কেন্দ্রগী হকশেল সেক্রেতরী, শ্রী রাজেশ ভুশন্না রাজ্য ১০, কেরলা, মহারাস্ত্র, কর্নাতকা, তামিল নাদু, ওরিশা, অসাম, মিজোরাম, মেঘালয়, অন্ধ্র প্রদেশ অমসুং মনিপুরদা ওইরিবা কোবিদ-১৯গী ফীভম য়েংশিন্নবা ঙসি অৱাংবা থাক্কী মীফম অমা ময়াই তাংবল লৌদুনা পাঙথোকখ্রে। রাজ্যশিং অসিদা হেল্থ ওথোরিতীশিংনা কোবিদ-১৯গী সর্ভিলেন্স, কন্তেনমেন্ত অমসুং মেনেজমেন্তগী লৌখৎলিবা পব্লিক হেল্থকী খোঙথাংশিংসু য়েংশিনখ্রে। রাজ্যশিং অসিদা নুংতিগী ওইনা থেংনবা অনৌবা কোবিদ কেসশিং ৱাংখৎলকপা নত্ত্রগা পোজিতিবিতী হেনগৎলকপগী রিপোর্ত তৌরক্লি। দি.জি. আই.সি.এম.আর. অমসুং সেক্রেতরী (দি.ঐচ.আর.), দা. বলরাম ভর্গবাসু শরুক য়াখি। য়েংশিন মীফম অসিদা রাজ্যশিং অসিগী প্রিন্সিপল সেক্রেতরী (হেল্থ), মিসন দিরেক্তর (এন.ঐচ.এম,), স্তেৎ সর্ভিলেন্স ওফিসরশিংনা শরুক য়াখি।

কেন্দ্রগী হকশেল অমসুং য়াইফ-য়ুম্বালগী সেক্রেতরীনা মখাদা পীরিবা মরম ওইবা কোবিদ কন্ত্রোল অমসুং মেনেজমেন্তগী লালোংশিং অসি পীখি:

১. হৌখিবা চয়োল খরা অসিদা পোজিতিবিতী রেৎ চাদা ১০দগী হেন্না রিপোর্ত তৌরক্লিবা   জিলাশিংনা লাইনা শন্দোকপা থিংনবা মীয়াম্না চত্থোক-চৎশিন তৌবদা, মীতিনবদা অমসুং মীয়াম পুনবদা অনবা মওংদা অথিংবশিং থম্বা মথৌ তাগনি। জিলাশিং অসিদা হৌজিক লৈরিবা তাঙ্কক অসিদা করিগুম্বা মখল অমত্তগী লাইথোকপা তৌরবদি ফীভম শোকচিল্লগনি হায়না অকনবা ৱাফম থমখি।

২. রাজ্যশিং অসিগী এক্তিব কেসশিংগী চাদা ৮০দি হোম আইসোলেসন্দা লৈ হায়না রিপোর্ত তৌরকখি। মখোয়না য়ুমথংনবশিং, কম্ম্যুনিতী, খুঙ্গং, লৈকাই, ৱার্দ অসিনচিংবদা মী পুনবা অমসুং চৎপা তৌদনবা অমসুং লাইনা শন্দোক্তনবা কেসশিং অসি নীংথিনা অমসুং চেকশিন্না মোনিতর তৌবা মথৌ তাই।

৩. হোস্পিতালদা পুখৎপা মথৌ তাবশিং মতম চানা ক্লিনিকেল ত্রিৎমেন্ত চত্থনবা অপনবা লৈতনা ত্রান্সফর তৌবা য়ান্নবা মওং অমদা হোম আইসোলেসন্দা লৈরিবা মীওইশিং অসি নীংথিনা মোনির তৌগদবনি। খুদক্তা শিফ্ত তৌনবা অমসুং অফবা হোস্পিতাল মেনেজমেন্তগীদমক রাজ্যশিংদা মমাংদা হোস্পিতালশিংদা লৈরিবা কোবিদ১৯ নাবা মীওইশিংগী ক্লিনিকেল মেনেজমেন্ত নীংথিনা তৌনবগী তোঙান-তোঙানবা হীরমশিং য়াওবা এস.ও.পি.শিং পীখ্রে।

