ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦୀ କହିଛନ୍ତି ଯେ ନୂତନପିଢ଼ିର ଦକ୍ଷତା ବିକାଶ ଏକ ଜାତୀୟ ଆବଶ୍ୟକତା ଓ ଆତ୍ମନିର୍ଭରଶୀଳ ଭାରତର ମୂଳଦୁଆ, କାରଣ ଏହି ପିଢ଼ି ଆମ ଗଣରାଜ୍ୟକୁ 75 ବର୍ଷରୁ 100 ପର୍ଯ୍ୟନ୍ତ ଆଗେଇ ନେବ। ସେ ଆହ୍ୱାନ କରିଥିଲେ ଯେ ବିଗତ ଛଅ ବର୍ଷ ମଧ୍ୟରେ ଯାହା ଅର୍ଜନ କରାଯାଇଛି, ସେଥିରୁ ଲାଭ ଉଠାଇବା ଲାଗି ସ୍କିଲ ଇଣ୍ଡିଆ ମିଶନକୁ ଗତି ଦେବାକୁ ପଡ଼ିବ । ପ୍ରଧାନମନ୍ତ୍ରୀ ବିଶ୍ୱ ଯୁବ କୌଶଳ ଦିବସ ଅବସରରେ ଉଦବୋଧନ ଦେଇ ଏହା କହିଛନ୍ତି।

नई पीढ़ी के युवाओं का स्किल डवलपमेंट, एक राष्ट्रीय जरूरत है, आत्मनिर्भर भारत का बहुत बड़ा आधार है।

बीते 6 वर्षों में जो आधार बना, जो नए संस्थान बने, उसकी पूरी ताकत जोड़कर हमें नए सिरे से स्किल इंडिया मिशन को गति देनी है: PM @narendramodi

— PMO India (@PMOIndia) July 15, 2021

ପ୍ରଧାନମନ୍ତ୍ରୀ କହିଥିଲେ ଯେ ଭାରତୀୟ ସଂସ୍କୃତିରେ କୌଶଳର ଅତ୍ୟନ୍ତ ଗୁରୁତ୍ୱ ରହିଛି । ସେ ଏଥିପ୍ରତି ମଧ୍ୟ ଜୋର ଦେଇ କହିଥିଲେ ଯେ ଦକ୍ଷତା ବିକାଶ ଏବଂ ‘ଅପ-ସ୍କିଲିଂ’ର ମହତ୍ୱକୁ ସମାଜର ପ୍ରଗତି ସହିତ ଯୋଡ଼ିବାକୁ ହେବ । ଶ୍ରୀ ମୋଦୀ କହିଥିଲେ ଯେ ବିଜୟାଦଶମୀ, ଅକ୍ଷୟ ତୃତୀୟା ଏବଂ ବିଶ୍ୱକର୍ମା ପୂଜା ଭଳି କୌଶଳକୁ ମଧ୍ୟ ପାର୍ବଣ ଭଳି ପାଳନ କରିବା ଉଚିତ୍‌ । ଏହି ସମସ୍ତ ପର୍ବାଣୀରେ କୌଶଳ ଏବଂ ଶ୍ରମର ପୂଜା କରାଯାଇଥାଏ। ଏହି ପରମ୍ପରାର ଉଦାହରଣ ଦେଇ ପ୍ରଧାନମନ୍ତ୍ରୀ କହିଥିଲେ ଯେ ବଢ଼େଇ, କୁମ୍ଭାର, କମାର, ସଫେଇ କର୍ମୀ, ମାଳି ଓ ବୁଣାକାରଙ୍କ ଭଳି ପେସାକୁ ଉଚିତ୍‌ ସମ୍ମାନ ଦେବା ଉଚିତ୍‌ । ପ୍ରଧାନମନ୍ତ୍ରୀ ଉଲ୍ଲେଖ କରିଥିଲେ ଯେ ସାମ୍ରାଜ୍ୟବାଦର ଦୀର୍ଘ କାଳରେ ଆମ ସମାଜ ଏବଂ ଶିକ୍ଷା ପ୍ରଣାଳୀରେ ଦକ୍ଷତାର ଗୁରୁତ୍ୱକୁ କମାଇ ଦିଆଯାଇଥିଲା।

