জল শক্তি মন্ত্রালয়

জল শক্তিগী কেন্দ্র মন্ত্রীনা জল জীবন মিসনগী মতাংদা অৱাং-নোংপোক থংবা রাজ্য ৮গী পি.ঐচ.ই.দি. মন্ত্রীশিংগী ওইবা কনফরেন্সতা ময়াই তাংবল লৌগনি


কনফরেন্স অসিদা রাজ্যশিংদা জল জীবন মিসন খোঙজেল য়াংনা ইমপ্লিমেন্ত তৌনবগী হীরম পুম্নমক্তা অমত্তা ওইনা খন্ন-নৈনগনি

অৱাং-নোংপোক থংবা লমদমগী অপুনবগী চাউখৎ-থৌরাং অসি কেন্দ্র সরকারগী খেন্নবা লৈতনা মীৎয়েং চংবনা খোঙজেল য়াংখৎহনখি

ইং কুমজা ২০২১-২২গী জে.জে.এম.গী মখাদা এন.ই.গী রাজ্য ৮দা সেন্ত্রেল গ্রান্ত ওইনা লুপা করোর ৯,২৬২ কাইথখি

Posted On: 15 SEP 2021 1:50PM by PIB Imphal

জল শক্তিগী কেন্দ্র মন্ত্রী, শ্রী গজেন্দ্র সিংহ শেখাৱতনা সেপ্তেম্বর ১৬, ২০২১দা জল জীবন মিসনদা অৱাং-নোংপোক থংবা রাজ্যশিংগী পব্লিক হেল্থ ইঞ্জিনীয়রিং দিপার্তমেন্ত (পি.ঐচ.ই.দি.)গী ওইবা নোংমগী কনফরেন্স অমদা ময়াই তাংবল লৌগনি। অসাম এদমিনিস্ত্রেতিব স্তাফ কোলেজ, গুৱাহাতিদা পাঙথোক্কদবা কনফরেন্স অসিদা রাজ্য অমমমগী মকোক থোংবা ওফিসরশিংগা লোইননা অৱাং-নোংপোক থংবা রাজ্য ৮গী পব্লিক হেল্থ ইঞ্জিনীয়রিং দিপার্তমেন্ত (পি.ঐচ.ই.দি.)গী থৌ পুরিবা মন্ত্রীশিংনা শরুক য়াগনি।

কনফরেন্স অসিদা প্লানিং, ইমপ্লিমেন্তেসন অমসুং হৌজিক ফাওবদা খুমাং চাউশিনখিবা লোইননা অৱাং-নোংপোক্কী রাজ্যশিংদা লৈরিবা লেমহৌরিবা য়ুমথোং পুম্নমক্তা অথুবদা তোতি ঈশিংগী কনেক্সনশিং পীনবা মাংদা লৈরিবা লম্বীগী মতাংদা খন্ন-নৈন্নবগী কনফরেন্স অসি শিনবনি। কোবিদ-১৯ প্রোতোকল পুম্নমক ঙাক্তুনা পাঙথোক্কদবা কনফরেন্স অসিগী খন্ন-নৈনবশিং অসিদগী স্তেকহোল্দর পুম্নমক্তা হায়বদি রাজ্যশিং অসিগী পি.ঐচ.ই.দি.গী চীফ/ এগজিক্যুতিব / এসিস্তেন্ত/ জুনিয়র ইঞ্জিনীয়রশিংদা কান্নবা ফংনবা লাইফ স্ত্রীমসু তৌগনি।

জল জীবন মিসন অসি ২০২৪ ফাওবদা লৈবাক শিনবা থুংবদা লৈরিবা খুঙ্গংগী য়ুমথোং খুদিংমক্তা তোতি ঈশিংগী কনেক্সন য়ৌহন্নবা প্রোভিসন শেম্নবা রাজ্যশিংগা লোইননা খুৎশম্নদুনা জল শক্তি মন্ত্রালয়গী দিপার্তমেন্ত ওফ দ্রিঙ্কিং ৱাতর এন্দ সেনিতেসন (দি.দি.দবল্যু.এস.)না ইমপ্লিমেন্ত তৌবা কেন্দ্র সরকারগী মরু ওইবা প্রোগ্রাম অমনি। এন.ই.গী রাজ্যশিংগী ওইনা কেন্দ্র অমসুং রাজ্যগী মরক্তা লৈরিবা ফন্দ সিয়রিংগী পেতর্ন অসি ৯০:১০ ওইরি।

