মন্ত্রীমন্দল
azadi ka amrit mahotsav

হাইদ্রোফ্লোরোকার্বনশিং ফেজ দাউন তৌনবগীদমক ওজোন লয়র পাথহল্লিবা পোৎলমশিংগী মতাংদা শেম্লিবা মোন্ত্রিএল প্রোতোকোলদা কিগালি এমেন্দমেন্ত রেতিফাই তৌননবা মন্ত্রী মন্দলনা অয়াবা পীখ্রে

২০২৩ ফাওবগী মনুংদা ইন্দস্ত্রী স্তেকহোল্দর পুম্নমক্কা খন্ন-নৈনরবা মতুংদা ভারত্তা হাইদ্রোফ্লোরোকার্বনশিং ফেস দাউন তৌনবগী লেপখিবা মতম অদুগী মতুং ইন্না নেস্নেল স্ত্রাতিজী শেমগৎলগনি

Posted On: 18 AUG 2021 4:12PM by PIB Imphal

ভারতনা হাইদ্রোফ্লোরোকার্বনশিং(ঐচ.এফ.সি.শিং) ফেজ দাউন তৌননবগীদমক ওজোন লয়র পাথহল্লিবা পোৎলমশিংগী মতাংদা শেমখিবা মোন্ত্রিএল প্রোতোকোলদা কিগালি এমেন্দমেন্ত রেতিফাই তৌননবা প্রধান মন্ত্রী, শ্রী নরেন্দ্র মোদীনা থৌবুরেল ওইদুনা ফমখিবা কেন্দ্রগী মন্ত্রী মন্দলনা অয়াবা পীখ্রে, কিগালি এমেন্দমেন্ত অদু রৱন্দাগী কিগালিদা ২০১৬কী ওক্তোবর থাদা পাংথোকখিবা মোন্ত্রিএল প্রোতোকোলদা য়াওরিবা পার্র্তীশিংগী ২৮শুবা মীফমদা শরুক য়ারিবা পার্তীশিংনা শিজিন্নখিবনি৷

কান্নবশিং:

(i) ঐচ.এফ.সি. ফেসদাউন তৌরকপা অসিনা গ্রীনহাউস গ্যাস থাদোকপা হন্থহল্লগনি, অইং-অশাগী অহোংবা লাক্তনবা হোৎনবদা মতেং পাংলগনি অমসুং মীয়ামদা কান্নবা পীরগনি হায়না পানরি৷

(ii) লো গ্লোবেল ৱার্মিং পোতেল্সিয়েল তেক্নোলোজীশিং, নন-ঐচ.সি.দা ত্রাঞ্জিসন তৌরকপা অমসুং মমাংদা লেপখিবা সেদ্যুলগী মতুং ইন্না হাইদ্রোফ্লোরো কার্বনশিং পুথোক্লিবা অমসুং শিজিন্নরিবা ইন্দস্ত্রী অদুনা মখাতানা হাইদ্রোফ্লোরোকার্বনশিং পুথোক্লরোই৷

ইমপ্লিমেন্তেসন স্ত্রাতিজী অমসুং তার্গেৎশিং:

(i) ২০২৩ ফাওবগী মনুংদা ইন্দস্ত্রী স্তেকহোল্দর পুম্নমক্কা খন্ন-নৈনরবা মতুংদা ভারত্তা হাইদ্রোফ্লোরোকার্বনশিং ফেস দাউন তৌনবগী লেপখিবা মতম অদুগী মতুং ইন্না নেস্নেল স্ত্রাতিজী শেমগৎলগনি

(ii) হৌজিক লৈরিবা লেজিস্লেসন ফ্রেমৱার্ক অসি শেমদোকপা ওইনা, কিগালি এমেন্দমেন্ত ইন্দুনা হাইদ্রোফ্লোরোকার্বনশিং পুথোক্লিবা অমসুং শিজিন্নরিবা অদু মতিক চানা য়েংশিনবা ঙম্নবা ২০২৪ ময়াই চল্লকপা মতম ফাওবগী মনুংদা ওজোন দিপ্লিতিং সবস্তেন্সেস(রিগুলেসন অমসুং কন্ত্রোল) রুলশিং শেম্লগনি৷

