অয়ুস্মান ভারত প্রধান মন্ত্রী জন আরোগ্য য়োজনা (এ.বি. পি.এম.-জে.এ.ৱাই.) চলাইনবগী মকোক থোংবা বোদী ওইরিবা নেসনেল হেল্থ ওথোরিতী (এন.ঐচ.এ.)না স্কিম অসিগী মখাদা পীরিবা হেল্থ বিনিফিত পেকেজ (ঐচ.বি.পি.) মাস্তর শেমদোকখ্রে‍। হেল্থ বিনিফিত পেকেজ (ঐচ.বি.পি. ২.২)গী শেমদোক্লবা ভর্জন অসিদা পি.এম.-জে.এ.ৱাই.গী মখাদা লৈরম্বা হেল্থ পেকেজ খরগী মমল চাদা ২০দগী ৪০০ ফাওবগী চাংদা হেনগৎলে‍। প্রোসিজর ৪০০রোমগী মমল শেমদোক্লে অমদি ব্লেক ফঙ্গসকা মরী লৈনবা অহেনবা মেদিকেল মেনেজমেন্ত পেকেজ অমা নৌনা হাপচিল্লে‍। ঐচ.বি.পি. ২.২ অসি নবেম্বর, ২০২১দগী হৌনা চৎনরবা য়াই‍।

হকশেল অমসুং য়াইফ য়ুম্বালগী কেন্দ্র মন্ত্রী শ্রী মনসুখ মন্দাবিয়ানা নুংঙাইবা ফোঙদোক্লদুনা হায়খিবদা, “হেল্থ বিনিফিত পেকেজ (ঐচ.বি.পি. ২.২) শেমদোক্লবা ভর্জন অসিনা ইমপেনেল হোস্পিতালশিংবু অয়ুস্মান ভারত পি.এম.-জে.এ.ৱাই.গী মখাদা বিনিফিসিয়রীশিংদা হেন্না ফবা হকশেলগী সর্ভিস পীবা ঙমহল্লগনি‍। ওনকোলোজীগী শেমদোক্লবা পেকেজ অসিনা লৈবাকসিগী বিনিফিসিয়রীশিংগী কেন্সর লায়েং ফগৎহল্লগনি‍। ব্লেক ফঙ্গসকা মরী লৈনবা অনৌবা পেকেজ হাপচিল্লক্লিবসিনা বিনিফিসিয়রীশিংদা চাউনা কান্নবা পীরগনি‍। ঐচ.বি.পি. রেসনেলাইজ তৌবসিনা লনাই লায়েংশঙশিংদা স্কিম অসি চৎনবা হেনগৎহন্দুনা বিনিফিসিয়রীশিংগী ফুরিৎখাউদগী শেল চৎপা হন্থহল্লগনি‍।”

নেসনেল হেল্থ ওথোরিতী (এন.ঐচ.এ.)গী সি.ই.ও. দোক্তর আর.এস. শর্মনা হেল্থ বিনিফিত পেকেজ মাস্তর রেসনেলাইজ তৌননবগীদমক এন.ঐচ.এ.না স্তেকহোল্দরশিংদগী ফংবা ফীদবেকশিংদা লেপ্পা লৈতনা থবক পায়খৎলি হায়বা ৱাফম থমখি‍। এ.বি. পি.এম.-জে.এ.ৱাই. হৌদোরকপদগী হৌরগা লায়না কয়া কোনশিন্নবা অনৌবা পেকেজশিং হাপচিন্দুনা লাক্লি অমদি পেকেজশিংগী মমল হেন্না ফবা হকশেলগী সর্ভিস ফংহন্নবগীদমক শেমদোক্তুনা লাক্লি‍। হায়রিবা অহোংবশিং অসি স্কিম অসি মওং চুম্না চৎনহন্নবগীদমক মথৌ তারকপনি অমদি পোর্তেবিলিতীদা শিংনবা লৈহন্দনবা ত্রাঞ্জেক্সন মেনেজমেন্ত সিস্তেম (তি.এম.এস.)তা শেমগনি‍। হান্নগী ঐচ.বি.পি. ভর্জন চৎনরিবা স্তেত হেল্থ এজেন্সীশিংনা (এস.ঐচ.এ.) ঐচ.বি.পি. ২.২গী খ্বাইদগী নৌবা ভর্জন অসি লৌদুনা চৎনহনবা য়ারগনি‍। এন.ঐচ.এ.না স্তেকহোল্দরশিং, মমীং লৈবা মেদিকেল ইন্সতিত্যুৎশিংদগী মমীং লৈরবা প্রোফেসরশিংগা লেপ্পা নাইদনা তাথোক তাশিন তৌরি‍।

