প্রধানমন্ত্রীগী লোইশঙ

পি.এম.না দিজিতেল পেমেন্ত সোলুসন ই-রুপী হৌদোকখ্রে


ইরুপী ভোচরনা মীপুম খুদিংমকপু মখোয়না পাম্লিবা পান্দম, ময়েক শেংনা অমসুং শোইদবা ফংহনবদা মতেং পাংগনি: পি.এম.

ইরুপী ভোচর দি.বি.তি. বু হেন্না মথৌ তৌবদা চাওরবা থৌদাং অমা লৌগনি অমসুং দিজিতেল ওইবা লৈঙাক্তা অনৌবা শক্লোন অমা পীরগনি: পি.এম.

ঐখোয়না তোক্নোলোজীবু লায়রবশিংদা মতেং পাংনবা খুলায় অমা ওইনা উই, মখোয়বু চাউখৎনবা খুলায় অমনি: পি.এম.

ভারতনা অনৌব পুথোকপা, তেক্নোলোতী শিজিন্নবা অমসুং ইন সর্বিস দেলিবরিদা মালেমগী মপুং ওইবা লৈবাকশিংগা লোয়ননা মালেমবু লুচিংনবগী শক্তি লৈজৈ: পি.এম.

লৈবাক অসিদা দিজিতেল ইনফ্রাস্ত্রকচর অমসুং দিজিতেল ত্রান্সেক্সন্দা হৌখিবা চহি ৬-৭ অসিদা তৌখিবা থবক্কী শাফুশিং মালেম্না খঙলি: পি.এম.

Posted On: 02 AUG 2021 5:59PM by PIB Imphal

প্রধান মন্ত্রী শ্রী নরেন্দ্র মোদীনা মীওই অমগী অমসুং অখন্নবা দিজিতেল পেমেন্ত সোলুসন অমা ওইবা দিজিতেল পেমেন্ত সোলুসন ই-রুপী ভিদিও কনফরেন্সকী খুত্থাংদা ঙসি হৌদোকখ্রে। ই-রুপী অসি শেল য়াওদবা অমসুং মীওই অমগা শম্নদবা দিজিতেল পেমেন্তগী ইন্সত্রুমেন্ত অমনি।   

থৌরম অসিদা ৱা ঙাংলদুনা প্রধান মন্ত্রীনা হায় মদুদি ই-রুপী ভোচর অসি লৈবাক অসিদা দি.বি.তি.বু মথৌ নিংথিনা তৌহনবদা চাওরবা থৌদাং অমা লৌগনি অমসুং দিজিতেলগী লৈঙাক্তা অনৌবা শক্লোন অমা পীরগনি। হায়রিবা অসিনা মীপুম খুদিংনা মহাক্না থম্লিবা পান্দম, ময়েক শেংবা অমসুং শোইদনা ফংহনবদা মতেং পাংগনি। মহাক্না হায়খি মদুদি ই-রুপী অসি তোক্নোলোজীনা মীওইবগী পুন্সিগা শম্নদুনা ভারতনা কয়া য়াম্না চাউখৎলবগে হায়বগী খুদম্নি। মহাক্না হরাওবা অসিমগসু ফোংদোকখি মদুদি লৈবাক অসিনা নিং-খা তম্বগী ৭৫শুবা কুমওন্দা অম্রিৎ মহোৎসব পাংথোক্লিঙৈদা মসিগী তুংগী ওইবা খোঙথাং অসি লৌখৎখিবনি।

आज देश, डिजिटल गवर्नेंस को एक नया आयाम दे रहा है।

eRUPI वाउचर, देश में डिजिटल ट्रांजेक्शन को, DBT को और प्रभावी बनाने में बहुत बड़ी भूमिका निभाने वाला है।

इससे Targeted, Transparent और Leakage Free Delivery में सभी को बड़ी मदद मिलेगी: PM @narendramodi