এমপ্লোইমেন্ত জেনেরেসন পোতেন্সিয়েল য়াওনা পীরিবা মেজর ইম্পেক্ত:

(i) হাইদ্রোফ্লোরোকার্বনশিং ফেসদাউন তৌরকপা অসিনা কার্বনদাইওক্সাইদ মিলিয়ন তন ১০৫ য়ৌনা থাদোক্লিবা অসি হন্থহল্লগনি, মসিনা ওজোন লাইয়র অসি লেপ্পা-লৈতনা ঙাকথোক্তুনা ২১০০ ফাওবগী মনুংদা মালেমগী তেম্পরেচর দিগ্রী সেল্সিএস ০.৫ য়ৌনা হন্থহনবদা মতেং পাংলগনি হায়না পানরি৷

(ii) লো-গ্রোবেল ৱার্মিং পোতেন্সিয়েল অমসুং ইনর্জী-ইফিসিয়েন্ত তেক্নোলোজীশিং শিজিন্নদুনা কিগালি এমেন্দমেন্তগী মখাদা ঐচ.এফ.সি. ফেস দাউন তৌরকপা অসিনা ইনর্জী ইফিসিয়েন্ত ওইবা হেনগৎহল্লগনি অমসুং কার্বন দাইওক্সাইদ থাদোকপা হন্থহল্লগনি-  "ক্লাইমেত কো-বেনিফিৎ,"

(iii) ঐচ.এফ.সি.শিং ফেস দাউন তৌরকপা অসিনা অকোইবগী ফিভমদা কান্নবা পীবগী মথক্তা সমাজ অসিদা শেল-থুমগী ওইবা মতেং হেন্না ফংহন্নবগী মীৎয়েং মখাদা লৈরিবা ভারত সরকারগী স্কিমসিং অমসুং হৌজিক হৌজিক চৎনরিবা সরকারগী প্রোগ্রামশিং অসিগা লোইননা সীনর্জীশিং য়াওরগনি৷

(iv) য়ানখিবা ঐচ.এফ.সি. ফেস দাউন সেদ্যুলগী মতুং ইন্না ইন্দস্ত্রী অসিনা লো গ্রোবেল ৱার্মিং পোতেন্সিয়েল অল্তরনেতিবশিংদা লাকপা ঙম্নবা দরকার ওইরিবা ইক্ব্যুইপমেন্ত লৈবাক অসিদা পুথোক্নবা নত্রগা অতোপ্পা নন-ঐচ.এফ.সি. অমসুং লো-গ্লোবেল ৱার্মিং পোতেন্সিয়েল কেমিকেলশিং পুথোক্নবগী স্কোপ লৈরগনি৷ মসিগীসু মথক্তা, অনৌবা জেনেরেসনগী অল্তরনেতিব রেফ্রিজেরেন্তশিং অমসুং মরী লৈনবা তেক্নোলোজীশিং লৈবাক অসিদা পুথোক্নবগী খুদোংচাবা লৈরগনি৷

অকুপ্পা মরোলশিং:

  1. কিগালি এমেন্দমেন্ত অসিগী মখাদা; মোন্ত্রিএল প্রোতোকোলদা য়াওরিবা পার্তীশিংনা ময়াম্না ঐচ.এফ.সি.শিং হায়না খঙনরিবা হাইদ্রোফ্লোরোকার্বনশিং পুথোকপা অমসুং শিজিন্নরিবা অসি লেপহল্লগনি৷
  2. হাইদ্রোফ্লোরোকার্বনশিং অসি নন-ওজোন দিপ্লিতিং অল্তরনেতিব অমা ওইনা পুথোকখিবনি৷ অদুগা ঐচ.এফ.সি.শিংনা স্ত্রাতোস্ফেরিক ওজোন লাইয়র অসি পাথহন্দে, মখোয়দা য়াম্না ৱাংবা গ্লোবেল ৱার্মিং পোতেন্সিয়েল ১২দগী ১৪,০০০ ফাওবা লৈদুনা অইং-অশাগী ফিভমদা চাওনা অকাইবা পী৷
  3. রেফ্রিজেরেসন অমসুং এয়র-কন্দিস্নিং সেক্তরদনা হেন্না মরু ওইনা ঐচ.এফ.সি.শিং শিজিন্নবা হেনগৎলক্লিবা অসি খঙলদুনা ঐচ.এফ.সি.শিং অসি কন্ত্রোল তৌগদবা পোৎলমশিংগী লিস্ততা হাপচিন্নবা রৱান্দাগী কিগালিদা পাংথোকখিবা পার্তীশিংগী ২৮শুবা মীফমদা মোন্ত্রিএল পোর্তোকোল অসিদা শরুক য়ারিবা পার্তীশিং অসিনা য়ানখি অমসুং ২০৪০গী অথেংবা শরুক ফাওবগী মনুংদা পোৎলমশিং অসি শিজিন্নবগী চাং অসি চাদা ৮০-৮৫গী চাংদা তপ্ন-তপ্ন হন্থহন্নবগী তাইমলাইন অমা এপ্রুব তৌখি৷
  4. ২০৩২দগী হৌদুনা চহি অসিদা ১০% হন্থহনবা, ২০৩৭তা ২০% হন্থহনবা, ২০৪২দনা ৩০% হন্থহনবা অমসুং ২০৪৭তনা ৮০% হন্থহন্দুনা ভারতনা ঐচ.এফ.সি.শিং পুথোকপা লেপ্নবা হোৎনরিবা অসি মপুং ফারগনি৷
  5. কিগালি এমেন্দমেন্তগা মাংওইননা মোন্ত্রিএল প্রোতোকোলদা য়াওরিবা এমেন্দমেন্তশিং অমসুং এদজস্তমেন্ত পুম্নমক অসিদা মালেম অসিনা সপোর্ত তৌরি৷

বেক্তগ্রাউন:

(i) ওজোন লাইয়র পাথহল্লিবা পোৎলমশিংগী মতাংদা শেম্লিবা মোন্ত্রিএল প্রোতোকোল অসি ওজোন পাথহল্লিবা পোৎলমশিংগুম্বা খুৎশেম্না শাবা কেমিকেলশিং পুথোক্লিবা অমসুং শিজিন্নরিবা অসি লেপহন্দুনা ওজোল লয়র অসি ঙাক শেন্নবগীদমক লৈরিবা ইন্তরনেস্নেল এনবাইরোনমেন্তেল ত্রেতী অমনি৷ স্ত্রাতোস্ফেরিক ওজোন/লয়র অসিনা মীওইবা জাতি: অমসুং নুমিৎকী অল্ত্রাবাইওলেত রেদিয়েসনগী শোক্নিংঙাই ওইরবা লেবেলশিং অসিদগী ইনবাইরোনমেন্ত অসিবু ঙাক শেল্লি৷

(ii) ওজোন লয়র পাথহল্লিবা পোৎলমশিং অসিগী মতাংদা শেম্লিবা মোন্ত্রিএল প্রোতোকোলদা ভারতনা ১৯৯২গী জুন ১৯দা পার্তী অমা ওইখি অমসুং মদুদগী হৌদুনা মোন্ত্রতিএল প্রোতোকোলদা এমেন্দমেন্তশিং রেতিফাই তৌখ্রে৷ মন্ত্রী-মন্দলনা হৌজিক হৌজিক অয়াবা পীরবসু, ভারতনা হাইদ্রোফ্লোরোকার্বনশিং ফেস দাউন তৌনবগীদমক মোন্ত্রিএল প্রোতোকোলদা কিগালি এমেন্দমেন্ত অদু রেতিফাই তৌরগনি৷

(iii) মোত্রিএল প্রোতোকোল স্কেদ্যুল অদুগী মতুং ইন্না ভারতনা ওজোন দিপ্লিতিং সবস্তেন্সেস পুম্নমক্কী ফেস আউত তার্গেৎশিং অদু মাই পাক্না থেংনখ্রে৷

*****



(Release ID: 1747239) Visitor Counter : 118