হৌখিবা পুং ২৪দা ভেক্সিন দোজ করোর ২.৫ হেন্না কাপ্তুনা লৈবাকসিগী কোবিদ-১৯ ভেক্সিনেসন কভরেজকী অপুনবা মশিং করোর ৭৯ (৭৯,৪২,৮৭,৬৯৯)গী পন্দোল লানখ্রে‍।

ঙসি অয়ুক পুং ৭ ফাওবগী প্রোভিজনেল রিপোর্তকী মতুং ইন্না অপুনবা ভেক্সিনেসন অসি করোর ২.১৫নি, অদুগা স্তেতশিংনা রিপোর্ত তৌরকপা অপুনবা ভেক্সিনেসন মশিংনা করোর ২.৫নি‍। মসি সেসন ৭৮,৪৯,৭৩৮ পাঙথোক্তুনা ফংবা ঙমখিবনি‍। নোংমগী ভেক্সিনেসনগী তেলী অরোইবা রিপোর্তশিং তিনশিন্নরবা মতুংদা ঙসি কোন্না অপদেত তৌরক্কনি‍।

ঙসি অয়ুক পুং ৭ ফাওবগী প্রোভিজনেল রিপোর্তকী তুং ইন্না লৈখিবা অপুনবা মশিংগী ব্রেক-অপ:

অচৌবা মায় পাকপা অসিদা লৈবাক্কী মফমদা নুংঙাইবা ফোঙদোক্লদুনা প্রধান মন্ত্রী শ্রী নরেন্দ্র মোদীনা ত্বীত অমদা হায়খি:

“ভারত মচা খুদিংমক্না ঙসিগী রেকোর্দ ওইবা ভেক্সিনেসন মশিং অসিগীদমক চাউথোকচগনি”‍।

কেন্দ্রগী হকশেল মন্ত্রী মিস্তর মনসুখ মন্দাবিয়ানসু রেকোর্দ ওইবা মায় পাকবা অসিগীদমক লৈবাক মীয়ামদা নুংঙাইবা ফোঙদোকখ‍ি‍। মায় পাকপা অসিবু মহাক্না লৈবাকসিগী হকশেলগী থৌমীশিংগী মফমদা কত্থোকখি‍।

হৌখিবা পুং ২৪দা অনাবা মীওই ৩৩,৭৯৮ ফগৎলক্তুনা অপুনবা ফগৎলকখ্রবা মীশিং (লাইচৎ অসি হৌরকপদগী হৌরগা) ৩,২৬,৩২,২২২ য়ৌখ্রে‍।

মসিগী মতুং ইন্না, ভারতকী ফগৎলকপগী চাং ৯৭.৬৫%দা লৈরে‍।

কেন্দ্র অমদি স্তেত/য়ু.তি. লৈঙাকশিংগী লেপ্পা নাইদনা অমদি পুন্না হোৎনমিন্নবগী মহৈনা থংন-থংননা নুমিৎ ৮৩নিসিদা নোংমদা নৌনা থেংনবা কেস মশিং ৫০,০০০দগী তানা চৎলি‍।

হৌখিবা পুং ২৪দা নোংমগী ওইবা অনৌবা কেস ৩৫,৬৬২ থেংনখি‍।

হৌজিক এক্তিব কেসলোদ ৩,৪০,৬৩৯দা লৈরি‍। এক্তিব কেস মশিং অসি লৈবাকসিগী অপুনবা পোজিতিব কেস মশিংগী ১.০২% খক্তা ওইরি‍।

লৈবাক শিনবা থুংনা তেস্তিং কেপাসিতী মখা তানা হেনগৎলক্লি‍। হৌখিবা পুং ২৪সিদা পুন্না তেস্ত মশিং ১৪,৪৮,৮৩৩ তৌখি‍। হৌজিক ফাওবদা ভারতনা পুন্না তেস্ত মশিং করোর ৫৫.০৭ (৫৫,০৭,৮০,২৭৩) হেন্না তৌখ্রে‍।

নাকল অমরোমদা লৈবাক শিনবা থুংনা তেস্তিং কেপাসিতী হেনগৎহনখিবগা লোয়ননা চয়োলগী ওইবা পোজিতিবিতী রেত ২.০২%দা লৈদুনা হৌখিবা নুমিৎ ৮৫নিসিদা ৩%গী মখাদা লৈরি‍। নোংমগী ওইবা পোজিতিভিতী রেত ২.৪৬%তা লৈরি। নোংমগী ওইবা পোজিতিবিতী রেত হৌখিবা নুমিৎ ১৯নিদা ৩%গী মখাদা অদুগা হৌখিবা নুমিৎ ১০২সিদনা ৫%গী মখাদা লৈরি‍।

****