মরু ওইবা হায়লাইত:

• লৈবাক শিনবা থুংনা চত্থরিবা ক্ব্যুজ অসিনা জাতিগী থাক্তা লৈরিবা ফম্পাক্তা চাংদম্ননবা খুদোংচাবা অমা অমসুং মখোয়গী স্কুলশিংগীদমক লুপা করোর ৩ হেনবা অপুনবা কেশ প্রাইজ অমা ফংনবগী খুদোংচাবা পীরগনি।
• ফিত ইন্দিয়া ক্ব্যুজ অসি ভারতকী নীংতম্বা ফংখিবা চহি ৭৫শুবগী পালন তৌনবা কেন্দ্র সরকারগী ‘আজাদী কা অমৃত মহোৎসব’কী শরুক অমনি।
• তোকিও ওলিম্পিক্সকী মেদলিস্ত নীরজ চোপ্রা অমসুং পি.ভি. সিন্ধুনা থৌরম অসি ভর্চ্যুএল ওইনা শরুক য়াখি।

য়ুথ এফিয়র্স অমসুং স্পোর্তসকী কেন্দ্রগী মন্ত্রী শ্রী অনুরাগ সিংহ থাকুর অমসুং এজুকেসনগী কেন্দ্র মন্ত্রী শ্রী ধর্মেন্দ্র প্রধান্না ঙসি নই দিল্লীদা ফিতনেস অমসুং স্পোর্তসকী খ্বাইদগী অহানবা ক্ব্যুজ ওইরিবা, ফিত ইন্দিয়া ক্ব্যুজ হৌদোকখ্রে। য়ুথ এফিয়র্স অমসুং স্পোর্তসকী রাজ্য মন্ত্রী, শ্রী নিসিথ প্রমানিকসু হৌদোকপগী থৌরম অদুদা শরুক য়াখি। তোকিও ওলিম্পিক্সকী মেদলিস্ত নীরজ চোপ্রা অমসুং পি.ভি. সিন্ধুনা থৌরম অসি ভর্চ্যুএল ওইনা শরুক য়াখি। স্কুলগী মহৈরোয় খরনা থৌরাং অসি হৌদোক্নবা খুদক্কী ওইবা ক্ব্যুজ অমদা শরুক য়াখি।

লৈবাক শিনবা থুংবদা পাঙথোক্কদবা ক্ব্যুজ অসিনা স্কুল চৎলিবা অঙাংশিংগী মরক্তা ফিতনেস অমসুং স্পোর্তসকী মরমদা এৱের্নেস পীনবা লোইননা মখোয়দা জাতিগী থাক্তা লৈরিবা ফম্পাক্তা চাংদম্ননবা খুদোংচাবা অমা অমসুং মখোয়গী স্কুলশিংগীদমক লুপা করোর ৩ হেনবা অপুনবা কেশ প্রাইজ অমা ফংনবগী খুদোংচাবা পীরগনি। ফিত ইন্দিয়া ক্ব্যুজ অসি ভারতকী নীংতম্বা ফংখিবা চহি ৭৫শুবগী পালন তৌনবা কেন্দ্র সরকারগী ‘আজাদী কা অমৃত মহোৎসব’কী শরুক অমনি অমসুং রাজ্য পুম্নমক্কী মহৈরোয়শিংবু ফম্পাক অমদা অমত্তা ওইনা পুরকপদা নত্তনা মখোয়বু মেন্তেল স্কিল অমসুং ফিজিকেল ফিতনেসগী ওইবা চাংদম্নবা অমদা মখোয়বু শরুক য়াহন্নবা দিজাইন তৌখি।

ফিত ইন্দিয়া ক্ব্যুজকী মতাংদা ৱা ঙাংলদুনা শ্রী থাকুরনা হায়খি, “মেন্তেল ফিতনেস অসি ফিজিকেল ফিতনেসগা চপ মান্ননা মরু ওই। ফিত ইন্দিয়া ক্ব্যুজনা অসিনা চহি য়াম্না নৌরিঙৈ মতমদা মেন্তেল এলর্তনেস লৈহল্লগনি অমসুং মসিগা ইরোইননা ক্ব্যুজ অসিনা স্পোর্তসকী লৌশিং হেনগৎহন্নবা অফবা পাম্বৈ অমা ওইরি। ওলিম্পিক্সতা ঐখোয়না মাইপাকপা ঙমখিবগা লোইননা ভারতকী চাউরবা স্পোর্তসকী পুৱারী অমা লৈজৈ; ঐখোয়না মহৈরোয়শিংবু মসিগী চেম্পিয়নশিং ওইহনবগা লোইননা লৈবাক অসিদা স্পোর্তসকী কলচর অমা শেমগৎনবগী পান্দমদা ইনোৎ হাপ্লগনি। চাংদম্নবগী ৱাখল্লোন অসিনা তীম করেক্তর অমসুং তীম স্পিরিতসু লৈহল্লগনি। প্রধান মন্ত্রী নরেন্দ্র মোদীনা হোলিস্তিক এজুকেসন অমসুং ঐখোয়গী পুন্সিদা স্পোর্তসকী মরু ওইবা অদুদা মীৎয়েং থমখি। মহাক্না অঙাংশিংগা ৱারী-ৱাতায় শানবনা মহৈরোয়শিংদা মহৈ মশিং তমদুনা অমসুং চাউখৎনবগীদমক স্ত্রেস ফ্রী এনভাইরনমেন্ত অমসু শেমগৎহনখি; ফিত ইন্দিয়া ক্ব্যুজ অসিনা মাইকৈ অসিদা পান্দম থমখি।”

