প্রধানমন্ত্রীগী লোইশঙ

পি.এম. মোদীনা জল জীবন মিসন্দা গ্রাম পঞ্চায়তশিং অমসুং পানী সমিতিশিংগা উনখ্রে


পি.এম.না জল জীবন মিসন এপ অমসুং রাস্ত্রিয়া জল জীবন কোশ হৌদোকখ্রে

“জল জীবন মিসন অসি দিসেন্ত্রেলাইজেসনগী চাওরবা খোঙজং অমনি। মসি খুঙ্গং-হৌদোকপা-নুপীশিং হৌদোকপা খোঙজং অমনি। মসিগী মরুওইবা য়ুম্ফমদি মীয়াম হৌদুনা খোঙজং চংবা অমসুং মীয়াম্না শরুক য়াবা অসিনি”

“হৌখিবা দিকেদ তরেৎতা তৌখিবদগী হেন্না চহি অনি অসিদা মীয়ামগীদমক্তা তোতিগী ঈশিং ফংনবা থবকশিং হেন্না তৌরি”

“গুজরাত কুম্বা রাজ্যদগী লাকপা ওইবনা, ঐহাক্না ঈকং থোকপগী মওংশিং উরে অমসুং ঈশিং মরিক অমগী মরুওইবা খঙই। মরম অদুনা, গুজরাতকী মুখ্য মন্ত্রী ওইনা ঈশিং ফংহনবা অমসুং ঈশিং য়োকপা অসি ঐহাক্কী খ্বায়দগী লুবা হান্না পায়খৎকদবা থবকশিংগী মনুংদা অমনি”

“ঙসিদি, লৈবাক অসিগী চাওরাক্না দিস্ত্রীক্ত ৮০গী খুঙ্গংশিং চাওরাক্না লাখ ১.২৫গী ইমুং খুদিংমক ঈশিং ফংলে”

“এস্পিরেসনেল দিস্ত্রীক্তশিংদা তোতি শম্বগী মশিং অসি লাখ ৩১দগী কোতি ১.১৬তা হেনগৎখি”

“য়ুম্থোং খুদিং অমসুং স্কুলদা তোইলেত, অহোংবা সেনিতরী পেদ, মীরোলঙৈদা চিঞ্জাক্কী মতেং অমসুং ইম্ম্যুনাইজেসনগী খোঙথাংনা মাত্রাশক্তিবু মপাঙ্গল কনখৎহল্লি”

Posted On: 02 OCT 2021 1:02PM by PIB Imphal

প্রধান মন্ত্রী শ্রী নরেন্দ্র মোদীনা ঙসি ভিদিও কনফরেন্সকী খুৎথাংদা জল জীবন মিসন্দা গ্রাম পঞ্চায়তশিং অমসুং পানী সমিতিশিং/ভিলেজ ৱাতর এন্দ সেনিতেসন কমিতী (ভি.দবল্যু.এস.সি.)গা উনখ্রে। মহাক্না মিসন অসিগী মখাদা সমকীমশিং অসিগী স্তেকহোল্দর মনুংদা এৱারনেস হেনগৎনবা অমসুং হেন্না ময়েক শেংনা অমসুং হেন্না থৌদাং লৌনবা  জল জীবন মিসন এপ হৌদোকখি। মহাক্না রাস্ত্রিয়া জল জীবন কোশসু হৌদোকখি,  হায়রিবা অসিদা মীওই অমনা হেক্তা, ইন্সতিত্যুসন, কোওপরেসন নত্ত্রগা ফিলানথ্রোপিস্তশিংনা, মসি ভারত মনুং নত্ত্রগা মপাল লমদগী অমনা, খুঙ্গংগী ইমুংশিং, স্কুল, আঙ্গনৱাদী সেন্তর, আশ্রম শানা অমসুং অতৈ মীয়ামগী ওইবা ইন্সতিত্যুসনশিংদা তোতি ঈশিং শম্বদা মতেং পাংবদা থৌদাং লৌবা য়াই। গ্রাম পঞ্চায়তশিং অমসুং পানী সমিতিশিং মেম্বরশিংগা লোয়ননা কেন্দ্রগী মন্ত্রী শ্রী গজেন্দ্র সিংহ শেখৱাত, শ্রী প্রহলাদ সিংহ পতেল, শ্রী বিশ্বেস্বর তুদু, রাজ্যগী মুখ্য মন্ত্রী অমসুং মন্ত্রীশিংসু শরুক য়াখি।

