জয় হিন্দ সর! ঐহাক্না সরদার বল্লভভাই পতেল নেস্নেল পুলিস একাদেমীগী দিরেক্তর অতুল কর্ৱাল, একাদেমী অসিগী অপুনবা ইমুং-মনুং অমসুং মসিদা য়াওরিবা ওফিসর পুম্নমকপু তরাম্না ওকচরি। থৌরম অসিগীদমক নখোয়গী চিল্লবা থবক-থৌরমদগী মতম কাইথোক্তুনা শরুক য়াবীবগীদমক্তা ঐহাক্না য়াম্না অপেনবা পোকই। থৌরম অসিদা শরুক য়ারিবা কেন্দ্রগী গৃহ মন্ত্রী শ্রী অমিত শাহ, কেন্দ্রগী গৃহ মন্ত্রালয়গী রাজ্য মন্ত্রী শ্রী নিত্যানন্দ রাই, কেন্দ্রগী হোম সেক্রেতরী শ্রী অজয় ভল্লা অমসুং বোর্দর মেনেজমেন্ত ওফ পুলিসকী সেক্রেতরী শ্রী সঞ্জিবা কুমার পুম্নমকপু তরাম্না ওকচরি। সর, থৌরম অসিদা পুন্না ইন্দিয়ন পুলিস সর্ভিস ওফিসর ১৪৪ অমসুং ঐখোয়গী মরু ওইরিবা লৈবাক, নেপাল, ভুতান, মালদীপ অমসুং মোরিশসতগী পুলিস ওফিসর ৩৪না অদোমগী মাংদা লৈরি। থা তরুক্কী দিস্ত্রিক্ত ত্রেনিং মনুংদা ওফিসর পুম্নমক্না মখোয়গী রাজ্যশিং, জিলাশিং অমসুং লৈবাকশিংদা শীংথানীংঙাই ওইবা অমসুং মরু ওইবা থৌদাং অমা লৌখি হায়বা তাবদা অদোম্না শোইদনা নুংঙাইবা পোক্কনি, ওফিসর খরদি কোরোনা পোজিতিব ওইখি। অদুবু মপুং ফানা হকচাং ফহন্দুনা ত্রেনিং য়াওখি। ভারত দর্শনগীদমক লক্ষদীপ চৎপদা মপাল লৈবাক্কী ওফিসর অহুম য়াওনা দিল্লীগী ওফিসর নিপানগী কন্তিঞ্জেন্ত অমনা আর্মী ওফিসর অমা ওইরিবা কর্নেল শাহিবকী ইমুং-মনুংগী মীওই মরি ইরাক্নবদগী কনখি হায়বা তাবদা অদোম্না শোইদনা নুংঙাইগনি। ওফিসর পুম্নমক অসিগী পাসিং আউত পরেদ অসি ওগস্ত ৬তা পাঙথোক্লগনি। মসিগী মতুংদা মখোয় মশা-মশাগী রাজ্যশিং অমসুং লৈবাকশিংদা নেস্নেল ফোরেন্সিক সাইন্সেস য়ুনিভর্সিতী অমসুং সি.আর.পি.এফ.কী এতেচমেন্ত লোইরবা তুংদা এক্তিব দ্যুতীগীদমক থারগনি। লৈবাক অসিগী শেবা তৌনবা মখোয়না অহানবা খোঙথাং থাংবা হৌবগী থৌরম অসিদা ওফিসর পুম্নমক্না অদোমগী থৌজাল ফংজবা হায়বা অসি লাইবক ফবনি। শ্রিমান পুলিস একাদেমীদা চহি অনি চুপ্না কন্না ত্রেনিং চত্থরবা মতুংদগী অরোইবা ফলশিংগী মতুং ইন্না অহানবা পোজিসন অনি অসি নুপী ওফিসরশিংনা লৌবা ঙমখ্রে মসিগী মনুংদা রঞ্জিতা শর্মনা বেস্ত প্রোবেস্নরগী মীংথো ফংবতা নত্তনা আই.পি.এস.কী পুৱারীদা আউতদোর ত্রেনিংদা য়ুম্ফম ওইবা আই.পি.এস. এসোসিএসন স্বোর্দ ওফ ওনরসু ফংখিবা অহানবা ভারতকী নুপী ওফিসর ওইরি। অনিশুবা তারিবা অসিনা তেলেন্ত লৈবা নুপীওফিসর শ্রেয়া গুপ্তানি অমসুং ঐহাক্না অদোম্না অয়াবা পীবীরবদি শ্রেয়াবু থৌরম অসিদা পাঙথোক্নবা কৌখৎচগে।

শ্রেয়া গুপ্তা: জয় হিন্দ! ঐহাক শ্রেয়া গুপ্তা, ইন্দিয়ন পুলিস সর্ভিসকী ২০১৯ বেচকী প্রোবেস্নরী ওফিসর অমনি। ঐহাক তশেংবদি দিল্লীদগী অমসুং ঐহাক তামিলনাদ কেদরদা এলোৎ তৌখি। সর, অহানবদা ত্রেন তৌরবা ওফিসরশিংগা লোইননা ৱারী ৱাতাই শাবগী থৌরম অসিদা অদোম্না শরুক য়াবীবা অসিদা ঐহাক্না থাগৎপা অমদি তৌবীমল খঙবা উৎচরি। থৌরম মখা চত্থরকপা ওইনা, ঐহাক্না ঐহাক্কী মরুপ ওফিসর মিস্তর অনুজ পলিৱালবু মশানা মশা শক্তাক্নবা কৌখৎচরি অমসুং ঐহাক্কা লোইননা ৱারী ৱাতাই শাবগী থৌরম অসি হৌমিন্ননবা হায়জরি।

অনুজ পলিৱাল: জয় হিন্দ সর! ঐহাক্কী মিং অনুজ পলিৱাল কৌই। ঐহাক হরিয়ানাগী পনিপৎ জিলাদগীনি অমসুং সর ঐহাক কেরলা কেদরদা এলোৎ তৌখি। সর ঐহাক্না আই.আই.তি. রোর্কীদা গ্রেজ্যুএসন লোইশিনজরকখি। মদুগী মতুং প্রাইবেৎ কম্পনী অমদা চহি অনি থবক তৌখি সর।

প্রধান মন্ত্রী: অহানবদা, শ্রেয়া ৱনক্কম!

শ্রেয়া গুপ্তা: ৱনক্কম সর!

ৱাহং ১:

প্রধান মন্ত্রী: অনুজজী অদু ওইরবদি অদোম আই.আই.তি.দা তম্লুরবা মতুং মফম অমদা চৎতুনা চহি অনি থবক তৌরুরে অদুগা পুলিস সর্ভিসতা চংলকখি। অদোম্না পুলিস সর্ভিস অসি কেরিয়র অমা ওইগেনা খল্লক্লিবা অসি করিননো? আই.এ.এস. ওইনীংবনরা অদুগা মসিদা তারকপরা?

