চু থাবা লৌমীশিং (গন্ন কিসান)গী অপাম্বশিং অসি য়েংলুরগা, প্রধান মন্ত্রী শ্রী নরেন্দ্র মোদীনা থৌবুরেল ওইদুনা ইকোনোমিক এফিয়র্সকী মতাংদা ফমখিবা কেবিনেত কম্মিতীনা চিনিগী চহি ২০২১-২২(ওক্তোবর-সেপ্তেম্বর)গী ওইনা ১০% বেসিক রিকোভরী রেতকীদমক চিনিগী ফেয়র অমসুং রেম্যুনেরেতিব প্রাইস(এফ.আর.পি.) অসি ক্বিন্তল অমদা লুপা ২৯০ লেপ্নবা অয়াবা পীখ্রে, মসিনা ১০%গী মথক্তা লৈরিবা রিকোভরীদা ০.১% হেনগৎলকপা খুদিংগী ক্বিন্তল অমদা লুপা ২.৯০গী প্রিমিয়ম অমা পীরগনি অমসুং রিকোভরীদা ০.১% হন্থরকপা খুদিংগী ক্বিন্তল অমদা লুপা ২.৯০গী এফ.আর.পি. কক্লগনি৷ ৯.৫%দগী হেন্না তানা রিকোভরী লৈরিবা চিনিগী মিলশিংদা শেল ককহৌদনবগী ৱারেপ লৌখিবা অসিনা লৌমীশিংগী ইন্তরেস্ত ঙাক শেন্নবা সরকার অসিনা য়াম্না কন্না হোৎনরি হায়বসি তাক্লে৷ অসিগুম্বা লৌমীশিংনা হৌজিক লৈরিবা চিনিগী চহি ২০২০-২১ অসিদা ক্বিন্তল/লুপা ২৭০.৭৫ ফংলিবা অসিগী মহুৎতা ২০২১-২২ চিনিগী চহি অসিদা চুগীদমক ক্বিন্তল অমদা লুপা ২৭৫.৫০ ফংলগনি৷

চিনিগী চহি ২০২১-২২গী ওইনা চুশিং পুথোকপগী মমল অসি ক্বিন্তল অমদা লুপা ১৫৫ ওই৷ ১০% রিকোভরী রেত ওইদুনা ক্বিন্তল অমদা লুপা ২৯০ পীরিবা মসিগী এফ.আর.পি. অসিনা প্রদক্সন কোস্তকা য়েংনবা মতমদা ৮৭.১% হেন্না ৱাংই, মসিনা লৌমীশিংনা মখোয়না চু থাবদা চংখিবা শেনফম অদুদগী ৫০% হেন্না লৌমীশিংদা হল্লকহল্লগনি৷

চৎলিবা চিনিগী চহি ২০২০-২১ অসিদা, লুপা কোতি ৯১,০০০গী মমল ওইগদবা চিনি তন লাখ ২,৯৭৬রোম চিনিগী মিলশিংনা লৈখি, লৈখিবা চাং অসি মতম পুম্নমক্কী ওইনা ৱাংদুনা লৈহৌরগনি অমসুং মিনিমম সপোর্ত প্রাইসতা ফৌশিং লৌশিনখিবা অসিগী হেক মথংদা অনিশুবা ওইনা ৱাংনা লৈ৷ ২০২১-২২ চহিদা চু পুথোকপগী চাং হেনগৎলবা য়ানা লৈরিবনা, চু তন লাখ ৩,০৮৮রোমদি চিনিগী মিলশিংনা লৈরবা য়ানা লৈরি৷ চু থারিবা লৌমীশিংদা থিরিবা শেনফম অসি পুন্না লুপা কোতি ১,০০,০০০রোমগী চাং ওইরমগনি৷ সরকার অসিনা মহাক্কী প্রো-ফার্মর মিজরশিংগী খুৎথাংদা চু থারিবা লৌমীশিংনা মখোয় মখোয়গী দ্যুশিং অদু মতম চানা পীথোক্লগনি৷

এপ্রুব তৌরবা এফ.আর.পি. অসি চিনিগী চহি ২০২১-২২দা চিনিগী মিলশিংনা (২০২১, ওক্তোবর ১দগী হৌদুনা) লৌমীশিংদা চিনি লৈবা য়ারগনি৷ চিনিগী সেক্তর অসিনা চু থারিবা লৌমী কোতি ৫গী পুন্সি অমসুং মখোয়দা তাংজদুনা হিংলিবা মীওইশিং অচৌবা শাফু পীরিবা য়াম্না মরু ওইবা এগ্রো-বেজ সেক্তর অমনি অমসুং মসিনা লেবর অমসুং ত্রান্সপোর্তেসন য়াওনা তোঙান তোঙানবা এন্সিলরী এক্তিবিতীশিংদা থবক পীবদগী হেন্দোক্তুনা চিনিগী মিলশিংদা হকথেংননা মীওই লাখ ৫রোম থবক পীরি৷

বেক্তগ্রাউন্দ:

রাজ্য সরকারশিং অমসুং অতোপ্পা স্তেকহোল্দরশিংগা য়াম্না মুন্না খন্নরবা মতুংদা অমসুং কম্মিসন ফোর এগ্রীকল্চরেল কোস্ত এন্দ প্রাইসেস(সি.এ.সি.পি.)গী রিকম্মেন্দেসনশিং অসিগা মতুং ইন্না এফ.আর.পি. অসি লেপখিবনি৷

