প্রোগ্রাম অসিদা শরুক য়ারিবা মীওইশিং অসি কেন্দ্রগী মন্ত্রী মন্দল মীফমদা শরুক য়ারিবা ঐগী সেনিয়র কলিগশিং শ্রী রাজনাথ সিংহ জি, হার্দীপ সিংহ পুরি জি, অজে ভাত, কৌশাল কিশোর জি, দিফেন্স স্তাফকী চীফ জেনেরেল বিপিন  রৱত, সর্ভিস অহুমগী চীফশিং, সেনিয়র ওফিসরশিং অমদি অতোপ্পা মশক নাইরবা মীওইশিং, চিং লেম্লবী নুপীশিং অমদি নুপাশিংনি৷

মনিং-মখা তম্লকপা চহি ৭৫ শুরকপদা, অনৌবা ভারতকী তঙাই ফদবা অৱাৎপশিং অমদি এস্পিরেসনশিংগী মতুং ইন্না লৈবাক অসিগী কোনুং চাওখৎহন্নবা ঐখোয়না য়াম্না মরু ওইবা খোঙথাং অমা লৌরি৷ মসিগী অনৌবা দিফেন্স ওফিস কমপ্লেক্স অসিনা ঐখোয়গী ফোর্সশিং অসি হেন্না ইফেক্তিব ওইনা অমদি হেন্না খুদোং চানা মথৌ তৌহনবদা মতেং পাংলগনি৷ মসিগী অনৌবা ফেসিলিতীশিং অসিগীদমক দিফেন্স সর্ভিসশিংদা লৈরিবা ঐগী কলিগ পুম্নমক  ঐনা থাগৎপা ফোংদোকচরি৷

মরুপশিং,

হৌজিক ফাওবদা দিফেন্সকা মরী লৈনবা থবক পুম্নমক অনিশুবা লাঞ্জাওগী মতমদা শারম্বা হতমেন্তশিংদগী পাংথোকখিবনি হায়বসি ঐখোয় পুম্নমক্না খঙই৷ মসিগী হতমেন্তশিং অসি মতম অদুদা শগোলগী লৈফমশিং অমদি লান্মী লৈফমশিং ওইনা শেমখিবনি৷ লৈবাক অসিনা মনিং-মখা তম্লবা চহি খুজিং কয়াগী মতুংদা, অসিগুম্বা হতমেন্তশিং অসি দিফেন্স, আর্মী, নেভী অমদি এয়র ফোর্স মন্ত্রালয়গী ওফিসশিং ওইনা ওন্থোকখি অমদি মতম মতমগী মতুং ইন্না মাইনর রিপেয়রশিং তৌখি৷ করিগুম্বা মতমদা অৱাংবা থাক্কী ওফিসিয়েলশিংনা লাকখিবা মতমদা, রংশিং নৌনা শঙখিরম্মী৷ অমদি মসিগুম্বা অদুমক চত্থদুনা লৈখি৷ ঐনা মু্ন্না খঞ্জিল্লুবা মতমদা, ঐগী ৱাখলদা লাকখিবা অহানবা ৱাখল্লোন অদুদি মতৌ করম্না লৈবাক অসিগী সেক্যুরিতী ঙাক শেন্নবগীদমক লৈরিবা আর্মী পর্সেনেল কয়া অমবু অসিগুম্বা ফৎত্রবা ফিভমশিং অসিদা লৈরম্লিবনো হায়বা অসিনি৷ করিগীদমক মসিগী মরমদা দিল্লীদা লৈরিবা ঐখোয়গী মেদিয়ানা শুংই ইরক্ত্রিবনো? মতম অদুদা ভারত সরকারনা করি তৌদুনা লৈরম্লিবনো হায়না অসিগুম্বা মফম অসিনা মহৌশানা ত্রিতিসিজম এত্রেক তৌগনি হায়বা ৱাখল অমা ঐগী ৱাখলদা লাক্কনি? অদবু ঐ খঙদে, কনা অমতনসু খঙলোই৷ অসিগুম্বা হতমেন্তশিং অসিদা লৈরিবা প্রোব্লেমশিং অসি নখোয়নসু নিংথিনা খঙলিবনি৷

