ന്യൂ ഡൽഹി, ജൂലൈ 11, 2021

ഇന്ന് രാവിലെ 7 മണി വരെയുള്ള താൽകാലിക കണക്ക് പ്രകാരം, കോവിഡ്-19 വാക്സിനേഷൻ നൽകിയത് ഇതുവരെ 37.60 കോടിയിൽ അധികം (37,60,32,586) പേർക്ക്. 48,33,797 സെഷനുകൾ ആയാണ് വാക്സിൻ നൽകിയത്. കഴിഞ്ഞ 24 മണിക്കൂറിൽ, 37,23,367 വാക്സിൻ ഡോസുകൾ നൽകി.

കഴിഞ്ഞ 24 മണിക്കൂറിനുള്ളിൽ ഇന്ത്യയിൽ പ്രതിദിനം 41,506 പുതിയ കേസുകൾ റിപ്പോർട്ട് ചെയ്തു. തുടര്‍ച്ചയായ 14-ആം ദിവസവും അരലക്ഷത്തില്‍ താഴെയാണ് പുതിയ പ്രതിദിന രോഗബാധിതരുടെ എണ്ണം.

നിലവില്‍ രാജ്യത്തു ചികിത്സയിലുള്ളത് 4,54,118 പേരാണ്. ചികിത്സയിലുള്ളത് ആകെ രോഗബാധിതരുടെ 1.47%.   

രാജ്യത്താകെ 2,99,75,064 പേരാണ് ഇതിനകം കോവിഡ് മുക്തരായത്. കഴിഞ്ഞ 24 മണിക്കൂറിനിടെ 41,526 പേര്‍ സുഖം പ്രാപിച്ചു. ദേശീയ രോഗമുക്തി നിരക്ക് പതിവായി വര്‍ധിച്ച് 97.20% ആയി.

രാജ്യത്തെ പരിശോധനാശേഷി ഗണ്യമായി വര്‍ദ്ധിപ്പിച്ചതോടെ കഴിഞ്ഞ 24 മണിക്കൂറിനുള്ളില്‍ ആകെ 18,43,500 പരിശോധനകള്‍ നടത്തി. ആകെ 43 കോടിയിലേറെ (43,08,85,470) പരിശോധനകളാണ് രാജ്യത്ത് ഇതുവരെ നടത്തിയത്.

പരിശോധനകള്‍ വര്‍ധിപ്പിച്ചപ്പോഴും പ്രതിവാര രോഗസ്ഥിരീകരണ നിരക്ക് തുടര്‍ച്ചയായി കുറയുകയാണ്. പ്രതിവാര രോഗസ്ഥിരീകരണ നിരക്ക് നിലവില് 2.32% ശതമാനവും, പ്രതിദിന രോഗസ്ഥിരീകരണ നിരക്ക് ഇന്ന്  2.25% ശതമാനവുമാണ്. തുടർച്ചയായ 20-ആം ദിവസവും പ്രതിദിന പോസിറ്റീവ് നിരക്ക് 3 ശതമാനത്തിൽ താഴെയാണ്. 34 ദിവസമായി ഇത് 5 ശതമാനത്തിൽ താഴെയാണ്.

RRTN