হৌখিবা চিনিগী চহি ৩ ২০১৭-১৮, ২০১৮-১৯ অমসুং ২০১৯-২০দা, চিনি ৬২ লাখ মেত্রিক তন(এল.এম.তি.), এল.এম.তি. ৩৮ অমসুং এল.এম.তি. ৫৯.৬০গী চাং মপান লমদা থাদোকখ্রে৷ চৎলিবা চিনিগী চহি ২০২০-২১(ওক্তোবর-সেপ্তেম্বর)দা, এক্সপোর্ত তার্গেৎ এল.এম.তি. ৬০ থমদুনা, এল.এম.তি. ৭০ রোমগী কন্ত্রেকশিং শহি পীনখ্রে অমসুং ২৩.৮.২০২১ ফাওবদা লৈবাক অসিদগী এল.এম.তি. ৫৫ হেন্না ফিজিকেল্লী এক্সপোর্ত তৌখ্রে৷ চিনি এক্সপোর্ত তৌবা অসিনা চিনিগী লিক্বুইদিতী হেনগৎহনখ্রে অমসুং মসিনা লৌমীশিংগী লৈরিবা দ্যুশিং অসি শিংদোকপা ঙমহল্লিবনি৷

অহেনবা চুশিংবু ইথানোলদা ওন্থোক্তুনা পেত্রোলগা ব্লেন্দেদ তৌননবা চিনিগী মিলশিংবুসু সরকারনা পুক্নিং থৌগৎলি, মসিনা গ্রীন ফ্যুল অমা ওইনা মথৌ তৌবদা নত্তনা ক্রুইদ ওইল পুশিল্লকপদা লৈরিবা ফোরেন্দ এক্সচেঞ্জ অদুসু কল্লগনি৷ হৌখিবা চিনিগী চহি ২, ২০১৮-১৯ অমসুং ২০১৯-২০দা, চাওরাক্না চিনি এল.এম.তি. ৩.৩৭ অমসুং এল.এম.তি. ৯.২৬রোম ইথানোলদা ওন্থোকখ্রে৷ হৌজিক চৎলিবা চিনিগী চহি ২০২০-২১ অসিদা, এল.এম.তি. ২০ হেন্না ওন্থোক্লবা য়ানা লৈরি৷ চিনিগী চহি ২০২১-২২দা, চিনি এল.এম.তি. ৩৫রোমগী চাং ওন্থোক্লবা য়ানা লৈরি অমসুং ২০২৪-২৫ ফাওবগী মনুংদা চিনি এল.এম.তি. ৬০রোমগী চাং ইথানোলদা ওন্থোক্নবা পান্দম থম্লি, মসিনা চু য়াম্না কা হেন্না পুথোকপদা থেংনরিবা সমস্য অদু থেংনরগনি অমসুং লৌমীশিংনা মখোয় মখোয়গী শেনফম অদু মতম চানা ফংগদৌরিবনা মরম ওইদুনা লৌমীশিংদা শেল থেংনা পীবগী লৈরিবা ইসু অদুসু লৈহল্লরোই৷

হৌখিবা চিনিগী চহি অহুমদা, লুপা কোতি ২২,০০০রোমগী চাং ওইগদবা রেভেন্যু চিনিগী মিলশিং/দিস্তিলেরীশিংনা ওইল মার্কেতিং কম্পেনীশিং(ও.এম.সি.শিং)দা ইথানোল য়োনবদগী ফংবা ঙমখি৷ চৎলিবা চিনিগী চহি ২০২০-২১দা, লুপা কোতি ১৫,০০০রোমগী রেভেন্যু চিনিগী মিলশিংনা ও.এম.সি.শিংদা ইথানোল ৮.৫%দা য়োনবদগী খোমগৎলি৷ ২০২৫ ফাওবগী মনুংদা ২০%য়ৌনা ব্লেন্দিং তৌগদৌরিবনা লাক্কদৌরিবা চহি ৩ অসিদা মসিগী চাং অসি হেনগৎল্লগনি হায়না পানরি৷

হৌখিবা চিনিগী চহি ২০১৯-২০দা, চাওরাক্না লুপা কোতি ৭৫,৮৪৫রোমগী চাংদা চুগী দ্যুশিং পীদবা লৈরম্মী, মসিগী মনুংদা লুপা কোতি ৭৫,৭০৩দি পীখ্রে অমসুং লুপা কোতি ১৪২ পীগদবা লৈরি৷ হৌজিক চৎলিবা চিনিগী চহি ২০২০-২১ ফাওদা, লুপা কোতি ৯০,৯৫৯গী চাংদা চুগী দ্যুশিং লৈরম্মী, চুগী দ্যু লুপা কোতি ৮৬,২৩৮দি মাংজৌননা লৌমীশিংদা পীখ্রে৷ এক্সপোর্ত তৌবা হেনগৎলকপা অমসুং চুদগী ইথানোলদা ওন্থোরগকপা অসিনা লৌমীশিংদা মতম চানা চুগী মমলশিং পীবা ঙমহল্লগনি৷

*****