(প্রধান মন্ত্রী শ্রী নরেন্দ্র মোদীনা দিজিতেল পেমেন্তগী কেশলেস অমসুং কন্তেক্তলেস ইনস্ত্রুমেন্ত অমা ওইরিবা দিজিতেল পেমেন্ত সোল্যুসন ই-রুপি ওগস্ত ২দা হৌদোকখি। ই-রুপি ভাউচরনা লৈবাক অসিদা দিজিতেল ত্রাঞ্জেক্সনশিং হেন্না নীংথিনা তৌহন্নবা দাইরেক্ত বেনিফির ত্রান্সফর (দি.বি.তি.)দা অচৌবা থৌদাং অমা লৌরগনি অমসুং দিজিতেল গভর্নান্সপু অনৌবা ইনোৎ অমা পীরগনি হায়না প্রধান মন্ত্রীনা ফোঙদোকখি। মহাক্না হায়, ই-রুপি অসি মীয়ামগী পুন্সিবু তেক্নোলোজীগা শম্নহন্দুনা ভারতনা করম্না খুমাং চাউশিল্লিবগে হায়বগী খুদম অমনি।)

ই-রুপি অসি করিনো অমসুং করম্না তৌবগে?

ই-রুপি অসি বেনিফিসিয়রী অমগী ফোন্দা এস.এম.এস. নত্ত্রগা ক্যু.আর. কোদকী মওংদা লাকপা দিজিতেল ভাউচর অমনি। মসি চৎনবা সেন্তর অমা হেক্তদা মহাক্না চৎলগা রিদীম তৌবা য়াবা প্রি-পেদ ভাউচর অমনি।

খুদম ওইনা, করিগুম্বা সরকারনা অপীবা হোস্পিতাল অমদা ইম্প্লোইয়ী অমগী অখন্নবা লায়েং অমগীদমক কভর তৌবা পাম্লবদি মখোয়না পার্তনর বেঙ্ক অমগী খুত্থাংদা লেপথোক্লবা শেনফম অদুগী ই-রুপি ভাইচর অমা ইসু তৌবা য়াই। ইম্প্লোইয়ী অদুনা মহাক্কী ফীচর ফোন/স্মার্ত ফোন্দা এস.এম.এস. নত্ত্রা ক্যু.আর. কোদ অমা ফংগনি। মহাক্না অপীবা হোস্পিতাল অদুদা চৎতুনা সর্ভিস অসি লৌবা য়াই অমসুং মহাক্কী ফোন্দা ফংলিবা ই-রুপি ভাউচর অদুগী খুত্থাংদা পেমেন্ত তৌবা য়াই।

অসুম্না ই-রুপি অসি য়ুজরশিংনা কার্দ, দিজিতেল পেমেন্ত এপ নত্ত্রগা ইন্তর্নেৎ বেঙ্কিং একেস তৌদনা ভাউচর রিদীম তৌবা য়াবা ৱন তাইম কন্তেক্তলেস, কেশলেস ভাউচরদা য়ুম্ফম ওইনা পেমেন্ত তৌনবগী পাম্বৈ অমনি।

ই-রুপি অসি রিজর্ব বেঙ্ক ওফ ইন্দিয়না পীরিবা দিজিতেল করেন্সীগা চম্মনবা তৌরোইদবনি। মসিগী মহুৎ ই-রুপি অসি পর্সন স্পেসিফিক ওই অমসুং পর্পস স্পেসিফিক দিজিতেল ভাউচর অমনি।

ই-রুপি অসি কঞ্জুমরদা করম্না হেন্না কান্নবগে?

ই-রুপিগীদমক বেনিফিসিবরী অদুনা বেঙ্ক একাউন্ত অমা লৈবা মথৌ তাদে, মসিনা অতৈ দিজিতেল পেমেন্তগী মওংশিংগা চাংদম্নবা মতমদা খ্বাইদগী অচৌবা খেনবা অমা ওইরি। মসিনা লনাইগী ওইবা অকুপ্পা মরোলশিং শিয়র তৌবা মথৌ তাদবা থৌওং অনিদা লায়না, কন্তেক্তলেস ওইনা রিদিম্পসন প্রোসেস তৌবা ঙমহল্লি।

অতোপ্পা কান্নবা অমনা ই-রুপি অসি অচম্বা ফোনশিংদসু ওপরেৎ তৌবা য়াই, মরম অসিনা মসি মশাগী স্মার্ত-ফোনশিং পাইজদবা মীওইশিংনা নত্ত্রগা ইন্তর্নেৎ কন্নেক্সন লৈতবা মফমশিংদা শীজিন্নবা য়াই।

স্পোন্সরশিংগীদমক্তা ই-রুপিগী কান্নবশিং অসি করি-করিনো?

