பழங்கால வாகனங்களை பாதுகாப்பதற்காக, அதன் பதிவு நடவடிக்கை முறைப்படுத்தப்பட்டுள்ளது என சாலை போக்குவரத்து மற்றும் நெடுஞ்சாலைத்துறை அமைச்சர் திரு நிதின் கட்கரி கூறியுள்ளார்.

இது குறித்து சுட்டுரையில் அவர் விடுத்துள்ள செய்தியில், ‘‘பல மாநிலங்களில் பழங்கால வாகனங்களின்  பதிவை ஒழுங்குபடுத்துவதற்கான விதிகள் இல்லாததால், தற்போது கொண்டுவரப்படும் புதிய விதிமுறைகள், தடையற்ற நடவடிக்கையை வழங்கும்.  அதோடு, இந்த வாகனங்களை ஏற்கனவே பதிவு செய்திருந்தால், அந்த எண்களை தக்கவைத்துக்கொள்ளும் சிறப்பு அம்சங்களும் இதில் உள்ளன. இந்த வாகனங்களின் புதிய பதிவுக்கு  “VA”  என்ற தனித்துவமான பதிவு குறியீட்டுடன் எண்கள் வழங்கப்படும்.’’ என தெரிவித்துள்ளார். 

பழங்கால வாகனங்களின் பதிவு நடவடிக்கையை முறைப்படுத்துவதற்காக மத்திய சாலை போக்குவரத்து மற்றும் நெடுஞ்சாலை அமைச்சகம் CMVR 1989 விதிகளை திருத்தியுள்ளது.   இது இந்தியாவில் பழங்கால வாகனங்களை பாதுகாப்பதையும்,  ஊக்குவிப்பதையும் நோக்கமாக கொண்டுள்ளது.

சிறம்பம்சங்கள்:

50 ஆண்டுகளுக்கு மேற்பட்ட இருசக்கர / 4 சக்கர வாகனங்கள் ஒரிஜினல் வடிவில் எந்த கணிசமான மாற்றமும் செய்யப்படாமல் பராமரித்து வைத்திருந்தால் அவை வின்டேஜ் வாகனங்கள் என வகைப்படுத்தப்படும்.

இந்த வாகனங்களின் பதிவு / மறுபதிவுக்கு  படிவம் 20-ன்படி விண்ணப்பிக்கலாம்.  அதனுடன் காப்பீடு பாலிசி, கட்டணம், இறக்குமதி வாகனங்களுக்கான நுழைவு ரசீது,  இந்தியாவில் ஏற்கனவே பதிவு செய்யப்பட்ட வாகனங்களுக்கு பழைய ஆர்.சி ஆகியவற்றுடன் விண்ணப்பிக்கலாம்.  

படிவம் 23ஏ-ன்படி இதற்கான பதிவு சான்றிதழை மாநில பதிவு ஆணையம் 60 நாட்களுக்குள் வழங்கும்.

ஏற்கனவே பதிவு செய்யப்பட்ட வாகனங்கள், ஒரிஜினல் பதிவு அடையாளத்தை வைத்துக் கொள்ளலாம். ஆனாலும், புதிய பதிவுக்கு,  பதிவு அடையாளம்  “XX VA YY*”, என்ற அடிப்படையில் வழங்கப்படும். இதில் XX என்பது மாநில குறியீடு,   VA என்பது பழங்கால வாகனம் என்பதையும், YY என்பது இரண்டெழுத்து தொடரையும்,  * என்பது 0001 முதல் 9999 வரை மாநில பதிவு ஆணையம் ஒதுக்கீடு செய்யும் எண்களாகவும் இருக்கும். 

புதிய பதிவுக்கான கட்டணம் - ரூ.20,000 மற்றும்

அதைத்தொடர்ந்து மறு பதிவுக்கான கட்டணம் - ரூ.5,000.

வின்டேஜ் வாகனங்கள்  வழக்கமான / வர்த்தக பயன்பாட்டுக்கு  சாலைகளில் இயக்கக்கூடாது.

மேலும் விவரங்களுக்கு இந்த ஆங்கில செய்திக் குறிப்பைக் காணவும்:

https://pib.gov.in/PressReleasePage.aspx?PRID=1736506

----