পি.এফ.আর.দি.এ.না চলাইবা, ভারত লৈঙাক্কী গরেন্তীদ পেন্সন স্কিম অতল পেন্সন য়োজনা (এ.পি.ৱাই.)গী মখাদা চৎলিবা শেনবা চহি ২০২১-২২সিদা এ.পি.ৱাই.গী অনৌবা একাউন্ত লাখ ২৮ হেন্না হাংদোকখ্রে‍। ওগস্ত ২৫, ২০২১ ফাওবদা অপুনবা এনরোলমেন্ত মশিং করোর ৩.৩০ হেনখ্রে‍।

চহি-চহিগী ওইবা বেঙ্ক কেতগরিশিংগী এ.পি.ৱাই. এনরোলমেন্ত মশিং মখাদা পীরি:

শেনবা চহি ২০২১-২২ মনুংদা এ.পিঈ.ৱাই এনরোলমেন্ত লাখ ১গী মথক্তা তৌরকখিবা মকোক থোংবা বেঙ্কশিংদি:

ওগস্ত ২৫, ২০২১ ফাওবদা এ.পি.ৱাই. এনরোলমেন্ত লাখ ১০গী মথক্তা তৌরকখ্রবা মকোক থোংবা স্তেতশিংদি:

ওগস্ত ২৫, ২০২১ ফাওবদা এ.পি.ৱাই.গী মখাদা লৈখিবা অপুনবা এনরোলমেন্তকী মনুংদা সব্সক্রাইবর ৭৮%না লুপা ১০০০গী পেন্সন প্লান খনখি অদুগা ১৪%না লুপা ৫০০০গী পেন্সন প্লান খনখি‍। মখা তানা, ৪৪%না নুপী সব্সক্রাইবরনি অমদি ৪৪% সব্সক্রাইবর অমনা য়াম্না নহা ওইরিবা চহি ১৮-২৫গী কাঙলুপ্তা লৈবা মীওইশিংনি‍।

ইকুই কুইদ্রিঙৈদা, পি.এফ.আর.দি.এ.না এ.পি.ৱাই মোবাইল এপত অনৌবা ফীচরশিং হাপচিনবা অমদি উমং ফম্পাক্তা ফংহনবা, এ.পি.ৱাই এফ.এ.ক্যু. অপদেত তৌবা, এ.পি.ৱাই. স্কিম হেন্না পাক শন্না শন্দোকহন্নবা, হৌজিক লৈরিবা অমদি ওইরকপা য়াবা এ.পি.ৱাই. সব্সক্রাইবরশিংগী লোয়ন-লোয়ননা এ.পি.ৱাইও সর্ভিস প্রোভাইদরশিংগী কান্ননবা এ.পি.ৱাই. সব্সক্রাইবর ইনফোর্মেসন ব্রোস্যুর অমদি এ.পি.ৱাই সিতিজন চার্তর রিজনেল লোল ১৩দা ফংহনবা অসিনচিংবা অনৌবা থৌরাং কয়া লৌখৎখ্রে‍।

হৌদোরকপদগী স্কিম অসিগী মখাদা এনরোলমেন্ত মশিং হেনগৎলকপনা মরম ওইরগা পি.এফ.আর.দি.এ.না লৈবাক্কী অমদি স্তেতকী থাক্তা তোঙান তোঙানবা এ.পি.ৱাই কেম্পেন কয়া পাঙথোক্তুনা স্তেত লেভেল বেঙ্কর্স কম্মিতীশিং (এস.এল.বি.সি.) অমদি নেসনেল রুরেল লাইবলিহুদ মিসনগা (এন.আর.এল.এম.) খুৎশম্নরগা, প্রিন্ত, সোসিএল অমসুং ইলেক্ত্রোনিক মিদিয়াদা এদভর্তাইজমেন্ত তৌদুনা স্কিম অসিবু হেন্না শন্দোক্তুনা শেনবা চহি ২০২১-২২সিদা এ.পি.ৱাই. এনরোলমেন্ত হেন্না হেনগৎহন্দুনা ভারতপু পেন্সন ফংলবা সোসাইতী অমা ওইহন্নবা হোৎনখিগদৌরি‍।

এ.পি.ৱাই.গী মরমদা

এ.পি.ৱাই.না চহি ১৮-৪০গী মরক্তা লৈবা ভারত মচা অমা হেক্তবু মখোয়গী সেভিং বেঙ্ক একাউন্ত লৈবা বেঙ্ক নৎত্রগা পোস্ত ওফিস ব্রাঞ্চ অমা হেক্তদগী য়াওবা য়াহল্লি‍। স্কিম অসিগী মখাদা সব্সক্রাইবর অমনা মশাগী চহি ৬০ শুরকপদগী হৌরগা মহাক্না পুথোকখিবা শেনখায়গী মতুং ইন্না থাদা লুপা ১০০০ দগী লুপা ৫০০০ ফাওবগী মিনিমম গরেন্তীদ পেন্সন ফংগনি‍। হায়রিবা পেন্সন অসি সব্সক্রাইবর অদুগী স্পাউজতা পীগনি অদুগা করিগুম্বা সব্সক্রাইবর অমদি স্পাউজ অনিমক লৈখিদ্রবদি সব্সক্রাইবরদুনা চহি ৬০ শুবফাওবদা তুংশিল্লকপা একুমুলেতেদ পেন্সন ৱেল্থ অদু নোমিনী অদুদা হন্দোক্কনি‍।

স্কিম অসি তোঙান তোঙানবা মখলগী বেঙ্কশিং অমসুং দিপার্তমেন্ত ওফ পোস্ত য়াওবা রেজিস্তর তৌরবা এ.পি.ৱাই. সর্ভিস প্রোভাইদর ২৬৬কী খুত্থাঙদা চাইথোকপনি‍। স্কিম অসি সেভিং বেঙ্ক একাউন্ত লৈবা এপ্লিকান্তখক্তদা ফংহনবা মরম্না, পি.এফ.আর.দি.এ.না চাং নাইনা বেঙ্ক পুম্নমক্তা মখোয়গী লৈজবা অমদি ওইরকপা য়াবা কস্তমরশিংদা য়ৌহন্নবা স্কিম অসিবু য়োকখৎনবা পাউতাকসু পীরি‍।

****