অনুজ পলিৱাল: সর ঐহাক্না কোলেজ তম্লিঙৈ মতমদা ঐহাক্না থর্দ ইয়র কারকপা মতমদা ঐখোয়গী কোলেজতা সর পুদুচেরীগী রাজ্যপাল ওইরিবা ইকাই খুম্নরবা কিরন বেদীজী লাকখি। মতম অদুদা মহাক্না লেকচর পীখিবা মতমদা সর ঐখোয় কয়া অমদা য়াম্না ইথিল পীখি অমসুং সর মদুদগী ঐখোয়না সিভিল সর্ভিসকীদমক শেম-শানবা ৱারেপ লৌখি। সর ঐহাক্না এগজাম অসি থাবা মতমদা অহানবা প্রিফরেন্স অসি আই.এ.এস.তা পীখি অমসুং অনিশুবদা আই.পি.এস. থমখি অমসুং সর অদুগী মতুংদা ঐহাক অমুক হন্না ত্রাই তৌখিদ্রে ঐহাক্না আই.পি.এস. ওইবদা অপেনবা পোকখি অমসুং সর আই.পি.এস. পুলিস অমা ওইদুনা লৈবাক অসিগী শেবা তৌবা পামজখি।

প্রধান মন্ত্রী: হৌজিক মফম অদুদা কিরানজীনা এল.জি. ওইদ্রে। হৌজিক মফম অদুদা অনৌবা এল.জি.শিং লাকখ্রে।

ৱাহং ২ :

প্রধান মন্ত্রী: ফৈ অনুজ, অদোমগী বেকগ্রাউন্দ অসি বাইওতেক্নোলোজীনি। ক্রাইম ইনভেস্তিগেসনগুম্বা হীরমশিংদা পোলিসিং তৌবা মতমদা অদোমগী মহৈশিং অদু কান্নরক্কনি হায়নসু ঐহাক্না খল্লি, অদোমদি করি খনবগে?

অনুজ পলিৱাল: হোয় সর! শোইদনা কান্নগনি সর! হৌজিক মতম অসিদা কেস অমা হেক্তা কনভিক্সন তানবা সর সাইন্তিফিক ইনভেস্তিগেসন অসি য়াম্না মরু ওই অমসুং সর হৌজিক মতম অসিদা দি.এন.এ. অমসুং দি.এন.এ. তেক্নোলোজী অসিগুম্বা অনৌবা তেক্নোলোজীদা হেন্না মীৎয়েং চংলি। সর করিগুম্বা রেপ কেস, মর্দর কেস লাকপা মতমদা সর দি.এন.এ. অসি মসিদা য়াম্না মরু ওই অমসুং হৌজিক মতমদদি সর দি.এন.এ. ফিঙ্গর প্রিন্তিং অসি য়াম্না মরু ওইরে।

প্রধান মন্ত্রী:  কোরোনাগী মতম অসিদা ভেক্সিনগী মরমদা য়াম্না খন্ন-নৈনরে। অদুনা নহাক্কী বেকগ্রাউন্দননা মরম ওইরগা মসিদা পুক্নীং চংদুনা মসিগী মতাংদা স্তদী তৌবরা নত্ত্রা তৌদব্রা?

অনুজ পলিৱাল: সর, হৌজিক্কি ওইনা ত্রেনিংদা মীৎয়েং চংলি সর।

 ৱাহং ৩:

প্রধান মন্ত্রী: মসিগী মথক্তা অদোমগী হোবী অসি করি-করিনো?

অনুজ পলিৱাল: সর মসিগী মথক্তা ঐহাক্না পামজবা অসি খোঙবনি, সর ঐহাক ঈশৈ-নোংমাইদা থৱাই য়াওজৈ সর।

প্রধান মন্ত্রী: অদুনা বাইওতেক্নোলোজী ওইরসু, ঈশৈ-নোংমাই ওইরসু অমসুং পোলিসিং ওইরসু…… ঐখোয়গী হোবীশিংনা অয়াম্বা মতমদা পোলিসিংগুম্বা অৱাবা অমসুং দিমান্দিং ওইবা থবক্তা য়াম্না মতেং ওইবা য়াই অমসুং করিগুম্বা ঈশৈ লৈরবদি মসিনা হেন্না মতেং ওইগনি.

অনুজ পলিৱাল: হোয় সর!

য়েংঙু অনুজ, অদোমগী মাংদা লৈরিবা পুন্সি অমসুং কেরিয়রগীদমক ঐহাক্না য়াইফ মঙ্গোল পীজরি। অদোম হরিয়ানাদগী হৌরক্লগা কেরলা কেদরদা থবক তৌগনি। অদোম্না আই.আই.তি.দা মহৈ তম্লক্লগা সিভিল সর্ভিসেসতা হ্যুমেনিতীজ খল্লি। অদোম্না য়াম্না অৱাবা সর্ভিস অমদা চংলি অদুগা অদোম্না ঈশৈ পাম্লি। মসি অহানবা হেক য়েংবদদি ওন্ন-তৈনবা ওইনা উবা য়াই অদুবু মসিনা অদোমগী খ্বাইদগী চাউবা পাঙ্গল ওইবা য়াই। অদোমগী লৈরিবা পাঙ্গল অসি পুলিস সর্ভিসতা হেন্না ফবা লুচিংবা অমা ওইবদা শিজিন্নবীয়ু হায়না ঐহাক্না য়াইফ-পাউজেল পীজরি।

অনুজ পলিৱাল: থাগৎচরি সর! জয় হিন্দ সর!

শ্রেয়া গুপ্তা: থাগৎচরি সর! হৌজিক ঐহাক্কী মরুপ ত্রেনী ওফিসর মিস্তর রোহন জগদিশবু শক্তাক্নবা হায়জতি অমসুং ৱারী শাবা হৌনবা হায়জরি।

রোহন জগদিশ: জয় হিন্দ সর! ঐহাক্কী মিং রোহন জগদিশ কৌই। ঐহাক ইন্দিয়ন পুলিস সর্ভিসকী ২০১৯ বেচকী ত্রেনী ওফিসর অমনি। ঐহাক কর্নাতকা কেদরদা এলোৎ তৌই। ঐহাক বেঙ্গলোরদগীনি অমসুং বেঙ্গলোর য়ুনিভর্সিতীগী য়ুনিভর্সিতী লো কোলেজতগী লো দিগ্রী পাইজরে। ঐহাক্কী অহানবা চোইস অসি ইন্দিয়ন পুলিস সর্ভিস ওইখি মসিগী মরু ওইবা মরমদি ঐহাক্কী ইপানি। মহাক্না কর্নাতকা স্তেৎ পুলিসতা চহি৩৭ থবক তৌরকখি, মসি ঐহাক্কী ওইনদি চাউথোকচনীংঙাইগী মশক ওই। অদুনা ঐহাক্না মহাকুম্বা অমা ওইনবা ইন্দিয়ন পুলিস সর্ভিস অসি খনখিবনি। জয় হিন্দ সর!

ৱাহং ১:

প্রধান মন্ত্রী: রোহনজী, অদোম বেঙ্গলোরদগীনি, হিন্দী য়াম্না হৈ অমসুং লো গ্রেজ্যুএৎ অমসু ওইরি। অদোম্না পোলিতিক্স অমসুং ইন্তর্নেস্নেল রেলেসন্সসু তম্লে। অদোম্না মসিগী লৌশিং অসিনা ঙসিগী পুলিস সিস্তেমদা করি থৌদাং লৌবা য়াই হায়না খনবগে?