हम विजयदशमी को शस्त्र पूजन करते हैं।

अक्षय तृतीया को किसान फसल की, कृषि यंत्रो की पूजा करते हैं।

भगवान विश्वकर्मा की पूजा तो हमारे देश में हर स्किल, हर शिल्प से जुड़े लोगों के लिए बहुत बड़ा पर्व रहा है: PM @narendramodi

— PMO India (@PMOIndia) July 15, 2021

ପ୍ରଧାନମନ୍ତ୍ରୀ କହିଥିଲେ ଯେ ଶିକ୍ଷା ଆମକୁ କହିଥାଏ ଯେ କ’ଣ କରିବାକୁ ହେବ, କିନ୍ତୁ କୌଶଳ ଆମକୁ ତାହାକୁ କାର୍ଯ୍ୟକାରୀ କରିବାର ପଦ୍ଧତି କହିଥାଏ। ଏହା ସ୍କିଲ ଇଣ୍ଡିଆ ମିଶନର ମାର୍ଗଦର୍ଶୀ ସିଦ୍ଧାନ୍ତ ଅଟେ। ସେ ଏଥିପ୍ରତି ପ୍ରସନ୍ନତା ବ୍ୟକ୍ତ କରିଥିଲେ ଯେ 1.25 କୋଟିରୁ ଅଧିକ ଯୁବକମାନଙ୍କୁ ‘ପ୍ରଧାନମନ୍ତ୍ରୀ ଦକ୍ଷତା ବିକାଶ ଯୋଜନା’ ଅନ୍ତର୍ଗତ ପ୍ରଶିକ୍ଷିତ କରାଯାଉଛି।

ଦୈନନ୍ଦିନ ଜୀବନରେ କୌଶଳର ଆବଶ୍ୟକତା ଉପରେ ଜୋର ଦେଇ ପ୍ରଧାନମନ୍ତ୍ରୀ କହିଥିଲେ ଯେ ରୋଜଗାର କରିବା ସହିତ ସବୁବେଳେ ଶିକ୍ଷା ଗ୍ରହଣ କରିବା ଉଚିତ୍‌, ସବୁବେଳେ ଶିଖିବା ଜାରି ରଖିବା ଉଚିତ୍‌ । କେବଳ କୁଶଳୀ ବ୍ୟକ୍ତି ଆଜିର ଦୁନିଆରେ ଆଗକୁ ବଢ଼ିପାରିବ । ଏହା ଉଭୟ ଲୋକମାନଙ୍କ ଓ ଦେଶମାନଙ୍କ ଉପରେ ଲାଗୁ ହୋଇଥାଏ । ସେ କହିଥିଲେ ଯେ ଭାରତ ବିଶ୍ୱକୁ ପ୍ରତିଭାସମ୍ପନ୍ନ ଓ କୁଶଳୀ ଶ୍ରମଶକ୍ତି ପ୍ରଦାନ କରିଥାଏ । ଆମକୁ ନିଜର ଯୁବକମାନଙ୍କୁ କୁଶଳୀ କରିବା ଲାଗି ଏହାକୁ ଆମ ରଣନୀତିର ଅଂଶବିଶେଷ କରିବା ଉଚିତ୍‌ । ସେ ‘ଗ୍ଲୋବାଲ ସ୍କିଲ ଗ୍ୟାପ ମ୍ୟାପିଂ’ ପ୍ରୟାସକୁ ମଧ୍ୟ ପ୍ରଶଂସା କରିଥିଲେ ଏବଂ କହିଥିଲେ ଅଂଶୀଦାରମାନଙ୍କୁ ଲଗାତାର ‘ସ୍କିଲ’, ‘ରି-ସ୍କିଲ’ ଏବଂ ‘ଅପ-ସ୍କିଲ’ କରିବା ଜାରି ରଖାଯିବା ଉଚିତ୍‌ । ଏହି ପ୍ରକ୍ରିୟାକୁ ଦ୍ରୁତ କରିବାକୁ ହେବ, କାରଣ ଦ୍ରୁତ ଗତିରେ ବଦଳୁଥିବା ପ୍ରଯୁକ୍ତିକୁ ଦୃଷ୍ଟିରେ ରଖି-ରିସ୍କିଲିଂ ଚାହିଦା ଅଧିକ ବୃଦ୍ଧି ପାଇବାକୁ ଯାଉଛି । ପ୍ରଧାନମନ୍ତ୍ରୀ ସ୍ମରଣ କରି କହିଥିଲେ ଯେ କିପରି ଭାବେ ମହାମାରୀ ବିରୋଧରେ ପ୍ରଭାବଶାଳୀ ଲଢ଼େଇ ଲଢ଼ିବାରେ ଆମର କୁଶଳୀ ଶ୍ରମିକମାନେ ସହାୟକ ହୋଇପାରିଛନ୍ତି ।