ঙসিদি, ২১শুবা চহি চাদা ভারতকী মিলিতরী পোৎলমশিং অসি মোদর্নাইজ তৌবা, ঐখোয়গী আর্ম ফোর্সশিং অসি হৌজিক মতমগা চানরবা খুৎশু-খুৎলাইশিং শিজিন্নহনবা, বোর্দর ইনফ্রাস্ত্রকচর মোদর্নাইজ তৌবা, ফোর্সশিংগী দিফেন্স স্তাফ চীফকী খুৎথাংদা হেন্না নিংথিনা খুৎশম্নদুনা চৎমিন্নহনবা, চহি কয়া অমদগী হৌনা ৱাৎতুনা লৈরক্লবা আর্মীগী অৱাৎপশিং অসি অথুবা মতমদা ফংহন্দ্রবদি, চহি খুজিং কয়া শুরবা হতমেন্তশিং অসি শিজিন্নদুনা লৈবাক অসিগী দিফেন্স অমদি সেক্যুরিতীগা মরী লৈনবা থবকশিং অসি মতৌ করম্না পাংথোকপা ঙমগদৌরিবনো৷ মরম অদুনা, মসিগী কন্দিসনশিং অসি হোংদোকপা অসি তঙাই ফদবা ওইরমখি৷ সেন্ত্রেল বিস্তা প্রোজেক্তপু ক্রিতিসাইস তৌদুনা লৈরমখিবা মীওইশিং অদু আর্মী ওফিসর ৭,০০০ হেনবগীদমক শেমগৎলিবা কমপ্লেক্স অসিদা তুমিন্না ৱা অমতা ঙাংদনা লৈরমগনি হায়না ঐনা পুথোক্তুনা পাম্মী, মরমদি মসিসু সেন্ত্রেল বিস্তা প্রোজেক্তকী শরুক অমসু ওইরি৷ করিগুম্বা কমপ্লেক্স অসিগী মরমদা মখোয়না ৱারি শানরমখিবা তারবদি মখোয়না লান্না উহন্নবা অমদি ওইদবা ৱারিশিং শন্দোক্নবা হোৎনরিবা অদু খঙলক্লগনি হায়বসি মখোয়না খঙখি৷ অদুবু লৈবাক অসিনা মসিগী সেন্ত্রেল বিস্তা অসিদা ঐখোয়গী ইন্তেন্সনশিং য়েংলি৷ কে.জি. মার্গ অমদি অফ্রিকা এভেন্যুদা লৈরিবা মোর্দন ওফিসরশিংনা লৈবাক অসিগী সেক্যুরিতীগা মরী লৈনবা থবক পুম্নমক ইফেক্তিব ওইনা পাংথোক্নবা হোৎনরগনি৷ মসি কোনুং অসিদা মোদর্ন দিফেন্স এনক্লেব অমা শেমগৎনবগী অচৌবা অমদি য়াম্না মরু ওইবা খোঙথাং অমনি৷ কমপ্লেকশিং অসিদা লৈরিবা ঐখোয়গী জৱানশিং অমদি এমপ্লোইয়ী অনিমক্কীগীদমক তঙাই ফদবা ফেসিলিতী খুদিংমক ফংহনখ্রে৷ অমদি, ঐগী ৱাখলদা লৈরিবা ময়াম অসি লৈবাক মীয়ামদা খঙহনবা ঐনসু পাম্মী৷

২০১৪দা লৈবাক অসিগী সেব তৌননবগী খুদোংচাবা অদু নখোয়না ঐঙোন্দা পীরকখিবা মতমদা, সরকারগী ওফিসশিংগী ফিভম অসি ফৎত্রে হায়বসি ঐনা খঙখি৷ পার্লিয়ামেন্ত হাউসকী ফিভম অদুসু ফনা লৈরমখিদে৷ মসিগী থবক অসি ২০১৪দা ঐনা তৌরম্বা য়াই, অদুবু ঐনা তৌগে হায়না খনখিদ্রে৷ ঐনা ইহান হান্না তৌগে হায়না খনখিবা অদুদি ভারতকী মিংচৎকীদমক লান্থেংনখিবা অমদি মমা লৈবাক্কীদমক থৱাই থাখ্রবা ঐখোয়গী লৈবাক অসিগী থৌনা ফরবা লান্মীশিং অসিগীদমক নিংশিং খুভম অমা শাবা অসিনি৷ লৈবাক অসিনা মনিং-মখা তম্লবা মতুং ইকুই কুইদ্রিঙৈদা তৌগদৌবা থবক অদু ২০১৪গী মতুংদা তৌবা হৌখি৷ ঐখোয়গী ওফিসশিংগী ফিভম অসি ফগৎনবা সেন্ত্রেল বিস্তাগী থবক ঐখোয়না পাংথোকখিবা অসি মসি মপুং ফারবা মতম খক্তদনি৷ ঐখোয়না অহানবদা থৌনা ফনা থৱাই থাখ্রবা ঐখোয়গী লৈবাক অসিগী লান্মীশিং অসি ইহান হান্না খনখি৷

