হকশেল অমসুং য়াইফ-য়ুম্বাল মন্ত্রালয়গী রাজ্য মন্ত্রী দা. ভার্তী প্রবিন পৱারনা ঙসি আজাদী কা অমৃত মহোতসবকী মখাদা ঐচ.আই.ভি./এদস অমসুং তি.বি.দা এৱ্যেরনেস কেম্পেনশিংগী ফেজ II হৌদোকখ্রে। মহাক্না লৈবাক অসিগী মহৈ কয়াগসু ভর্চ্যুএল ওইনা ৱারী-ৱাতাই শান্নখি অমসুং ভারতনা নিংখা-তম্বগী চহি ৭৫ শুবগী পালন তৌবগা লোয়ননা লৈবাক অসি শেমগৎপদা মখোয়না শরুক য়ানবা পুক্নিং থৌগৎখি।

কেম্পেন অসি হৌদোকপদা মহাক্না হরাউবা ফোঙদোক্লদুনা মহাক্না হায় “ন্যু ইন্দিয়া@৭৫না মহৈরোয়শিং, ইনখৎলক্লিবশিং, নহাশিং অমসুং অতোপ্পা স্তেকহল্দরশিংনা লৈবাক অসিগী ইন্তরেস্ততা পুন্না থবক পাইখৎমিন্ননবা রাজ্যশিংগী প্লেৎফোর্ম অমা পীরি। ফেজ I হৌদোকখিবগী তুং ওইননা ঐচ.আই.ভি./এদস, তি.বি.গী এৱ্যেরনেস পীনবা চয়োল কয়া চংনা, লাই য়েকপা, খুদক্কী ওইবা দিবেত অমসুং মাস্ক শেম্বনা চিংবা থবক থৌরমশিং পাংথোকখিবা অমসুং রাজ্য খুদিংমক্কী স্কুল ২৫ অমসুং কোলেজ ২৫দা ব্লদ দোনেসন পাংথোকখিবা অসিদা ঐহাক্না নুংঙাইবা ফাওই।”

ওগস্ত ১২দা পাংথোকপা ইন্তরনেস্নেল য়ুথ দে থৌরমদা ঐচ.আই.ভি., তি.বি. অমসুং ব্লদ দোনেসন তৌনবা পুক্নিং থৌগৎপগী এৱ্যেরনেস কেম্পেনশিংগী ফেজ I মায় পাক্না হৌদোকখিবদা দা. ভার্তী প্রবিন পৱারনা নেস্নেল এদস কন্ত্রোল ওর্গনাইজেসন (নাকো)বু থাগৎপা ফোঙদোকখ্রে। কোবিদ-১৯ লাইচৎকী মনুংদা লৈবাক শিনবা থুংবদা লৈরিবা নহা কয়ামরুমদা য়ৌশিনবা ঙমখিবা নাকোগী থবক থৌরমশিংবুসু মহাক্না থাগৎপা ফোঙদোকখি।   ফেজ-Iগী মখাদা পাংথোকখিবা এৱ্যেরনেস কয়ামরুম উৎনবা নাকোনা শেমগৎপা ই-বুকলেৎ অমসু থৌরম অসিদা ফোঙখি। মসিগী বুকলেৎ অসিনা লাক্কদবা থবক থৌরমশিংদা লৈবাক পুম্বদা লৈরিবা অহেনবা মহৈরোয়শিং কন্নেক্ত তৌনবা গাইদ অমা ওইনা মথৌ তৌগনি। 

লৈবাক পুম্বদা লৈরিবা মহৈরোয়শিংগা ভর্চ্যুএল ওইনা ৱারী ৱাতাই শারদুনা মহাক্না হায় “সবকা সাথ, সবকা বিকাস, সবকা বিস্বাস অমসুং সবকা প্রেয়াস” অসি ঐখোয়গী লৈবাক অসিবু শক্তি লৈবা লৈবাক অমা ওইহনবদা য়াম্না মরুওই হায়না চেৎনা থাজবা থম্মি। অদোমগী কন্ত্রিব্যুসন অদু ঐখোয়গী ইচং থৌরবা প্রধান মন্ত্রী শ্রী নরেন্দ্র মোদীজীনা মংজবা মীপান তাংদবা ভারত অত্মানির্ভর ভারতকী খ্বাইদগী মরুওইবনি। ঐখোয়গী ইকাই খুম্নরবা প্রধান মন্ত্রীনা চুম্না হায়বীখি মদুদি “লৈবাক অসিগী মফম কয়াদগী নহাশিংনা শান্ন-খোৎনবা, রোবোতিক্স, মেচিন-লর্নিংনচিংবা লম কয়াদা লৈবাক অসিগী মীংচৎ পুরক্লি অমসুং মালেম পুম্বদা থাদোকপা ঙমগদবা পোত্থোক কয়ামরুমদসু থবক পাইখৎলি”।

নহাশিংবু সোসিএল দিবেলপমেন্ত ইসুশিংদা পার্তনর অমসুং লুচিংবশিং ওইনা মপুং ফানা শিজিন্নরবা মতুংদা হকশেলগী পান্দমশিং অসি ফংগনি হায়বা মহাক্কী অচেৎপা থাজবা অদু ফোঙদোক্লদুনা মহাক্না হায় “নহাশিংবু কম্ম্যুনিতী ভোলুন্তিয়র্স ওইনা শিজিন্নবা অসিনা ঐচ.আই.ভি./এদস, ত্যুবরক্যুলোসিস, ব্লদ দোনেসন, স্তিগমা অমসুং হন্থনা য়েংবগী মতাংদা এৱ্যেরনেস পীবদা মতম কুইনা চৎকনি”। লাইফ এক্সপেক্তেন্সী, ইনফেন্ত মোর্তেলিতী রেত (আই.এম.আর.), মেতর্নেল মোর্তেলিতী রেত (এম.এম.আর.)নচিংবা হকশেলগী ইন্দিকেতর খুদিংমক্তা ভারতনা অঙকপা ফংনা ফগৎলক্লিবা অদু পল্লদুনা মহাক্না হায় নেস্নেল এদস কন্ত্রোল প্রোগ্রাম অমসুং নেস্নেল তি.বি. ইলিমিনেসন প্রোগ্রামগুম্বা নেস্নেল প্রোগ্রামশিংনা ভারতকী হকশেলগী ইন্দিকেতরশিং ফগৎহনবদা য়াম্না মরুওইবা থৌদাং অমা লৌখি।       

হেল্থ সেক্রেতরী শ্রী রাজেশ ভুশন, এদিস্নেল দিরেক্তর কুমারী আর্তী অহুজা, এদিস্নেল সেক্রেতরী এম.ও.ঐচ.এফদবল্যু. অমসুং দিরেক্তর জেনরেল, নাকো, শ্রী আলোক সক্সেনা,  দিরেক্তর নাকো, কুমারী নিধী কেসর্ৱানী, দিপুতী দিরেক্তর জেনরেল নাকো দা. অনুপ কুমার পুরি অমসুং মন্ত্রালয়গী অতোপ্পা মকোকথোংবা ওফিসিএলশিংনা থৌরম অদুদা শরুক য়াখি।     

থৌরম অদুগী মনুংদা উৎখিবা ফিল্ম অদুগী লিঙ্ক:

“য়ুথ আর চেম্পিয়ন্স ওফ চেঞ্জ”: https://www.youtube.com/watch?v=MUWe7wj7ufE

*****