 সমিতিশিংগা উনরদুনা, প্রধান মন্ত্রীনা উত্তর প্রদেশতগী বন্দা দিস্ত্রীক্তকী উমারী খুঙ্গংদগী শ্রী গিরীজাকান্ত তিৱারীদা মহাক্কী খুঙ্গংদা জল জীবন মিসন্না করি কান্নবা পীবগে হায়না হংখি। শ্রী তিৱারীনা পাউদমখি মদুদি হৌজিক্তি অফবা অমসুং অরুবা ঈশিং ফংলে অমসুং খুঙ্গং অসিদা নুপীশিংগী পুন্সি মহিং য়াম্না ফগৎলে। প্রধান মন্ত্রীনা তিৱারীদা হংখি মদুদি খুঙ্গং অসিনা তোতি ঈশিং ফংগনি থাজখিবরা অমসুং হৌজিক্না করি ফাওবগে। শ্রী তিৱারীনা মিসন অসিগীদমক খুঙ্গং অসিনা পুন্না হোৎনখিবগী মরমদা ৱারী শাখি। শ্রী তিৱারীনা পাউদমখি মদুদি মহাক্কী খুঙ্গংদা ইমুং খুদিং তোইলেত লৈরে অমসুং মীপুম খুদিংনা মসি শিজিন্নরি। প্রধান মন্ত্রীনা বুন্দেলখন্দগী খুঞ্জাবু মখোয়না কৎথোকখিবা অদুগীদমক থাগৎপা ফোংদোকখি অমসুং হায়খি মদুদি পি.এম. আৱাজ, উজ্বালা অমসুং জল জীবন মিসনগুম্বা স্কীমগী মখাদা নুপীশিংনা শক্তি ফংলে অমসুং মখোয়না ইজৎ লৈনা হিংবা ফংলে।

প্রধান মন্ত্রীনা গুজরাতকী পিপ্লিদগী শ্রী রমেশভাই পতেলদা মহাক্কী খুঙ্গংগী লৈরিবা ঈশিংগী মরমদা হংখি। মহাক্না ঈশিং অদুবু চাং নাইনা য়েংশিনব্রা হায়না হংখি। শ্রী রমেশভাই পতেলনা পাউদমখি মদুদি ঈশিং য়াম্না ফৈ অমসুং খুঙ্গং অসিগী নুপীশিং য়েংশিন্নবা ত্রেনিং পীরে হায়না হায়খি। মীয়াম্না থক্নবা ঈশিংগীদমক পৈশা পীবরা হায়না প্রধান মন্ত্রীনা হংখি। শ্রী রমেশভাই পতেলদা হায়খি মদুদি খুঙ্গং অসিদা ঈশিংগী মগুন নিংথিনা খঙলে অমসুং মসিগীদমক পৈশা পীনিংবা ফাওনরে হায়না হায়খি। পি.এম. মোদীনা ঈশিং কন্নবা ঈশিং চাইনবা অমসুং দ্রিপ ইরিগেসন মতাংদসু হংখি। প্রধান মন্ত্রীনা স্বাচ্ছ ভারত মিসন ২.০গী মতাংদা পল্লদুনা হায়খি মদুদি মীয়াম্না লু-নানবা অসিদা য়াম্না চাউনা শৌগৎনরক্লি অমসুং জল জীবন মিসনসু চপ মান্ননা মায় পাক্নি হায়না মহাক্না আসা তৌখি।

