অজাদী কা অমৃৎ মহোৎসবকী শরুক অমা ওইনা, খুঙ্গং চাউখৎপা মন্ত্রালয়না চয়োল অমদা এস.ঐচ.জি. ওন্তোপ্রনর ২৬১৪দা লুপা করোর ৮.৬০গী কম্ম্যুনিতী ইন্তর্প্রাইস ফন্দ (সি.ই.এফ.) লোন পীখ্রে। লোনশিং অসি স্তার্ত-অপ ভিলেজ ওন্তোপ্রিনর্শিপ প্রোগ্রামগী মখাদা রাজ্য ১৯গী খুঙ্গংশিংদা মখোয়গী মাইক্রো-ইন্তর্প্রাইস হৌদোকপা ঙম্নবা পীখিবনি।

অমৃত মহোৎশব পাংথোকপগী মনুংদা, সেপ্তেম্বর ৬তগী ১২, ২০২১ ফাওবগী চয়োলদা স্তার্ত-অপ ভিলেজ ওন্তোপ্রিনর্শিপ প্রোগ্রাম (এস.ভি.ই.পি.)গী মখাদা তোঙানবা থৌরম কয়া শিন-লাঙখি। থৌরমশিং অসিনা এস.ভি.ই.পি. স্কিমগী মতাংদা ৱাফম কয়া খঙহন্নবা অমসুং খুঙ্গংগী মফমশিংদা মাইক্রো-ব্যুজিনেস হৌদোক্নিংবা এস.ঐচ.জি. মেম্বরশিংবু মতৌ করম্না তেংবাংগনি হায়বগী মতাংদা মিৎয়েং চঙখি। থৌরমশিং অসিদা মীয়ামগী মীহুৎ, সরকারগী ওফিসিএল অমসুং খুন্নাইদা য়ুম্ফম ওইবা লুপ কয়ানা শরুক য়াখি।

কম্ম্যুনিতী ইন্তর্প্রাইস ফন্দ (সি.ই.এফ.) লোন পীথোক্ত্রিঙৈগা মাংওইননা, এস.ঐচ.জি. ওন্তোপ্রিনর্শিংদা ওন্তোপ্রিনর্শিপকী মতাংদা অহানবা ত্রেনিং পীবগা লোয়ননা মখোয়না হৌদোক্নিংবা কারবারগী অকুপ্পা থৌরাং কয়াসু শেমখি।

খোঙথাং অসিদা শরুক য়াখিবা রাজ্যশিংদি আন্ধ্র প্রদেশ, অসম, বিহার, ছতিসগর, গুজরাৎ, হরিয়ানা, ঝার্খন্দ, কেরলা, মধ্য প্রদেশ, মনিপুর, মেঘালয়, মিজোরম, ওরিশা, পঞ্জাব, রাজস্থান, তেলঙ্গানা, উত্তর প্রদেশ, উত্তরাখন্দ অমসুং নোংচুপ বেঙ্গলনি।

থৌরমশিং অসিগী মনুংদা, এস.ঐচ.জি. ওন্তোপ্রিনরশিংনা মখোয়না থেংনরকপশিং অমসুং মশাগী খুঙ্গংশিংদা মশাগী ইন্তর্প্রাইস হৌদোক্লকপা, ওন্তোপ্রিনর ওইরকপা অমসুং স্তার্ত-অপ ভিলেজ ওন্তোপ্রিনর্শিপ প্রোগ্রাম (এস.ভি.ই.পি.)গী মখাদা ফংখিবা তেংবাংশিংগী মতাংদা ৱাফম কয়া থম্নখি। মখোয়বু চাং-নাইনা লমজিং লমতাকপীদুনা কারবার তৌবগী থৌওং খঙহনখিবা অমসুং মদুবু মাই পাকহনখিবা অমসুং মার্কেতকা নক্নবা মরী শাগৎপীবদা তেংবাংবগী থৌওংশিংগী কান্নবগী মতাংদা মখোয়না মিৎয়েং চঙনখি।

স্তার্ত-অপ ভিলেজ ওন্তোপ্রিনর্শিপ প্রোগ্রাম (এস.ভি.ই.পি.) অসি খুঙ্গংগী মফমশিংদা ইন্তর্পারিসশিং খুমাং চাউশিলহন্নবা এন.আর.এল.এম.গী মখাদা লৈবা সব-স্কিম অমনি। এস.ভি.ই.পি.না ব্লোক অমদা ইন্তর্প্রাইস চাউখৎহন্নবা ইকো-সীস্তেম অমা শেম্বগী পান্দম থম্লি। মসিদা ওন্তোপ্রিনর্শিংদা ব্যুজিনেস সপ্পোর্ত সর্ভিস পীগদবা কম্ম্যুনিতী রিসোর্স পর্সন্স-ইন্তর্প্রাইস প্রোমোসন (সি.আর.পি.-ই.পি.)গী কেদর্শিং য়াওরি। স্কিম অসিদা ব্যুজিনেস আইদিয়া শকখঙবা, ব্যুজিনেস প্লান শেম্বা, লোন ফংহনবা অমসুং মার্কেতিং, একাউন্ত নীংথিনা থম্বা অমসুং কারবারগী ৱারেপ লৌবনচিংবা অতোপ্পা ঙাক্লৌনচিংবা পীবগী থৌওং য়াওরি। মখা তাবা ওইনা, ইকো সীস্তেম অসিদা ওন্তোপ্রিনর্শিংগী ত্রেনিং অমসুং কেপাসিতী বিলদিং তৌবা, হৌদোক্লিবা ওন্তোপ্রিনর্শিংগী কেপিতেল সীদ তৌবা, পোত্থোক অমসুং সর্ভিসশিংগী মার্কেতিং সপ্পোর্ত পীবসু য়াওরি। মসিদা নত্তনা, ইন্তর্প্রাইসশিং খুমাং চাউশিনহনবগী সিঙ্গল পোইন্ত সোল্যুসন ওইরিবা ব্লোক রিসোর্স সেন্তর (বি.আর.সি.) অসিসু ইকো সীস্তেম অসিগী শরুক অমা ওইনা শেমগৎলি।

উত্তর প্রদেশ সরকারগী রুরেল দিভেলপমেন্ত মন্ত্রী, শ্রী রাজেন্দ্র প্রতাপ সিংহনা উত্তর প্রদেশ, ভরানসিগী সেৱাপুরী ব্লোক্কী এস.ভি.ই.পি. বি.আর.সি. ওফিস শঙ্গাবা

উত্তর প্রদেশ সরকারগী রুরেল দিভেলপমেন্ত মন্ত্রী, শ্রী রাজেন্দ্র প্রতাপ সিংহনা উত্তর প্রদেশ, ভরানসিগী সেৱাপুরী ব্লোক্কী ইন্তর্প্রাইসশিংদা সি.ই.এফ. লোনগী চেক য়েন্থোকপা

রাজস্থানগী বারন জিলাগী অন্তাহ ব্লোক্কী ইন্তর্প্রাইসশিংনা সি.ই.এফ. লোন চেক ফংবা

মিজোরমগী কোলাসিব এস.ভি.ই.পি. ব্লোক্কী ইন্তর্প্রাইসশিংনা সি.ই.এফ. লোন চেক ফংবা

******