وزیراعظم کا دفتر
وزیر اعظم جناب نریندر مودی نے نیپال کے وزیر اعظم عزت مآب جناب شیر بہادر دیوباسے ٹیلیفون پربات کی
Posted On:
19 JUL 2021 2:43PM by PIB Delhi
نئی دہلی،19؍جولائی: وزیر اعظم جناب نریندر مودی نے آج نیپال کے وزیر اعظم عزت مآب جناب شیر بہادر دیوبا سے فون پر بات چیت کی۔ وزیراعظم جناب نریندر مودی نے جناب دیوبا کو نیپال کے نئے وزیراعظم کی حیثیت سے منتخب ہونے نیز پارلیمنٹ میں اعتماد کا ووٹ حاصل کرنے پر مبارکباد اور نیک خواہشات پیش کی۔
ہندوستان اور نیپال کے مابین خصوصی دوستی کو مزید مستحکم کرنے نیز ہزاروں سالہ قدیم عوامی تعلقات کو یاد کرتے اور اس کا حوالہ دیتے ہوئے وزیراعظم مودی نے دونوں ممالک کے خوشگوار تعلقات کا برسبیل تذکرہ بھی کیا۔ دونوں رہنماؤں نے تمام شعبوں میں باہمی تعاون کوفروغ دینے کے لئے مل کر کام کرنے پر اتفاق کیا۔
دونوں رہنماؤں نے خاص طور پر ، عالمی وبا کووڈ-19کے خلاف جاری کوششوں کے تناظر میں تعاون اور ہم آہنگی کو مزید مستحکم کرنے کے طریقوں پر بھی تبادلہ خیال کیا۔
*****************
ش ح - س ک
U. NO. 6692
(Release ID: 1736739)
Visitor Counter : 151
Read this release in:
English
,
Marathi
,
Hindi
,
Assamese
,
Manipuri
,
Bengali
,
Punjabi
,
Gujarati
,
Odia
,
Tamil
,
Telugu
,
Kannada
,
Malayalam