दुनिया के लिए एक Smart और Skilled Man-power Solutions भारत दे सके, ये हमारे नौजवानों की Skilling Strategy के मूल में होना चाहिए।

इसको देखते हुए ग्लोबल स्किल गैप की मैपिंग जो की जा रही है,
वो प्रशंसनीय कदम है: PM @narendramodi

— PMO India (@PMOIndia) July 15, 2021

ପ୍ରଧାନମନ୍ତ୍ରୀ ବାବା ସାହେବ ଆମ୍ବେଦକରଙ୍କ ସଂକଳ୍ପର ଉଦାହରଣ ଦେଇ କହିଥିଲେ ସେ ସବୁବେଳେ ଦୁର୍ବଳ ବର୍ଗଙ୍କୁ କୁଶଳୀ କରିବା ଉପରେ ଜୋର ଦେଇଥିଲେ । ଶ୍ରୀ ମୋଦୀ କହିଥିଲେ ଯେ ଦେଶ ସ୍କିଲ ଇଣ୍ଡିଆ ମିଶନ ଜରିଆରେ ବାବା ସାହେବଙ୍କ ସ୍ୱପ୍ନକୁ ସାକାର କରୁଛି । ଉଦାହରଣ ସ୍ୱରୂପ ‘ଗୋଇଂ ଅନଲାଇନ ଏଜ ଲିଡର୍ସ-ଗୋଲ’ ଜନଜାତି ଜନସଂଖ୍ୟାକୁ ସହାୟତା କରୁଛି, ଯେଉଁଥିରେ କଳା, ସଂସ୍କୃତି, ହସ୍ତକଳା, ବୁଣାକାରୀ ଓ ଡିଜିଟାଲ ସାକ୍ଷରତା ଭଳି କ୍ଷେତ୍ର ସାମିଲ ରହିଛି । ଏହି ପ୍ରୟାସ ଜରିଆରେ ଜନଜାତି ଜନସଂଖ୍ୟାକୁ ଉଦ୍ୟମଶୀଳ କରାଯାଉଛି । ସେହିପରି ବନ ଧନ ଯୋଜନା ମଧ୍ୟ ଜନଜାତି ସମାଜକୁ ନୂଆ ନୂଆ ଅବସର ସହିତ ଯୋଡ଼ୁଛି । ପ୍ରଧାନମନ୍ତ୍ରୀ ଶେଷରେ କହିଥିଲେ, “ଆଗାମୀ ଦିନରେ, ଆମକୁ ଏପରି ଅଭିଯାନକୁ ଆହୁରି ପ୍ରୋତ୍ସାହନ ଦେବାକୁ ହେବ ଏବଂ ନିଜକୁ ତଥା ଦେଶକୁ କୌଶଳ ବିକାଶ ଜରିଆରେ ଆତ୍ମନିର୍ଭରଶୀଳ କରିବାକୁ ହେବ ।’’

PM @narendramodi’s message on World Youth Skills Day. https://t.co/hGUe1sgB7F

— PMO India (@PMOIndia) July 15, 2021

***********

P.S