୧ଠ ଅଗଷ୍ଟ ୨ଠ୨୧: ଅର୍ଥ ମନ୍ତ୍ରଣାଳୟର ବ୍ୟୟ ବିଭାଗ, ଆୟ ଅପେକ୍ଷା ବ୍ୟୟ ଅଧିକ ହେଉଥିବାଜନିତ ରାଜସ୍ୱ ନିଅଣ୍ଟ ଭରଣା ସକାଶେ (PDRD) ଅଗଷ୍ଟ ୯, ୨ଠ୨୧ରେ ରାଜ୍ୟଗୁଡ଼ିକୁ ୯,୮୭୧ କୋଟି ଟଙ୍କାର ପଞ୍ଚମ କିସ୍ତି ବିତ୍ତ ଆୟୋଗ ପ୍ରଦାନ କରିଛି । ଏହି କିସ୍ତି ଜାରି ହେବା ସହିତ ଚଳିତ ଆର୍ଥିକ ବର୍ଷରେ PDRD ଆଧାରରେ ଯୋଗ୍ୟ ରାଜ୍ୟଗୁଡ଼ିକୁ ସର୍ବମୋଟ ୪୯,୩୫୫ କୋଟି ଟଙ୍କା ଅର୍ଥ ପ୍ରଦାନ କରାଯାଇଛି ।

ଚଳିତ ମାସରେ ଅନୁଦାନପ୍ରାପ୍ତ ରାଜ୍ୟ ଏବଂ ୨ଠ୨୧-୨୨ ବର୍ଷରେ ରାଜ୍ୟଗୁଡ଼ିକୁ ଜାରି ହେବାକୁଥିବା PDRD ଅନୁଦାନର ସାରଣୀ ତଳେ ଦିଆଯାଉଛି ।

ସମ୍ବିଧାନର ଧାରା ୨୭୫ ଅନୁସାରେ ରାଜ୍ୟଗୁଡ଼ିକୁ PDRD ଅନୁଦାନ ପ୍ରଦାନ କରାଯାଇଥାଏ । ୧୫ତମ ବିତ୍ତ ଆୟୋଗର ସୁପାରିସ ଅନୁସାରେ ରାଜ୍ୟଗୁଡ଼ିକୁ ମାସିକ ଭିତ୍ତିରେ ଅନୁଦାନ ପ୍ରଦାନ କରାଯାଇଥାଏ, ଯଦ୍ଦ୍ୱାରା ରାଜ୍ୟର ଆୟ ଏବଂ ବ୍ୟୟ ମଧ୍ୟରେ ଥିବା ବ୍ୟବଧାନକୁ ପୂରଣ କରାଯାଇପାରିବ । ୨ଠ୨୧-୨୨ ଆର୍ଥିକ ବର୍ଷରେ ୧୭ଟି ରାଜ୍ୟକୁ ପିଡିଆରଡି ଅନୁଦାନ ପ୍ରଦାନ କରିବା ପାଇଁ ଆୟୋଗ ସୁପାରିସ କରିଥିଲେ ।

ଏଇ ଅନୁଦାନ ପାଇବା ପାଇଁ କେଉଁ ରାଜ୍ୟ ଯୋଗ୍ୟ ଅଟନ୍ତି ତାହା ବିତ୍ତ ଆୟୋଗ ନିର୍ଦ୍ଧାରିତ କରିଥାଏ । ଏହା ସମ୍ପୃକ୍ତ ରାଜ୍ୟର ଆୟ ଏବଂ ବ୍ୟୟର ବ୍ୟବଧାନକୁ ଦୃଷ୍ଟିରେ ରଖି ନିର୍ଦ୍ଧାରଣ କରାଯାଇଥାଏ । ଏହା ଉପରେ ବିତ୍ତ ବର୍ଷ ୨ଠ୨୧-୨୨ ପାଇଁ ମୂଲ୍ୟାଙ୍କନ କରାଯାଉଛି ।

