হকশেল অমসুং য়াইফ-য়ুম্বালগী কেন্দ্র মন্ত্রী শ্রী মনসুখ মন্দাবিয়ানা ঙসি আয়ুশমান ভারত-প্রধান মন্ত্রী জন আরোগ্য য়োজনা(এ.বি.-পি.এম.জে.এ.ৱাই.)গী মখাদা লোয়েংনবগীদমক্তা হোসপিতালদা করোর ২ এদমিসন তৌখিবা মপুং ফাবা অসি নিংশিংনবগীদমক্তা আরোগ্য ধারা ২.০ গী থৌরম মপু ওইখ্রে।

স্কীম অসি সেপ্তেম্বর ২৩, ২০১৮ দা হৌদোকখিবদগী লৈবাক অসিগী রাজ্য/য়ুনিয়ন তেরিতোরী ৩৩ গী অনাবশিংদা পব্লিক অমদি লন্নাইগী হোসপিতালগী হেনগৎলক্লিবা নেতৱর্ক অমদগী হোসপিতালদা এদমিসন তৌখিবা মশিং অসি ঙরাং মশক থোকপা মওংদা করোর ২ হেনবদা   চাউরাক্না লুপা করোর ২৫,০০০ গী লায়েং চত্থবা ফংহনখ্রে।

মায় পাকপা অসিদা নুংঙাইবা ফোংদোক্লদুনা অমদি থবক অসিবু মায় পাকহনখিবা এম্প্লোয়ী খুদিংমক্তা য়াইফ-পাওজেল পীরদুনা হকশেল মন্ত্রীনা ফোংদোকখি, “আয়ুশমান ভারত পি.এম.-জে.এ.ৱাই. অসি লাইরবা অমদি শোত্থরবা মীওইশিংগীদমক্তা অফবা অমসুং অহোংবা লায়েং ফংহল্লিবা চাউখৎলক্লিবা স্কীম অমনি। স্কীম অসি ফংবা য়ারবা বেনিফিসিয়রীশিংদা শেল অমদি চে য়াওদনা লায়েংবগী থবক অসি চহি অমদা ইমুং অমদা লুপা লাখ ৫ ফাওবগী কান্নবা ফংহনখ্রে। মতৌ অসুম্না খুদোং চাদ্রবা মীওই কাংলুপশিংনা শেন শানবশিংদগী শেল লৌদনা হোংনা লায়েংবা য়াই।”

ভারত্তা ময়ামগী ওইবা হকশেলগী খুদোংচাবা অসি ফংহনবদা গাজনিতীগী ওইবা অচেৎপা ৱাশক অমা থম্লদুনা মহাক্না ফোংদোকখি, “প্রধান মন্ত্রীগী নোল্লুকপা বেকগ্রাউন্দনা লাইরবা অমদি তেংবাংবিনবা লৈত্রবা কয়াগী অৱাবা অদু মঙোন্দা ফাওহনবা ঙমখি।”

থৌরম অসিগী মখাদা মী মশিং কয়ানা এদমিসন তৌদুনা মথৌ তাবা হকচাং লায়েং অসি ফংনবা মীয়াম-মীচমদা স্কীম অসিগী মতাংদা শন্দোক্তুনা খংহন্নবা মহাক্না হায়খি। মহাক্কী পুন্সিদা থেংনরকপা খুদমশিংগী মতাংদা হাইরদুনা মন্ত্রীনা ফোংদোকখি মদুদি স্কীম অসিনা লাইরবশিংনা ইনাক খুনবশিংগা চপ মান্নবা হোসপিতালদা হোংনা লায়েংবা ফংহনখ্রে হায়না ফোংদোকখি।

লৈবাক অসিগী লাইরবদগী লাইরবা ইমুংশিং হেন্না-হেন্না এ.বি. পি. এম. জে.এ.ৱাই.গী থৌরাং অসি ফংহন্নবা অমদি বেনিফিসিয়রীশিংদা স্কীম অসিগী মতাংদা খংহন্নবা আরোগ্য ধারা ২.০ অসি ভর্চুএল ওইনা হৌদোকখি। 

থৌরম অদুদা মখাদা পীরিবা থবকশিং অসি হৌদোকখি।

অধিকার পত্র: স্কীম অসিগী মখাদা লুপা লাখ ৫ ফাওবা লেম্না অমদি শেল তিংদনা লায়েংবা অদু হায়বা য়াবগী হক অদু খংহন্নবগীদমক্তা পি.এম.-জে.এ.ৱাই.গী মকাদা লায়েংনবগী হোসপিতালদা এদমিসন তৌবা মতমদা বেনিফিসিয়রীশিংদা পীগনি।