প্রধান মন্ত্রীনা উত্তরাখন্দদগী শ্রীমতি কৌশলিয়া রাৱত্তা জল জীবন মিসনগী মমাং অমসুং মতুংদা ঈশিং ফংবগী মরমদা হংখি। মহাক্নসু পাউদমখি মদুদি জল জীবন মিসনগী মখাদা ঈশিং ফংবদগী লমকোইবশিংনা মখোয়গী খুঙ্গংদা লাকপা হৌরে অমসুং মফম অদুদা য়ারেকপা হৌরে হায়না পাউদমখি। শ্রীমতি রাৱতনা পাউদমখি মদুদি খুঙ্গং অসি মপুং ফানা ভেক্সিন কাপথোক্লে। প্রধান মন্ত্রীনা মহাকপু অমসুং খুঙ্গং অসিনা উমং য়োকখৎপা, তুরিজম ফগৎহনবা অমসুং হোমস্তে তৌবগীদমক থাগৎপা ফোংদোকখি।

প্রধান মন্ত্রীনা তামিল নাদুগী, ভেল্লরীগী, শ্রীমতি সুধাবু জল জীবন মিসন্না পীরিবা কান্নবগী মতাংদা হংখি। মিসন অসিগী মতুংদা য়ুমথোং খুদিংনা থক্ননবা ঈশিংগী পাইপ শম্লে। মহাক্না মালেমদা মমিং লৈরবা  আর্নি মুগা সারীগী মতাংদসু হংখি। পি.এম. মোদীনা মসিঅমসু হংখি মদুদি পাইপ ঈশিং শম্বা অসিনা মহাক্কী য়ুমগী থবকশিংদা মতম মাংহন্দবরা হায়না হংখি। শ্রীমতি সুধানা পাউদমখি মদুদি পাইপ ঈশিং শম্বা অসিনা মহাক্কী পুন্সি মহিং ফগৎহল্লে অমসুং অতৈ থবক কয়া অমগী মতম ফংলে। মহাক্কী খুঙ্গং অসিনা  চেক দাম, পুখ্রি, অসিনচিংবা শাগৎতুনা নোংগী ঈশিং য়োক্তুনা থম্বা অসিগী মতাংদা পাউদমখি।

মনিপুরদগী শ্রীমতি লৈথান্থেম সরোজিনী দেবীগা উনরদুনা, শ্রী মোদীদা পাউদমখি মদুদি মমাংদা য়াম্না থাপ্পা মফমদগী ঈশিং শোক্নরম্মী অমসুং য়াম্না শাংনা ক্যু লেপ্নৈ।  হৌজিক ফিভম অসি পাইপকী ঈশিং ফংবদগী ফগৎলে। মহাক্না অমুকসু পাউদমখি মদুদি ও.দি.এফ. মপুং ফানা ওইখিবা অমসুং খুঙ্গং খুদিং য়ৌখিবনা খুঙ্গংশিংদা মশা-মউ ফগৎনরে। মহাক্কী খুঙ্গংদা চাং নাইনা ঈশিং য়েংশিল্লি অমসুং নুপী মঙা অমা মসি তৌনবা ত্রেন তৌখ্রে। প্রধান মন্ত্রীনা হায়খি মদুদি সরকার অসিনা লেপ্পা লৈতনা মীয়মগী পুন্সিদা নুঙাইনবা হোৎনরি। অৱাং নোংপোক্কী লমদমদা অওনবা অমা পুরকপা অসিদা মহাক্না অপেনবা ফোংদোকখি।