থৌরম অসিদা ৱা ঙাংলদুনা শ্রী ধর্মেন্দ্র প্রধান্না হায়খি ফিতনেস অমসুং এজুকেসনগী মরক্তা অচেৎপা মরী অমা লৈ। ন্যু এজুকেসন পোলিসী (এন.ই.প.)-২০২০না ফিত ইন্দিয়া মুফমেন্তগী পান্দম ওইনা মহৈরোয়শিংনা ফিতনেসপু পুন্সিগী ওইনা ঙাক্না চৎহন্নবা স্পোর্তস-ইন্তিগ্রেতেদ লর্নিংদা অখন্নবা মীৎয়েং থম্লি। শ্রী প্রধান্না হায়খি কোবিদ-১৯ লাইচৎ অসিনা মহৌশাগী ওইবা থবক-থৌরমশিংদা অপনবা পীখি অমসুং ফিত ইন্দিয়া মুফমেন্তগী কান্নবা অসি শরুক কয়া হেনগৎহনখি। মহাক্না হায় ফিত ইন্দিয়া ক্ব্যুজনা মহৈরোয়শিংদা মখোয়গী ফিতনেস অমসুং স্পোর্তসকী মতাংদা লৈরিবা লৌশিং উৎথোক্নবা জাতিগী থাক্কী ফম্পাক অমা পীরি, লমদম অসিগী মশান্নশিং, ঐখোয়গী স্পোর্তস হেরোশিং য়াওনা ভারতকী মমল য়াম্লবা স্পোর্তসকী পুৱারী অসিগী মতাংদা এৱের্নেস পীরগনি অমসুং ভারতকী অরিবা পুন্সি মহিংগী ওইবা থবক-থৌরমশিং অসিনা করম্না পুম্নমক্কী ওইনা মশা-মউ ফবা পুন্সি অমা হিংনবগী য়ুম্ফম ওইরি।

য়াসকী এম.ও.এস. শ্রী নিসিথ প্রমানিকনা মহাক্কী ৱারোল পীরদুনা হায় ফিত ইন্দিয়া মিসনদা চহি কাংলুপ খুদিংমক্কী মীওইশিংনা শরুক য়ারি অমসুং স্কুল পুম্নমক্তা ফিত ইন্দিয়া ক্ব্যুজতা শরুক য়ান্নবা অমসুং অনৌবা ভারতপু ফিত ইন্দিয়া ওইহন্নবা অপীল তৌখি।

নীরাজ চোপ্রানা হায়খি ঐখোয়না হৌজিক স্পোর্তসকী মরমদা খনবা অমসুং থবক তৌবা অসিদা মহাক্না য়াম্না নুংঙাইবা পোকই হায়না ফোঙদোকখি। মসিনা মহৈরোয় পুম্নমকপু শোইদনা ইথিল পীরগনি। পি.ভি. সিন্ধুনা হায় ফিত ইন্দিয়া ক্ব্যুজ অমসুং মহৈরোয়শিংগীদমক্তা ফম্পাক অমা পীরগনি অমসুং মহাক্না মহৈরোয় খুদিংদা ক্ব্যুজ অসিদা শরুক য়ান্নবা অপীল তৌখি।

ক্ব্যুজ অসিদা শরুক য়ানবা স্কুলশিংনা সেপ্তেম্বর ১দগী সেপ্তেম্বর ৩০, ২০২১ ফাওবগী মনুংদা ফিত ইন্দিয়াগী ৱেবসাইতদা পীরিবা লিঙ্ক অসিদা রেজিস্তর তৌগদবনি অমসুং ওক্তোবর লোইরকপদা পাঙথোক্কদবা ক্ব্যুজ অসিগী প্রিলিমিনরী রাউন্দদা শরুক য়াগদবা মখোয়গী মহৈরোয়শিং খনগদবনি।

প্রিলিমিনরী রাউন্দদা থোইরবশিং অদুনা দিসেম্বর থাদা পাঙথোক্কদবা স্তেৎ রাউন্দদা শরুক য়াগনি অমসুং স্তেৎ রাউন্দকী অথোইবশিং অদুনা ইং কুমজা ২০২২গী জনুৱারী – ফেব্রুৱারীদা পাঙথোক্কদবা জাতিগী থাক্কী ক্ব্যুজতা শরুক য়াগনি। ক্ব্যুজ অসিগী অরোইবা রাউন্দ স্তার স্পোর্তসতা শন্দোক্কনি।

*******