ইনফোর্মেসন অমসুং ব্রোদকাস্তিং মন্ত্রালয়
প্রধান মন্ত্রীনা ওগস্ত ১৪বু পার্তিসন হোরর রিমেমব্রেন্স দে (শেত্তোক্নবগী অকিবশিংগী নীংশিং নুমিৎ) হায়না চহি খুদিংগী পাঙথোক্নবা লাউথোকখ্রে
ঐখোয়গী মীয়াম্না থেংনখিবা অৱাবা অমদি কত্থোকখিবা নীংশিংবা ওইনা, ওগস্ত ১৪বু পার্তিসন হোরর রিমেমব্রেন্স দে হায়না চহি খুদিংগী পাঙথোক্লগনি: পি.এম.
#PartitionHorrorsRemembranceDay অসিনা ঐখোয়গী ইফমদা খুন্নাইগী খেন্নবা, লিংজেল মান্নদবগী হু লৌথোকখিনবা অমদি অমত্তা ওইবগী, খুন্নাইগী লিংজেল মান্নবগী অমদি মীওইবা মপাঙ্গল কলহনবগী মথৌ তাবদু নীংশিংদুনা লৈহনবা ওইসনু: পি.এম.
পার্তিসনগী অৱা-অনাশিং কৈদৌঙৈদসু কাউবা ঙম্লোই: পি.এম.
Posted On:
14 AUG 2021 3:06PM by PIB Imphal
লৈবাক অসি শেত্তোক্নবনা মরমওইদুনা মপুন্সি মাংখ্রবা অমসুং মখোয়গী লৈফম মাংখিবা অসিদা শ্রদ্ধাঞ্জলী কৎনবা সরকার অসিনা চহি খুদিংগী ওগস্ত ১৪বু মখোয়না কত্থোকখিবা নীংশিংবা ওইনা থৌরম পাংথোক্লগনি। অসিগুম্বা নুমিৎ অমা লাউথোকখিবা অসিনা হৌজিক্কী অমসুং তুংগী ভারতমচা মীরোলনা শেত্তোক্নবা অসিদা মীয়াম্না থেংনখিবা অৱাবা অমদি কত্থোকখিবশিং নীংশিংদুনা লৈহৌরগনি।
মরম অসিনা, সরকারনা ওগস্ত ১৪বু পার্তিসন হোরর রিমেমব্রেন্স দে (শেত্তোক্নবগী অকিবশিংগী নীংশিং নুমিৎ) হায়না লাউথোকখ্রে
ত্বীক পরিং অমদা, প্রধান মন্ত্রী, শ্রী নরেন্দ্র মোদীনা লাউথোকখ্রে।
প্রধান মন্ত্রীনা ত্বীত তৌখি
“পার্তিসনগী অৱা-অনাশিং কৈদৌঙৈদসু কাউবা ঙম্লোই। খন্থবা ঙমদবা নুংশিনদবা অমদি হিংসানা মরম ওইরগা ইচিন ইনাউ মিলিয়ন কয়া ময়ুম মকৈ মাঙখি অমদি কয়া অমনা মপুন্সি মাঙখি। ঐখোয়গী মীয়াম্না থেংনখিবা অৱাবা অমদি কত্থোকখিবা নীংশিংবা ওইনা ওগস্ত ১৪বু পার্তিসন হোরর রিমেমব্রেন্স দে হায়না পাঙথোক্লগনি।
#PartitionHorrorsRemembranceDay অসিনা ঐখোয়গী ইফমদা খুন্নাইগী খেন্নবা, লিংজেল মান্নদবগী হু লৌথোকখিনবা অমদি অমত্তা ওইবগী, খুন্নাইগী লিংজেল মান্নবগী অমদি মীওইবা মপাঙ্গল কলহনবগী মথৌ তাবদু নীংশিংদুনা লৈহনবা ওইসনু”।
পার্তিসনগী অৱা-অনাশিং কৈদৌঙৈদসু কাউবা ঙম্লোই। খন্থবা ঙমদবা নুংশিনদবা অমদি হিংসানা মরম ওইরগা ইচিন ইনাউ মিলিয়ন কয়া ময়ুম মকৈ মাঙখি অমদি কয়া অমনা মপুন্সি মাঙখি। ঐখোয়গী মীয়াম্না থেংনখিবা অৱাবা অমদি কত্থোকখিবা নীংশিংবা ওইনা ওগস্ত ১৪বু ‘শেত্তোক্নবগী অকিবশিংগী নীংশিং নুমিৎ’ হায়না পাঙথোক্নবা ফীরেপ লৌরে।
#PartitionHorrorsRemembranceDay অসিনা ঐখোয়গী ইফমদা খুন্নাইগী খেন্নবা, লিংজেল মান্নদবগী হু লৌথোকখিনবা অমদি অমত্তা ওইবগী, খুন্নাইগী লিংজেল মান্নবগী অমদি মীওইবা মপাঙ্গল কলহনবগী মথৌ তাবদু নীংশিংদুনা লৈহনবা ওইসনু।
ভারতনা ১৯৪৭, ওগস্ত ১৫দা ব্রিতিশকী মখুৎতগী নিং-খা তম্বা ফংখি। চহি খুদিংগী ওগস্ত ১৫দা ইন্দিপেন্দেন্স দে হায়না পাংথোক্লি, হায়রিবা অসি লৈবাক অমগী হরাও-তয়াম্বা অমসুং চাউথোকচনিঙাই ওইবা মতম অমনি; অদুম ওইনমক, নিং-খা তম্বগী নুঙাইরবা মিকুপ অসিদা শেত্তোক্নবগী অকিবশিংসু ফাওরি। অনৌবা নিং-খা তম্বা ভারত মচা জাতি অমা পোক্লকপা অসিদা ভারত মচা মিল্লিয়ন কয়া অমদা শেত্তোক্নবগী হু ওইনা মতম পুম্বগী দাক লোয়নরি।
শেত্তোক্নবা অসিনা মীওই মিল্লিয়ন ২০ লোম শোকহন্দুনা মীওইবগী পুৱারীদা খ্বায়দগী চাউবা মাইগ্রেসন থোকহল্লি। ইমুং মিল্লিয়ন কয়া অমনা মখোয়গী থায়নদগী লৈজরক্লবা খুঙ্গং/সহর থাদোক্লমখি অমসুং রিফ্যুজী অমগুম্না অনৌবা পুন্সি অমা থিনবা নমদুনা ওইহনখি।
২০২১গী ওগস্তকী ১৪-১৫গী অহিং নোংয়াইদা, লৈবাক পুম্বনা ৭৫শুবা ইন্দিপেন্দেন্স পাংথোক্লিঙৈদা, শেত্তোক্নবগী অৱা-অনানা লৈবাক অসিগী নিংশিবদা লৌহৌরগনি। লৈবাক অসিনা মালেমগী ওইনা খ্বায়দগী চাউবা দেমোক্রেসী অমসুং খ্বায়দগী চাউবা অহুমশুবা ইকোমোনী ওইনবা হোৎনরিবা অসিদা লৈবাক অসিনা শেত্তোক্নবগী অৱা-অনা কৈদৌনুংদা কাওরোই। ঐখোয়গী ইন্দিপেন্দেন্স পাংথোক্লিঙৈদা, হিংসাদা মখোয়গী মপুন্সি কৎথোকখ্রবা ঐখোয়গী নুংশিজরবা ইমা লৈবাক্কী মচাশিংদা লৈবাক অসিনা ইকাই খুম্নবা উৎলি।
****
(Release ID: 1745922)
Visitor Counter : 187