— PMO India (@PMOIndia) August 2, 2021

মহাক্না মখা তানা সরকারদা হায়খি, করিগুম্বা ওর্গানাইজেসন অমনা কনাগুম্বা অমবু লায়েংবদা, মহৈ তম্বদা নত্ত্রগা থবক অমদা হেক্তা মতেং পাংবা পাম্লবা মখোয়না শেলগী মহুৎতা ইরুপী ভোচর ওইনা পীবা য়াই। হায়রিবা অসিনা মহাক্না পীরিবা পৈশা অদুনা থবক অদুগীদমক শিজিন্নখি হায়বা থাজবা ঙমগনি।

सरकार ही नहीं, अगर कोई सामान्य संस्था या संगठन किसी के इलाज में, किसी की पढाई में या दूसरे काम के लिए कोई मदद करना चाहता है तो, वो कैश के बजाय eRUPI दे पाएगा।

इससे सुनिश्चित होगा कि उसके द्वारा दिया गया धन, उसी काम में लगा है, जिसके लिए वो राशि दी गई है: PM @narendramodi

— PMO India (@PMOIndia) August 2, 2021

প্রধান মন্ত্রীনা হায় মদুদি ইরুপী অসি মীওই অমগী ওইবা অমসুং অখন্নবা অমা পান্দম অমগী ওই। ইরুপীনা মখোয়না মতেং পীবা পাম্লিবা অদুমক শিজিন্নৈ হায়না থাজবা ঙমগনি।

eRUPI, एक तरह से Person के साथ-साथ Purpose Specific भी है।

जिस मकसद से कोई मदद या कोई बेनिफिट दिया जा रहा है, वो उसी के लिए प्रयोग होगा, ये eRUPI सुनिश्चित करने वाला है: PM @narendramodi

— PMO India (@PMOIndia) August 2, 2021

প্রধান মন্ত্রীনা অমুক হন্না হায়খি মদুদি মতম অমদা তেক্নোলোজী অসি ইনাক-খুনবা মীওই খক্তগীনি হায়না লৌনরম্মী অমসুং ভারতকুম্বা লায়রবা লৈবাক্কীদমক তেক্নোলোজীগী মিয়েং লৈতে হায়না খনখি। মহাক্কী সরকার অসিনা তেক্নোলোজী অসি পান্দম ওইনা থম্লকপা মতমদা পোলিতিকেলগী লুচিংবশিং অমসুং এক্সপার্ত খরনা ৱাহং কয়া অমা হংলকখিবা মহাক্না নিংশিংখি।  মহাক্না মখা তানা হায়খি মদুদি, ঙসিদি লৈবাক অসিনা মীওইশিং অসি কাউথোক্তুনা মখোয় অসি লাল্লে হায়বা খুদম পীখ্রে। ঙসিদি লৈবাক অসিগী ৱাখল্লোন অসি খেন্নরে, অনৌবা অমা ওইরে। ঙসিদি তেক্নোলোজী অসি লায়রবগী মতেং পাংনবা খুলায় ওইনা লৌরে অমসুং মখোয়গীদমক চাউখৎনবা খুলায় অমা ওইনা লৌরে।

