ভারতকী কোবিদ-১৯ ভেক্সিনেসন য়ৌশিনবগী চাং অসি ঙণাং করোর ৫৬কী পন্দোল লানখ্রে‍। ঙসি অয়ুক পুং ৭ ফাওবদা থাগৎলকপা প্রোভিজনেল রিপোর্তকী মতুং ইন্না পুন্না সেসন ৬২,৬৭,১৪৯দা ভেক্সিন দোজ ৫৬,০৬,৫২,০৩০ কাপখ্রে‍। হৌখিবা পুং ২৪সিদা ভেক্সিন দোজ ৫৫,০৫,০৭৫ কাপখি‍।

মসিদা য়াওরিবশিংদি:

কোবিদ-১৯ ভেক্সিনেসন মীপুম খুদিংদা ফংহনবগী অনৌবা ফেজ অসি জুন ২১, ২০২১দগী হৌখিবনি‍। কেন্দ্র লৈঙাক্না লৈবাক শিনবা থুংনা কোবিদ-১৯ ভেক্সিনেসনগী খোঙজেল হেনগৎহন্নবা অমদি মীৎয়েঙ পাকথোক চাউথোকহন্নবা ফিরেপ লৌরি‍।

ভারতকী ফগৎলকপগী চাং ৯৭.৪৫%দা লৈদুনা মার্চ ২০২০দগী খ্বাইদগী ৱাংবা ওইরি‍।

লাইচৎ অসি হৌরকপদগী নাখ্রবা অপুনবা মীওইশিংগী মরক্তগী মীওই ৩,১৪,৮৫,৯২৩ হান্ননা কোবিদ-১৯দগী ফগৎলকখ্রবনি অমদি মীওই ৩৭,১৬৯না হৌখিবা পুং ২৪সিদা ফগৎলকখিবনি‍।

হৌখিবা পুং ২৪দা ভারত্তা নোংমগী ওইবা অনৌবা কেস ৩৫,১৭৮ থেংনখি‍।

থংন-থংননা হৌখিবা নুমিৎ য়াঙ্খৈ-নিথোইসিদা নোংমগী ওইবা অনৌবা কেস মশিং ৫০,০০০গী মখাদা ওইদুনা লাক্লি‍। মসি কেন্দ্র অমদি স্তেত/য়ু.তি. লৈঙাকশিংগী লেপ্পা নাইদনা অমদি পুন্না হোৎনমিন্নবগী মহৈনি‍।

ঙসি ভারতকী এক্তিব কেসলোদ ৩,৬৭,৪১৫ ওইদুনা নুমিৎ ১৪৮নিসিদা খ্বাইদগী নেম্বা ওইরে‍। এক্তিব কেস মশিং অসি লৈবাকসিগী অপুনবা পোজিতিব কেস মশিংগী শুপ্নতগী ১.১৪% খক ওইদুনা মার্চ ২০২০দগী খ্বাইদগী নেম্বা ওইরি‍।

লৈবাক শিনবা থুংনা তেস্তিং কেপাসিতী মশক থোক্না হেনগৎহনখিবগা লোয়ননা হৌখিবা পুং ২৪সিদা লৈবাকসিদা পুন্না তেস্ত মশিং ১৭,৯৭,৫৫৯ তৌখি‍। হৌজিক ফাওবদা ভারতনা পুন্না তেস্ত মশিং ৪৯.৮৪ করোর (৪৯,৮৪,২৭,০৮৩) হেন্না তৌখ্রে‍।

নাকল অমরোমদা লৈবাক শিনবা থুংনা তেস্তিং কেপাসিতী হেনগৎহনখিবগা লোয়ননা চয়োলগী ওইবা পোজিতিবিতী রেত ১.৯৫%দা লৈদুনা হৌখিবা নুমিৎ ৫৪সিদা ৩%গী মখাদা লৈরি‍। নোংমগী ওইবা পোজিতিভিতী রেত ১.৯৬তা লৈরে‍। নোংমগী ওইবা পোজিতিবিতী রেত হৌখিবা নুমিৎ ২৩নিদা ৩%গী মখাদা অদুগা হৌখিবা নুমিৎ ৭২সিদনা ৫%গী মখাদা লৈরি‍।

****