রোহন জগদিশ: সর, ঐহাক্না ত্রেনিং অসি য়াওবা মতমদা হিন্দীসু তমখি মসিগীদমক ঐহাক্না ত্রেনিং অসিবু থাগৎপা ফোঙদোকচনীংই। অমসুং  ঐহাক্না পোলিতিকেল সাইন্স অমসুং ইন্তর্নেস্নেল রিলেসন্স তম্বা মতমদা ঐহাক্না গ্লোবেলাইজেসন্না মরম ওইদুনা মালেম অসি য়াম্না পীকই হায়না খনখি। মরম অসিনা ঐখোয়না পুলিস এজেন্সীশিং অমসুং অতৈ রাজ্যশিংগা লোইননা ইন্তরপুলগী খুত্থাংদা থবক তৌমিন্ননবা খুদোংচাবা অমা ফংগনি অদুনা ঐখোয়গী ক্রাইম দিতেক্সন অমসুঢ ইনভেস্তিগেসন অসি হৌজিক মসিগী সাইবর ক্রাইমশিং অসিগী খুত্থাংদা ক্রাইম অসিভারত্তা লোকেলাইজ তৌবতা নত্তনা ইন্তর্নেস্নেলসু ওইরে। অদুনা লৌশিং অসিগা লোইননা মসিনা মরীশিং থম্নবা অমসুং ক্রাইমগী ৱারোইশিন পুরক্কনি, ইন্তর্নেস্নেল ক্রোস বোর্দর তেরোরিজম, নেক্সলিজম অমসুং দ্রগশিংগী কেস লোইশিনবা ঙমগনি সর।

ৱাহং ২:

প্রধান মন্ত্রী: ঐখোয়না পুলিস একাদেমীদা অৱাবা ফিজিকেল ত্রেনিং তৌবগী মরমদা তাজৈ। অদোমগী ইপাসু উরে, অদোমগী পুন্সি অসি পুলিসকী মরক্তা লৈদুনা লাক্লি মরম অসিনা অদোম্না ফংলিবা ত্রেনিং অসিগী মতাংদা করি খনবগে? অদুবু অদোম ইশামক ত্রেনিং অসিদা লাক্লে মসিদা করি ফাওবগে? মসিদা অদোমগী ৱাখলদা অপেনবা পোকপরা? অদোমগী ইপানা পাম্লিবা অদু থুংহনবা ঙম্বগী মতিক-ময়াইশিং অদোম্না উৎখ্রে অমসুং অদোমগী ইপানা মখোয়গী মতমদা তৌবা ত্রেনিং অদুগা নহাক্না তৌরিবা ত্রেনিং অসি চাংদম্নরমগনি? অদুনা নখোয় অনিগী মরক্তা খেন্নবা খরা শোইদনা লৈরমগনি?

রোহন জগদিশ: সর ঐহাক্কী ইপা অসি ঐহাক্কীদি ফীদম্নীংঙাই ওইবা মীশক অমসু ওই মহাক্না সব-ইন্সপেক্তর ওইনা কর্নাতকা পুলিসতা চংখি অমসুং চহি ৩৭কী মতুংদা মহাক্না এস.পি.গী রেঙ্কতা থবক্তগী পোত্থখি সর অদুনা ঐহাক্না একাদেমীদা য়ৌবা মতমদা মহাক্না পুলিস ত্রেনিং অসি য়াম্না ৱাই অমসুং য়াম্না কন্না হোৎনবা মথৌ তাই হায়না তাকপীখি। ঐহাক্না মফম অসিদা হেক য়ৌবগা মাইকেল এঞ্জেলোগী ৱাহৈ পরেং অমা মনুংদা ইরমখি। সর মদুনা হায় – ঐখোয় পুম্নমক্কী মীতম অমা হান্নদগী লৈজরে, মসি হকপা অদুনি। ঐখোয়না একাদেমী অসিগী খুত্থাংদা মীতম অদু হকপনি। মসিগা মান্নবা মওংদা ঐখোয়গী দিরেক্তর সর অমসুং ঐখোয়ু ত্রেন তৌবীরিবা সব-ফেকল্তীনা ঐখোয়বু খ্বাইদগী খুৎশা হৈবা অমা ওইহল্লি। অদুনা ঐখোয়না খুৎশা হৈবা অসিগা লোইননা ঐখোয়গী লৈবাক্কী শেবা তৌগনি সর।

প্রধান মন্ত্রী: ত্রেনিং অসি হেন্না ফগৎহন্নবা করি তৌবা য়াই, অদোমগী ৱাখলদা ৱাখল্লোন লৈবরা?

রোহন জগদিশ:  সর, মসি হান্নদগী য়াম্না ফরে। ঐহাক্না মসি য়াম্না লুই হায়না খল্লম্মি অমসুং হৌজিক ঐখোয়গী দিরেক্তর অসিনা লাকপদগী অহোংবা কয়া লাক্লে অমসুং ঐখোয়দা নীংথিনা ত্রেনিং পীরি অমসুং ঐখোয়দা মালেমগী থাক্কী ত্রেনিং ফংহল্লি, ঐহাক ত্রেনিং অসিদা অপেনবা পোকচৈ।

ৱাহং ৩:

প্রধান মন্ত্রী: রোহনজী, অদোম অফবা স্বিমর অমনি অমসুং অদোম্না একাদেমীগী অরিবা রেকোর্দ পুম্নমক থুগাইখি হায়না তাজৈ। অদোম্না হৌজিক মতমগী ওলিম্পিক্সতা য়াওরিবা ভারতকী শান্নরোইশিংগী অফবা পর্ফোর্মেন্স অসি শোইদনা তুংইল্লি। লাক্কদৌরিবা মতমশিংদা পুলিস সর্ভিসতগী অফবা শান্নরোইশিং পুথোক্নবা নত্ত্রগা পুলিসকী ফিৎনেস লেবেল হেনগৎহন্নবা অসি এজ অমগী মতুংদা পুলিসকী ওইরিবা মওং অসিদা অদোম্না করি ৱাখল খনবগে। খেন্নবরা, অদোম্না করি খনবগে?

রোহন জগদিশ:  সর ঐখোয়দা একাদেমী অসিদা ফিৎনেস কয়া অমা পীবীরি। মরম অসিনা ঐখোয়না মফম অসিদা লৈরবা মতুংদা ফিৎনেস অসি ত্রেনিংগী শরুক অমা ওইবতা নত্তনা ঐখোয়গী পুন্সিগী শরুক অমসু ওইরকখি। হৌজিক ঐহাক্কী ক্লাস অমত্তা লৈত্রে অদু ওইরগসু অয়ুক্কী পি.তি. লৈত্রবসু ঐহাক্না অয়ুক পুং ৫দা হৌগৎলি মরমদি মসি রুতিন অমা ওইখ্রে। অদুনা ঐখোয়না মসি পুন্সিদা অদুমক চত্থরগনি অমসুং ঐখোয়না দিস্ত্রিক্ততা য়ৌরবা মতমদা ঐখোয়গা থবক তৌমিন্নরিবা ওফিসর অমসুং পুলিস ওফিসরদা স্ত্রেস মেনেজমেন্ত অমসুং হেল্থ মেনেজমেন্তগী মতমদা মখোয়দা ৱারী শগনি অমসুং মখোয়দা হকচাং ফনা করম্না থমগনি তাক্কনি। মখোয়দা অফবা পাউতাক পীদুনা ঐখোয়না শাজেল তৌদুনা ইশা ফনবা হোৎনবদা নত্তনা মীপুম খুদিংমক, ভারত পুম্বা মশা-মউ ফনা থম্নবা হোৎনবা তাই।

প্রধান মন্ত্রী: রোহন নহাক্কা ৱারী শানবা য়াম্না নুংঙাইরে। ঐখোয়গী পুলিসতা ফিৎনেস অমসুং প্রোফেস্নেলিজম অসি য়াম্না মরু ওই। নখোয় গুম্বা থৱাই য়াওবা নহাশিংনা পুলিস সিস্তেমদা অওনবশিং অসি হেন্না লাইনা ইমপ্লিমেন্ত তৌগনি হায়না ঐহাক্না খল্লি। করিগুম্বা পুলিসনা মখোয়গী ফোর্সতা ফিৎনেস প্রমোৎ তৌরবদি খুন্নাই অসিগী নহারোলশিংদসু মশা ফনা লৈনবা ইথিল পীগনি। ঐহাক্না য়াইফ-মঙ্গোল পীজরি।

রোহন জগদিশ:  জয় হিন্দ সর!

