুত্থাংদা কাপখি। 

ঙসি অয়ুক পুং ৭ ফাওবগী প্রোভিজনেল রিপোর্তকী মতুং ইন্না অপুনবা মশিং অসি খাইদোকপদা অশুম্না লৈরি:

হৌখিবা পুং ২৪ অসিদা মীওই ১৭,৮৬১ নাবা ফগৎখিবা অসিনা নাবা ফগৎখিবা মীওইশিংগী অপুনবা মশিং অসি ৩,৩৩,৯৯,৯৬১ হেনগৎহনখি (লাইচৎ হৌবদগী হৌদুনা)।

মসিনা মরম ওইরগা ভারতকী ফগৎলকপগী চাং অসি ৯৮.০৮%দা লৈরি‍।‍ নাবা ফগৎলকপগী চাং অসি মার্চ ২০২০দগী য়েংলকপদা হৌজিক্কী ওইনা খ্বাইদগী ৱাংবা ওইরি।

কেন্দ্র অমদি রাজ্য/য়ু.তি. সরকারশিংগী লেপ্পা নাইদনা অমদি পুন্না হোৎনমিন্নবনা থংন-থংননা হৌখিবা নুমিৎ ১১১নি অসিদা নোংমগী ওইবা অনৌবা রিপোর্ত তৌরকপা কেস মশিং অসি ৫০,০০০দগী তাদুনা লাক্লি।

হৌখিবা পুং ২৪দা অনৌবা কেস ১৫,৯৮১ রিপোর্ত তৌরকখি। হৌজিক নৌনা রিপোর্ত তৌরকপা অনৌবা কেসশিং অসি হৌখিবা নুমিৎ ৮নি অসিদা ২০,০০০ দদগী তারি। 

হৌজিক্কী ওইনা এক্তিব কেসলোদ ২,০১,৬৩২,দা লৈরি মসি নুমিৎ ২১৮দা খ্বাইদগী তাবা ওইরি। এক্তিব কেস মশিং অসি লৈবাকসিগী অপুনবা পোজিতিব কেসকী মশিংগী ০.৫৯% ওইরি‍।

লৈবাক শিনবা থুংনা তেস্তিং কেপাসিতী চাওনা হেনগৎহনখি। হৌখিবা পুং ২৪ অসিদা লৈবাক অসিদা পুন্না তেস্ত মশিং ৯,২৩,০০৩ তৌখি‍। হৌজিক ফাওবদা ভারতনা পুন্না তেস্ত মশিং করোর nearly৫৯ (৫৮,৯৮,৩৫,২৫৮) গী ময়াদা তৌখ্রে‍।

নাকল অমরোমদা লৈবাক শিনবা থুংনা তেস্তিং কেপাসিতী হেনগৎহনখিবগা লোইননা চয়োলগী ওইবা পোজিতিবিতী রেত ১.৪৪%দা লৈদুনা হৌখিবা নুমিৎ ১১৩নি অসিদা ৩%দগী তানা লৈরি। নোংমগী ওইবা পোজিতিবিতী রেত অসি ১.৭৩%দা লৈরি। হৌজিক্কী ওইনা নোংমগী ওইনা পোজিতিবিতী রেত অসি হৌখিবা নুমিৎ ৪৭নিদা ৩%দগী তানা অমসুং থংন-থংননা নুমিৎ ১৩০নি অসিদা অসি ৫%গী মখাদা লৈরি‍।

****