প্রধান মন্ত্রীনা হায়খি মদুদি মতৌ করম্না তেক্নোলোজী অসিনা ময়েক শেংবা অমা পুরকপা অমসুং ত্রান্সেক্সন্দা থাজবা ফংবা অমসুং অনৌবা খুদোংচাবা অমা শেমদুনা অমসুং মখোয়শিং অসি লায়রবদা ফংহনল্লি। মহাক্না পনখি মদুদি ঙসিগী ওইরিবা অখন্নবা পোত্থোক অসি য়ৌরকপদা, মোবাইল অমসুং আধার শম্নহন্নবা জে.এ.এম. সিস্তেম পুথোক্তুনা চহি কয়া অমা হোৎনরকখিবনি। জে.এ.এম.কী কান্নবা অসি উবদা মীওই খরদা মতম চংখি অমসুং অতোপ্পা লৈবাকশিংনা মখোয়গী মীয়াম্বু মতেং পাংনবা হোৎনরিঙৈদা ঐখোয়না লোকদাউনগী মতমদা মতৌ করম্না লৈত-লায়রশিংদা মতেং পাংগদগে হায়বা উখি, হায়না প্রধান মন্ত্রীনা হায়খি। মহাক্না খঙহনখি মদুদি ভারত্তা, দাইরেক্ত বেনিফিত ত্রান্সফরগী খুত্থাংদা মীওই লুপা কোতি লাখ তরাতরেৎ অমসুং তঙ্খায় অমা হকথেংননা মখোয়গী একাউন্দা য়ৌহনখ্রে। স্কীম চাহুম হেন্না দি.বি.তি. শিজিন্নরি। ভারত মচা কোতি ৯০ অমদা নত্ত্রগা অমদা কান্নবা পীরি মদুদি এল.পি.জি., রাসন, মেদিকেল ত্রিতমেন্ত, স্কোলারশীপ, পেন্সন অমসুং ৱেজ পীথোকপা অসিনি। লুপা কোতি লাখ ১গা লিশিং ৩৫ অমা পি.এম.কিশান সম্মান নিধিগী মখাদা লৌমীশিংদা হকথেংননা ফংহনখ্রে অমসুং লুপা কোতি লিশিং কোতি ৮৫ অমনা সরকারনা গেহু লৈদুনা য়ৌহনখ্রে। “মসিদা খ্বায়দগী চাওনা কান্নবা অসি লুপা কোতি লাখ ১ লিশিং ৭৮ লান্না শিজিন্নগদৌবদগী কনখিবা অসিনি” হায়না মহাক্ন মখা তাখি।

প্রধান মন্ত্রীনা খঙহনখি মদুদি ভারত্তা দিজিতেল ত্রান্সসেক্সন চাউখৎলকপা অসিনা লৈত-লায়রবা, করবার মচা তৌবা, লৌমীশিং অমসুং ত্রাইবেলগী মীশিংদা শক্তি পীরি।  মসি জুলাই থাদা য়ু.পি.আই. ত্রান্সসেক্সন কোতি ৩০০ অমা লুপা কোতি লাখ ৬কী রেকোর্দতা তাবা য়াই।

প্রধান মন্ত্রীনা হায়খি মদুদি ভারত অসিনা মালেমদা তেক্নোলোজী শিজিন্নবা অমসুং মসিদা হৈনবদা কনাগুম্বা অমদগী অনিসুবা তাদে। অনৌবা পুথোকপা অমসুং তেক্নোলোজী শিজিন্নবা লাকপদা মহাক্না হায়খি মদুদি  ভারতনা মালেম অসিদা মপুং ওইবা লৈবাকশিংগা লোয়ননা মালেমবু লুচিংনা চৎপা ঙম্বগী শক্তি লৈজৈ।

প্রধান মন্ত্রীনা হায় মদুদি পি.এম.স্বানিধি য়োজনানা লৈবাক অসিগী সহর মচা অমসুং অচৌবা সহরশিংদা লৈবা স্ত্রীত ভেন্দর লাখ ২৩ হেন্না মতেং পীখি। লায়চৎ অসিগী মনুংদা, চাওরাক্না লুপা কোতি ২৩০০ অমা মখোয়দা য়েন্থোকখি।

প্রধান মন্ত্রীনা হায় মদুদি লৈবাক অসিদা দিজিতেল ইনফ্রাস্ত্রকচর অমসুং দিজিতেল ত্রান্সেক্সন্দা হৌখিবা চহি ৬-৭ অসিদা তৌখিবা থবক্কী শাফুশিং মালেম্না খঙলি।  মরুওইনা ভারত্তা লৈবাক অতৈদা হৌজিক ফাওবা শেমগৎত্রিবা য়াম্না চাওবা ফিনতেক্ত অমা শেমগৎলে হায়না মহাক্না মখা তাখি।

***



(Release ID: 1741666) Visitor Counter : 291