মরুওইবা ৱারোলশিং:

•     ফিৎ ইন্দিয়া ফ্রিদম রন অসি আজাদী কা অমৃত মহোৎসবকী শরুক অমা ওইনা শিল্লি।

•      চয়োল খুদিংগী প্রোগ্রামশিং অসি জিলা ৭৫দা অদুগা জিলা অমমমগী খুঙ্গং ৭৫দা ওক্তোবর ২, ২০২১ ফাওবা শিনগনি।

•      ফিৎ ইন্দিয়া ফ্রিদম রন্স অসি জিলা ৭৪৪দা, জিলা ৭৪৪ খুদিংগী খুঙ্গং ৭৫তা অমসুং লৈবাক অসিদা লৈরিবা এজুকেস্নেল ইন্সতিত্যুসন ৩০,০০০দা শিনগনি।

•      মসিগী অনৌবা থৌরাং অসিগী খুত্থাংদা নহারোল অমসুং প্রজা করোর ৭.৫০ হেনবনা রন অসিদা শরুক য়াবা ঙমহল্লগনি। 

য়ুথ এফিয়র্স এন্দ স্পোর্তস মন্ত্রালয়না আজাদী কা অমৃত মহোৎসব - India@75 পালন তৌবগী শরুক অমা ওইনা লৈবাক শিনবা থুংবদা ফিৎ ইন্দিয়া ফ্রিদম রন ২.০ পাঙথোক্লি। মার্চ ১২, ২০২১দা আজাদী কা অমৃত মহোৎসবকী কর্তেন রেজরদা ভারতকী প্রধান মন্ত্রীনা থমখিবা হৌদোকপগী ৱারোলদগী ইথিল লৌদুনা য়ুথ এফিয়র্স এন্স স্পোর্তস মন্ত্রালয়না এক্সন্স এন্দ রিজোলবস @75গী য়ুম্বীগী মখাদা আজাদী কা অমৃত মহোৎসবকী পালন তৌনবা ৱাখল পুথোকখি।

ঙসি মীদিয়াগী মীওইশিংদা ব্রিফিং তৌবদা য়ুথ এফিয়র্স এন্দ স্পোর্সকী সেক্রেতরী, শ্রীমতি উশা শর্মনা হায়খি, য়ুথ এফিয়র্স অমসুং স্পোর্তসকী কেন্দ্রগী মন্ত্রী শ্রী অনুরাগ থাকুরনা অগস্ত ১৩, ২০২১দা লৈবাক শিনবা থুংনা পাংথোক্কদবা প্রোগ্রাম ফিৎ ইন্দিয়া ফ্রিদম রন্স ২.০ হৌদোক্লগনি। য়ুথ এফিয়র্স অমসুং স্পোর্তসকী রাজ্য মন্ত্রী শ্রী নিসিথ প্রমানিকসু হৌদোকপগী থৌরম অসিদা শরুক য়াগনি অদুগা বি.এস.এফ., সি.আই.এস.এফ., সি.আর.পি.এফ., রেলৱেজ, এন.ৱাই.কে.এস., আই.তি.বি.পি., এন.এস.জি., এস.এস.বি.,গুম্বা ওর্গনাইজেসনশিংনা লৈবাক অসিগী আইকনিক ওইরবা মফমশিংদগী ভর্চ্যুএল ওইনা শরুক য়াগনি। মসিগা লোইননা হৌদোক্কদবা নুমিৎ হায়বদি ওগস্ত ১৩ অসিদা পুৱারী ওইরবা মফমশিংদা ফিজিকেল ইভেন্ত ৭৫সু পাংথোক্কনি।

মসিগী মখা তারকপদা চয়োল খুদিংগী জিলা ৭৫দা অদিগা জিলা অমমমগী খুঙ্গং ৭৫দা ওক্তোবর ২, ২০২১ ফাওবা প্রোগ্রামশিং পাংথোক্কনি। অসুম্না ফিৎ ইন্দিয়া ফ্রিদম রন্স অসি জিলা ৭৪৪দা, জিলা ৭৪৪ খুদিংগী খুঙ্গং ৭৫তা অমসুং লৈবাক অসিদা লৈরিবা এজুকেস্নেল ইন্সতিত্যুসন ৩০,০০০দা শিনগনি। মসিগী অনৌবা থৌরাং অসিগী খুত্থাংদা নহারোল অমসুং প্রজা করোর ৭.৫০ হেনবনা রন অসিদা শরুক য়াবা ঙমহল্লগনি। 

মহাক্কী পাউজেলদা, য়ুথ এফিয়র্স এন্দ স্পোর্তস মন্ত্রীনা হায়, “ঐখোয়না নীংখা তম্বগী ৭৫শুবা চহি পালন তৌবা অসিদা ঐখোয়না মচা-মউ ফবা ভারত অমা ওইহন্নবা ফিরেপ লৌরসি মমদি মশা-মউ ফবা ভারত খক্তনা মপাঙ্গল কনবা ভারত অমা ওইবা ঙমগনি। অদুনা ঐহাক্না মীপুম খুদিংমক্তা লৈবাক শিনবা থুংনা পাঙথোক্কদৌরিবা ইৎ ইন্দিয় ফ্রিদম রন ২.০ অসিদা শরুক য়াবীদুনা মসি মীয়ামগী খোঙজং অমা ওইহল্লসি হায়না হায়জরি।”

