ପ୍ରଧାନମନ୍ତ୍ରୀଙ୍କ କାର୍ଯ୍ୟାଳୟ
ଋଷୀୟ ସଂଘର ରାଷ୍ଟ୍ରପତି ମହାମହିମ ଭ୍ଲାଦିମିର ପୁଟିନ ଓ ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦୀଙ୍କ ଟେଲିଫୋନ ବାର୍ତ୍ତାଳାପ
Posted On:
24 AUG 2021 8:44PM by PIB Bhubaneshwar
ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦୀ ଆଜି ଋଷୀୟ ସଂଘର ରାଷ୍ଟ୍ରପତି ମହାମହିମ ଭ୍ଲାଦିମିର ପୁଟିନଙ୍କ ସହ ଫୋନ ବାର୍ତ୍ତାଳାପ କରିଛନ୍ତି ।
ଉଭୟ ନେତା ଆଫଗାନିସ୍ଥାନରେ ପରିବର୍ତ୍ତନଶୀଳ ସୁରକ୍ଷା ସ୍ଥିତି ଓ ଏହି ଅଞ୍ଚଳ ତଥା ବିଶ୍ୱ ଉପରେ ଏହାର ପ୍ରଭାବ ସମ୍ପର୍କରେ ଆଲୋଚନା କରିଛନ୍ତି । ଦୁଇ ରଣନୈତିକ ଅଂଶୀଦାର ଏକାଠି କାମ କରିବା ବେଶ ଗୁରୁତ୍ୱପୂର୍ଣ୍ଣ ହୋଇଥିବାରୁ ବରିଷ୍ଠ ଅଧିକାରୀମାନେ ପରସ୍ପର ସହ ସମ୍ପର୍କ ବଜାୟ ରଖିବାକୁ ନିର୍ଦ୍ଦେଶାବଳୀ ଜାରି ହୋଇଛି ।
କୋଭିଡ ମହାମାରୀ ଆହ୍ୱାନ ସତ୍ତ୍ୱେ ଦୁଇ ଦେଶ ମଧ୍ୟରେ ଚାଲିଥିବା ବିଶେଷ ଓ ବିଶେଷାଧିକାର ପ୍ରାପ୍ତ ଭାଗିଦାରୀର ଅଗ୍ରଗତିକୁ ନେଇ ଦୁଇ ନେତା ସନ୍ତୋଷ ପ୍ରକାଶ କରିଛନ୍ତି । କୋଭିଡ ମହାମାରୀ ବିରୋଧୀ ଲଢେଇ ବିଶେଷ କରି ସ୍ଫୁଟନିକ ଭି ଟିକାର ଯୋଗାଣ ଓ ଉତ୍ପାଦନରେ ମିଳୁଥିବା ଦ୍ୱିପାକ୍ଷିକ ସହଯୋଗକୁ ଉଭୟ ନେତା ପ୍ରଶଂସା କରିଛନ୍ତି ।
ବ୍ରିକ୍ସ ସମ୍ମିଳନୀ, ସୁରକ୍ଷା ପରିଷଦର ରାଷ୍ଟ୍ରମୁଖ୍ୟ ବୈଠକ ଓ ପୂର୍ବାଞ୍ଚଳ ଅର୍ଥନୈତିକ ଫୋରମରେ ଭାରତର ଭାଗିଦାରୀ ଆଦି ବହୁପକ୍ଷୀୟ କାର୍ଯ୍ୟକ୍ରମ ସମ୍ପର୍କରେ ଦୁଇ ନେତା ଆଲୋଚନା କରିଥିଲେ ।
ଆଗାମୀ ଦ୍ୱିପାକ୍ଷିକ ସମ୍ମିଳନୀ ଅବସରରେ ରାଷ୍ଟ୍ରପତି ପୁଟିନଙ୍କ ଭାରତ ଗସ୍ତକୁ ଅପେକ୍ଷା କରିଥିବା କହିଛନ୍ତି ପ୍ରଧାନମନ୍ତ୍ରୀ ମୋଦୀ । ଦ୍ୱିପାକ୍ଷିକ ଓ ବିଶ୍ୱ ପ୍ରସଙ୍ଗ, ବିଶେଷ କରି ଆଫଗାନିସ୍ତାନ ପରିସ୍ଥିତି ସମ୍ପର୍କରେ ଉଭୟ ନେତା ଯୋଗାଯୋଗରେ ରହିବାକୁ ସହମତ ହୋଇଛନ୍ତିଷ
***
SR
(Release ID: 1748728)
Visitor Counter : 176
Read this release in:
English
,
Urdu
,
Marathi
,
Hindi
,
Manipuri
,
Bengali
,
Assamese
,
Punjabi
,
Gujarati
,
Tamil
,
Telugu
,
Kannada
,
Malayalam