য়ুমলৈ-কৈরৈ মন্ত্রালয়
কেন্দ্রগী গৃহ মন্ত্রী শ্রী অমিত সাহনা ওগস্ত ১৪বু ‘পার্তিসন হোরর্স রিমেমব্রেন্স দে’ হায়না পাঙথোক্নবা প্রধান মন্ত্রী শ্রী নরেন্দ্র মোদীগী ফিরেপ্পু তরাম্না ওকখ্রে
লৈবাকসি শেত্তোক্নখিবা মতমদা হিংসা অমসুং নুংশিনদবগী মরুমদা ময়ুম মকৈ মাঙ তাকখ্রবা মশিং থিঙমদ্রবা ঐখোয়গী ইচিন ইনাউশিংনা কত্থোকখিবা অমদি থেংনখিবা অৱাবা কয়াবু নীংশিংদুনা শ্রী নরেন্দ্র মোদীনা ওগস্ত ১৪বু ‘পার্তিসন হোরর্স রিমেমব্রেন্স দে’ হায়না পাঙথোক্নবা ফিরেপ লৌখ্রে
“অসিগুম্লবা মরুওইখ্রবা ফিরেপ অমা লৌরকপগীদমক্তা প্রধান মন্ত্রী শ্রী নরেন্দ্র মোদীনা ঐনা তরাম্না ওকচরি”
“লৈবাকসি শেত্তোক্নখিবগী থম্মোয় শোকখিবা অমদি নুংশিরবা মীওই কয়া মাঙখিবগী অৱাবা চৈনা ৱাহৈনা ফোঙদোকপা ঙম্লোই”
“‘পার্তিসন হোরর্স রিমেমব্রেন্স দে’না খুন্নাইদগী হন্থনা য়েংবা অমদি মীবু ৱাহনবগী ফত্তবা ৱাখল্লোন মাঙহনখিদুনা ইং-চিকপা, নুংশিনবা অমদি লিংজেল মান্নবগী ৱাখল্লোনবু মপাঙ্গল কনখৎহনগনি হায়না ঐনা থাজৈ”
प्रविष्टि तिथि:
14 AUG 2021 3:02PM by PIB Imphal
কেন্দ্রগী গৃহ মন্ত্রী শ্রী অমিত সাহনা ওগস্ত ১৪বু ‘পার্তিসন হোরর্স রিমেমব্রেন্স দে’ হায়না পাঙথোক্নবা প্রধান মন্ত্রী শ্রী নরেন্দ্র মোদীগী ফিরেপ্পু তরাম্না ওকখ্রে। মহাক্কী ত্বীত্তা শ্রী অমিত সাহনা হায়খিবদা, “লৈবাকসি শেত্তোক্নখিবা মতমদা হিংসা অমসুং নুংশিনদবগী মরুমদা ময়ুম মকৈ মাঙ তাকখ্রবা মশিং থিঙমদ্রবা ঐখোয়গী ইচিন ইনাউশিংনা কত্থোকখিবা অমদি থেংনখিবা অৱাবা কয়াবু নীংশিংদুনা শ্রী নরেন্দ্র মোদীনা ওগস্ত ১৪বু ‘পার্তিসন হোরর্স রিমেমব্রেন্স দে’ হায়না পাঙথোক্নবা ফিরেপ লৌখ্রে। অসিগুম্লবা মরুওইখ্রবা ফিরেপ অমা লৌরকপগীদমক্তা প্রধান মন্ত্রী শ্রী নরেন্দ্র মোদীনা ঐনা তরাম্না ওকচরি।”
কেন্দ্রগী গৃহ মন্ত্রীনা হায়খিবদা, “লৈবাকসি শেত্তোক্নখিবগী থম্মোয় শোকখিবা অমদি নুংশিরবা মীওই কয়া মাঙখিবগী অৱাবা চৈনা ৱাহৈনা ফোঙদোকপা ঙম্লোই। ‘পার্তিসন হোরর্স রিমেমব্রেন্স দে’না খুন্নাইদগী হন্থনা য়েংবা অমদি মীবু ৱাহনবগী ফত্তবা ৱাখল্লোন মাঙহনখিদুনা ইং-চিকপা, নুংশিনবা অমদি লিংজেল মান্নবগী ৱাখল্লোনবু মপাঙ্গল কনখৎহনগনি হায়না ঐনা থাজৈ।”
*****
(रिलीज़ आईडी: 1745793)
आगंतुक पटल : 259