ভারতকী অপুনবা কোবিদ-১৯ ভেক্সিনেসন কোভরেজ কোতি ৫৩রোম য়ৌখ্রে৷ ঙসি অয়ুক পুং ৭ ফাওবগী মনুংদা ফংখিবা প্রোভিজনেল রিপোর্তকী মতুং ইন্না সেসন ৬০,৪০,৬০৭তা ভেক্সিন দোজ পুন্না ৫২,৯৫,৮২,৯৫৬ কাপখ্রে৷ হৌখিবা পুং ২৪ অসিদা ভেক্সিন দোজ ৫৭,৩১,৫৭৪ কাপখি৷

মসিগী মনুং চল্লিবশিং অদুদি:

কোবিদ-১৯ ভেক্সিনেসন য়ুনিভর্সেলাইজেসন তৌবগী অনৌবা ফেস অদু ২০২১গী জুন ২১দগী হৌখ্রে৷ লৈবাক অসি শিনবা থুংনা কোবিদ-১৯ ভেক্সিনেসনগী স্কোপ অসি চাওথোকহন্নবা অমসুং খোঙজেল য়াংখৎহন্নবা কেন্দ্র সরকারনা লেপ্প-লৈতনা হোৎনরি৷

ভারতী রিকোভরী রেত ৯৭.৪৬% য়ৌখ্রে৷ মসি লাইনা-লাইচৎ শন্দোরকখিবা হেক হৌরকখিবা মতম অদুদগী হৌদুনা ভারতনা ঙসি ফাওবদা ফংবা ঙমখিবা খ্বাইদগী য়াম্বা রিকোভরী রেতনি৷

লাইচৎ অসি শন্দোরকপা হৌরকখিবা মতম অদুদগী হৌদুনা লাইচৎ অসিনা মরম ওইদুনা নাহনখিবা মীওইশিং অদুগী মনুংদা, মীওই ৩,১৩,০২,৩৪৫দি কোবিদ-১৯দগী মাংজৌননা ফবা ঙমখ্রে অমসুং হৌখিবা পুং ২৪ অসিদা পেসেন্ত ৪২,২৯৫ লাইচৎ অসিদগী ফরকখ্রে৷

হৌখিবা পুং ২৪দা ভারত্তা নোংমদা অনৌবা কেস ৪০,১২০ লাকখি৷

নোংমদা অনৌবা কেস ৫০,০০০গী মখাদা লাকখিবা নুমিৎ ৪৭নি শুরে৷ মসি কেন্দ্র অমসুং রাজ্যশিং/য়ু.তি.শিংনা য়াম্না কন্নবা খুৎশম্নদুনা হোৎনবগী মহৈনি৷

ভারতকী এক্তিব কেসলোদ অসি ঙসি ৩,৮৫,২২৭ য়ৌখ্রে৷ হৌজিক লৈরিবা এক্তিব কেস মশিং অসি লৈবাক অসিগী অপুনবা পোজিতিব কেস মশিং অদুগী ১.২০% খক্তনি, মশিং অসি ২০২০গী মার্চ থাদগী হৌদুনা য়েংবা মতমদা মসিনা খ্বাইদগী নেম্বনি৷

লৈবাক অসিদা তেস্ত তৌবগী চাং হেনগৎলক্তুনা, হৌখিবা পুং ২৪দা লৈবাক অসিদা তেস্ত পুন্না ১৯,৭০,৪৯৫ তৌখি৷ হৌজিক ফাওবদা, ভারতনা অপুনবা তেস্ত কোতি ৪৮.৯৪ (৪৮,৯৪,৭০,৭৭৯) হেন্না  তৌখ্রে৷

অদুগা নাকল অমরোমদা লৈবাক অসিদা তেস্তিং কেপাসিতী হেনগৎখিবা অসিদা, চয়োলগী ওইনা পোজিতিব ওইখিবগী চাংসু হৌজিক হৌজিক ২.১৩% ওই অদুগা নোংমদা পোজিতিব ওইখিবগী চাংসু ঙসি ২.০৪% ওই৷ হৌজিক ফাওবদা নোংমদা পোজিতিব ওইখিবগী চাং ৩%গী মখাদা লৈখিবা নুমিৎ ১৮নি শুরে অমসুং ৫%গী মখাদা লৈখিবা নুমিৎ ৬৭নি শুরে৷

*****