ই-রুপি অসিনা দাইরেক্ত-বেনিফিৎ ত্রান্সফর মপাঙ্গল কনখৎহনবদা অমসুং মসিবু হেন্না ত্রান্সপরেন্ত ওইহনবদা অচৌবা থৌদাং অমা লৌরবা য়াই হায়না পান্নরি। ভাউচরশিং অসি ফিজিকেল ওইনা ইসু তৌবগী মথৌ তাদবনা মরম ওইরগা মসিনা শেল চাদিং তৌবদগী কনবসু ঙম্লগনি।

সর্ভিস প্রোভাইদরশিংদা করি কান্নবা ফংগনি?

প্রিপেদ ভাউচর অমা ওইবনা ই-রুপি অসিনা সর্ভিস প্রোভাইদরদা রিএল তাইম পেমেন্তশিং তৌহনবা ঙমহনগনি।

ই-রুপি অসি কনানা দিবেলপ তৌখিবগে?

ভারত্তা লৈরিবা দিজিতেল পেমেন্ত ইকোসিস্তেম য়েংশিল্লিবা নেস্নেল পেমেন্তস কোর্পোরেসন ওফ ইন্দিয়া (এন.পি.সি.আই.)না কেশলেস ত্রাঞ্জেক্সনশিং থৌগৎনবা ভাউচরদা য়ুম্ফম ওইবা পেমেন্ত সিস্তেম, ই-রুপি অসি হৌদোকখি।

মসি দিপার্তমেন্ত ওফ ফাইনান্সিএল সর্ভিসেস, হকশেল অমসুং য়াইফ-য়ুম্বাল মন্ত্রালয় অমদি নেস্নেল হেল্থ ওথোরিতীগা লোইননা চুংশিন্নদুনা দিবেলপ তৌখি।

করম্বা বেঙ্কশিংনা ই-রুপি ইসু তৌবগে?

এন.পি.সি.আই.না ই-রুপি ত্রাঞ্জেক্সনশিংগীদমক বেঙ্ক ১১গা পার্তনর ওইরি। মখোয় অদুদি এক্সিস বেঙ্ক, বেঙ্ক ওফ বরোদা, কনারা বেঙ্ক, ঐচ.দি.এফ.সি. বেঙ্ক, আই.সি.আই.সি.আই. বেঙ্ক, ইন্দিয়ন বেঙ্ক, ইন্দসইন্দ বেঙ্ক, কোতাক মহিন্দ্রা বেঙ্ক, পঞ্জাব নেস্নেল বেঙ্ক, স্তেৎ বেঙ্ক ওফ ইন্দিয়া অমসুং য়ুনিয়ন বেঙ্ক ওফ ইন্দিয়া অসিনি।

এক্বাইরিং এপশিংনা ভারত পে, ভিম বরোদা মর্চেন্ত পে, পাইন লেবস, পি.এন.বি. মর্চেন্ত পে অমসুং য়োনো এস.বি.আই. মর্চেন্ত পে অসিনি।

অথুবদা ই-রুপিগী থৌরাং অসিদা অহেনবা বেঙ্কশিং অমসুং এক্বাইরিং এপশিং য়াওশিল্লবা য়াই।

ই-রুপি অসি হৌজিক কদাইদা শীজিন্নবা য়ারবগে?

মসি হৌনবা এন.পি.সি.আই.না ই-রুপি রিদীম তৌবা য়াবা হোস্পিতাল ১,৬০০ হেনবগা তাই অপ তৌখ্রে।

এক্সপর্তশিংগী তুংদা লাক্কদৌরিবা মতমশিংদা ই-রুপিগী য়ুজর বেজ অসি চাউথোরক্কনি লোইননা প্রাইবেৎ সেক্তরনা মসি ইম্প্লোইয়ীগী কান্নবশিং ফংহন্নবা শীজিন্নরগনি অমসুং এম.এস.এম.ই.শিংনা বিজিনেস তু বিজিনেস (বি.২বি.) ত্রাঞ্জেক্সনশিংগীদমক শীজিন্নরগনি হায়না ফোঙদোকখ্রে।

☆☆☆