প্রধানমন্ত্রীগী লোইশঙ
প্রধান মন্ত্রীনা ৩৭শুবা প্রগতি মীফমদা থৌবুরেল ওইখ্রে
Posted On:
25 AUG 2021 7:48PM by PIB Imphal
কেন্দ্র অমসুং রাজ্য সরকারশিং য়াওনা প্রোএক্তিব গভর্নেন্স অমসুং মতম চানা ইমপ্লিমেন্ত তৌননবগীদমক আই.সি.তি.দা বেজ তৌদুনা শেম্লিবা মল্তি-মোদেল প্লেতফোর্ম অমা ওইরিবা প্রগতিগী ঙসি পাংথোকখিবা ৩৭শুবা মীফমদা প্রধান মন্ত্রী শ্রী নরেন্দ্র মোদীনা থৌবুরেল ওইনা শরুক য়াখ্রে৷
মীফম অদুদা, প্রোজেক্ত নিপান অমসুং স্কিম অমা য়াওনা এজেন্দা মাপনগী আইতেমশিং খন্ন-নৈননবা খন্দোকখি৷ প্রোজেক্ত নিপান অদুগী মনুংদা, প্রোজেক্ত অহুম-অহুমদি রেলৱে মন্ত্রালয় অমসুং রোদ ত্রান্সপোর্ত অমসুং হাইৱেজ মন্ত্রালয়দগীনি অমসুং প্রোজেক্ত অনি অমনা পৱার মন্ত্রালয়দগীনি৷ লুপা কোতি ১,২৬,০০০গী মমল ওইরিবা প্রোজেক্ত নিপান অসি রাজ্য ১৪ মমিং ওইনা হায়রবদা উত্তর প্রদেশ, মধ্য প্রদেশ, পঞ্জাব, হিমাচল প্রদেশ, গুজরাত, রাজস্থান, মহারাস্ত্র, হরিয়ানা, ছত্তিশগর, অরুনাচল প্রদেশ, সিক্কিম, উত্তরখন্দ, মনিপুর অমসুং দিল্লীগা মরী লৈনরি৷
হায়রিবা প্রোজেক্তশিং অসি মতম চানা লোইশিনবগী মরু ওইরিবশিং অদুগী মতাংদা প্রধান মন্ত্রীনা ফোংদোকখি৷
খন্ন-নৈনখিবগী থৌরম অদুদা, প্রধান মন্ত্রীনা ‘ৱান নেসন-ৱান রেসন কার্দ’(ও.এন.ও.আর.সি.)গী স্কিম অসি য়েংশিনখি৷ প্রজাশিংদা কা হেন্না কান্নবা ফংহন্নবা স্কিম অসিগী মখাদা শেমখিবা তেক্নোলোজিকেল প্লেতফোর্মগী কান্নবা কয়ামরোম অদু এক্সপ্লোর তৌননবা মহাক্না ওফিসিয়েলশিংদা হায়খ্রে৷
ওক্সিজেন প্লান্তশিং শেমগৎলিবা অমসুং লৈরিবা হোস্পিতাল ফমুংশিংগী চাং অদু লেপ্প-লৈতনা য়েংশিন্নবা প্রধান মন্ত্রীনা রাজ্যগী ওফিসিয়েলশিংদা খঙহনখ্রে৷
মমাংগী ৩৬শুবা প্রগতি মীফমদা, পুন্না লুপা কোতি লাখ ১৩.৭৮গী মমল ওইগদবা প্রোজেক্ত ২৯২ য়েংশিনখ্রে৷
******
(Release ID: 1749054)
Visitor Counter : 259
Read this release in:
Telugu
,
Tamil
,
English
,
Urdu
,
Marathi
,
Hindi
,
Bengali
,
Punjabi
,
Gujarati
,
Odia
,
Kannada
,
Malayalam