কেন্দ্র সরকারনা লৈবাক অসিগী অৱাং-নোংপোক থংবা লমদমগী চাউখৎ-থৌরাংদা মপুং ওইবা মীৎয়েং থম্বগা লোইননা অমসুং অপুনবগী চাউখৎ থৌরাংদা খোঙজেল য়াংশিহন্নবা শেনবা চহি ২০২১-২২গী মনুংদা জল জীবন মিসনগী মখাদা এন.ই.গী রাজ্যশিংদা সেন্ত্রেল গ্রান্ত ওইনা লুপা করোর ৯,২৬২ কাইথখি। এন.ই.গী আজ্যশিংদা লৈরিবা খুঙ্গংগী য়ুমশিংদা তোতি ঈশিংগী কনেক্সনশিং পীনবা লুরবা তানফম অসিদা এলোকেসন হেনগৎহনখিবা লোইননা ফন্দশিং কাইথখিবা অসইনা লমদম অসিগী শেন্মীৎলোন থৌগৎলবা য়াই।

কনফরেন্স আসিনা প্রোগ্রাম অসি ইমপ্লিমেন্ত তৌবগা মরী লৈনবা মরু ওইবা সমস্যাশিং হায়বদি লালোং অমসুং প্লানিং, হৌজিক ফাওবগী ওইনা খুমাং চাউশিনবা, অকক্নবা মতমগী মনুংদা পান্দম ফংবা ঙম্নবা ইমপ্লিমেন্ত তৌবগী খোঙজেল য়াংশিনহন্নবগী লম্বীশিংগী মতাংদা মীৎয়েং থমগনি। জল শক্তিগী কেন্দ্র মন্ত্রীনা জে.জে.এম.গী ইমপ্লিমেন্ত তৌবগী অমসুং মনুং হঞ্জিনবা অৱাং-নোংপোক থংবা লমদমগী খুঙ্গংশিংগীদা লৈরিবা লেমহৌরিবা য়ুমথোং পুম্নমক্তা অথুবদা তোতি ঈশিংগী কনেক্সনশিং পীনবগী লম্বী য়াৎনবগী মতাংদা পি.ঐচ.ই.দি.গী মন্ত্রীশিংগা লোইননা ৱারী-ৱাতায় শাগনি।

মিসন অসি লাউথোকখিবা মতমদা এন.ই.গী রাজ্যশিংগী অপুনবা খুঙ্গংগী য়ুমথোং লাখ ৯০.১৪গী মনুংদা লাখ ২.৮৩ (৩.১৩%) খক্তদা তোতি ঈশিংগী কনেক্সন পীখি, হায়রিবা অসি য়ুমথোং লাখ ২২ রোমদা হৌজিক্তি হেনগৎখ্রে (২৪.৪৫%)। কোবিদ-১৯ লাইচৎ অমসুং অপনবশিং/ওকদাউনশিং লৈজরবসু হৌখিবা থা ২৪দা য়ুমথোং লাখ ২০রোমদা তোতি ঈশিংগী কনেক্সনশিং পীখি। মেঘালয়, মনিপুর অমসুং সিক্কিমনা ২০২২ ফাওবদা ‘হর ঘর জল’গী থাক য়ৌনবা পান্দম থম্মি অমরোমদা অরুনাচল প্রদেশ, মিজোরাম, নাগালেন্দ অমসুং ত্রিপুরানা ২০২৩ ফাওবদা অমসুং অসামনা ২০২৪ ফাওবদা য়ুমথোং খুদিংদা তোতি ঈশিং ফংহন্নবা পান্দম থম্লি।