৪. রাজ্যশিংনা পোজিতিবিতী রেৎ চাদা ১দগী তাবা জিলাশিংদসু মীৎয়েং চংগদবনি মরমদি জিলাশিং অসিদা ভেক্সিনেসন লোইনা তৌথোক্নবা হোৎনবদা মীৎয়েং চংদুনা জিলাশিং অমসুং মীশিং ঙাকথোক্কদবনি। কেন্দ্রগী হকশেল মন্ত্রালয়না নীংথিজনা শিন্দোক্লবা মওং অমদা মখোয়গী ভেক্সিনেসনগী সেদ্যুল্দশিং রাজ্যশিংনা য়াৎথোকপা য়ান্নবা চয়োল অনি-অনিগী ওইবা এদভান্স ভিজিবিলিতী ফংহল্লি। রাজ্যশিংদা অমুক হন্না খঙহনখি মদুদি পীরিবা ভেক্সিনগী দোজশিংগী মশিং অসি কেন্দ্রনা রাজ্যশিংদা পীরকপা য়াবগী খ্বাইদগী তাবা মশিং অদুনি; অয়াম্বনা চাং অসিদগী হেন্না রাজ্যশিংগী কঞ্জুম্পসনগী মতুং ইন্না কেন্দ্রগী হকশেল মন্ত্রালয়না পীরি।

৫. হৌখিবা থা অনি অসিদা, কেন্দ্র সরকারবা রাজ্যশিংদা ওক্সিজেন কনসেন্ত্রেতরশিং, ওক্সিজেন সিলিন্দরশিং অমসুং পি.এস.এ. পীদুনা মতেং পাংদুনা লাকখি। মসিগী মথক্তা রাজ্যশিং অসিনা সরকারগী হোস্পিতালশিংদা পি.এস.এ. প্লান্তশিং লিংখৎনবা মখোয় মশাগী রিসোর্সশিং শিজিন্নরি। রাজ্যশিংদা লনাই হোস্পিতালশিংদা হোস্পিতাল-বেজ পি.এস.এ. প্লান্তশিং লিংখৎহন্নবা য়াথং পীখ্রে। হৌখিবা থা অনিদা হীরম অসিদা রাজ্যশিংদা হান্ননা য়াথং পীখ্রে। ক্লিনিকেল ইস্তাব্লিশমেন্ত এক্তকী মখাদা পীরিবা প্রোবিজনশিং অসিনা রাজ্যশিংনা লনাই হোস্পিতালশিংদা অসিগুম্বা য়াথং পীবা য়াহল্লি। অসিগুম্বা য়াথংশিং হান্ননা পীখ্রবা রাজ্যশিংদা মখা তানা লনাই হোস্পিতালশিংগী ফীভম য়েংশিন্নবা অমসুং মতেং পাংনবা য়াথং পীখ্রে।

