প্রধানমন্ত্রীগী লোইশঙ

প্রধান মন্ত্রী শ্রী নরেন্দ্র মোদী অমসুং য়ু.এস.এ.গী উপ রাস্ত্রপতি কমলা হরিসকী মরক্তা মীফম

Posted On: 24 SEP 2021 3:12AM by PIB Imphal

২০২১গী সেপ্তেম্বর ২৩দা প্রধান মন্ত্রী শ্রী নরেন্দ্র মোদীনা মহাক্কী অমেরিকা খোঙচৎতা য়ুনাইতেদ স্তেতস ওফ অমেরিকাগী উপ রাস্ত্রপতি হর এক্সিলেন্সী কমলা হরিসকা ৱাশিংতন দি.সি.দা উনখি৷

মখোয়না অহানবা হকথেংননা উনদুনা ফমিন্নখিবা মীফম অদুদা হরাউ-তরাম্বা ফোংদোকখি৷ ২০২১গী জুন থাদা মাংজৌননা মখোয়না তেলিফোন্দা ৱারি শানখিবা অদু নিংশিংখি৷ অফগানিস্তানদা পাংথোক্লিবশিং যাওনা হন্দক্তা ইকুই কুইদ্রিঙৈদা পাংথোকখিবা গ্লোবেল দিবেলপমেন্তশিংগী মতাংদা ৱাখল্লোনশিং ফোংদোক্নখি অমদি ফ্রী, ওপন অমসুং ইনক্লুসিব ইন্দো-পেসিফিক রিজন অমা ওইহন্নবা মখোয়না কন্না হোৎনরি হায়না অমুক্কা হন্না ফোংদোকখি৷

এক্সপিদাইতেদ ভেক্সিনেসন ইফর্তশিংগী খুৎথাংদা লাইনা-লাইচৎ অসি লাকশিন্নবা হৌজিক হৌজিক পাইখৎলিবা থবক থৌরমশিং য়াওনা মশা মশাগী লৈবাকশিংদা লৈরিবা কোবিদ-১৯গী ফিভম অমসুং মরু ওইবা হিদাক লাংথকশিং, থেরাপেতিকশিং অমদি হেল্থকেয়র ইক্ব্যুইপমেন্তগী সপ্লাইগী মতাংদা লিদর অনিনা খন্ন-নৈনখি৷

ক্লাইমেত চেঞ্জতা কোলাবোরেতিব এক্সন দরকার ওই হায়বসি নাকল অনিমক্না য়ানখি৷ রিনিৱেবল ইনর্জী হেনগৎনবা ভারতনা হোৎনরিবা অসিগী মতাংদা অমদি হন্দক্তা ইকুই কুইদ্রিঙৈদা লোঞ্চ তৌখিবা নেস্নেল হাইদ্রোজেন মিসনগী মতাংদা প্রধান মন্ত্রীনা ঙাংখি৷ এনবাইরোনমেন্ত সস্তেনেবিলিতী প্রমোত তৌনবা হিংবগী পুন্সি মরেল হোংদোকপা তঙাই ফদবা লৈ হায়নসু মহাক্না ফোংদোকখি৷

স্পেস কোওপরেসন, ইনফোর্মেসন, মরু ওইনা নৌনা থোক্লিবা অমসুং মরু ওইবা তেক্নোলোজীশিং য়াওনা ফ্যুচর কোলাবোরেসনগী এরিয়াশিং অমদি হেল্থকেয়র সেক্তরদা কোওপরেসন পীননবা মখোয়না খন্ন-নৈনখি৷ ঐখোয়গী লৈবাক অনিগী মরক্তা মুচুএল্লী বেনিফিসিএল এজুকেসন লিঙ্কেজশিংগী বেদরোক অমদি নোলেজ, ইন্নোবেসন অমসুং তেলেন্ত ফ্লো লৈহন্নবা প্রজা মীয়ামগী মরক্তা বাইব্রেন্ত লিঙ্কেজশিং লৈহনবা দরকার ওই হায়বসি লিদর অনিমক্না য়ানখি৷

প্রধান মন্ত্রী মোদীনা উপ-রাস্ত্রপতি কমলা হরিস অমদি সেকেন্দ জেন্তলমেন্ত দোগ্লাস ইমহোফ অমুক্কা হন্না অথুবা মতমদা ভারত্তা লাকপিনবা হায়জখি৷

*****



(Release ID: 1757613) Visitor Counter : 37