প্রধানমন্ত্রীগী লোইশঙ
অনৌবা পার্লিয়ামেন্ত বিল্দিংগী মফম অদুদা প্রধান মন্ত্রীনা ওন-সাইত ইন্সপেক্সন পাংথোকখ্রে অমদি হৌজিক হৌজিক শেমগৎ-শাগৎলিবা থবক অদু য়েংশিনখ্রে
মফম অদুদা থবক শুরিবা শিন্মী পুম্নমক কোবিদ ভেক্সিন কাপথোক্কদবনি অমদি হকচাংশিং থা খুদিংগী চাং নাইনা চেক অপশিং তৌগদবনি: প্রধান মন্ত্রী
অনৌবা পার্লিয়ামেন্ত বিল্দিং অসি শেম-শারকপদা শিন্মীশিংনা লৌখিবা থৌদাং অদু মশক খঙদোক্নবা দিজিতেল আর্কিব শেমগৎলগনি: প্রধান মন্ত্রী
Posted On:
27 SEP 2021 3:25PM by PIB Imphal
২০২১, সেপ্তেম্বর ২৬কী নুমিদাংৱাইরমদা প্রধান মন্ত্রী, শ্রী নরেন্দ্র মোদীনা অনৌবা পার্লিয়ামেন্ত বিল্দিংগী মফম অদুদা ওন-সাইত ইন্সপেক্সন পাংথোকখ্রে অমদি হৌজিক হৌজিক শেম-শাবগী থবক চত্থরিবা অদু য়েংশিনখি৷
EDEB.jpeg)
মফম অদুদা চত্থরিবা থবক অদুগী প্রোগ্রেস অদু প্রধান মন্ত্রীনা পুথোকখি, অমদি প্রোজেক্ত অদুদা অখন্নবা মীৎয়েং চংদুনা মতম চানা লোইশিন্নবা হায়খি৷ মফম অদুদা থবক শুরিবা শিন্মীশিংগা মহাক্কা উনদুনা ৱারি শানখি অমদি মখোয়গী নুংঙাই-য়াইফবা পুন্সিগী মতাংদসু হংখি৷ মখোয়না থমোই শেংনা অমসুং ইতিহাসিক ওইরবা মওংদা থবক তৌই হায়না মহাক্না ফোংদোকখি৷
UUD4.jpeg)
মফম অদুদা থবক শুরিবা শিন্মী পুম্নমক মপুং পানা কোবিদ ভেক্সিন কাপথোকহনগদবনি হায়না প্রধান মন্ত্রীনা খঙহনখি৷ শিন্মী পুম্নমক্কী হকচাংশিং থা খুদিংগী ওইনা চেক-অপশিং পাংথোক্ননবা মহাক্না মখাতানা ওফিসিয়েলশিংদা হায়খি৷ শেম-শাবগী থবক অসি মপুং ফারবা মতমদা, মফম অসিদা থবক শুরিবা শিন্মী পুম্নমক্কী ওইনা দিজিতেল আর্কিব অমা শেমগৎলগনি, মসিদা মখোয়গী মমিং, মখোয়গী লৈফম, মখোয়গী পিকচর য়াওনা মখোয়গী পর্সোনেলগী ওইবা অকুপ্পা মরোলশিং অসি উৎলগনি অমদি শেম-শাবগী থবক অসি পাইখৎখিবদা মখোয়না লৌখিবা থৌদাং অদু মশক খঙবিগদবনি হায়না মহাক্না ফোংদোকখি৷ মখাতানা, মসিদা শিন্মীশিংনা লৌখিবা থৌদাং অমসুং শরুক য়াখিবা অদুগী মতাংদা শিন্মী পুম্নমক্তা সর্তিফিকেৎ অমমমসু পীগদবনি৷
প্রধান মন্ত্রীনা খঙহৌদনা চৎখিবা অদু সেক্যুরিতী দিতেল খ্বাইদগী য়ামদনা পাংথোকখিবনি৷ মফম অদুদা মহাক্না পুং অমা হেন্না লৈরমখি৷
*****
(Release ID: 1758892)
Visitor Counter : 146
Read this release in:
Hindi
,
English
,
Urdu
,
Marathi
,
Assamese
,
Bengali
,
Punjabi
,
Gujarati
,
Odia
,
Tamil
,
Telugu
,
Kannada
,
Malayalam