মখাদা পীরিবা কাঙলুপশিংসিদা এন.ঐচ.এ.না মমল শেমদোক্লে:

১.     রেদিএসন ওনকোলোজী প্রোসিজর,

২.    দেঙ্গী, এক্যুত ফিব্রাইল ইলনেসনচিংবশিংগী মেদিকেল মেনেজমেন্ত প্রোসিজরশিং,

৩.    ব্লেক ফঙ্গসকী সর্জিকেল পেকেজ ত্রীতমেন্ত,

৪.    রাইত/লেফ্ত হর্ত কেথেতরাইজেসন, পি.দি.এ. ক্লোজর, অর্থ্রোদেসিস, কোলেসিস্তেক্তোমী, এপেন্দিসেক্তোমীনচিংবা অতৈ প্রোসিজরশিং‍।

মেদিকেল মেনেজমেন্ত প্রোসিজরগী মখাদা, ভেন্তিলেতর য়াওবা আই.সি.য়ু.গী মমল চাদা ১০০, ভেন্তিলেতর য়াওদবা আই.সি.য়ু.গী মমল চাদা ১৩৬, ঐচ.দি.য়ু.গী মমল চাদা ২২ অমদি রুতিম ৱার্দকী মমল চাদা ১৭ হেনগৎহল্লে‍।

হৌজিক অয়ুস্মান ভারত পি.এম.-জে.এ.ৱাই.গী মখাদা লায়েং থৌওং ১৬৬৯ লৈ, মসিগী মনুংদা ১০৮০না সর্জিকেলনি, ৫৮৮না মেদিকেলনি অমদি অমনা অকক্নবা লৈতবা পেকেজনি‍। প্রধান মন্ত্রী শ্রী নরেন্দ্র মোদীগী মীৎয়েং মখাদা অয়ুস্মান ভারত পি.এম.-জে.এ.ৱাই.না য়ুনিভর্সেল হেল্থ কভরেজগী পান্দম ফংননবা অমদি খ্বাইদগী মনুং হঞ্জিনবা মফমদা লৈরিবা মীওইশিংদসু শেল তিংদবা অমদি পুবা থাংবা ঙমবা হকশেলগী সর্ভিস ফংহন্নবা পান্দম থম্লি‍।

পুন্না পেকেজ ১,৩৯৩ য়াওবা ঐচ.বি.পি. ১.০গা লোয়ননা অয়ুস্মান ভারত পি.এম.-জে.এ.ৱাই ২০১৮দা হৌদোকখি‍। স্কিম অসিনা সোসিও-ইকনমিক কাস্ত সেন্সস (এস.ই.সি.সি.)-২০১১ দেতাবেজকী মতুং ইন্না লায়রবা অমদি অৱাবা নংলবা ইমুং করোর ১০.৭৪দা (বিনিফিসিয়রী করোর ৫৩গী মথক্তা) ইমুং অমদা চহিদা লুপা লাখ ৫ ফাওবগী শেল চঙদবা অমদি কেসলেস হকশেলগী সর্ভিস ফংহন্নবা পান্দম থম্লি‍।

স্কিম অসি হৌদোরকপদগী হৌরগা ইলিজিবল ওইবা এ.বি. পি.এম.-জে.এ.ৱাই. বিনিফিসিয়রী করোর ২.২ হেনবদা ইমপেনেল হেল্থ কেয়র প্রোভাইদর (ই.ঐচ.সি.পি.) ২৪,০০০গী চাউরবা নেতৱর্ক অমগী খুত্থাঙদা লায়না অমদি মেদিকেল কন্দিসনশিংগী সেকেন্দরী, তর্সরী অমসুং দে কেয়র প্রোসিজরশিংগী হেল্থ কভরেজ ফংহনখ্রে‍। হেল্থ বিনিফিত পেকেজ (ঐচ.বি.পি.) অসি এ.বি. পি.এম.-জে.এ.ৱাই. স্কিমগী য়াংলেন শরুনি‍। মসিনা পীরিবা হেল্থকেয়র সর্ভিসকী স্কোপ তাকপদা নত্তনা বিনিফিসিয়রশিংদা ফাইনেন্সিএল রিস্ক প্রোতেক্সনগী চাংসু লেপ্পি‍। অসুম্না ঐচ.বি.পি. অসি য়াম্না নাগনবা লায়না অমদি ফুরিৎখাউদগী শেল য়াম্না চৎকনবা লায়নাশিং কোনশিন্নবা শেমবনি‍।

****