মমাংগী চয়োলশিংদা নুংতিগী ওইনা কেস ৪০,০০০ রোম রিপোর্ত তৌরকপগা লোইননা লাইথোকপা অমত্তা তৌদনবা দি.জি., আই.সি.এম.আর.না চেকশিনৱা থমখ্রে। জিলা ৪৬কী পোজিতিবিতী রেৎ চাদা ১০দগী হেল্লি অমরোমদা জিলা ৫৩গী পোজিতিবিতী অসি চাদা ৫-১০গী মনুংদা লৈরি হায়না ফোঙদোক্লদুনা মহাক্না রাজ্যশিংদা মখোয়গী তেস্ত তৌবগী চাং হেনগৎনবা খঙহনখ্রে। রাজ্যশিংদা জিলা-জিলাগী দিজিজ প্রিভলেন্স দেতাগীদমক মখোয় মশাগী রাজ্যগী থাক্তা সেরো-সর্ভেশিং পাঙথোক্নবা খঙহনখ্রে মরমদি জাতিগী থাক্কী সেরো-প্রিভলেন্স সর্ভে অসি মহৌশানা হেতেরোইনস ওই, হায়রিবা সর্ভে অসি চপ মান্নবা প্রোতোকলশিংগা লোইননা পাঙথোক্নবা আই.সি.এম.আর.গা চুংশিন্নদুনা পাঙথোক্কদবনি। মহাক্না রাজ্যশিংদা চহি ৬০+ অমসুং ৪৫-৬০গী মীওই কাংলুপশিংগী ভেক্সিনেসন হেনগৎহন্নবা খঙহনখ্রে মরমদি শীরিবশিং অসিগী চাদা ৮০দি চহি কাংলুপ অসিদগী ওই হায়না খুদম-চাংদমশিং ফংলি। এনফোর্সমেন্ত মিজরশিং অসিগী মতাংদা মহাক্না রাজ্যগী ওথোরিতীশিংদা মরম লৈতনা চত্থোক-চৎশিন তৌহন্দনবা অমসুং মী য়াম্নবা পুনবশিং থিংনবা খঙহনখ্রে।

অকুপ্পা ৱারোল য়াওবা প্রজেন্তেসন অমগী খুত্থাংদা কোবিদ-১৯ ভেক্সিনেসনগী কভরেজ, ভেন্তিলেতরশিংগী ফীভম, পি.এস.এ. প্লান্তশিং, ওক্সিজেন সিলিন্দরশিং অমসুং কন্সেন্ত্রেতরশিং লোইননা মরু ওইবা স্তেতিস্তিক্সশিংগী মতাংদা রাজ্যশিং অসিগী কা হেন্না শোকহল্লবা জিলাশিং (দিস্ত্রিক্ত ফ কনসর্ন)গী গ্রেন্যুলর অমা উৎখি।

ইন্তর্নেস্নেল ত্রেভেলরশিং স্ক্রীন তৌনবা (অতৈ লৈবাকশিংদগী ভারত্তা অনৌবা ভেরিএন্ত/ম্যুতেন্তশিং চংলকপগীদমক), সেন্তিনে সাইৎশিংগী খুত্থাংদা হৌজিক চত্থরিবা সর্ভিলেন্স মোনিতর তৌনবা (কোবিদ কেসশিং মেনেজ তৌরিবা আর.তি.-পি.সি.আর. লেবশিং নত্ত্রা সেকেন্দরী অমসুং তর্সরী কিয়র হোস্পিতালশিং) অমসুং সর্ভিলেন্স হেনগৎহন্নবা জিনোমিক সর্ভিলেন্সকীদমক আই.এন.এস.এ.সি.ও.জি. লেবোরেতরী নেৎৱর্ক শিজিন্ননবা রাজ্যশিংদা খঙহনখ্রে।

রাজ্যশিংদা পীখিবা পাউতাকশিং:

• কেসশিং ৱাংনা রিপোর্ত তৌরক্লিবা ক্লস্তরশিংদা ইন্তেন্সিব কন্তেনমেন্ত অমসুং এক্তিব সর্ভিলেন্স চত্থবা।
• কন্তেনমেন্ত জোনশিং অসি কেসশিং মেপ্পিং তৌবা অমসুং কন্তেক্ত ত্রেসিংদা য়ুম্ফম ওইরগা খাইদোকপা।
• মরু ওইনা খুঙ্গংগী মফমশিং অমসুং পেদিএত্রিক কিয়রদা মীৎয়েং চংদুনা হৌজিল লৈরিবা হেল্থ ইনফ্রাস্ত্রকচর অসি চাউথোকহন্নবা পান্দমগা লোইননা ই.সি.আর.পি.-IIগী ইমপ্লিমেন্তেসন অসি চাং নাইনা য়েংশিনবা অমসুং ফোলো-অপ তৌবা।
• আই.সি.এম.আর.গী গাইদলাইনশিংগী মতুং ইন্না শীবগী মশিং রিপোর্ত তৌবা।

****