নুপী অমসুং অঙাংশিংগী চাউখৎ থৌরাং মন্ত্রালয়
ৱুমেন অমসুং চাইল্দ দিবেলপমেন্তগী কেন্দ্রগী মন্ত্রী, শ্রীমতি সমৃতি ইরানিনা লৈবাক অসিদা লৈরিবা অনগনৱাদি ৱার্করশিং অমসুং হেল্পরশিংদা ৱারোল থমখ্রে
অনগনৱাদি ৱার্করশিংনা নুপী অমসুং অঙাংশিংগী য়াইফনবগীদমক চোকথবা নাইদনা হোৎনখিবশিং অমসুং পোশন ২.০গীদমক সজেসনশিং পীরকখিবা অসিগীদমক দবল্যু.সি.দি.গী কেন্দ্রগী মন্ত্রীনা মখোয়বু থাগৎখ্রে
কেন্দ্রগী মন্ত্রী, শ্রীমতি সমৃতি ইরানিনা মরু ওইনা এস্পিরেস্নেল জিলা পুম্নমক্তা ‘পোশান বতিকাস’ শেমগৎনবা এ.দবল্যু.দবল্যু. পুম্নমক্তা তকশিনখ্রে
Posted On:
03 SEP 2021 6:00PM by PIB Imphal
‘অজাদি কা অমিৃত মহোতসব’কী মখাদা সেপ্তেম্বর থা চুপ্পা পাংথোক্কদৌরিবা ‘পোশান মাহ’ থৌরমশিংগী শরুক ওইনা লৈবাক অসিগী অনগনৱাদি ৱার্করশিংদা ৱুমেন অমসুং চাইল্দ দিবেলপমেন্তগী কেন্দ্রগী মন্ত্রীনা ঙসি ৱারোল থমখ্রে৷ থৌরম অদু হৌরকপদা, নুপী অমসুং অঙাংশিংগীদমক য়াইফবা পুরক্নবগীদমক মরু ওইনা কোবিদ-১৯ লাইনা-লাইচৎকী মতমদা অনগনৱাদি ৱার্করশিং(এ.দবল্যু.দবল্যু.শিং) অমসুং অনগনৱাদি হেল্পরশিংনা পু্ক্নিং চেৎনা অমসুং চোকথবা নাইদনা হোৎনখিবা অদুগীদমক মখোয় পুম্নমকপু শ্রী ইরানিনা থাগৎখ্রে অমসুং পোশান ২.০দা হাপ্পা য়াবা ৱাখল্লোনশিং অমসুং সজেসনশিং অদু পীশিল্লক্নবা মখোয়দা তকশিনখ্রে৷
থা অমা চুপ্না পাংথোক্কদৌরিবা পোশান মাহগী থৌরমশিংদা মরু ওইনা লৈবাক অসিদা লৈরিবা এস্পিরেস্নেল জিলা পুম্নমক্তা লৈরিবা অনগনৱাদি সেন্তর পুম্নমক্তা ‘পোশান বতিকাস’(ন্যুত্রিসন গার্দেনশিং) শেমগৎনবা দবল্যু.সি.দি.গী কেন্দ্রগী মন্ত্রীনা এ.দবল্যু.দবল্যু. পুম্নমক পুক্নিং থৌগৎলি৷ হিরম অসিগী মতাংদা কেন্দ্র সরকারদগী পাংবা য়াবা মতেং পুম্নমক পাংগনি হায়না শ্রীমতি ইরানিনা থাজবা পীখ্রে অমসুং পোশান বতিকাস্তা ফ্রেশ ইম্পিকস পীননবা ওফিসিয়েলশিং অসিগা খুৎশম্নদুনা থবক তৌমিন্ননবা এ.দবল্যু.দবল্যু.শিংদা হায়খ্রে৷
লৈবাক অসিদা লৈরিবা মীওইশিং মরু ওইনা নুপীশিং অমসুং অঙাংশিংগী ফিভম ফগৎহন্দুনা হেল্দী ওইবা অমসুং চাওখৎপা লৈবাক অমা ওইহনবা হায়বসি প্রধান মন্ত্রী, শ্রী নরেন্দ্র মোদীনা মংলান্নি অমসুং মিসন্নি অমসুং মসিগীদমক অনগনৱাদি সেন্তর পুম্নমক্তা স্তেত ওফ দি আর্ত ইনফ্রাস্ত্রকচর অমসুং সপোর্ত পীগনি হায়না প্রধান মন্ত্রীনা খঙহনবা লৈখ্রে হায়না কেন্দ্রগী মন্ত্রী অসিনা ফোংদোকখি৷ পোশান ২.০ অসিগী খুৎথাংদা, হেন্না ফবা ইনফ্রাস্ত্রচর শেমগৎতুনা অনগনৱাদি সেন্তরশিং অসি হেন্না মপুং ফাহল্লগনি(শকশম অনগনৱাদি) অমসুং নুপীশিং অমসুং অঙাংশিংগী ন্যুত্রিস্নেল অৱাৎপশিং অসি মেনখৎপা ঙম্নবা হোৎনবা য়াবা পুম্নমক হোৎনরগনি হায়না শ্রীমতি ইরানিনা ফোংদোকখ্রে৷
এ.দবল্যু.দবল্যু. পুম্নমক্কী ওইনা অখন্নবা ইন্সুরেন্স স্কিম লৈরিবনি অমসুং মসিগী মতুং ইন্না, ইন্সুরেন্স কোবর অসি এ.দবল্যু.দবল্যু.শিংদা ফংহনবা য়ানবা তঙাই ফদবা খোঙথাংশিং লৌখৎনবা রাজ্য সরকারশিংদা হায়জখ্রে হায়না শ্রীমতি ইরানিনা ফোংদোকখ্রে৷
থৌরম লোইশিল্লকপদা, থবক থৌরম পুম্নমক তৌদুনা এ.দবল্যু.দবল্যু. পুম্নমক্তা ইকাই খুম্নবা উৎনবগী খুদোংচাবা অমা অসি পোশান মাহনা ওইরি হায়না কেন্দ্রগী মন্ত্রীনা ফোংদোকখি অমসুং থা অসি খক্তা নত্তনা অনগনৱাদি ৱার্করশিংনা চোকথবা নাইদনা হোৎনরিবা অসিদা চহি চুপ্পা ইকাই খুম্নবা উৎকদবনি হায়না ফোংদোকখ্রে৷
*****
(Release ID: 1751921)
Visitor Counter : 170