হকশেল অমসুং য়াইফ-য়ুম্বাল মন্ত্রালয়

কোৱিন্দা অপদেৎ

কোৱিন্না অনৌবা এ.পি.আই. হৌদোকখ্রে: কে.ৱাই.সি.-ভি.এস.: নো য়োর কস্তমরস/ক্লাইন্তস ভেক্সিনেসন স্তেতস

কে.ৱাই.সি.-ভি.এস.না কোৱিনগী খুৎথাংদা ভেক্সিনেসনগী ওইবা মীওই অমগী ফিভম য়েংবা ঙম্বা এন্তিতী ওইগনি

কে.ৱাই.সি.-ভি.এস. অসি কন্সেন্ত-বেজ ওইবা, প্রাইবেসী প্রিজর্বিং অমসুং সিস্তেম অমদা অপনবা লৈতবা ওই

Posted On: 10 SEP 2021 1:40PM by PIB Imphal

ইকাই খুম্নজরিবা প্রধান মন্ত্রী শ্রী নরেন্দ্র মোদীনা চৎলিবা চহি অসিগী জানুৱারী ১৬তগী কোবিদ-১৯গী মায়োক্তা ভেক্সিনেসন কেম্পেইন হৌদোকখিবদগী ভেক্সিন দোজ কোতি ৭২ হেন্না কাপথোকখ্রে। হায়রিবা মীওইশিং অসিগী ভেক্সিনেসনগী প্রমান পীনবা, কো-ৱিন্না মাংজৌননা দিজিতেল ওইবা সর্তিফিকেত পীরি। সর্তিফিকেত অসি দিজিতেল দিভাইস (শ্মার্তফোন, তেব্লেৎ, লেপতোপ অসিচিংবা)দা সেব তৌবা য়াই নত্ত্রগা দিজিতেল ওইনা লৌবা য়াবা অমসুং ভেক্সিনেসনগী প্রমান ওইনা তঙাইফদবা মতমদা লৌবা য়াবা দিজি লোক্কর অমদা থম্বা য়াই। মসিগা মান্ননা, সর্তিফিকেত অসি তঙাইফদবা মতমদা লৌবা য়াবা এন্ত্রী পোইন্ত (খুদম ওইনা মোলদা, ওফিসকী কমপ্লেক্স, মীয়ামগী ওইবা থৌরমশিং অসিনচিংবা), মসি দিজতেল অমসুং ফিজিকেল ওইবা মওংদা উৎপা য়াই।

অদুম ওইনমক, এন্তিতীনা খুদক্কী ওইনা সর্তিফিকেত অদুবু মপুং ওইনা য়েংদ্রবসু য়াবা য়াওরকপা অমসুং মীওই অমবু ভেক্সিনেসন কাপখ্রবরা নত্ত্রগা কাপখিদ্রিবরা হায়বা খক্তা তঙাইফদবা য়াওরকপা য়াই। অসিগুম্বা ওইথোকপা য়াবা খরগীদমক মখাদা পীরিবা অসুম্না শিজিন্নবা য়াই:

  1. এন্তরপ্রাইস/এমপ্লোয়র অমনা মহাক্কী এমপ্লোয়ীনা ওফিসশিং, থবক মফমশিং অসিনচিংবদা মথৌ হঞ্জিনবদা ভেক্সিনেসনগী ফিভম খঙবা পাম্বা

ii) রেলৱেজনা ত্রেন্দা মখোয়গী সীতশিং রিজার্ব ফংলবা পেসেঞ্জরশিংগী ভেক্সিনেসনগী ফিভম খঙবা পাম্বা।

iii) এয়রলাইন্সনা ফ্লাইত তিকেৎ বুকিং তৌখবা পেসেঞ্জরশিংগী ভেক্সিনেসনগী ফিভম খঙবা পাম্বা অমসুং/নত্ত্রগনা এয়রপোর্তনা পেসেঞ্জরশিং মনুং চংলকপদা ভেক্সিনেসন কাপ্লবা পেসেঞ্জরশিং খক্তা অয়াবা পীবা পাম্বা।

iv) তেলশিংনা মখোয়গী রেসিদেন্তশিংবু হোতেল অদুদা চংলকপা নত্ত্রগা ওনলাইন বুকিং তৌবা মতমদা ভেক্সিনেসনগী ফিভম খঙবা পাম্বা।

