কঞ্জ্যুমর মিলিয়ন কয়াদা মখোয়গী শেলথুমগী রেকোর্দতা হেন্না এক্সেস ফংহন্দুনা অমদি কন্ত্রোল লৈহন্দুনা, অমসুং লেন্দর অমসুং ফিনতেক কম্পেনীশিংগী মতিং লৈবা কস্তমর পুল পাকথোক চাউথোকহন্দুনা শেল থাদবা অমসুং ক্রেদিতকী মওং মতৌদা চাউনা অওনবা পুরক্কদবা ফাইনেন্সিএল দেতা শেয়রিং সিস্তেম অমা ওইরিবা একাউন্ত এগ্রিগেতর (এ.এ.) নেতৱর্ক মমাঙগী চয়োলদা ভারতনা মায়খুম হাংদোকখি‍। একাউন্ত এগ্রিগেতরনা লনাই মীওইশিংবু মখোয়গী ফংবা ঙমদনা লৈরিবা মশাগী ফাইনেন্সিএল দেতাদা কন্ত্রোল লৈহন্দুনা মপাঙ্গল হাপ্লি‍।

মসি ভারত্তা ওপন বেঙ্কিং পুরক্নবা অমদি কস্তমর মিলিয়ন কয়াদা দিজিতেল এক্সেস ফংহন্দুনা মখোয়গী ফাইনেন্সিএল দেতা ইন্সতিত্যুসনশিংদা সিক্যুর অমদি ইফিসিএন্ত ওইবা মওংদা শেয়র তৌবা ঙমহন্নবা অহানবা খোঙথাংনি‍।

একাউন্ত এগ্রিগেতর সিস্তেম অসি ভারতকী খ্বাইদগী চাউবা বেঙ্ক নিপানদগী হৌদোকখিবনি‍। একাউন্ত এগ্রিগেতর সিস্তেম অসিনা শেল পুথোকপা অমদি লনথুম মেনেজমেন্ত তৌবদা হেন্না য়াঙনা অমদি হোঙনা তৌবা ঙমহল্লি‍।

১. একাউন্ত এগ্রিগেতর অমা হায়বসি করিনো?

একাউন্ত এগ্রিগেতর (এ.এ.) হায়বসি লনাই মীওই অমবু মখোয়গী একাউন্ত লৈবা ফাইনেন্সিএল ইন্সতিত্যুসন অমদগী মখোয়গী ওইবা ইনফোর্মেসন দিজিতেল ওইনা চঙদুনা এ.এ. নেতৱর্কতা লৈবা রিগুলেত তৌরবা অতৈ ফাইনেন্সিএল ইন্সতিত্যুসনশিংদা পীথোক পীশিন তৌবা য়াহনবা আর.বি.আই.না রিগুলেত তৌবা এন্তিতী (এন.বি.এফ.সি.-এ.এ. লাইসেন্স লৈবা) মখল অমনি‍। দেতাশিং লনাই মীওইদুগী অয়াবা য়াওদনা পীথোক পীশিন তৌবা য়ারোই‍।

একাউন্ত এগ্রিগেতর ময়াম লৈগনি অমদি মীওই অমনা মখোয়গী মরক্তগী খনবা য়াগনি‍।

একাউন্ত এগ্রিগেতরনা অদোমগী দেতা শীজিন্নবগীদমক গ্রেনুলর ওইবা তাঙ্ক তাঙ্কক্কী ওইনা পর্মিসন অমসুং কন্ত্রোল মথৌ তাবা ‘চেক মনা অহাংবা’গী মওংদা লৈরিবা অশাংবা তর্ম অমসুং কন্দিসনশিংগী মহুৎ শিনবনি‍।

২. কমদৌনা অনৌবা একাউন্ত এগ্রিগেতর নেতৱর্কনা মীচম মীওই অমগী ফাইনেন্সিএল লাইফ ফগৎহনগদৌরিবনো?

