প্রধানমন্ত্রীগী লোইশঙ
প্রধান মন্ত্রী, শ্রী নরেন্দ্র মোদী অমসুং রসিয়ন ফেদরেসনগী প্রসিদেন্ত ঐচ. ই. মিস্তর ভ্লদিমির পুতিনগা তেলেফোন্দা ৱারী শানখ্রে
Posted On:
24 AUG 2021 8:44PM by PIB Imphal
প্রধান মন্ত্রী, শ্রী নরেন্দ্র মোদীনা ঙসি রসিয়ন ফেদরেসনগী প্রসিদেন্ত ঐচ. ই. মিস্তর ভ্লদিমির পুতিনগা তেলেফোন্দা ৱারী শানখ্রে।
লুচিংবশিংনা অফগানিস্তান্দা হৌজিক ওইরিবা ফিভম অমসুং মসিনা মফম অদুদা অমসুং মালেমদা থোকহল্লিবা চয়েৎনরিবশিংগী মতাংদা ৱা খন্নখি। মখোয়না থৌরাং কয়া অমা পায়খৎলিবা মরী অনিগী মরুওইবদা থম্লিবা মিৎয়েং ফোংদোক্নখি অমসুং মখোয়গী মকোক থোংবা ওফিসরশিংদা তৎতনা পাউ ফাওননবা হায়খি।
লুচিংবা অনিনা কোবিদ লায়চৎনা থেংনহল্লিবা অৱাবা অসিগী মথক্তা লৈবাক অনিগী মরক্তা ‘স্পেসিএল এন্দ প্রিবিলেদজ স্ত্রাতেজিক পার্তনর্শিপ’গী চংশিল্লিবা থবকশিংদা অপেনবা ফোংদোক্নখি। মখোয়না কোবিদ লায়চৎকী মায়োক্তা লান্থেংনবদা নাকন অনিগী ওইনা পীনরিবা মরী মরুওইনা ‘স্পুতনিক ভি.’ ভেক্সিন পীনবা অমসুং পুথোকপা অসিদা থাগৎপা ফোংদোক্নখি।
লুচিংবা অনিনা বি.আর.আই.সি.এস. সমিত, স্তেতকী এস.সি.ও.মকোকশিংগী ওইবা কাউন্সিলগী মীফম অমসুং ভারতনা ইস্তর্ন ইকোনোমিক ফোরুমদা শরুক য়াবা য়াওনা লাক্কদৌরিবা মল্তিলেতরেল এনগেজমেন্তগী মতাংদসু ৱারী শানখি।
প্রধান মন্ত্রীনা মথংগী বাইলেতরেল সমিত্তা প্রসিদেন্ত পুতিনবু ভারত্তা লাকপা ঙাইরি হায়না হায়খি। লুচিংবা অনিনা বাইলেতরেল অমসুং মালেমগী ইশু মরুওইনা অফগানিস্তানগী ফিভম অসিদা তৎতনা পাউ ফাওনবা হায়না য়ানখি।
***
(Release ID: 1748757)
Visitor Counter : 142
Read this release in:
English
,
Urdu
,
Marathi
,
Hindi
,
Bengali
,
Assamese
,
Punjabi
,
Gujarati
,
Odia
,
Tamil
,
Telugu
,
Kannada
,
Malayalam