অভিনন্দন পত্র: পি.এম.-জে.এ.ৱাই. গী মখাদা লাইয়েং চত্থরবা মতুংদা জিসচার্জ তৌবা মতমদা এ.বি. পি.এম.-জে.এ.ৱাই. স্কীমগী কান্নবশিং অসি লৌবা য়ানবা ‘থাগৎচরি’ হায়বগী নোত অমা পীগনি।  অবিনন্দন পত্র অসি স্কীম অসিগী মখাদা ফংবা সর্ভিসকী মতাংদা বেনিফিসিয়রীশিংনা মেনশিনগদবা ওইবা ফীদবেক অমা য়াওগনি।

আয়ুশমান মিত্র: ফংবা য়ারবা নাগরিকশিং খুদিংমক্তা আয়ুশমান কার্দশিং অসি শানবা অমদি স্কীম অসিগী মনুংদা চন্নবা মতেং পাংবা ওইনা আয়ুশমান ভারতকী মীৎয়েংদা খুদোংচাবা অসি ফংহন্নবা অতোপ্পা মরুওইবা খোংথাং অমনি। মসি https://pmjay.gov.in/ayushman-mitra দা লোগ ইন তৌদুনা ফংবা য়ারবা মীওইশিংদা খংহন্নবা য়ানবা আয়ুশমান মিত্রগী আই.দি. অসি শেম্বা য়াই।  আয়ুশমান কার্দশিং অসি লৌবা মতমদা অমদি স্কীম অসিগী মখাদা লায়েংবা ফংনবগীদমক্তা আয়ুশমান মিত্র আই.দি. অসি বেনিফিসিয়রীশিংনা সি.এস.সি./পেনেল তৌরবা হোসপিতালশিংদা য়েংহনবা য়াই।

থৌরম অসিদা হকশেল অমদি য়াইফ-য়ুম্বালগী কেন্দ্র মন্ত্রীনা মখা তানা বেনিফিসিয়রীশিংগা থৌরাং অদুগী মতাংদা ৱারী শান্নখি।

নেস্নেল হেল্থ ওথোরিতীগী সি.ই.ও. দা. আর.এস. শর্মানা লুপা লাখ ৫ গী শেলগী তেংবাং অসি ফংনবা লৈবাক অসিগী মফম অমদগী হেক্তা পীরিব মতমগী মনুংদা চম্না, থুনা-য়াংনা, শেল য়াওদনা, নুং-পাল শেংনা উনা অমদি চে য়াওদনা ক্লেম তৌবা য়াহনবগীদমক্তা আই.তি. গী প্লেৎফোর্মশিংবু থাগৎখি অমদি স্কীম অসিগী মখাদা বেনিফিসিয়রী করোর ৫০ অসি ভেরিফাই তৌবা অমদি মিং চলহনবগী সরকারগী পান্দম অসি য়াম্না থুনা ফংলগনি হায়না আশা তৌখি।  .

কেন্দ্রগী হকশেল সেক্রতরী শ্রী রাজেশ ভুশন্না অতেনবা মতমদা মায় পাকপা অসি ফংবগীদমক্তা এ.ঐচ.এ. তা লৈরিবা খুদিংমক্তা থাগৎপা ফোংদোকখি অমসুং মহাক্না চহি অহুম লৈরকপা অসিদা স্কীম অসিনা পুম্নৌ নৌনা হোংদোকপা য়াবা হোসপিতালগী লায়েং পংহনখ্রে হায়না ফোংদোকখি।

এন.ঐচ.এ. গী এদিস্নেল সি.ই.ও. দা. প্রবীন গেদাম অমসুং এন.ঐচ.এ. গী দিপুতী সি.ই.ও. দা. বিপুল অগরৱাল অমদি অতৈ মকোক থোংবা ওফিসিএলশিংসু থৌরম অদুদা শরুক য়াখি।

থৌরম অদু ৱেবকাস্ত তৌখিবশিং:

Facebook - https://www.facebook.com/AyushmanBharatGoI/live_videos/

Twitter - https://twitter.com/i/broadcasts/1MYxNmomYwQJw

Youtube - https://youtu.be/fWQj-qZ6YZA

*****