সোসিও-ইকোনোমিক্কী থবকশিং তপ্না-তপ্না ফগৎলকপা লোয়ননা মীপুম খুদিংগী শাফনবা এন্তিতীশিংদা মখোয়না অমা নত্ত্রগা মরম খুদিংগী, এমপ্লোয়িশিং ওইনা, পেসেঞ্জরশিং ওইনা, রেসিদেন্ত অসিনচিংবশিং অসিগী মীওই অমগী ওইবা ভেক্সিনেসনগী ফিভম দিজিতেল ওইনা খঙহনবগী মথৌ তাই।

মরম অদুনা, কো-ৱিনগী খুৎথাংদা ভেক্সিনেসনগী ফিভমগীদমক আধারগুম্বা ওথেন্তিকেসনগী থবকশিং তঙাইফদবা লৈ। অসিগুম্বা কেসশিং অমসুং অতৈ লাকপা য়াবশিংগী চেকশিন থৌরাংগীদমক, কো-ৱিন্না নো য়োর কস্তমরস/ক্লাইন্তস ভেক্সিনেসন স্তেতস নত্ত্রগা কে.ৱাই.সি.-ভি.এস.” কৌবা অনৌবা এ.পি.আই. অমা শেমগৎলি। এ.পি.আই. অসিবু শিজিন্নবা, মীওই অমনা মহাক্কী মোবাইন নম্বর অমসুং মমিং পীশিনবা মথৌ তাই। মদুগী মতুংদা, মখোয়না এন্তর তৌনবা ও.তি.পি. অমা ফংগনি। মসিগী মতুংদা, কো-ৱিন্না মীওই অদুগী ভেক্সিনেসনগী ফিভম তাকপা অমা এন্তিতীনা পাউখুম ওইনা ফংহনগনি, মখাদা পীরিবা অসুম্না -

০ - মীওই অসি ভেক্সিন কাপত্রি

১ - মীওই অসি শরুক অমা ভেক্সিন কাপখ্রে

২ - মীওই অসি মপুং ফানা ভেক্সিন কাপখ্রে

পিরক্লিবা পাউখুম অসি দিজিতেল ওইনা সহি তৌরি অমসুং ভেরিফাই তৌরিবা এন্তিতীদা খুদক্তা পীবা য়ারে। তশেংনা থোকপা খুদম অমা ওইনা রেলৱে তিকেৎ বুকিং তৌবা মতমদা, মীওই অমনা তিকেৎ অমা ককপা মতমদা তঙাইফদনা চংবা পীবা, অমসুং তঙাইফদ্রগনা মরী লৈনবা এন্তিতীনা মীওই অদুগী অয়াবা য়াওনা ভেক্সিনেসনগী ফিভম খঙবা য়াই।

কে.ৱাই.সি.-ভি.এস.না অসিগুম্বা কেসশিং অমসুং অতৈ কয়া অমদা হেন্না লায়থোকহনগনি। অনিমক কন্সেন্ত-বেজ ওইবা অমসুং প্রাইবেসী প্রিজর্বিং ওই। মখা তানা, হেন্না অথুবগীদমক লায়থোক্নবা, কো-ৱিন তীম্না এ.পি.আই.গা লোয়ননা ৱেবপেজ অমা শেম-শারি, হায়রিবা অসিনা সিস্তেম অমদা হেক্তা চান্নগনি। মসিনা মতম চংদনা অপনবা য়াওদনা সিস্তেম অমগা শম্নহল্লি।

কনাগুম্বা মীওই অমনা ভেক্সিনেসনগী ফিভম অসি লায়না ফংবা ঙমলক্তবদা, লনাই নত্ত্রগা পব্লিক্কী ওইরবসু, হায়রিবা কেসশিং অসি শিজিন্নবগী মথক্তা, থবকশিং অসি সর্বিস প্রোভাইদর অমা হেক্তা শিজিন্নবা য়াই।

****



(Release ID: 1753969) Visitor Counter : 61