ভারতকী শেলথুমগী সিস্তেম অসি ঙসিগী কঞ্জ্যুমরশিংগী ওইনা – বেঙ্ক স্তেতমেন্তকী ফিজিকেল সাইন কোপী পীবা, চে-চাংশিং নোতেরাইজ তৌনবা নৎত্রগা স্তাম্প নম্নবা কোইচেন চেন্নবা, নৎত্রগা থর্দ পার্তী অমদা অদোমগী শেলথুমগী হিস্তরী পীননবা ইশাগী য়ুজরনেম অমসুং পাসৱর্দ পীথোকপনচিংবা অয়েৎ-অপন কয়া য়াওরি‍। হায়রিবা পুম্নমকসি একাউন্ত এগ্রিগেতর নেতৱর্কনা অরায়বা, মোবাইলদা য়ুম্ফম ওইবা অমদি শাফবা মওংগী দিজিতেল দেতা এক্সেস অমসুং শেয়রিংগী থৌওং অমনা মহুৎ শিন্দোক্কনি‍। মসিনা অনৌবা মখলগী সর্ভিসশিং – খুদম ওইবা অনৌবা মখলগী লোন অসিনচিংবা খুদোংচাবশিং শেমগৎকনি‍।

মীওই অদুগী বেঙ্ক অদুনা একাউন্ত এগ্রিগেতর নেতৱর্ক অসিদা য়াওশিনবা খক্তনি মথৌ তারিবা‍। বেঙ্ক নিপান্না – মরিনা মশাগী অয়াবগী মতুং ইন্না দেতা শেয়রিং তৌদুনা (এক্সিস, আই.সি.আই.সি.আই., ঐচ.দি.এফ.সি. অমসুং ইন্দসইন্দ বেঙ্ক) অমদি মরি অমনা অথুবা মতমদা তৌনবা শেম শাদুনা (স্তেত বেঙ্ক ওফ ইন্দিয়া, কোতক মহিন্দ্র বেঙ্ক, আই.দি.এফ.সি. ফর্স্ত বেঙ্ক, অমসুং ফেদরেল বেঙ্ক) মসিদা য়াওরে‍।

৩. একাউন্ত এগ্রিগেতরগা আধার ই.কে.ৱাই.সি. দেতা শেয়রিং, ক্রেদিত ব্যুরো দেতা শেয়রিং, অমসুং সি.কে.ৱাই.সি.গুম্বা ফম্পাকশিংগা কমদৌনা খেন্নবগে?

আধার ই.কে.ৱাই.সি. অমসুং সি.কে.ৱাই.সি.না কে.ৱাই.সি.গীদমক মথৌ তাবা ‘আইদেন্তিতী’ দেতা ফীল্দ মরি (খুদম ওইনা মীং, লৈফম, জেন্দরনচিংবা) শেয়র তৌবা য়াহল্লি‍। মতৌ অসুম্না  ক্রেদিত ব্যুরো দেতানা লোন হিস্তরী অমসুং/নৎত্রগা ক্রেদিত স্কোরখক্তমক উৎলি‍। একাউন্ত এগ্রিগেতর নেতৱর্কনা সেভিং/দিপোজিত/করেন্ত একাউন্তশিংদগী ত্রাঞ্জেক্সন দেতা নৎত্রগা বেঙ্ক স্তেতমেন্ত শেয়র তৌবা য়াহল্লি‍।

৪. করমব মখলগী দেতা শেয়র তৌবা য়াবগে?

ঙসিদি নেতৱর্কসিদা য়াওরবা বেঙ্কশিংগী মরক্তা বেঙ্কিং ত্রাঞ্জেক্সন দেতা (খুদম ওইনা করেন্ত নৎত্রগা সেভিং একাউন্ত অমগী বেঙ্ক স্তেতমেন্ত) শেয়র তৌবা য়াহল্লে‍।

তপ্না তপ্না এ.এ. ফ্রেমৱর্কসিনা তেক্স দেতা, পেন্সন দেতা, সিক্যুরিতী দেতা (মুচুএল ফন্দ অমসুং ব্রোকরেজ), অমসুং ইন্স্যুরেন্স দেতা য়াওনা শেলথুমগী দেতা পুম্নমক কঞ্জ্যুমরশিংদা শেয়র তৌনবা ফংহল্লক্কদৌরি‍। মসি লনাই মীওইশিংদা এ.এ.গী খুত্থাঙদা হকশেল অমসুং তেলিকোমগী দেতা ফংহন্নবগীদমক শেলথুমগী সেক্তরগী ৱাংমদসু পাকথোক চাউথোরকখিগনি‍।

৫. এ.এ.শিংনা পর্সোনেল দেতা য়েংবা নৎত্রগা ‘তাশিনবা’ ঙমগদ্রা? দেতা শেয়রিং অসি সিক্যুর ওইবরা?

