মরুওইবা হায়লাইতশিং:

- ভারত সরকারনা নেতাজীগী ১২৫শুবা মপোক কুমওন নিংশিং থৌরম পাংথোকপগা মরী লৈনবা প্রপোজেল কয়া অমগী অয়াবা পীখ্রে

- নই দিল্লীগী লাল কিলাদা নেতাজী সুভাস চন্দ্র বোসকী ম্যুজিয়ম লিংখৎখ্রে

- জানুৱারীগী ২৩ অসি পরাক্রম দিবস লাউথোক্নবা গেজেতেৎ নোতিফিকেসন ইশু তৌখ্রে

নেতাজী সুভাস চন্দ্র বোসকী ১২৫শুবা মপোক কুমওনগী নিংশিং থৌরম ভারত সরকারনা পাংথোক্লি। নেতাজী সুভাস চন্দ্র বোসকী ১২৫শুবা মপোক কুমওনগী হৌদোকপা ফংসন অসি ইকাই খুম্নরবা প্রধান মন্ত্রীনা ময়াই তাংবল লৌদুনা ২০২১গী জানুৱারীগী ২৩দা কোলকাতাগী ভিক্তোরিয়া মেমোরিয়েল হোলদা পাংথোকখি।   

থৌরম অসিদা নেতাজী সুভাস চন্দ্র বোস নিংশিংনবা কোইন অমসুং স্তাম্পশিং পুথোকখি। হায়রিবা নিংশিং থৌরম অসিগী মখাদা অন্তর্জাতীগী ওইবা সেমিনারশিং ২০২১গী জানুৱারী ২৩দা কোলকাতাদা অমসুং ২০২১গী মার্চ ৫দনা জবলপুরদা শিনখি।

নিশিং থৌরম অসিগীদমক অৱাংবা থাক্কী কমিতী অমা ইকাই খুম্নরবা প্রধান মন্ত্রীগী চেয়রমেনশীপ মখাদা শেমদুনা লাক্লি। কমিতী অসিদা শক্নাইনরবা মীওইশিং, হিস্তোরিয়ানশিং, অইবশিং, এক্সপার্তশিং, নেতাজী সুভাস চন্দ্র বোসকী ইমুং-মনুং অমসুং লোয়ননা অজাদ হিন্দ ফৌজ (আই.এন.এ.)গী শক্নাইরবা মীওইশিং য়াওরি। চহি খুদিংগী জানুৱারীগী ২৩ অসি পরাক্রম দিবস হায়না লাউথোকখিবগী গেজেতেৎ নোতিফিকেসন ২০২১গী জানুৱারী ১৯দা ইশু তৌখি।  

ভারত সরকারনা নেতাজী সুভাস চন্দ্র বোসকা মরী লৈননা পীরকপা প্রপোজেল কয়া অমা অয়াবা পীখ্রে মখোয় অদুদি লাল কিলাদা অমসুং কোলকাতা মনাক্তা নীলগঞ্জদা আই.এন.এ.গী অথৌবশিংগী মেমোরিএল অমা লিংখৎপা, নেতাজী অমসুং আই.এন.এ.দা অতেনবা ভিদিওশিং, আই.এন.এ. ত্রাইয়েলদা দোক্যুমেন্তরী, কোল. ধিলোন অমসুং জেনেরেল শাহনৱাজ খানগী বাইওগ্রাফী ফোংবা, পিক্তোরিয়েল বুক্কী ফোর্মদা আই.এন.এ.গী ফোতো ফোংবা, অঙাংবা চুনবা নেতাজীগী কোমিক্সশিং অসিনি।  ভারত সরকারনা নেতাজী অমসুং আই.এন.এ.গা মরী লৈনবা মফমশিংদা মরুওইবা তারিকশিংদা থৌরমশিং পাকথোক্লি মখোয়দুদি মোইরাংগী নুমিৎ ব্রিতিশ আর্মীবু ভারত মচানা মায়থিবা পীখিবা - আই.এন.এ. রাইজিং দে এপ্রিল ১৪ – ওক্তোবর ২১, নেতাজীনা আন্দমান চৎখিবা অমসুং ফিরাল পাইহনখিবা – দিসেম্বর ৩০, ইম্ফালগী আই.এন.এ. লানফম।     

• নই দিল্লীগী লাল কিলাদা নেতাজী সুভাস চন্দ্র বোসকী ম্যুজিয়ম লিংখৎখ্রে। কোলকাতাগী ভিক্তোরিয়া মেমোরিয়েল হোলদা সুভাসকী একজিবিসন পাক-চাউনা হৌজিক পাংথোক্লি।
• মখাদা পীরিবা ইন্সতিত্যুসনশিং অসি নেতাজী সুভাস চন্দ্র বোসকী মতুংদা লৈরগনি:
• নেতাজী সুভাস, পোখারী, জমশেদপুর
• নেতাজী সুভাস ওপন য়ুনিভর্সিতী, কোলকাতা
• নেতাজী সুভাস য়ুনিভর্সিতী ওফ তেক্নোলোজী, নই দিল্লী
• নেতাজী সুভাস নেস্নেল ইন্সতিত্যুৎ ওফ স্পোর্তস, পতাইলা

মসিগী পাউ অসি কলচরগী মিনিস্তর শ্রী জি. কিশান রেদীনা লোক সভাদা অইবা পাউখুম ওইনা ঙসি পীখিবনি।

***