শ্রেয়া গুপ্তা: থাগৎচরি সর! ৱারী শাবা অসি মখা চ্থরকপা ওইনা ঐহাক্না শ্রী গৌরব রামপ্রভেশ রাইবু শক্তাকচনবা অমসুং ৱারী শানবা হায়জরি।

গৌরব রামপ্রভেশ রাই: জয় হিন্দ সর! ঐহাক্কী মিং গৌরব রাই কোইই। ঐহাক মহারাস্ত্রগী অমরাবতি জিলাদগীনি অমসুং ঐহাক ছত্তিসগর কেদরদা এলোৎ তৌখি। ঐহাক পুনেগী কোলেজ ওফ ইঞ্জিনীয়রিংদগী ইঞ্জিনীয়রিং তৌরকখি অমসুং ইন্দিয়ন পুলিস সর্ভিসতা চংলক্ত্রিঙৈ মমাংদা ইন্দিয়ন রেলৱেজতা থবক তৌরমখি।

ৱাহং ১:

প্রধান মন্ত্রী: গৌরবজী, অদোম চেস প্লেয়র অমনি হায়না তাকপীরে, অদোম্না চেস নীংথিনা শান্নৈ। চেক এন্দ বীতকী গেম অসিদা অদোম্না শোইদনা কাদবা য়াদে খল্লগনি। মসিগা মান্নবা মওংদা, অদোমগী চেসকী লৌশিং অসি ক্রিমিনেল কন্ত্রোল তৌবদা করম্না কান্নগনি হায়না অদোম্না খনবা য়াওবরা?

গৌরব রামপ্রভেশ রাই:  ঐহাক্না চেস শান্নবনা ঐহাক্না মতম চুপ্পদা মসিগী ৱাখল্লোন অসি খল্লি। ঐঙোন্দা ছত্তিসগর কেদরদা এলোৎ তৌরকপা অমসুং মফম অসিদা লেফ ৱিং এক্সত্রিমিজম লৈবা অসিদা সর ঐহাক্না চেসতা লালোং অমসুং তেক্তিক্স অনি অসি লৈবগুম্না মখোয়বু লাকশিন্নবা ঐখোয়গী ফোর্সকী পোলিসীশিংদসু অসিগুম্বা লালোংশিং শোইদনা লৈরমগনি হায়না খল্লি। অমসুং ওপরেসনশিংগী খুত্থাংদা ঐখোয়না অসিগুম্বা তেক্তিক্স অসিগা লোইননা ত্রেনিং একাদেমীদা ঐখোয়দা তাকপীখিবা অদু শিজিন্নবা য়াগনি। ঐখোয়না অমাং-অতা থোকপা হন্থহনগদবা মওংদা ওপরেসনশিং চত্থদুনা মখোয়না মীয়ামদা লান্দাবা য়ারিবা মখৈ থিংনবা হোৎনবা য়াগনি।

ৱাহং ২:

প্রধান মন্ত্রী: গৌরবজী অদোম্না হায়বীরে মদুদি অদোম ছত্তিসগর কেদরদা এলোৎ তৌই হায়না অমসুং মফম অদুগী ফীভমগী মতাংদা অদোম্নসু পনবীখ্রে, মফম অদুদা লেফ ৱিং এক্ত্রিমিজমগী ইহৌ লৈ অমসুং অদোম্নসু মদু খঙলে। মতাং অসিদা অদোমগী থৌদাং য়াম্না চাউই। অদোম্না লো এন্দ ওর্দর লোইননা ত্রাইবেলগী মফমশিংগী চাউখৎ-থৌরাং অমসুং খুন্নাইগী ওইবা মরী অসিসু লৈহনবা তাই। মসিগীদমক অদোম্না অখন্ননা করি-করি শেম-শাবা লৈরবগে?

গৌরব রামপ্রভেশ রাই:  সর ঐহাক কোলেজতা সিভিল ইঞ্জিনীয়র অমা ওইরকপনা মরম ওইরগা চাউখৎ-থৌরাং অমসুং ঙাকশেলগী ওইবা ভারত সরকারগী মরোং অনি লোংবা লালোং অসি ওইবা য়াই। মরম অসিনা ঐহাক্না খঞ্জবদা লেফ ৱিং এক্সত্রিমিজম লোইশিন্নবা অমত্তা ঙাইরবা লম্বেল অসি চাউখৎপনা ওইগনি। অমসুং করিগুম্বা ঐখোয়না চাউখৎপা হায়বা অসিগী মরমদা খনবা মতমদা অহানবদা ঐখোয়গী ৱাখলদা রেল, লম্বী, রেলৱেজ, য়ুমগী তঙাই ফদবশিং অসি লাকই অমসুং ঐহাক্না সিভিল ইঞ্জিনীয়র অমা ওইরুবনা মসিগী লৌশিং অসি ছত্তিসগরদা শীজিন্নবা তাই।

প্রধান মন্ত্রী: অদোম মহারাস্ত্রদগী ওইরবদি অদোম্না গরচিরোলিগী রিজনগী মরমদসু পারম্লগনি?

গৌরব রামপ্রভেশ রাই:  হোয় সর! মসুগী মরমদা খজিক্তংদি তাজরে।

প্রধান মন্ত্রী: গৌরবজী অদোমগুম্বা নহা ওইরিবা ওফিসরশিংগী অচৌবা থৌদাং লৈ। মদু সাইবর ফ্রৌদশিং নত্ত্রগা হীংশাগী লম্বীদা চৎলুরবা নহারোলশিং মেনস্ত্রীমদা পুরকপা ওইরসু, ঐখোয় চহি কয়া অসিদা কন্না হোৎনদুনা মাউইস্তকী হীংশা অসি হন্থহন্নবা হোৎন্দুনা লাকখি। ঙসি, ত্রাইবেলনা খুন্দাবা মফমশিংদা চাউখৎ-থৌরাং অমসুং থাজবগী অনৌবা লম্বীশিং শেমগৎলি। অদোমগুম্বা নহা ওইরিবা লুচিংবনা থবক অসি খোঙজেল য়াংনা মাংদা চংশিনগনি হায়না ঐহাক্না থাজবা থম্মি। ঐহাক্না য়াইফ-মঙ্গোল পীজরি।

গৌরব রামপ্রভেশ রাই:  থাগৎচরি সর! জয় হিন্দ!

