নহারোল অমসুং শান্ন-খোৎনবগী মন্ত্রালয়
ৱেৎলিফতর মিরাবাই চনুনা ঙসি নুপীগী কে.জি. ৪৯গী ৱেৎলিফতিংগী ইভেন্ততা সিলভর মেদল লৌবা ঙমখ্রে, ভারতকী ওইনা তোকিও ওলিম্পিক্সকী অহানবা মেদল পুরকখ্রে
ঐহাক্না কন্না হোৎনখিবা পুম্নমক ঙসিদি মহৈ ফংলে অমসুং ঐহাক্কী মঙলান মঙফাওনবা ঙম্লে: মিরাবাই চনু
Posted On:
24 JUL 2021 4:45PM by PIB Imphal
মরু ওইবা হায়লাইৎ:
- মিরাবাই চনুনা স্নেৎচতা কে.জি. ৮৭ অমসুং ক্লীন এন্দ জর্ক্তা কে.জি. ১১৫ য়াওনা পুন্না কে.জি. ২০২ থাংখৎখি
- রাস্ত্রপতি শ্রী রাম নাথ কোবিন্দ অমসুং প্রধান মন্ত্রী শ্রী নরেন্দ্র মোদীনা ভারতকী মেদল লৌবা হৌরকপা অসিদা নুংঙাইবা ফোঙদোকখ্রে অমদি চনুদা মহাক্কী শিংথানীংঙাই ওইরবা পর্ফোর্মেন্সকীদমক থাগৎপা ফোঙদোকখ্রে
- মিরাবাই চনুদা থাগৎলদুনা স্পোর্তস মন্ত্রী অনুরাগ সিংহ থাকুরনা হায়, নহাক্না লৈবাক অসিবু চাউথোকচহল্লি
ৱেৎলিফতর মিরাবাই চনুনা ঙসি নুপীগী কে.জি. ৪৯গী ৱেৎলিফতিংগী ইভেন্ততা সিলভর মেদল লৌবা ঙমখ্রে, ভারতকী ওইনা তোকিও ওলিম্পিক্সকী অহানবা মেদল পুরকখ্রে। মহাক্না স্নেৎচতা কে.জি. ৮৭ অমসুং ক্লীন এন্দ জর্ক্তা কে.জি. ১১৫ য়াওনা পুন্না কে.জি. ২০২ থাংখৎখি। মনিপুরদগী চহি ২৬ শুরবী অসিনা ২০১৮দা বেক ইঞ্জরী অমা থোকখ্রবা মতুংদা চেকশিন্না লৈরুরবা মতুংদা লৈবাক অসিগী মশক নাইরবা মীওই অমা ওইরকখ্রে। রাস্ত্রপতি শ্রী রাম নাথ কোবিন্দ, প্রধান মন্ত্রী শ্রী নরেন্দ্র মোদী অমসুং স্পোর্তস মন্ত্রী শ্রী অনুরাগ থাকুর অমসুং লৈবাক অসিগী মফম শিনবা থুংবদগী ভারতকী মীয়াম্না মিরাবাইবু মহাক্কী মাই পাকপা অসিগীদমক নুংঙাইবা ফোঙদোক্নরক্লি। প্রধান মন্ত্রী শ্রী নরেন্দ্র মোদী অমসুং স্পোর্তস মন্ত্রী শ্রী অনুরাগ থাকুরনা ৱেৎলিফতর মিরাবাই চনুদা ফোন তৌখি অমসুং মহাক্না মেদল লৌরকপা অমসুং লৈবাক অসিগী মীংচৎ পুরকপগীদমক মহাকপু থাগৎখ্রে।
রাস্ত্রপতি শ্রী রাম নাথ কোবিন্দনা চনুবু মহাক্কী শিংথানীংঙাই ওইনা মাই পাক্লকপদা য়াইফ-পাউজেল পীখ্রে। শ্রী কোবিন্দনা অসুম্না ত্বিৎ তৌখি, “ৱেৎলিফতিংদা সিলভর মেদল লৌরক্তুনা তোকিও ওলিম্পিক্স ২০২০দা ভারতকী মেদল তেলী হাংদোকপা ঙমখিবগীদমক মিরাবাই চনুবু থমোই শেংনা নুংঙাইবা ফোঙদোকচরি।”
প্রধান মন্ত্রী শ্রী নরেন্দ্র মোদীনা ভারতকী মেদল ফংবা হৌরকপদা নুংঙাইবা ফোঙদোকখ্রে অমসুং চনুবু মহাক্কী পর্ফোর্মেন্সকীদমক থাগৎপা ফোঙদোকখ্রে। হেশতেগ Cheer4Indiaগা লোইননা প্রধান মন্ত্রী শ্রী নরেন্দ্র মোদীনা অসুম্না ত্বিৎ তৌখি, “তোকিও ২০২০গী অহৌবা ওইনা মসিদগী হেন্না নুংঙাইবা অমা লৈররোই! ভারতপু মিরাবাই চনুগী শিংথানীংঙাই ওইবা পর্ফোর্মেন্সনা হরাও-নুংঙাইবা পোকহনখ্রে। মহাক্না ৱেৎলিফতিংদা সিলভর মেদল লৌরকপগীদমক নুংঙাইবা ফোঙদোকচরি। মহাক্কী মাইপাকপ্না ভারত মচা খুদিংমক্তা ইনোৎ হাপ্লি।”