একাউন্ত এগ্রিগেতরনা দেতা উবা ঙম্লোই; মখোয়দি ইচম চম্না লনাই মীওইদুগী দাইরেক্সন অমসুং কন্সেন্তকী মতুং ইন্না দেতাশিংদু ফাইনেন্সিএল ইন্সতিত্যুসন অমদগী অমদা পীথোক পীশিন তৌবখক্তনি‍। মমিংসিগী ওন্ন-তৈনবদা, মখোয়না অদোমগী দেতা তাশিনবা ঙমদে‍। এ.এ. অ্রসি অদোমগী দেতাশিং খোমজিন তাশিল্লগা অদোমগী মচা খায়বা প্রোফাইলশিং শেমবা তেক্নোলোজী কম্পেনীশিংগুম্বা নত্ত‍ে‍।

এ.এ.না শেয়র তৌরিবা দেতাশিং অসি থারিবদুনা এনকৃপ্ত তৌই অদুগা ফংলিবদুখক্তনা দিকৃপ্ত তৌবা ঙমগনি‍। এন্দ তু এন্দ এনকৃপ্সন অমসুং ‘দিজিতেল সিগনেচর’গুম্বা তেক্নোলোজী শীজিন্নবনা থৌওং অসি চেগী দোকুমেন্ত শেয়র তৌবদগী হেন্না সিক্যুর ওইহল্লি‍।

৬. কঞ্জ্যুমর অমনা মখোয়না দেতা শেয়র তৌবা পামদে হায়না ফিরেপ লৌজবা য়াবরা?

হোই‍। এ.এ.দা রেজিস্তর তৌবা অসি কঞ্জ্যুমরশিংগী ওইনা মপুং ফানা ভলুন্তরী ওই‍। করিগুম্বা কঞ্জ্যুমর অমনা শীজিন্নরিবা বেঙ্ক অদুনা নেতৱর্ক অসিদা য়াওরবদি, মীওই অদুনা একাউন্ত এগ্রিগেতর অমগী খুত্থাঙদা ‘কন্সেন্ত’ পীরমদাই তাঙ্কক্তা এ.এ.দা রেজিস্তর তৌবা, মখোয়না লিঙ্ক তৌবা পাম্বা একাউন্ত, অমদি অনৌবা লেন্দর নৎত্রগা ফাইনেন্সিএল ইন্সতিত্যুসন অমদা অকক্নবা মরম খরগীদমক মখোয়গী একাউন্তশিংগী মনুংদগী অমগী দেতা শেয়র তৌবা য়াই‍। কস্তমর অমনা শেয়র রিক্বেস্তকী কন্সেন্ত মতম অমদা হেন্তা ককথৎপা য়াই‍। করিগুম্বা কঞ্জ্যুমর অমনা মতম খরগী ওইনা চাং নাইনা দেতা শেয়র তৌনবা অয়াবা পীখ্রবসু (খুদম ওইনা লোন শিংলিঙৈ মতমদা), মদু মতম অমদা হেক্তা কঞ্জ্যুমর অদুনা ককথৎপা য়াই‍।

৭. করিগুম্বা কঞ্জ্যুমর অমনা মহাক্কী দেতা ইন্সতিত্যুসন অমগা অমুক শেয়র তৌখিবদা মখোয়না মদুবু কয়াম কুইনা শীজিন্নবা য়াবগে?

ফংগদৌরিবা ইন্সতিত্যুসন্দুনা এক্সেস লৈগদবা অকক্নবা মতম দেতা শেয়রিংগী কন্সেন্ত পীরমদাই মতমদা কঞ্জ্যুমরদুদা উৎলক্কনি‍।

৮. কমদৌনা কঞ্জ্যুমর অমনা এ.এ.দা রেজিস্তর তৌবা য়াবগে?