শ্রেয়া গুপ্তা: হন্না-হন্না থাগৎচরি সর! হৌজিক ঐহাক্না মিস রঞ্জিতা শর্মবু শক্তাক্নবা অমসুং মহাক্কী ৱাখল্লোনশিং ফোঙদোক্নবা হায়জরি।

রঞ্জিতা শর্ম: জয় হিন্দ সর! ঐহাক্কী ইমিং রঞ্জিতা কৌই। ঐহাক হরিয়ানা অমসুং রজাস্থান কেদরদা এলোৎ তৌখি। সর, ঐহাক্কী দিস্ত্রিক্ত পোলিতিকেল ত্রেনিং মনুংদা, হৌরকপা মতমদা য়াম্না ফত্তবা লো এন্দ ওর্দরগী ফীভম থেংনখি। সর, মতম অসিগী মনুংদা ঐহাক্না য়াম্না মরু ওইবা মনীং-মখা তম্বা ফংদবগী মরমদা খঙবা ঙমখি। সর ঐখোয়গী একাদেমীগী মফম কয়াদা আই.পি.এস. প্রোবেস্নরশিং অমসুং আই.পি.এস. ওফিসরশিংগা ৱারী শাখিবা সরদাত পতেলনা অসুম্না হায়রম্মি হায়না থেংনৈ – করিগুম্বা পুলিস ওফিসর অমনা মহাক্কী মনীং-মখা তম্বা অদু মাংলবা মহাক মীকুপ অদুদা পুলিস ওফিসর অমা ওইদ্রবনি। মরম অসিনা সর, পুলিস ত্রেনিং অসিগী মনুংদা একাদেমীদা ওইরবসু নত্ত্রগা দিস্ত্রিক্তকী প্রেক্তিকেল ত্রেনিংদা মনুংদা ওইরবসু পুলিসকী ৱাখল্লোনশিং, অখাং-খনবা, থৌনা লৈবা অসিগুম্বা গুনশিং অসি ঐহাক্কী ৱাখল্দা ফাওখি।

ৱাহং ১:

প্রধান মন্ত্রী: রঞ্জিতাজী, আদোমগী ত্রেনিং মনুংদা অদোম্না মাইপাকপা ঙমখিবা পুম্নমক্কীদমক্তা হন্না-হন্না থাগৎচরি। ঐহাক্না অদোমগী মরমদা পাখি অমসুং তাখি, অমসুং অদোম্না হীরম খুদিংমক্তা মাইপাকপা ঙমখি। অদোম্না ফংলিবা মাইপাকপা অদু অদোমগী য়ুমদা, খুঙ্গংদা, য়ুমোন্নবদা নুপীমচাশিংগী মতাংদা অহোংবা পুরকপা ওইরবসু, মসিনা করি এক্সপরিয়েন্স পীবগে?

রঞ্জিতা শর্ম: অহানবদা সরবু থাগৎচরি! ঐহাক্কী সেলেক্সনগী মরমদা ঐহাক্কী ইমুং-মনুংগী মীওইশিং অমসুং মরূপশিংনা হেক খঙলকপগা, ঐহাক্না মীয়ামদগী কোলশিং লাকখি, ফিদম্নীংঙাই ওইবা মীওই অমা ওইদুনা মখোয়দা ইথিল পীনবা মখোয়না মখোয়গী মচাশিং মরুওইনা মচা নুপীশিংগা ৱারী শাবীনবা হায়রকখি। ঐহাক্না মসিগা চপ মান্নবা এক্সপরিয়েন্স ঐহাক্কী দিস্ত্রিক্তসু থেংনখি। নুপী মহৈরোইশিংদা মখোয়বু ইথিল পীনবা অমসুং ইনোৎ হাপ্নবা থৌরম কয়াদা ঐহাকপু ৱা ঙাংনবা কৌরকখি। সর, য়ুনিফোর্ম অসিনা আইদেন্তিতী অমা পী অদুবু মসিদা থৌদাং লৌবা অমদি শীংনবা অমগী ৱাখল্লোন পোকহল্লি। অমসুং মখোয়না কনাগুম্বী নুপী অমা য়ুনিফোর্মদা উবা মতমদা মখোয়দা ইথিল, ইনোৎ পীখি। মখোয়দা ইথিল পীবা ঙম্বা হায়বা অসিনা ঐহাক্কী ওইন্দি তশেংবা মাই পাকপনি।

ৱাহং ২:

প্রধান মন্ত্রী: রঞ্জিতাজী অদোম য়োগদসু থৱাই য়াওই। অদোম্না তম্লকপা অদুদগী অদোম জর্নলিজমগী লমদা লৈবা পাম্বা মাল্লি। অদুগা অদোম্না করম্না প্রোফেসন অসি করম্না খল্লক্লিবনো?

রঞ্জিতা শর্ম:  সর, মসিগী মরুমদা ৱারী অমা লৈ। ঐহাক প্রাইবেৎ সেক্তরদা পুলিস ফোর্স য়াওদ্রিঙৈ মমাংদা চহি নিপান-মাপন থবক তৌরম্মি। অদুবু ঐহাক্না খুদক্তা মহৈ ফংবা ঙমগদবা করিগুম্বা শাফু পীবা ঙম্বা থবক অমা তৌবা পাম্লকখি। ঐহাক্না খুন্নাইগীদমক করিগুম্বা খরা তৌবা পামখি। প্রাইবেৎ সেক্তরদা মসিগী স্কোপ অসি য়াম্না লৈতবনা ঐহাক্না মসি থুংহনবা ঙমখিদে অদুবু এদমিনিস্ত্রেতিব নত্ত্রগা পুলিস সর্ভিসনা খুদোংচাবা অমা পীখি। অমসুং য়ুনিফোর্মগী মতাংদদি সর মসি অচৌবা থৌদাং অমনি অমসুং ইন্দিয়ন পুলিস সর্ভিসতা য়াওবা ফংজবগী ঐহাক্কী ওইনদি ইকাই খুম্নবা অমনি।

ৱাহং ৩:

প্রধান মন্ত্রী: লৈবাক অসিগী পুলিস সিস্তেম ফগৎহন্নবা ইমপ্লিমেন্ত শোইদনা তৌগে হায়না অদোম ইশাগী ওইবা পান্দম অমা থম্লবরা?

রঞ্জিতা শর্ম: সর, মমাংদা অদোমগী ৱারী শাখিবা অদু নীংশিংলি। অদোম্না হায়খি পুলিস হায়বা অসিনা স্তিক এন্দ ফোর্স রিপ্রজেন্ত তৌই হায়না। সর, ঐহাক্না পুলিসকী ইমেজ অসি ফগৎহনবা পাম্মি। করিগুম্বা ঐহাক্না পুলিস এক্সেসিবল ওইহনবদা অমসুং পুলিসকী ইমেজ ফগৎহনবা ঙম্লবদি মসি অচৌবা মাই পাকপা ওইগনি। মসি ঐহাক্কী পান্দমসু ওইগনি।

প্রধান মন্ত্রী: রঞ্জিতাজী, ঐহাক্না অদোমগী মরমদা তাবা মতমদা ঐহাক্না অদোমদা অদোমগী দ্যুতীগা মরী লৈনতবা মান্নবা পাউতাক অমা পীবা পামখি। অদোমনা দ্যুতীদগী অহাংবা মতম হেক ফংবা মতমদা চয়োল অমদা পুং অমা ওইরবসু নুপীমচাশিংগী স্কুলশিংদা চৎতুনা নুপীমচাশিংগা ৱারী শাবীয়ু অমসুং মসি অদোমগী পুন্সিদা অদুমক তৌদুনা লৈবীয়ু। করিগুম্বা অদোম্না য়োগ মখা তানা তৌরবদি অহাংবা লৈকোল অমদা মতম অমদা নুপীমচাশিংগী য়োগ ক্লাস অমা পাঙথোকপীয়ু। ঐহাক্না অদোমদা য়াইফ-মঙ্গোল পীজরি। হরিয়ানা নত্ত্রগা রাজস্থান ওইরবদি হৌখিবা চহি খরা অসিদা অঙাং নুপীমচাশিংগী য়াইফনবা ঐখোয়না থবক কয়া তৌই হায়বা খঙলে। অদোম্না রাজ্য অনিমক্তা সোসিএল কন্সিয়সনেসকী ইথৎ অসি মপাঙ্গল কলহন্নবা মসিদা শরুক য়াবা য়াই। অদোম্না কম্ম্যুনিকেসন তম্লকপা অমসুং মসিগী মরমদা খঙলিবা অসি ঙসি পুলিসতা য়াম্না মথৌ তাই। মসি অদোম্না তুংলমচৎতা শীজিন্নবীয়ু। ঐহাক্না য়াইফ-মঙ্গোল পীজরি!!