মীয়াম পুনবা অসিদা ৱা ঙাংলদুনা, প্রধান মন্ত্রীনা হায়খি খুঙ্গংশিং অসি বাপু অমসুং বহাদুর শাস্ত্রী জীগী থৱায়গী শরুক অমনি। মসিগী নুমিৎ অসিদা মহাক্না নুঙাইবা ফোংদোকখি মদুদি, লৈবাক অসিগী মীওই লাখ কয়ানা ‘গ্রাম সভা’গী মওংদা ‘জল জীবন সম্বদ’ শিল্লি। জল জীবন মিসন অসি মীয়ামদা ঈশিং ফংহবা খক্তা নত্তে হায়না প্রধান মন্ত্রীনা হায়খি। মসি দিসেন্ত্রিলাইজেসনগী চাউরবা খোঙজং অমনি। “মসি খুঙ্গং হৌদোকপা-নুপীশিং হৌদোকপা খোঙজং অমনি। মসিগী মরুওইবা য়ুমফমদি মীয়াম পুন্না খোঙজং চংশিনবা অমসুং মীয়াম্না শরুক য়াবা অসিনি” হায়না মহাক্না হায়খি। প্রধান মন্ত্রীনা নিংশিখি মদুদি গান্ধীজীনা ‘গ্রাম স্বারাজ’ অসি মপুং ফানা ইশানা-ইশাবু থাজবা হায়না ৱাহন্থোক পীদুনা হায়বিরম্মী। শ্রী মোদীনা নিংশিংখি মদুদি মহাক্না গুজরাতকী মুখ্য মন্ত্রী ওইরিঙৈদা গ্রাম স্বারাজ মদুদি নির্মল গাউন ফোর ও.দি.এফ., লিরবা বাওরিজ হিংগৎহন্নবা জল মন্দির অভিয়ান, খুঙ্গংদা পুং ২৪ মৈ ঙান্নবা জ্যোতিগ্রাম, খুঙ্গংশিং পুনশিন্নবা তীর্থ গ্রাম, ব্রোদবেন্দগীদমক ই-গ্রাম। প্রধান মন্ত্রী অমা ওইনসু, মহাক্না হায়খি মদুদি মহাক্না স্কীমশিং অসিগী থৌরাংশিং অমসুং শিল-লাংবদা লোকেল কম্ম্যুনিতীশিংদা য়াওশিন্দুনা থবক তৌই। মহাক্না পাউদমখি মদুদি মসিগীদমক, অখন্ননা ঈশিং অমসুং লু-নান্নবা, গ্রাম পঞ্চায়ত্তা হকথেংননা লুপা কোতি লাখ ২.৫ হেন্না পীখি। মহাক্না মসি অমসু হায়খি, পাৱরগা লোয়ননা, পঞ্চায়তশিংগা থম্মোয় শেংনা থবক তৌমিন্নদুনা কুপ্না য়েংশিল্লি। জল জীবন মিসন অমসুং পানী সমিতী অসি গ্রাম স্বারাজদা কেন্দ্র সরকারনা থমখিবা ৱাফমশিং ঙাক্নবগী মরুওইবা খুদম অমনি, হায়না মহাক্না হায়খি। 

ঈশিংগী থংনরিবা অৱাবা অসিগী ৱাখল্লোন্দা, প্রধান মন্ত্রীনা মুভীশিং, ৱারী, শৈরেংশিং পুথোক্তনা মতৌ করম্না নুপী অমসুং অঙাংনা ঈশিং শোক্নবগীদমক মাইল কয়া চৎখিবগী মরমদা হায়খি। মীওই খরগী ৱাখলদা, খুঙ্গংগী মমিং পনবদা পিকচর অসি থোক্লকই। প্রধান মন্ত্রীনা হংখি মদুদি করিগীদমক মীওই খরা খক্তনা ৱাহং অসি হংলিবনো: করিগীদমক মীওই খরনা তুরেল অমসুং পুখ্রিদা চৎতুনা নুমিৎ খুদিংগী ঈশিং শোক্লিবনো, পুম্নমক্তুগী মতুংদা করিগীদমক মখোয়দা ঈশিং য়ৌদ্রিবনো? “ঐনা খল্লি মদুদি অশুক কুইরবা মতম অসিদা লৈবাক্কী পোলিসী পায়রিবা মখোয়না, হায়রিবা ৱাহং অসি মথন্তা হংজগদবনি” হায়না প্রধান মন্ত্রীনা হায়খি। প্রধান মন্ত্রীনা হায়খি মদুদি হান্নগী পোলিসী পায়বশিংনা মখোয়না ঈশিং মরাং কাইনা লৈবা মফমদগী লাকপা ওইবনা ঈশিংগী মরুওইবা খঙদবনি। শ্রী মোদীনা হায়খি, গুজরাত কুম্বা রাজ্যদগী লাকপা ওইবনা ঈকং থোকপগী ফভম অসি উবনি অমসুং ঈশিং মরিক অমগী মরুওইবা খঙবনি। মরম অসিনা গুজরাতকী মুখ্য মন্ত্রী অমা ওইনা মীয়ামদা ঈশিং ফংহনবা অমসুং ঈশিং য়োকপা অসি মহাক্কী অহানবা থবকশিংনি।

