ପ୍ରଧାନମନ୍ତ୍ରୀଙ୍କ କାର୍ଯ୍ୟାଳୟ
ଏହି ଧରଣର ପ୍ରଥମ ପଦକ୍ଷେପ ସ୍ୱରୂପ ପ୍ରଧାନମନ୍ତ୍ରୀ ଅଗଷ୍ଟ ୬ ତାରିଖରେ ବିଦେଶରେ ଥିବା ଭାରତୀୟ ମିଶନର ମୁଖ୍ୟ ତଥା ବାଣିଜ୍ୟ ଏବଂ ବ୍ୟବସାୟ କ୍ଷେତ୍ରର ସହଯୋଗୀମାନଙ୍କ ସହ ଆଲୋଚନା କରିବେ
"ଲୋକାଲ ଗୋଜ୍ ଗ୍ଲୋବାଲ୍ - ମେକ୍ ଇନ୍ ଇଣ୍ଡିଆ ଫର ୱାର୍ଲ୍ଡ “ ପାଇଁ ପ୍ରଧାନମନ୍ତ୍ରୀ ଆହ୍ୱାନ ଦେବେ
Posted On:
05 AUG 2021 10:05PM by PIB Bhubaneshwar
ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦୀ ଭିଡିଓ କନଫରେନ୍ସିଂ ମାଧ୍ୟମରେ ୬ ଅଗଷ୍ଟ ୨୦୨୧ ରେ ଦେଶର ବାଣିଜ୍ୟ ଏବଂ ବ୍ୟବସାୟ କ୍ଷେତ୍ରର ସହଯୋଗୀ ଏବଂ ବିଦେଶରେ ଥିବା ଭାରତୀୟ ମିଶନ ମୁଖ୍ୟମାନଙ୍କ ସହ ଆଲୋଚନା କରିବେ । ଏହି କାର୍ଯ୍ୟକ୍ରମରେ ପ୍ରଧାନମନ୍ତ୍ରୀଙ୍କ ଦ୍ୱାରା " ଗୋଜ୍ ଗ୍ଲୋବାଲ୍ - ମେକ୍ ଇନ୍ ଇଣ୍ଡିଆ ଫର ୱାର୍ଲ୍ଡ” ପାଇଁ ଏକ ଏକ ଆହ୍ୱାନ ଦିଆଯିବ ।
ରପ୍ତାନିରେ ଏକ ବୃହତ ନିଯୁକ୍ତି ସୃଷ୍ଟିର ସମ୍ଭାବନା ରହିଛି, ବିଶେଷକରି ଏମଏସଏମଇ ଏବଂ ଉଚ୍ଚ ଶ୍ରମ-ପ୍ରୋତ୍ସାହନ କ୍ଷେତ୍ର ସହିତ ଉତ୍ପାଦନ କ୍ଷେତ୍ର ଏବଂ ସାମଗ୍ରିକ ଅର୍ଥନୀତି ଉପରେ ଏହାର ପ୍ରଭାବ ପଡିଥାଏ । ଏହି ଆଲୋଚନାର ଉଦ୍ଦେଶ୍ୟ ହେଉଛି ଭାରତର ରପ୍ତାନି ଏବଂ ବିଶ୍ୱ ବାଣିଜ୍ୟରେ ଏହାର ଅଂଶକୁ ବୃଦ୍ଧି ଏବଂ ବିସ୍ତାର ପାଇଁ ଏକ ପାରସ୍ପରିକ ସହଯୋଗ ପ୍ରଦାନ କରିବା ।
ଏହି ଆଲୋଚନାର ଲକ୍ଷ୍ୟ ହେଉଛି ସ୍ଥାନୀୟ ସୁଯୋଗକୁ ବ୍ୟବହାର କରି ଆମର ରପ୍ତାନି ସମ୍ଭାବନାକୁ ବିସ୍ତାର କରିବା ଏବଂ ବିଶ୍ୱର ଚାହିଦା ପୂରଣ ପାଇଁ ସମସ୍ତ ସହଯୋଗୀଙ୍କୁ ପ୍ରୋତ୍ସାହିତ କରିବା ।
ଆଲୋଚନା ସମୟରେ କେନ୍ଦ୍ର ବାଣିଜ୍ୟ ମନ୍ତ୍ରୀ ଏବଂ ବୈଦେଶିକ ବ୍ୟାପାର ମନ୍ତ୍ରୀ ମଧ୍ୟ ଉପସ୍ଥିତ ରହିବେ । ଏହି ଆଲୋଚନାରେ କୋଡ଼ିଏରୁ ଅଧିକ ବିଭାଗର ସଚିବ, ରାଜ୍ୟ ସରକାରୀ ଅଧିକାରୀ, ରପ୍ତାନି ପ୍ରୋତ୍ସାହନ ପରିଷଦ ଏବଂ ଚାମ୍ବର ଅଫ୍ କମର୍ସର ସଦସ୍ୟମାନେ ମଧ୍ୟ ଅଂଶଗ୍ରହଣ କରିବେ ।
(Release ID: 1743125)
Visitor Counter : 209
Read this release in:
English
,
Urdu
,
Hindi
,
Marathi
,
Manipuri
,
Bengali
,
Assamese
,
Punjabi
,
Gujarati
,
Tamil
,
Telugu
,
Kannada
,
Malayalam