রঞ্জিতা শর্ম: থাগৎচরি সর। জয় হিন্দ সর!

শ্রেয়া গুপ্তা: থাগৎচরি সর! ঐহাক্না হৌজিক ঐহাক্কী মরূপ ত্রেনী ওফিসর নিতিনরাজ পি.বু শক্তাক্নবা অমসুং ৱারী শাবীনবা হায়জরি।

নিতিনরাজ পি.: জয় হিন্দ, সর! ঐহাক্কী ইমিং নিতিনরাজ কৌই। ঐহাক কেরলাগী কসরাগোদ জিলাদগীনি অমসুং কেরলা কেদরদা এলোৎ তৌই।

ৱাহং ১:

প্রধান মন্ত্রী: ঐহাক কেরলাদা কয়ারক হন্না চৎলুরে। অদোম ফোতোগ্রাফী য়াম্না পামজৈ হায়না তাই। অদোম্না ফোতোগ্রাফীগীদমক কেরলাগী করম্বা মফম খ্বাইদগী হেন্না পাম্বগে?

নিতিনরাজ পি.: সর, ঐহাক্না মরু ওইনা ৱেস্তর্ন ঘাতস পামজৈ। ঐহাক কসরাগোদ জিলাদগীনি অমসুং ঐহাক্না ৱেস্তর্ন ঘাতসতকী শরুকশিং শোত তৌবা পামজৈ।

ৱাহং ২:

প্রধান মন্ত্রী: নখোয়গী ত্রেনিং মনুংদা প্রোবেস্নরশিং অসি ওফিসর ২০-২২গী স্বাদশিংদা খাইদোকই হায়না তাজৈ। অদোমগী স্বাদতগী করি এক্সপরিয়েন্স ফংবগে?

নিতিনরাজ পি.: সর, ঐখোয়না স্বাদতা য়াওবা মতমদা একাদেমী অসিদা ঐখোয় ইথন্তা নত্তে হায়না ফাওখি। ঐখোয়গী মরূপশিংনা অমনা অমবু শৌগৎনখি। অহানবদা, ঐখোয়না অরুবা ইনদোর অমসুং আউতদোর এক্তিবিতীশিং অসি তৌবা ঙম্লোই হায়না খল্লমখি। মসি ঐখোয় অয়াম্বনা হৌরকপদা ফাওখিবা অদুনি। অদুবু ঐখোয়গী স্বাদ মেৎশিংগী মতেংগা লোইননা ঐখোয়না পুম্নমক মাইপাকপা ঙমখি। মতুং তারকপদা ঐখোয়না মসিদগী হেনবসু তৌবা ঙমগনি খল্লকখি, কিলোমিতর ৪০গী মার্চ নত্ত্রগা কিলোমিতর ১৬কী লমজেল অসি চেনবা ঙমখি। মসি স্বাদ মেৎশিংগী মতেংদগী ওইথোকপা ঙমখিবনি।

প্রধান মন্ত্রী: নিতিনজী অদোম তীচিংসু পাম্মি হায়না তাজৈ। সর্ভিসতা লৈরিঙৈ মতমদা অদোমগী অপাম্বা অসি মখা চত্থবীয়ু। মসিনা অদোমগা মীয়ামগা মরী চেৎশিনহনবদা মতেং পাংগনি।

নিতিনরাজ পি.: সর, ঐহাক্না মদুসু পাম্মি। ঐহাক্না খনবদা খুন্নাইদা এৱের্নেস পীনবা পুলিস ওফিসর অমনা মীয়ামগা করম্না পাউ ফাওনগদগে হায়বগী মরমদা খঙবা তাই। ঐহাক্কী ৱাখল্লোন্দা তীচিং অসিনা মহৈরোইশিং অমসুং মীচম প্রজাশিংগা পাউ ফাউননবা লম্বীশিংগী মনুংদা অমনি হায়না খঞ্জৈ।

প্রধান মন্ত্রী: অদোমবু য়াইফ-মঙ্গোল পীজরি।

নিতিনরাজ পি.: থাগৎচরি সর! জয় হিন্দ সর।

শ্রেয়া গুপ্তা: ঐহাক্না হৌজিক দা. নবজোৎ সিমিবু শক্তাকচনবা অমসুং ৱারী মখা চত্থনবা হায়জরি।

দা. নবজোৎ সিমি: জয় হিন্দ সর! ঐহাক্কী ইমুং নবজোৎ নিমি কৌই। ঐহাক পঞ্জাবকী গুরদাসপুর জিলাদগীনি অমসুং বিহার কেদরদা এলোৎ তৌই। সর, ঐহাক লুধিয়ানাদগী দেন্তেল সর্জীদা গ্রেজ্যুএসন লোইরকখি। ঐহাক্না পতনাদা দিস্ত্রিক্ত ত্রেনিং তৌরিঙৈ মনুংদা নুপী পুলিস পর্সনেলগী মশিং হেনগৎলকপা, মখোয়গী থৌনা অমসুং মখোয়না ইথিল পীবা অসি উবদা য়াম্না নুংঙাইবা পোকখি।

ৱাহং ১:

প্রধান মন্ত্রী: নবজোৎজী অদোম্না মীয়ামগী য়াগী ফীভম ফগৎহন্নবা থবক পাইখৎখি অমসুং মখোয়দা য়া চিকপদগী রিলিফ ফংহনখি। অসিগুম্বা ফীভম অসিদা অদোম্না লৈবাক অসিগী য়েক্নবশিংগী মায়োক্তা চংশিনবগী লম্বী অসি করিগীদমক খল্লিবনো?

দা. নবজোৎ সিমি: সর, ঐহাক্না অঙাং ওইরিঙৈ মতমদগী সিভিল সর্ভিসেস অসি য়াম্না পামজরকখি। দোক্তর অমসুং পুলিস অনিমক্কী থৌদাং অসি মীয়ামগী অৱাবা কোকহনবনি। অদুনা ঐহাক্না সিভিল সরর্ভিসেসকী খুত্থাংদা অচৌবা প্লেৎফোর্ম অমদা মীয়ামগী অৱাবশিং কোকহন্নবা শরুক তমজগে হায়না খঞ্জখি।

ৱাহং ২:

প্রধান মন্ত্রী: হৌজিক্তি অদোম্না পুলিস ফোর্স য়াওরবনিনা মসিনা অদোম খক্তা নত্তনা লৈবাক অসিগী তুংগী মীরোমগী নুপীমচাশিংদসু ইথিল পীরগনি। ঙসো নুপীশিংনা পুলিসতা য়াওরকপা মশিং হেনগৎলক্লি। করিগুম্বা অদোম্না মসিদা শরুক য়াবা অসি হেনগৎহন্নবা সজেসন নত্ত্রগা এক্সপরিয়েন্স লৈরবদি মদু শিয়র তৌবীয়ু।