୧୫ତମ ବିତ୍ତ ଆୟୋଗ ବିତ୍ତ ବର୍ଷ ୨ଠ୨୧-୨୨ ଆର୍ଥିକ ବର୍ଷରେ ୧୭ଟି ରାଜ୍ୟକୁ PDRD ଅନୁଦାନ ଭାବରେ ୧,୧୮,୪୫୨ କୋଟି ଟଙ୍କା ସୁପାରିସ କରିଥିଲେ । ଏହି ପରିମାଣରୁ ବର୍ତ୍ତମାନ ପର୍ଯ୍ୟନ୍ତ ୪୯,୩୫୫ କୋଟି ଟଙ୍କା (୪୧.୬୭%) ପ୍ରଦାନ କରାଯାଇସାରିଛି ।

୧୫ତମ ବିତ୍ତ ଆୟୋଗ ପିଡିଆର୍ଡି ଅନୁଦାନ ପାଇଁ ଯେଉଁ ରାଜ୍ୟଗୁଡ଼ିକ ପାଇଁ ସୁପାରିସ କରିଥିଲେ, ସେଗୁଡ଼ିକ ହେଲା- ଆନ୍ଧ୍ର ପ୍ରଦେଶ, ଆସାମ, ହରିୟାଣା, ହିମାଚଳ ପ୍ରଦେଶ, କର୍ଣ୍ଣାଟକ, କେରଳ, ମଣିପୁର, ମେଘାଳୟ, ମିଜୋରାମ, ନାଗାଲାଣ୍ଡ, ପଞ୍ଜାବ, ରାଜସ୍ଥାନ, ସିକ୍କିମ୍, ତାମିଲନାଡୁ, ତ୍ରିପୁରା, ଉତ୍ତରାଖଣ୍ଡ ଏବଂ ପଶ୍ଚିମବଙ୍ଗ ସାମିଲ ରହିଛି ।

PDRD ଅନୁଦାନପ୍ରାପ୍ତ ରାଜ୍ୟଗୁଡ଼ିକର ସାରଣୀ

କ୍ର.ନଂ.      ରାଜ୍ୟର ନାମ                          ଅଗଷ୍ଟ ୨ଠ୨୧ରେ ଜାରି ପଞ୍ଚମ କିସ୍ତି       ୨ଠ୨୧-୨୨ ବର୍ଷରେ ହେବାକୁଥିବା ଅନୁଦାନ

(କୋଟି ଟଙ୍କାରେ)                                    ପରିମାଣ (କୋଟି ଟଙ୍କାରେ)

୧            ଆନ୍ଧ୍ର ପ୍ରଦେଶ                           ୧୪୩୮.୦୮                                         ୭୧୯୦.୪୨

୨            ଆସାମ                                   ୫୩୧.୩୩                                         ୨୬୫୩.୬୭

୩            ହରିୟାଣା                                ୧୧.୦୦                                             ୫୫.୦୦

୪            ହିମାଚଳ ପ୍ରଦେଶ                     ୮୫୪.୯୨                                            ୪୨୭୦.୪୨

୫            କର୍ଣ୍ଣାଟକ                                 ୧୩୫.୯୨                                          ୬୯୭.୫୮

୬            କେରଳ                                   ୧୬୫୭.୫୮                                       ୮୨୮୭.୯୨

୭            ମଣିପୁର                                 ୨୧୦.୩୩                                           ୧୦୫୧.୬୭

୮            ମେଘାଳୟ                              ୧୦୬.୫୮                                           ୫୩୨.୯୨

୯            ମିଜୋରାମ                             ୧୪୯.୧୮                                            ୭୪୫.୮୩

୧୦         ନାଗାଲାଣ୍ଡ                              ୩୭୯.୭୫                                            ୧୮୯୮.୭୫

୧୧         ପଞ୍ଜାବ                                   ୮୪୦.୦୮                                            ୪୨୦୦.୪୨

୧୨         ରାଜସ୍ଥାନ                                ୮୨୩.୧୭                                            ୪୧୧୫.୮୩

୧୩         ସିକ୍କିମ                                     ୫୬.୫୦                                            ୨୮୨.୫୦

୧୪         ତାମିଲନାଡୁ                             ୧୮୩.୬୭                                            ୯୧୮.୩୩

୧୫         ତ୍ରିପୁରା                                    ୩୭୮.୮୩                                           ୧୮୯୪.୧୭

୧୬         ଉତ୍ତରାଖଣ୍ଡ                              ୬୪୭.୭୬                                            ୩୨୩୮.୩୩

୧୭         ପଶ୍ଚିମବଙ୍ଗ                              ୧୪୭୬.୨୫                                          ୭୩୩୬.୨୫

NS