মরুপশিং,

ওফিসিয়েল ওইনা শিজিন্ননবগীদমক থম্লিবা মসিগী কন্সত্রক্সন ৱার্ক অসিগা লোইননা, মফম অসিদা রিসাইদেন্সিএল কমপ্লেক্সশিংসু শেমগৎখ্রে৷ একোমোদেসন, কিচন, মেজ, ত্রিতমেন্তগা মরী লৈনবা মোদর্ন ফেসিলিতীশিংগুম্বা তঙাই ফদবা এরেঞ্জমেন্তশিংসু মরু ওইবা সেক্যুরিতী ৱর্ক ২৪x৭তা তৌরিবা জৱানশিংগীদমক শেমগৎখ্রে৷ লৈবাক অসিগী মফম পুম্নমক্তদগী মফম অসিদা লাক্লিবা রিতাইয়র্দ তৌখ্রবা লান্মী লিশিং কয়ানা মখোয়গী পন্দুনা লৈরিবা ওফিসিয়েল ৱার্ক অদু কা –হেনবা অয়েৎপা অমতা লৈতনা লোইশিন্নবগীদমক ময়ামগী ৱাখল্লোনদা প্রোপর কন্নেক্তিবিতী লৈহনখ্রে৷ খ্বাইদগী ফবা শরুক অদুদি মসিদা শারিবা বিল্দিংশিং অসি ইকো-ফ্রেন্দলী ওই অমদি কোনুংগী আইদেন্তিতী অমা ওইনা বিল্দিংশিং অদু অরিবা মতমগী মানবা শকফমশিংদা কাইহন্দনা থমখ্রে৷ ভারতকী আর্তিস্তশিংগী ফজরবা আর্তৱর্কশিং অমদি আত্মনির্ভর ভারতকী সিম্বোলশিং অদু মফম অসিদা শারিবা কমপ্লেক্সশিং অসিদা থমখ্রে৷ দিল্লীগী বাইতেলিতী অদু কাইহন্দনা থমদুনা অমদি মহাক্কী এনবাইরোনমেন্ত অদু ঙাক শেন্দুনা, মীপুম খুদিংমক্না মফম অসিদা ঐখোয়গী কল্চরেল দাইবর্সিতীগী মোদর্ন ফোর্ম অদু থেংনরগনি৷

মরুপশিং,

দিল্লীনা ভারতকী কোনুং ওইখিবা অসি চহি ১০০ হেনখ্রে৷ চহি ১০০ হেল্লবা মতম অসিদা, অচৌবা ইম্বেলেন্স অমা লৈখ্রে৷ ঐখোয়না কোনুংদা মরমদা পনবা মতমদা, মসি শহর অমখক্তমক নত্তে৷ কোনুং অসি থিঙ্কিং, দিতর্মিনেসন, স্ত্রেঙ্গ অমদি লৈবাক অদুগী কল্চরগী সিম্বোল অমনি৷ ভারত অসি দিমোক্রেসীগী মমানি৷ মরম অদুনা, ভারতকী কোনুং হায়বসিগী ইরোননুংদা মহাক্কী প্রজা মীয়াম অসি লৈগদবনি৷ ঙসি, ঐখোয়না য়াম্না লাইনা পুন্সি হিংননবা অমদি য়াম্না লাইনা করবার তৌননবা ঐখোয়না মীৎয়েং চংলিবা মতম অসিদা, মোদর্ন ইনফ্রাস্ত্রকচরনা মসিদা মসিগা চপ মান্ননা মরু ওইবা থৌদাং অমা লৌরি৷ ঙসি সেন্ত্রেল বিস্তাদা তৌরিবা থবক অসিগী কোর অদুসু মসিগী স্পিরিত অসিনি৷ঙসি লোঞ্চ তৌখিবা সেন্ত্রেল বিস্তাদা লিঙ্ক তৌখিবা ৱেবসাইতকী অকুপ্পা মরোলশিং অদু উৎথোক্লি৷