দা. নবজোৎ সিমি: সর, ঐখোয়গী দিস্ত্রিক্তকী প্রেক্তিকেল ত্রেনিং মনুংদা রাজগিরগী বিহার পুলিস একাদেমীদা ত্রেনিং তৌখি। মসিদা নুপী কোনস্তেবলশিংগী য়াম্না য়াম্লবা বেচ অমা লৈরমখি। মখোয়গা ৱারী শানবগী মীকুপ অমা ফংজবদা ঐহাক্না নুপীমচা খুদিংমক্না মখা তানা লাইরিক তমথদুনা করিগুম্বা খরা ফংবা পাম্মি হায়বা খঙবদা নুংঙাইবা পোকখি। মখোয় য়াম্না মোতিবেতেদ ওইখি। ঐহাক্না মদু য়াম্না পামজখি অমসুং ঐহাক্না খনখি ঐহাক্কী প্রোফেসব অসিনা পুবা মফম অমা হেক্তদা ঐহাক্না নু্পীশিংগীদমক করিগুম্বা খরা শোইদনা তৌগনি হায়না, মখোয়গী মহৈ তম্বদা খুদোংচাদবা অমত্তা থেংনদনবা হোৎনগে হায়না খনখি।

প্রধান মন্ত্রী: নবজোৎজী, ইচানুপী কয়া কয়ানা পুলিস ফোর্সতা য়াওশিল্লকপনা লৈবাক অসিগী পোলিসিং সিস্তেম মপাঙ্গল কনখৎহনগনি। পঞ্জাব নত্ত্রগা বিহার ওইরবসু অদোম্না রাজ্যশিংবু অথোইবা গুরুগী  চৎনবীনা শম্নহল্লি। গুরুনা অসুম্না হায়বীরমখি -

ভেকাহু কো তেতনহি,

নহি ভয় মানত আন।

হায়বদি ঐখোয়না মীওইবা অমত্তা কীবা তৌরোইদবনি, কনাগুম্বা অমত্তা কীবা তৌরোইদবনি। ঐহাক্না অদোম্না ইথিল অসিগা লোইননা মাংদা চংশিনগনি অমসুং পুলিস সর্ভিস অসি হেন্না ইনক্লুসিব অমসুং সেন্সিতিব ওইহনগনি হায়না থাজৈ।

দা. নবজোৎ সিমি: থাগৎচরি সর! জয় হিন্দ।

শ্রেয়া গুপ্তা: থাগৎচরি সর। ঐহাক্না হৌজিক কোম্মি প্রতাপ শিভকিশোরবু মশাবু শক্তাকচনবা অমসুং মহাক্কী ৱাখল্লোন ফোঙদোক্নবা হায়জরি।

কোম্মি প্রতাপ শিভ কিশোর : জয় হিন্দ সর! ঐগী ইমিং কে.পি.এস. কৌই অমসুং ঐহাক আন্ধ্র প্রদেশকী নেল্লোর দিস্ত্রিক্ততগীনি অমসুং ঐহাকপু আন্ধ্র কেন্দর ওইনা পীবীরে। সর ঐহাক আই.আই.তি. খরগপুরদগী ফাইনান্স ইঞ্জিনিয়রিং ওফ বাইওতেক্নোলোজীদা এম.তেক লোইজরে। পুসিস সর্ভিসতা চংদ্রিঙৈ মমাংদা ঐহাক সেন্তর ফোর এক্সিলেন্সি ইন আর্তিফিসিএল ইন্তিলিজেন্সতা চহি মরি থবক তৌজরম্মি। ঐহাক্কী ৱাখল্লোন্দা ঐখোয়না করিগুম্বা তেক্নোলোজী শিজিন্নরবদি পুলিসতা শিংনবা কয়ামরুম হায়বদি মেনপাৱরগী মশিং ৱাৎপাগুম্বা কোকহনবা ঙমগনি।

ৱাহং ১:

প্রধান মন্ত্রী: প্রতাপ নহাক ফাইনান্সিএল বেকগ্রাউন্দগীনি। হৌজিক ফাইনান্সিএল ফ্রোদশিংগী শিংনবশিং লৈরি। ত্রেনিংগী মনুংদা নহাক্না মখোয়শিং অদুবু মায়োক্ননবা ইনোবেসনগী ওইবা ৱাখল্লোন পুথোকখ্রবা?

কোম্মি প্রতাপ শিভ কিশোর: হোয় সর, ঐখোয়বু ফাইনান্সিএল ফ্রোদশিং ইনবেস্তিগেৎ তৌনবা ত্রেন তৌখি, আইনশিং তম্বীখি। কুর্নুলদা দিস্ত্রিক্ত ত্রেনিংগী মনুংদা, আধারগা মরী লৈনবা ফাইনান্সিএল ফ্রোদশিং অমসুং শাশিন্নবা আধার কার্দশিংগী খুত্থাংদা শেলশিং করম্না লিক ওইবগে হায়বগী মতাংদা ঐখোয়বু ত্রেন তৌখি। মখাতানা তম্বগদা কয়ামরুম লৈরি হায়না ঐহাক্না খনজৈ।

ৱাহং ২:

প্রধান মন্ত্রী: সাইবরক্রাইমগী মসিগী ইলিমেন্তশিং অসিনা ঐখোয়গী নুপী অঙাংদা লেপ্পনা তার্গেৎ তৌরি অদুগা মসিগীদমক নহাক্কী ৱাখল্লোন্দা পুলিস স্তেসনগী থাক্তা পাইখৎপা য়াবা করি থবক লৈবগে?

কোম্মি প্রতাপ শিভ কিশোর: সর ঐখোয়না মসিগা মরী লৈননা থবক কয়ামরুম পাইখৎখ্রে। ঐখোয়না পাউচেশিং অমসুং লোকেল সিতী চেনেলশিংদা মসিগী অনৌবা সাইবর ফ্রোদশিংগা মরী লৈননা ৱাফম কয়ামরুম ফোঙদোকখ্রে। ঐখোয়না স্মার্তফোনশিং নৌনা পাইদুনা কোলেজ কারকপা মহৈরোইশিংগুম্বা শোকহনগদবা কাংলুপশিংগা সেসন অমা চয়োল খুদিংগী পাংথোকই।   অনিশুবদা, মীয়াম য়াওনা ঐখোয়না থাগী ওইনা ৱেবিনার অমসু শিল্লি। ঐনা খনবদা মসিগী ক্রাইমশিং অসিগা মরী লৈননা মীয়ামগী মরক্তা এৱেয়র্নেস পীবা মথৌ তাই হায়না খনজৈ।

