ପ୍ରଧାନମନ୍ତ୍ରୀଙ୍କ କାର୍ଯ୍ୟାଳୟ
ପ୍ରଧାନମନ୍ତ୍ରୀଙ୍କ ଅଧ୍ୟକ୍ଷତାରେ ୩୭ ତମ ପ୍ରଗତି ବୈଠକ
Posted On:
25 AUG 2021 7:48PM by PIB Bhubaneshwar
ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦୀ ଆଜି ପ୍ରଗତିର ୩୭ ତମ ସଂସ୍କରଣ ବୈଠକରେ ଅଧ୍ୟକ୍ଷତା କରିଥିଲେ, ଯାହାକି ସକ୍ରିୟ ପ୍ରଶାସନ ଏବଂ ସଠିକ୍ ସମୟରେ କାର୍ଯ୍ୟକାରୀ ପାଇଁ କେନ୍ଦ୍ର ଏବଂ ରାଜ୍ୟ ସରକାରଙ୍କୁ ଜଡିତ ଆଇସିଟି ଆଧାରିତ ମଲ୍ଟି ମୋଡାଲ ପ୍ଲାଟଫର୍ମ ।
ଏହି ବୈଠକରେ ନଅଟି ବିଷୟ ଉପରେ ସମୀକ୍ଷା କରାଯାଇଥିଲା, ଯେଉଁଥିରେ ଆଠଟି ପ୍ରକଳ୍ପ ଏବଂ ଗୋଟିଏ ଯୋଜନା ଅନ୍ତର୍ଭୁକ୍ତ ଥିଲା । ଆଠଟି ପ୍ରକଳ୍ପ ମଧ୍ୟରୁ ରେଳ ମନ୍ତ୍ରଣାଳୟ ଏବଂ ସଡକ ପରିବହନ ଏବଂ ରାଜପଥ ମନ୍ତ୍ରଣାଳୟରୁ ତିନିଟି କରି ଏବଂ ଦୁଇଟି ପ୍ରକଳ୍ପ ଶକ୍ତି ମନ୍ତ୍ରଣାଳୟର ଥିଲା । ୧୪ଟି ରାଜ୍ୟ ଯଥା ଉତ୍ତରପ୍ରଦେଶ, ମଧ୍ୟପ୍ରଦେଶ, ପଞ୍ଜାବ, ହିମାଚଳ ପ୍ରଦେଶ, ଗୁଜୁରାଟ, ରାଜସ୍ଥାନ, ମହାରାଷ୍ଟ୍ର, ହରିୟାଣା, ଛତିଶଗଡ, ଅରୁଣାଚଳ ପ୍ରଦେଶ, ସିକ୍କିମ, ଉତ୍ତରାଖଣ୍ଡ, ମଣିପୁର ଏବଂ ଦିଲ୍ଲୀ ସହିତ ଜଡିତ ଏହି ଆଠଟି ପ୍ରକଳ୍ପର ମୋଟ୍ ମୂଲ୍ୟ ୧,୨୬,୦୦୦ କୋଟି ଟଙ୍କା ।
ଏହି ପ୍ରକଳ୍ପଗୁଡିକ ଠିକ ସମୟରେ ସମାପ୍ତ ହେବା ଉପରେ ପ୍ରଧାନମନ୍ତ୍ରୀ ଗୁରୁତ୍ୱାରୋପ କରିଥିଲେ ।
ଆଲୋଚନା ସମୟରେ ପ୍ରଧାନମନ୍ତ୍ରୀ ୱାନ ନେସନ-ୱାନ ରେସନ କାର୍ଡ (ଓଏନ୍ଓଆରସି) ଯୋଜନାର ସମୀକ୍ଷା କରିଥିଲେ । ଏହି ଯୋଜନା ଅଧୀନରେ ବିକଶିତ ବୈଷୟିକ ପ୍ଲାଟଫର୍ମର ବହୁମୁଖୀ ଉପଯୋଗିତା ଅନୁସନ୍ଧାନ କରିବାକୁ ସେ ଅଧିକାରୀମାନଙ୍କୁ କହିଥିଲେ, ଯାହା ଦ୍ୱାରା ସାଧାରଣ ନାଗରିକଙ୍କୁ ଏହାର ସୁବିଧା ଯୋଗାଇ ଦିଆଯାଇ ପାରିବ ।
ଅମ୍ଳଜାନ କାରଖାନା ର୍ନିମାଣ ଏବଂ ଡାକ୍ତରଖାନାଗୁଡ଼ିକରେ ଶଯ୍ୟା ଉପଲବ୍ଧତା ଉପରେ ନିରନ୍ତର ନଜର ରଖିବାକୁ ପ୍ରଧାନମନ୍ତ୍ରୀ ରାଜ୍ୟ ସରକାରଙ୍କ ଅଧିକାରୀମାନଙ୍କୁ ନିର୍ଦ୍ଦେଶ ଦେଇଛନ୍ତି ।
ପୂର୍ବ ୩୬ ଟି ପ୍ରଗତି ବୈଠକରେ ମୋଟ ୧୩.୭୮ ଲକ୍ଷ କୋଟି ଟଙ୍କା ମୂଲ୍ୟର ୨୯୨ ଟି ପ୍ରକଳ୍ପର ସମୀକ୍ଷା କରାଯାଇଥିଲା ।
HS
(Release ID: 1749093)
Visitor Counter : 222
Read this release in:
Telugu
,
Tamil
,
English
,
Urdu
,
Marathi
,
Hindi
,
Manipuri
,
Bengali
,
Punjabi
,
Gujarati
,
Kannada
,
Malayalam