মিরাবাই চনুবা নুংঙাইবা ফোঙদোক্লদুনা স্পোর্তস মন্ত্রী অনুরাগ সিংহ থাকুরনা অসুম্না হায়, “ভারত মচা করোর ১৩৫কী মাইথোংদা অচৌবা মীনোক অমা পুরকপগীদমক য়াম্না থাগৎচরি অমসুং পি.এম. মোদী অমদি লৈবাক পুম্বগী মহুৎ শিন্দুনা থাগৎচরি। অহানবা নুমিৎ, অহানবা মেদল; অদোম্না লৈবাক অসিবু চাউথোকচবা পোকহল্লি।”
স্পোর্তস ওথোরিতী ওফ ইন্দিয়ানা শিনবা ফেসবুক লাইব অমদা মীদিয়াগা লোইননা সিলভর মেদল লৌরকখ্রবা ৱেৎলিফতর মিরাবাই চনুগা ৱারী শাখ্রে। ৱারী-ৱাতাই শাবা অদুদা কুমারী মিরাবাইনা মহাক্কী নুংঙাইবা ফোঙদোকখ্রে অমসুং মহাক্না নুমিৎ অসিগীদমক মহাক্না কয়া অমা কত্থোকখি অমসুং ঙসিদি মহাক্না কন্না হোৎনখিবা পুম্নমক্কী মহৈ ফংলে অমসুং মহাক্কী মঙলান মঙফাওনবা ঙমজরে হায়না ফোঙদোকখ্রে।
ৱারী-ৱাতাই শাখিবা অসি মপুং ফানা য়েংনবগীদমক লিঙ্ক অসিদা নম্বীয়ু: https://fb.watch/6XK0ApJBFP/
মিরানা মহাক্কী ত্রেনিং অসি মহাক্কী পোক্নফম লমদমগী মনাক্তা লৈবা ইম্ফালগী সাই সেন্তরদা হৌখি। হৌখিবা চহি মঙা অসিদা হরাও তয়াম্লবী মিরাবাই চনুনা মহাক্কী পোক্নফম মনিপুরদা পুন্না চয়োল মঙা খক লৈবা ফংখি। মহাক্না অয়াম্বা মতম পতিয়ালাদা লৈবা নেতাজী সুভাস নেস্নেল ইন্সতিত্যুত ওফ স্পোর্তসতা লৈবা মহাক্কী ত্রেনিং বেজতা লৈখি, অশংবা মতমদা মুম্বাইদা লৈবা রিহেবিলিতেসনদা ২-১৮দা মহাক্কী লোৱর বেক ইঞ্জরীগী শোকখিবা অদু লায়েংনবা খক্তা চৎথোক-চৎশিন তৌখি। মহাক ২০১৭দা তার্গেৎ ওলিম্পিক পোদিয়ম স্কীমদা ইনদক্ত তৌখি।
মহাক্না য়ুনাইতেদ স্তেৎস ওফ অমেরিকাগী সেন্ত লুইসতা তি.ও.পি. স্কীমগী মতেংগী খুত্থাংদা চৎতুনা ফিজিকেল থেরাপিস্ত, স্ত্রেন্থ অমসুং কন্দিস্নিং কোচ দা. আরোন হোর্চিগনা মহাক্না মহাক্কী লেংজুম অমদি য়াংলেন্দা মরক-মরক্তা ফাওরম্বা অনাবা অদু ফাওহন্দনবা মহাক্কী তেক্নিক হেনগৎহনবদা মহাক্কী মতেং পাংখি। মসিনা মহাক্না ২০২১গী এপ্রিলদা তাশকেন্তদা এসিয়ন ৱেৎলিফতিং চেম্পিয়নশিপ্সতা ক্লীন এন্দ জর্ক্তা ৱরল্দ রেকোর্দ অমা থম্বা ঙমহনখি।
মিরাবু সেন্ত লুইসতা থানবা ৱারেপ অসি য়ু.এস.না ভারতকী ত্রেভেল্লরশিং চংহন্দনবা ৱারেপ লৌরকপা য়াই হায়বা খংবদগী পুং খরাগী মনুংদা লৌখি। ভারত্তা কোবিদ-১৯কী থৌদোকশিং হেনগৎলকপনা মরম ওইরগা য়ুনাইতেদ স্তেৎ ওফ অমেরিকানা ভারত মচাশিং মখোয়গী লৈবাক্তা চংহন্দনা ৱারেপ লৌগদবা নোংমা ৱাৎলিঙৈ মে ১দা মহাক্না ফ্লাইত তোংদুনা চৎখি। মসিগী ৱারেপ অসিনা মিরাবাই চনুদা য়াম্না মতেং পাংখি হায়বদা হায়মনবা থোক্লোই।
মহাক্না মমাংদা ওক্তোবর ২০২০দগী দিসেন্বর ২০২০ ফাওবদা রিহেবিতেসন তৌনবা অমসুং দা. আরোন হোর্চিগকী মখাদা ত্রেনিং তৌনবা য়ু.এস.তা চৎখি।
*******
(Release ID: 1738726)
Visitor Counter : 160