প্রধান মন্ত্রী: প্রতাপ, দিজিতেল তেক্নোলোজী হায়বসি মীপুম খুদিংমকপু শম্নহল্লিবা অমসুং লাইরবা, খুদোংচাবা ফংদ্রিবা, নমথবীরবা কাংলুপ্তা খুদোংচাবা অমসুং রিসোর্সশিং ফংহনবা য়াম্না কান্নরবা য়াম্না ইনক্লুসিব ওইবা তেক্নোলোজী অমনি। মসিনা ঐখোয়গী তুংলমচৎনি। অদুগা লোইননা মসিনা সাইবরক্রাইমদা অচৌবা থ্রেদ অমসু পীরি। অখন্ননা ফাইনান্সিএল ফ্রোদশিং অসি অচৌবা শিংনবা অমনি। মসিগী ক্রাইমশিং অসি পুলিস স্তেসন, দিস্ত্রিক অমসুং রাজ্যশিং খক্তদা থেংনবা নত্তনা নেস্নেল অমসুং ইন্তরনেস্নেলগী শিংনবা অমা ওইরক্লি। মসি মায়োং য়ানবা অঙম্বা থাক্তা সরকারনা খোঙথাং কয়ামরুম লৌখৎলি। অদুবু মসিগা মরী লৈননা পুলিসনসু অনৌবা ইনোবেসনশিং পুথোরকপা মথৌ তাই। দিজিতেল এৱেয়র্নেসকা মরী লৈননা পুলিস স্তেসনশিংগী থাক্তা অখন্নবা কেম্পেনশিং পাংথোকপা য়াই। মসিগী মথক্তা নহা ওইরিবা ওফিসরশিংগী মফমদা ঐহাক্না হায়জনিংবদি মসিগী মতাংদা নখোয়গী ওইবা ৱাখল্লোন অমহেক্তা লৈরবদি নখোয়না শোইদনা ঐহাক্কী মফমদা য়ৌহনবীরকউ। গৃহ মন্ত্রালয়দা য়ৌহনবীরকউ মরমদি মসিগী মরমদা খংলবা নহাওইরিবা ফোর্সশিংগী ৱাখল্লোনশিং অসি মসি লান্থেংনবদা অচৌবা মতেং ওইগনি। প্রতাপ নহাকপু য়াইফ মঙ্গোল পীজরি!  

কোম্মি প্রতাপ শিভ কিশোর: জয় হিন্দ সর।

শ্রেয়া গুপ্তা: থাগৎচরি সর। হৌজিক ঐহাক্না ঐখোয়গী মরুপ ওইরিবা লৈবাক মালদীবকী পুলিস ওফিসর মোহম্মদ নাজীমবু ইকাই খুম্নরবা প্রধান মন্ত্রীগা লোইননা অদোমগী এক্সপিরিএন্স খরা শিয়র তৌনবা খংহনজরি।

মোহম্মদ নাজীম: খুরুমজরী ইকাই খুম্নজরবা প্রধান মন্ত্রী সর, ঐহাক মালদীব পুলিস সর্ভিসতগী চীফ ইন্সপেক্তর ওফ পুলিস মোহম্মদ নাজিমনি। সর্দার বল্লভ্ভাই পতেল নেস্নেল পুলিস একাদেমীদা ইন্দিয়ন পুলিস সর্ভিসকী ২০১৯গী বেচকা লোইননা ঐহাক্কী কাউঙম্লরোইদবা পুন্সি খোংচৎ অসিগী মতাংদা ফোঙদোক্নবা তাঞ্জা অমা ফংবা হায়বসি থবক্কা লোইননা চাওথোকচবা অমসুং খুদোংচাবা অমনি। ঐখোয়গী ত্রেনিংগী হৌখিবা চহি অনি অসিদা পুলিস ওফিসর অমা ওইনা ঐখোয়গী প্রোফেসনেলিজম, হকচাংগী ফীফম অমসুং তৌবা ঙম্বগী ফীভম অসি অঙকপা ফংনা ফগৎলে। মালদীবতগী ওফিসরশিং ১৯৯৮দগী মফম অসিদা ত্রেনিং তৌরি। ঐখোয়গী হৌজিক চীফ ওফ পুলিস ওইরিবা মোহমেদ হমীদকা লোইননা মকোক থোংবা লুচিংবশিং অসি শিংথানিংঙাই ওইরবা একাদেমী অসিগী এলুম্নী ঙাক্তনি। সর চহি অনি পাংথোকখিবা ত্রেনিং অসিনা য়ুনিফোর্ম পুলিস ওফিসর অমা ওইবগী পর্সনেলিতী হেনগৎহনবতা নত্তনা ঐখোয়বু অফবা মীওই অমসু ওইহল্লি। ভারতকী বেচমেনশিং অমসুং অতোপ্পা লৈবাক্কী বেচমেনশিংগী মরক্তা লৈবা মরুপ ওইবগী মতৌ অসি অঙকপনি অমসুং একাদেমী অসিদা ঐখোয়না মীকুপ খুদিং হরাও তয়াম্না লৈমিন্নরি। ঐখোয়না ভারতকী ওফিসর কয়ামরুমগা মরুপ ওইরে অমসুং মখোয়গা মতম চুপ্পদা পাউ ফাওনদুনা মরুপ ওইনা লৈনবা শেম শারে। ঐখোয়না মফম অসিদা লৈরিঙৈ মতম অসিদা য়াম্না নুংঙাইখি। মসিগী মমল য়াম্লবা খুদোংচাবা অসি পীবীবগীদমক ভারত সরকারবু ঐখোয়না থাগৎপা ফোঙদোকচরি। থাগৎচরি সর, জয় হিন্দ!

ৱাহং ১:

প্রধান মন্ত্রী : নাজিম, ভারত অমসুং মালদীবকী মরক্তা নহাক্না করি খেৎনবা উবগে?

মোহম্মদ নাজীম: সর নাৎ অমসুং চীঞ্জাক অসি ঐখোয়গা য়াম্না মান্নৈ।

ৱাহং ২:

প্রধান মন্ত্রী : ঐখোয়গী অসিদা নেপাল, ভুতান অমসুং মোরিসিয়সতগী ওফিসরশিংসু য়াওরি। মসিনা অদোমদা হায়রিবা লৈবাকশিং অদুগী মরমদা খরা খংবদা মতেং পাংবা ঙম্বরা?

মোহম্মদ নাজীম: হোয় সর, মসিনা তশেংনা মতেং পাংই। ঐখোয়না মপান লৈবাক্কী ওফিসরশিংগা ৱারী ৱাতাই শাই অমসুং পোলিসী সিস্তেমগী মতাংদা ঐখোয়না ফজনা খংলে সর।

প্রধান মন্ত্রী : ফরে নাজীম, য়াইফ-মঙ্গোল পীজরি।

মোহম্মদ নাজীম: থাগৎচরি সর, জয় হিন্দ।

প্রধান মন্ত্রী : ঐহাক্না মহৌশাবু নুংশিজবা মালদীবকী মীওইশিংগা উনবদা নুংঙাইবা পোকই। মালদীব অসি ভারতকী য়ুমথংনবা লৈবাক অমা ওইবতা নত্তনা অফবা মরুপ অমসুনি। ভারতনা মালদীবতা পুলিস একাদেমী অমা শেমগৎপদা কোলাবোরেত তৌরি অমসুং মালদীব ক্রিকেতকীসু শেম শারি। মালদীব অমসুং ভারতকী মরক্তা সোসিএল অমসুং ললোল-ইতিক্কী ওইবা মরীশিং লৈ। নহাক্কী ভারত্তা পাংথোকপা ত্রেনিং অসিনা মালদীবকী মীওইশিংগী পুলিসকী থবক্তা মপাঙ্গল হাপ্পকনি অমসুং ভারত- মালদীবকী মরী ফগৎহনবদসু মতেং পাংগনি হায়না ঐহাক্না থাজবা থম্মি। হন্না হন্না থাগৎপা ফোঙদোকচরি!

শ্রেয়া গুপ্তা : থাগৎচরি সর, মসিগী ৱারী শাবগী প্রোগ্রাম অসি মখা চত্থবা ওইনা লৈবাক অসিবু শেবা তৌনবা শেম শারবা প্রোবেস্নরী ওফিসরশিংদা ৱারোল খরা থম্বীনবা ঐহাক্না নোংলুক্না নিংশিংজরি।

***