খুৎ হম্নবা অমসুং তোইলেৎশিংদা শীজিন্ননবা পাইপ পুদুনা ঈশিং সপ্লাই তৌবগা লোইননা থক্নবা অমসুং মিদ-দে মিলশিং থোংনবগী অফবা তোতি ঈশিংগী সপ্লাই তৌনবগী প্রোভিজন শেমদুনা অঙ্গনৱাদি সেন্তরশিং, অশ্রমশলাশিং অমসুং স্কুলশিংদা তোতি ঈশিংগী সপ্লাই লৈহন্নবা ২০২০গী জোক্তোবর ২দা কেম্পেন অমা হৌদোকখি। এন.ই.গী রাজ্যশিংদা, অপুনবা স্কুল লিশিং ৭২গী মনুংদা হৌজিক স্কুল লিশিং ৪০ (৫৬%)দা তোতি ঈশিং ফংলে। মসিগা মান্ননা এ.দবল্যু.সি. লিশিং ৭০গী মনুংদা এ.দবল্যু.সি. ২৭,৪৭৪ (৩৯%)দা তোতি ঈশিং ফংহনখ্রে। সিক্কিমদা স্কুল অমসুং এ.দবল্যু.সি. পুম্নমক্তা তোতি ঈশিং ফংনবগী খুদোংচাবা ফংহনখ্রে।

প্রোগ্রাম অসিগী পান্দমদি ৱাতর সপ্লাই স্কীমগী প্লানিংদগী, মখোয়গী ইমপ্লিমেন্তেসনদগী থাজবা পীখিবা ৱাতর সপ্লাই অসি ফনবা চাং নাইনা ওপরেসন অমসুং মেন্তেন্স তৌনবগী ‘কম্ম্যুনিতী পার্তিসিপেসন’ হৌহনবনি। মরম অসিনা জে.জে.এম.গী মখাদা ভিলেজ ৱাতর এন্দ সেনিতেসন কম্মিতিশিং (ভি.দবল্যু.এস.সি.শিং)/ পানি সমিতিশিং শক্তি পীবা, থক্নবা ঈশিংগী সোর্স মপাঙ্গল কনখৎহনবা/ চাউথোকহনবা, ৱাতর সপ্লাই ইনফ্রাস্ত্রকচর, গ্রে ৱাতর ত্রীৎমেন্ত এন্দ রিয়ুজ অমসুং ইন-ভিলেক ৱাতর সপ্লাইগী ওপরেসন অমসুং মেন্তেনেন্সকী মচাকশিং ওইগদৌরিবা ভিলেজ এক্সন প্লানশিং (ভি.এ.পি.শিং) শেম্বা অমসুং অয়াবা লৌবদা চাউনা মীৎয়েং চংহনখি। রাজ্যশিং অসিনা খুঙ্গং খুদিংমক্তা অয়াম্বনা নুপীশিংগী ওইবা অখন্ননা মীওই ৫দা ৱাতর ক্বালিতী সর্ভিলেন্স কী অমসুং মিস্ত্রী, প্লম্বরশিং, ইলেক্ত্রিসিয়নশিং, মোতোর মেকানিকশিং, ফিত্তর, পম্প ওপরেতরশিং অসিনচিংবা লোকেল পর্সনশিংদা ইন্তেন্সিব ত্রেনিং অমসুং স্কিলিং প্রোগ্রামশিং পাঙথোক্লি।

https://jalshakti-ddws.gov.in/sites/default/files/15th-August-banner2.jpg

 

ৱাতর সপ্লাই অমসুং সেনিতেসন হেনগৎহনবদা সরকারগী মীৎয়েং থম্বগা লোইননা থক্নবা ঈশিংগী সপ্লাই তৌবা, নোংগী ঈশিং য়োকশিন্নবা অমসুং ৱাতর রিসাইক্লিং তৌনবা; অমসুং ও.দি.এফ. স্তেতসকী সেনিতেসন অমসুং মেন্তেনেন্সকীদমক ২০২১-২২দা আর.এল.বি.শিং/পি.আর.আই.শিংদা ১৫শুবা ফাইনান্স কম্মসিন্না তাইদ গ্রান্তশিং ওইনা লুপা করোর ২৬,৯৪০ কাইথখি। ২০২১-২২দগী ২০২৫-২৬ ফাওবা চহি ৫গূদমক লুপা করোর লাখ ১.৪২গী ফন্দ পীনবা থাজবা পীখি। মসিনা হৌজিক জে.জে.এম.গী মখাদা হোৎনরিবশিং অসিদা মতেং পাংলগনি। তোঙান-তোঙনবা থবক-থৌরমশিং হায়বদি নোং ঈশিং য়োকশিনবা, দ্রিঙ্কিং ৱাতর রিসোর্স মপাঙ্গল কনখৎহনবা, ৱাতর সপ্লাই ফগৎহনবা, গ্রে ৱাতর মেনেজমেন্ত অমসুং চাং নাইনা ওপরেসন অমসুং মেন্তেনেন্সতা মীৎয়েং চংদুনা রুরেল লোকেল বোদিশিংনা গ্রান্ত অসি নীংথিনা শীজিন্নবা কন্না হোৎনগনি।