অদোম্না মখোয়গী এপ নৎত্রগা ৱেবসাইত শীজিন্নরগা এ.এ.দা রেজিস্তর তৌবা য়াই‍। কন্সেন্ত পীবগী থৌওংদা শীজিন্ননবা এ.এ.না হেন্দল অমা (য়ুজরনেমগুম্বা) পীরক্কনি‍।

হৌজিক্কী ওইনা এ.এ. ওইনা থবক তৌবা য়ানবা লাইসেন্স পায়রবা এপ মরি (ফিনবু, ৱনমনী, কেম্স ফিনসর্ভ, অমসুং এন.এ.দি.এল.) দাউনলোদ তৌবা য়ারে‍। অহুম অমসু (ফোনপে, য়োদ্লী, অমসুং পর্ফিওস) আর.বি.আই.দগী ইন প্রিন্সিপল ওইনা অয়াবা ফংলে অমদি থুনা এপ লোঞ্চ তৌরক্লগনি‍।

৯. কস্তমর অমনা এ.এ. খুদিংমক্কা রেজিস্তর তৌবা মথৌ তাগদ্রা?

তারোই, কস্তমর অমনা নেতৱর্কতা য়াওরিবা বেঙ্ক অমা হেক্তদগী দেতা এক্সেস তৌনবা এ.এ. অমা হেক্তদা রেজিস্তর তৌবা য়াই‍।

১০. কস্তমর অমনা ফেসিলিতী অসি শীজিন্ননবা এ.এ. অদুদা শেল থিবা মথৌ তাগদ্রা?

মসি এ.এ.দুগী মখা পোনগনি‍। এ.এ. খরনা ফাইনেন্সিএল ইন্সতিত্যুসনশিংদগী সর্ভিস ফী লৌবনা মরম ওইরগা লেম্না পীরকপা য়াই‍। খরা অমনা অপীকপা শেন্ফম খরা লৌরকপসু য়াই‍।

১১. করিগুম্বা মখোয়গী বেঙ্ক অদুনা দেতা শেয়রিংগী নেতৱর্ক অসিদা য়াওরবদি কস্তমর অমনা করম্বা অনৌবা সর্ভিসশিং ফংবা য়াবগে?

মীওই অমগীদমক হেন্না ফবা মওংদা ফংগদবা মরুওইবা সর্ভিস অনি হায়রগদি লোন অমসুং মনী মেনেজমেন্তকী খুদোংচাবনি‍। করিগুম্বা কস্তমর অমনা অপীকপা বিজিনেস নৎত্রগা পর্সোনেল লোন অমা পাম্লবদি শেল পুথোক্লিবা অদুদা পীবা মথৌ তাবা চে-চাং কয়া লৈ‍। মসি ঙসিদি য়াম্না খুরৌ চেনবা অমদি মেনুএল ওইবা থৌওং ওইদুনা, লোন লৌনবা, লোন ফংনবা মতম য়াম্না চঙহল্লি‍। মতৌ অসুম্না শেলথুম মেনেজ তৌবসু ঙসিদি দেতাশিং তোঙান তোঙানবা মফমশিংদা স্তোর তৌবনা মরম ওইরগা এনালাইসিস তৌনবা ইরায় লায়না খোমজিনবা ঙমদবনিনা খুদোংচাদবা কয়া থোকই‍।

একাউন্ত এগ্রিগেতরগী খুত্থাঙদা কম্পেনী অমনা শেমদোক শাদোকপা য়াওবনা সিক্যুর ওইবা দেতা থুনা অমদি হোঙনা এক্সেস লৈন্দুনা কস্তমর অমনা লোন ফংনবগীদমক লোন ইভালুএসনগী থৌওং থুজিনহল্লি‍। মসিদসু নত্তনা জি.এস.তি. নৎত্রগা জি.ই.এম.গুম্বা লৈঙাক্কী সিস্তেম অমদগী তুংগী ইনভোইস নৎত্রগা কেস ফ্লোগী থাজবা য়াবা ইনফোর্মেসন শেয়র তৌরগা কস্তমর অমনা ফিজিকেল কোলেতরেল য়াওদনা লোন ফংবা য়াহনগনি‍।

*****