হন্দক্তি ফিৎ ইন্দিয়া ফ্রিদম রন্স ২.০ অসি ওগস্ত ১৩, ২০২১দগী হৌরগা ওক্তোবর ২, ২০২১দা লোইশিনগনি। মসিগী পান্দমদি মীয়ামদা মখোয়গী নোংমগী পুন্সিদা লমজেল চেনবা অমসুং শান্ন-খোৎনবগী থৌরমশিং শরুক য়াদুনা নোইখৎপা, তন্থবা, স্ত্রেস, খোইরাং খোইশাওনবনচিংবা লাইনাশিংদগী ঙাকথোক্নবা মীয়াম্বু পুক্নীং থৌগৎপনি। কেম্পেন অসিগী খুত্থাংদা প্রজাশিংনা মখোয়গী পুন্সিদা নোংমগী য়ামদ্রবদা মিনিৎ ৩০গী হকচাং শাজেল “ফিৎনেস কি দোজ আধা গন্তা রোজ” তৌবীনবা প্রজা মীয়ামদা ৱারেপ লৌহল্লগনি।

ফিৎ ইন্দিয়া ফ্রিদম রন ২.০গী মরুওইবা এক্তিবিতীশিংগী মনুংদা চল্লিবশিং অদুদি ৱাশক লৌবা, জাতীগী ইশৈ শকপা, ফ্রিদম রন, মফমশিংদা কলচরেল ফঙ্কসনশিং পাংথোকপা, নহা ওইরিবা ভোলুন্তিয়রশিংদা শরুক য়ানবা অমসুং চপ মান্নবা ফ্রিদম রনশিং অসি মখোয়গী খুঙ্গংশিংদা পাংথোক্নবা এৱেয়র্নেস পীবনি। মীয়াম্না মখোয়গী রন অদু ফিৎ ইন্দিয়া পোর্তেল https://fitindia.gov.inদা অপলোদ তৌবা য়াগনি অমসুং মখোয়গী সোসিএল মেদিয়া চেনেলশিংদা  #Run4India অমসুং #AzadikaAmritMahotsav হায়না ফ্রিদম রন প্রমোৎ তৌবা য়াগনি।

মমিং লৈরবা মীওইশিং, মীয়ামগী মীহুৎশিং, পি.আর.আই. লুচিংবশিং, সোসিএল ৱার্করশিং, শান্নরোইশিং, মেদীয়াগী লমদা লৈরিবা মীওইশিং, দোক্তরশিং, লৌমীশিং অমসুং আর্মী পর্সনেলশিংদা তোঙান তোঙানবা থাক্তা থৌরম অসিদা শরক য়াবীদুনা মীয়ামবু থৌনা হাপতুনা পুক্নীং থৌগৎপীয়ু হায়না খংহনজরি। থৌরমশিং অসি কোবিদ-১৯গী চৎন-কাংলোনশিং ঙাক্তুনা লৈবাক পু্ম্বদা ফিজিকেল অমসুং ভর্চ্যুএল ওইনা শিনগনি।

কেন্দ্র সরকারগী মন্ত্রীশিং, রাজ্য সরকারশিং অমসুং অতোপ্পা ওর্গনাইজেসনশিংদা ওক্তোবর ২, ২০২১ ফাওবদা কেম্পেন অসিগী মনুংদা ফিজিকেল/ভর্চ্যুএল রন থৌরমশিং পাংথোক্নবা খংহনজরি। কেম্পেন অসিদা মীয়াম পুন্না শরুক য়ামিন্ননবা মরুপশিং, ইমুং-মনুং অমসুং লেংমান্নবনচিংশিংদা থৌরম অসি হুপ্না শরুক য়ানবা পুক্নিং থৌগৎনবা থবকশিং পাইখৎলি।

‘ফিৎ ইন্দিয়া ফ্রিদম রন’ অসি হৌখিবা চহিগী কোবিদ-১৯ লাইচৎ থোক্লিঙৈ সোসিএল দিস্তেন্সিংনা পুন্সিরোলগী ‘ন্যু নোর্মেল’ ওইখিবা মতমদা সোসিএল দিস্তেন্সিংগী কাংলোনশিং ঙাকপগা লোইননা হকচাং ফনা থম্বগী মথৌ তাবা অদু মরুওইনা লৌদুনা লৈহন্নবা হৌদোকখিবনি। ফিৎ ইন্দিয়া ফ্রিদম রন অসি ভর্চ্যুএল রন হায়বদি ‘মসি মফম অমা হেক্তদা, মতম অমা হেক্তদা চেনবা য়াবা! অদোমগী খুদোংচাবা মতমদা অদোম্না পাম্বা লম্বী অমদা চেনবা য়াবা। খ্বাইদগী মরু ওইরিবদি অদোম ইশাগী লমজেল ইশানা চেনবা অমসুং অদোম ইশাগী খোঙজেল অদুগী মতম ইশানা লেপচবা’ মসিগী ৱাখল্লোন্দা হৌদোকখিবনি।

কেম্পেন অসিগী অহানবা ইদিসন ওগস্ত ১৫ দগী ওক্তোবর, ২০২০ ফাওবা পাঙথোকখি।

কেন্দ্র/রাজ্যগী বিভাগশিং অমসুং সেন্ত্রেল আর্মদ ফোর্সেস, এন.জি.ও.শিং, লনাইঈ লুপশিং, স্কুলশিং, মীওইশিং, য়ুথ ক্লবশিংদগী মীওই করোর ৫ হেনবনা শরুক য়াখি অমসুং কিলোমিতর ১৮রোমগী অশাংবা কভর তৌবা ঙমখি।

*******