খুঙ্গংদা ৱাতর সপ্লাইগী ক্বান্তিতী, ক্বালিতী, প্রেসর অমসুং রিগ্যুলরিতথ ওন্নবা সেন্সর বেজ আই.ও.তি. সিস্তেম ইন্সতোল তৌরি। জল জীবন মিসন দেশবোর্দনা খুঙ্গংগী থাক ফাওবদা ই-পাও পীরি। মিসন অসিগী মখাদা থম্লিবা পান্দম অসি লেমহৌরিবা খুঙ্গংগী য়ুমথোংশিংদা লোইননা স্কুল, এ.দবল্যু.সি., পি.ঐচ.সি., সি.ঐচ.সি., কম্ম্যুনিতী সেন্তর খুদিংমক্তা ৱাতর সপ্লাই লৈহনদুনা রিত্রোফিত্তিং/ওগমেন্তেসনগী খুত্থাংদা তোতি ঈশিং ফংহনদুনা ‘মীওই অমত্তা চিথবা তৌদবা’ হায়বা অসিনি। অৱাবা অমসুং খুদোংচাদবা মফমশিংদা গ্রেভিতী বেজ ৱাতর সপ্লাই স্কীম অসি খ্বাইদগী চুনবা ওপ্সন ওইরি মরমদি মসি শেল চংদে, ওপরেসন অমসুং মেন্তেন তৌবদা লায়।

 

https://jalshakti-ddws.gov.in/sites/default/files/jjmbanner1.jpg

 

খুঙ্গংগী মফমশিংদা লৈরিবা মীয়ামদা পুন্সি মহিং ফগৎহন্নবা অমসুং হিংবদা লায়নবা, প্রধান মন্ত্রী শ্রী নরেন্দ্র মোদীনা ২০১৯গী ওগস্ত ১৫দা পীখিবা মহাক্কী নীংতম্বা নুমিৎতা জে.জে.এম.গী মতাংদা লাউথোকখি। খুঙ্গংগী মফমশিংদা য়ুমথোংদা তোতি পুশিনহনবনা নুপীশিং অমসুং অঙাংশিংগী ‘অৱাবা’ কোকহনবদা মতেং ওইগনি মরমদি ঈশিং শোকপা অসি মখোয়গী থৌদাং ওইরি। মিসন অসিগী পান্দমদি য়ুনিভর্সেল কভরেজ পীবা, খুঙ্গংদা লৈরিবা ইমুং খুদিংমক্তা তোতি ঈশিং ফংহল্লগনি অমসুং ‘মীওই অমত্তা চিথবা তৌদবা’ হায়বা অসি ওইবনা মসিনা শহর অমসুং খুঙ্গংগী মফমশিংদা লৈরিবা খেন্নবা অসি মেনশিনবদা মতেং ওইরগনি। প্রধান মন্ত্রী, শ্রী নরেন্দ্র মোদীগী ‘সবকা সাধ, সবকা বিকাস, সবকা বিশ্বাস, সবকা প্রয়াস’কী ভিজন অসিগা লোইননা জল জীবন মিসন্না য়ুম খুদিংমক্তা তোতি ঈশিং ফংহন্নবা মঙলানগী মাইকৈদা চংশিল্লি, অসুম তৌবনা নুপীশিং অমসুং নুপীমচাশিংনা মায়োক্নবা অৱাবা অসি কোকহনবা ঙম্লগনি।

******



(Release ID: 1755183) Visitor Counter : 165