মরুপশিং,

চহিশিং অসিদা, দিল্লিদা অনৌবা কন্সত্রক্সন কয়া অমা শানবা হোৎনখ্রে৷ মসিদা ঐখোয়গী আর্মী অমদি ঐখোয়গী ইরৈবাক্কীদমক থৱাই কৎখ্রবা মীওইশিংদা ইকাই খুম্নবা উৎননবা শাখিবা নেস্নেল মোনুমেন্তশিংসু য়াওরি৷ চহি খুজিং কয়াগী মতুংদা, আর্মী, পেরামিলিতরী ফোর্সশিং অমদি পুলিস ফোর্সকী থৌনা ফরবা মরৈবাক্কীদমক থৱাই থাখ্রবা মীওইশিংগী শারিবা নেস্নেল মিমোরিএলশিং অসিনা ঙসিদি দিল্লী অসি চাওথোকচবা ফাওহল্লি৷ অদুগা, খ্বাইদগী মরু ওইবা ফিচর অমা অদুদি মখোয় অয়াম্বা অসি অপিবা মতমগী মাংওইননা লোইশিনখিবনি৷ অদু নত্রবদি, সরকারশিংদা অদুমক চোন্থবা হায়বসি লৈরমগনি৷ থা ৪-৬ শোন্থবা অসি মহৌশানি হায়না লৌনৈ৷ লৈবাক অসিগী লন মাংখিদনবা; মতম চানা থবক তৌননবা অমদি প্রোজেক্তেদ এক্সপেন্দিচরদগী তানা চংহন্নবগীদমক সরকার অসিদা অনৌবা ৱর্ক কল্চর অমা পুথোক্নবা ঐখোয়না থমোই শেংনা হোৎনখ্রে৷

থা ২৪ চংগদবা দিফেন্স ওফিস কমপ্লেক্স শাবা অসি রেকোর্দ ওইনা থা ১২দা লোইশিনখি(চাদা ৫০গী মতম কনখ্রে)৷ মদুসু কোরোনানা মরম ওইরগা লেবরগী অৱাৎপশিংদগী হৌরগা অতোপ্পা অৱাৎপশিংগী য়াওনা থেংনরিবা চেলেঞ্জ মখল পুম্নমক্কী মতমদনি৷ কোরোনাগী মতম অসিদা শিন্মী চা কয়া প্রোজেক্ত অসিদা থবক ফংখি৷ লেবর কম্পেনিয়নশিং, ইঞ্জিনিয়রশিং, এমপ্লোইয়ীশিং অমদি ওফিসর পুম্নমক থাগৎনিংঙাইনি৷ কোরোনাগী অকিবা লৈরিবা মতম অমদি হিংবা নত্রগা শিবগী ৱাহং হংলিবা মতমদা লৈবাক অসিগীদমক পাংথোক্লিবা থবক অসিদা থৌদাং লৌখিবা মীওই পুম্নমক লৈবাক পুম্বনা থাগৎলি৷  

মরুপশিং,

খোঙজেল য়াংনা শেমগৎ-শাগৎলিবা অসিদা অনৌবা কন্সত্রক্সন তেক্নেলোজী অসিনসু অচৌবা থৌদাং অমা লৌখ্রে৷ কনবেস্নেল আর.সি.সি. কন্সত্রক্সনগী মহুৎতা, লাইত গোজ স্তিল তেক্নোলোজী দিফেন্স ওফিস কমপ্লেক্স অসি শাবদা শিজিন্নখি৷ মসিগী বিল্দিংশিং অসি অনৌবা তেক্নোলোজীনা শাবনা মৈদগী অমদি অতোপ্পা নেচরেল কলামিতীশিংদগী ঙাকথোকপা ঙম্মী৷ মসিগী অনৌবা কমপ্লেক্সশিং অসি শারক্তুনা, লম একর কয়া শন্দোক্তুনা শারিবা অরিবা হতমেন্তশিং অসি চলাইনবা হোৎনবদা চহিগী ওইনা চংখিবা শেনফম অদু হন্থরগনি৷ স্মার্ত সিতীশিং শেমগৎনবা অমদি লাইরবশিংগী পক্কা হাউস শাবিদা দিল্লী খক্ত নত্তনা অতোপ্পা শহরশিংদসু মোদর্ন কন্সত্রক্সন তেক্নোলোজী শিজিন্ননবা মীৎয়েং থমখিবা অসিদা ঐ নুংঙাইবা ফাওই৷ লৈবাক অসিগী শহর তরুক্তা চত্থরিবা লাইতহাউস প্রোজেক্ত অসি মসিগী মাইকৈ অসিদা অচৌবা এক্সপরিমেন্ত অমনি৷ মসিগী সেক্তর অসিদা অনৌবা স্তার্ত অপশিংবু থৌনা হাপ্লি৷ ঐখোয়না ঐখোয়গী আর্বান সেন্তরশিং ত্রান্সফোর্ম তৌবগী খোঙজেল অমসুং স্কেল অসি অনৌবা তেক্নোলোজী পাক শন্না শিজিন্নরবা মতম খক্তদা ওইথোক্কনি৷