প্রধান মন্ত্রীনা হায়খি নিং-খা তম্বদগী ২০১৯ ফাওবা, ঐখোয়গী লৈবাক অসিদা ইমুং কোতি ৩ খক তোতি ঈশিং ফংখি। ২০১৯দা জল জীবন মিসন হৌদোকখিবদগী, ইমুং কোতি ৫ তোতি ঈশিং ফংখ্রে। ঙসিদি, লৈবাক অসিগী চাওরাক্না দিস্ত্রীক্ত ৮০গী খুঙ্গংশিং চাওরাক্না লাখ ১.২৫গী ইমুং খুদিংমক ঈশিং ফংলে। এস্পিরেসনেল দিস্ত্রীক্তশিংদা তোতি শম্বগী মশিং অসি লাখ ৩১দগী কোতি ১.১৬তা হেনগৎখি।

হৌখিবা দিকেদ তরেৎতা তৌখিবদগী হেন্না চহি অনি অসিদা মীয়ামগীদমক্তা তোতিগী ঈশিং ফংনবা থবকশিং হেন্না তৌরি হায়না মহাক্না পনখি। লৈবাক অসিগী ঈশিং মরাং কাইনা ফংবা মফমদা লৈবা নাগরীকশিংদা, ঈশিং কন্নবা মহাক্না কন্না হায়খি। অমসুং মখোয়দা হৈনবী হোংদোক্নবসু হায়খি।

প্রধান মন্ত্রীনা লৈবক অসিগী নুপীমচাশিংগী মশা মউ ফগৎনবা অমসুং তেক্ত-কাইদনবা খোঙথাং কয়া অমসু লৌখৎখি। মহাক্না পাউদমখি মদুদি য়ুম্থোং খুদিং অমসুং স্কুলদা তোইলেত, অহোংবা সেনিতরী পেদ, মীরোলঙৈদা চিঞ্জাক্কী মতেং অমসুং ইম্ম্যুনাইজেসনগী খোঙথাংনা মাত্রাশক্তিবু মপাঙ্গল কনখৎহল্লি। মহাক্না পাউদমখি মদুদি খুঙ্গংশিংদা য়ুম কোতি ২.৫ অয়াম্বনা নুপীগী মিংদা শাখি, উজ্বালানা নুপীশিংবু মৈখুনা থল্লবা পুন্সিদগী অৱাবা কোকহল্লি। নুপীশিংবু সেলফ হেলফকী খুৎথাংদা আত্মানির্ভর ভারতকা পুল্লি অমসুং মসিগী গ্রুপশিং অসি চহি তরেৎ অসিদা শরুক মরি থোক্না হেনগৎলক্লি। মহাক্না মসি অমসু পাউদমখি মদুদি ২০১৪দগী চহি মঙা ফাওবা চাংদম্নবদা নেস্নেল লাইবলিহুদ মিসনগী মখাদা নুপীদা মতেং পীব অসি হৌখিবা চহি তরেৎ অসিদা শরুক ১৩ থোকনা হেনগৎখি।

***



(Release ID: 1760396) Visitor Counter : 197


Read this release in: Assamese , English , Urdu , Marathi , Hindi , Bengali , Punjabi , Gujarati , Odia , Tamil , Telugu , Kannada , Malayalam