ପ୍ରଧାନମନ୍ତ୍ରୀଙ୍କ କାର୍ଯ୍ୟାଳୟ
ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦୀ ଓ ମାଳଦ୍ୱୀପ ସାଧାରଣତନ୍ତ୍ର ରାଷ୍ଟ୍ରପତି ମହାମାନ୍ୟ ଇବ୍ରାହିମ ମହମ୍ମଦ ସୋଲିଙ୍କ ମଧ୍ୟରେ ଟେଲିଫୋନ ଆଲୋଚନା
Posted On:
14 JUL 2021 2:27PM by PIB Bhubaneshwar
ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦୀ ମାଳଦ୍ୱୀପ ସାଧାରଣତନ୍ତ୍ର ରାଷ୍ଟ୍ରପତି ମହାମାନ୍ୟ ଇବ୍ରାହିମ୍ ମହମ୍ମଦ ସୋଲିଙ୍କ ସହ ଟେଲିଫୋନ ଯୋଗେ କଥାବାର୍ତ୍ତା ହୋଇଛନ୍ତି ।
ରାଷ୍ଟ୍ରପତି ସୋଲି କୋଭିଡ ବୈଶ୍ୱିକ ମହାମାରୀ ବିରୁଦ୍ଧରେ ସଂଗ୍ରାମ ପାଇଁ ସହଯୋଗ ଓ ସହାୟତା ନିମନ୍ତେ ପ୍ରଧାନମନ୍ତ୍ରୀ ଶ୍ରୀ ମୋଦୀଙ୍କୁ ଧନ୍ୟବାଦ ଅର୍ପଣ କରିଥିଲେ ।
ଉଭୟ ନେତା ମାଳଦ୍ୱୀପରେ ଭାରତ ସହଯୋଗରେ ଚାଲିଥିବା ଉନ୍ନୟନମୂଳକ ପ୍ରକଳ୍ପର ଅଗ୍ରଗତି ନେଇ ସମୀକ୍ଷା କରିବା ସହ କୋଭିଡ ମହାମାରୀଜନିତ ଘାତ ପ୍ରତିଘାତ ସତ୍ତ୍ୱେ କାର୍ଯ୍ୟକ୍ରମର ଦ୍ରୁତ କାର୍ଯ୍ୟକାରିତା ନେଇ ସନ୍ତୋଷ ବ୍ୟକ୍ତ କରିଥିଲେ ।
ପ୍ରଧାନମନ୍ତ୍ରୀ ଶ୍ରୀ ମୋଦୀ ଭାରତର ‘ପଡୋଶୀ ଆଗ’ ନୀତି ଏବଂ ସୁରକ୍ଷା ଓ ସମସ୍ତ ଆଞ୍ଚଳିକ ଅଭିବୃଦ୍ଧି (ସାଗର)ର ସାମୁଦ୍ରିକ ଦୃଷ୍ଟିକୋଣ ପରିପ୍ରେକ୍ଷୀରେ ମାଳଦ୍ୱୀପ ଏକ ମଝିଖୁଣ୍ଟ ବୋଲି କହିଥିଲେ । ପ୍ରଧାନମନ୍ତ୍ରୀ ଶ୍ରୀ ମୋଦୀ ରାଷ୍ଟ୍ରପତି ଶ୍ରୀ ସୋଲିଙ୍କୁ ତାଙ୍କ ବୈଦେଶିକ ମନ୍ତ୍ରୀ ଅବଦୁଲ୍ଲା ସାହିଦ ଜାତିସଂଘ ସାଧାରଣ ପରିଷଦକୁ ସଭାପତିଭାବେ ନିର୍ବାଚିତ ହୋଇଥିବାରୁ ଅଭିନନ୍ଦନ ଜଣାଇଥିଲେ ।
ଏହି ଟେଲିଫୋନ ବାର୍ତ୍ତାଳାପ ଜରିଆରେ ଉଭୟ ନେତା ଦୁଇ ଦେଶ ମଧ୍ୟରେ ଦ୍ୱିପାକ୍ଷିକ ସମ୍ପର୍କ ଓ ସହଯୋଗ ନେଇ ଅବଗତ ହୋଇପାରିଛନ୍ତି ।
****
SM / SLP
(Release ID: 1735489)
Visitor Counter : 144
Read this release in:
English
,
Urdu
,
Marathi
,
Hindi
,
Manipuri
,
Bengali
,
Bengali
,
Assamese
,
Punjabi
,
Gujarati
,
Tamil
,
Telugu
,
Kannada
,
Malayalam