মরুপশিং,

মসিগী দিফেন্স ওফিস কমপ্লেক্সশিং অসি সরকারগী ৱর্ক কল্চর অমদি প্রাইয়োরিতীদা লৈরিবা অহোংবা কয়াগী রিফ্লেক্সন অমনি৷ লৈরিবা লমশিং অসি শিজিন্নবা অসিনা প্রাইয়োরিতী ওইরি৷ মসি লম খক্তগী নত্তে, মসি ঐখোয়গী থাজবনি অমদি ঐখোয়গী লৈরিবা রিসোর্সশিং নত্রগা নেচরেল রিসোর্সশিং কা হেন্না শিজিন্ননবা হোৎনরি৷ অসিগুম্বা লনশিং অসি কান্নদবা কা হেন্না মাংহনবা অসি লৈবাক অসিগী ওইনা চানদে অমসুং মসিগী এপ্রোচ অসিনা মরম ওইদুনা, সরকারগী তোঙান তোঙানবা দিপার্তমেন্তশিংনা শিজিন্নরম্বা লমশিং অসি নিংথিনা প্লানিং তৌদুনা শিজিন্ননবা  হোৎনরি৷ অনৌবা কেম্পসশিং অসি লম একর ১৩রোম শিজিন্নদুনা শাখিবনি৷ ঐখোয়গী খবক খুদিংমক্তা ফত্তবা লেপ্প-লৈতনা শন্দোক্লিবা মীওইশিংগী চিরোলদা লৈবাক মীয়াম্না তারোইদবনি৷ অসিগুম্না য়াম্না মরু ওইরবা মফম দিল্লীগুম্বদা, মসিগী হতমেন্তশিং অসি লম একর ৬২ হেনবদা শাখিবনি৷ হৌজিক্তি, লম একর ৬২গী মহুৎতা, শুপ্নতগী লম একর ১৩ খক্তদা খ্বাইদগী ফরবা অমসুং মোদর্ন এরেঞ্জমেন্তশিং অসি শেমখিবনি৷ মসি লৈবাক অসিগী লম শিজিন্নবনি৷ অসিগুম্বা চাওরবা অমসুং মোদর্ন ফেসিলিতীশিং মসি মমাংগী মতমদা শিজিন্নরম্বা লম অদুদগী শরুক ৫ হন্থৈ৷

মরুপশিং,

লাক্কদৌরিবা চহি ২৫ অসিদা মশা মরোমদোম লেপচবা ঙম্বা ভারত অমা শেমগৎনবগী মিসন অসি মীপুম খুদিংমক্না হোৎনরবা মতম খক্তদা ওইথোকপা ঙমগনি৷ অনৌবা বিল্দিংশিং অসিনা সরকারগী প্রদক্তিবিতী অমদি ইফিসিয়েন্সী হেনগৎনবা হোৎনরিবা লৈবাক অসিগী ইনিসিয়েতিব অসি সপোর্ত তৌরি অমদি মদুগী রিজোলুসন অদু ফংনবগী থাজবা অদু অদুমক লৈরি৷ কম্মন সেন্ত্রেল সেক্রেতরিয়েত অমবু ওইরবসু, ইন্তর-কন্নেক্তেদ কনফরেন্স হোলশিংবু ওইরবসু, মেত্রোগুম্বা পব্লিক ত্রান্সপোর্তকী খুৎথাংদা কন্নেক্তিবিতী হেনগৎহন্দুনা কোনুংদা লৈরিবা মীয়ামগা ফ্রেন্দলী ওইহনবদা মতেং পাংলগনি৷ ঐখোয় পুম্নমক্না ঐখোয়গী পান্দমশিং অথুবা মতমদা ফংবা পাম্লিবা অসিগা লোইননা, নখোয় পুম্নমক অফবতা ওইরসনু হায়না ঐনা অমুক্কা হন্না য়াইফ-মঙ্গোল পীরি!

হন্না হন্না থাগৎচরি!

দিসক্লেমর: মসি প্রধান মন্ত্রীনা ঙাংখিবা ৱারোল অদুগী মরিক চুম্বা ত্রান্সলেসননি৷ অশেংবা ৱারোল অদু হিন্দিদা ঙাংখি৷

 *****