মন্ত্রীমন্দল

ইন্সতিত্যুত ওফ কোস্ত একাউন্তেন্ত ওফ ইন্দিয়া(আই.সি.ও.এ.আই.) অমসুং য়ুনাইতেদ কিংদম(য়ু.কে.)গী এসোসিয়েসন ওফ চার্তর্দ সর্তিফাইদ একাউন্তেন্ত(এ.সি.সি.এ.)গী মরক্তা থম্নখিবা য়ানা ৱারোল অদু কেবিনেতনা এপ্রুব তৌখ্রে

Posted On: 08 JUL 2021 7:30PM by PIB Imphal

প্রধান মন্ত্রী শ্রী নরেন্দ্র মোদীনা থৌবুরেল ওইদুনা ফমখিবা য়ুনিয়ন কেবিনেতনা ইন্সতিত্যুত ওফ কোস্ত একাউন্তেন্ত ওফ ইন্দিয়া(আই.সি.ও.এ.আই.) অমসুং য়ুনাইতেদ কিংদম(য়ু.কে.)গী এসোসিয়েসন ওফ চার্তর্দ সর্তিফাইদ একাউন্তেন্ত(এ.সি.সি.এ.)গী মরক্তা থম্নখিবা য়ানা ৱারোল(এম.ও.য়ু.) অদু কেবিনেতনা এপ্রুব তৌখ্রে, মসিনা অতোপ্পা প্রোফেস্নেল বোদীগী ক্বালিফিকেসন ফংনবগী পেপর অয়াম্বা শরুক য়াদ্রবসু ইন্সতিত্যুত অনিমক্কী মেম্বরশিংদা মুচুএল এদভান্স এন্ত্রী য়াহল্লগনি অমসুং জোইন্ত রিসর্চ পাংথোক্নবা প্রোফেস্নেল দিবলপমেন্ত এক্তিবিতীশিং লেপ্পা লৈতনা পাংথোক্লগনি৷

ইম্পেক্ত:

মসিগী য়ানা ৱারোল অসিনা নোলেজ একচেঞ্জ তৌবা, রিসর্চ একচেঞ্জ তৌবা অমসুং পব্লিকেসনশিংদা হেন্না মীৎয়েং চংদুনা জুরিসদিক্সন অনিমক্তা অফবা গভর্নেন্স প্রেক্তিস লৈহল্লগনি৷ পার্তী অনিমক্না কোস্ত একাউন্তেন্সী প্রোফেসনগা মরী লৈননা জোইন্ত রিসর্চ পাংথোক্লগনি অমসুং তেক্নিকেল এরিয়াশিংদা কোলাবোরেতিব রিসর্চ পাংথোক্লবা য়াই৷ মসিগী য়ানা ৱারোল অসিনা জুরিসদিক্সন অনিমক্তা প্রোফেস্নেল চংথোক-চংশিন তৌবদা লাইহল্লগনি অমসুং মসিনা ভারত্তা অমসুং মপান লৈবাকশিংদা কোস্ত একাউন্তেন্তশিংগী থবক হেন্না ফংহল্লগনি৷

অকুপ্পা মরোলশিং:

মসিগী য়ানা ৱারোল অসিনা প্রোফেস্নেল লেবেলগী সবজেক্ত মিনিমম নম্বরদা মাই পাক্না পাস তৌদুনা ইন্সতিত্যুত অমগী মেম্বরশিংনা অতোপ্পা ইন্সতিত্যুত অদুগী ফুল মেম্বরশিপ স্তেতস ফংহন্নবা অমসুং জুরিসদিক্সন অনিমক্তা প্রোফেস্নেলশিং চংথোক-চংশিন তৌবদা লাইনবগী লম্বী অমা পীরগনি৷

বেকগ্রাউন্দ:

কোস্ত একাউন্তেন্সীগী প্রোফেসন অসি য়োকখৎপা, য়েংশিনবা অমসুং শেমগৎপগী ওবজেক্তিবশিং অসিগা লোইননা কম্পেনীস এক্তকী মখাদা রেজিস্তর কম্পেনী অমা ওইনা ভারতকী ইন্সতিত্যুত ওফ কোস্ত একাউন্তেন্ত ১৯৪৪দা ইহান হান্না শেমগৎখি৷ কোস্ত অমসুং ৱার্কস একাউন্তেন্সীগী প্রোফেসন অসি য়েংশিন্ননবগীদমক স্তেত্যুতরী প্রোফেস্নেল বোদী অমা ওইনা পার্লিয়ামেন্তগী অখন্নবা এক্ত অমনা মমিং ওইনা পল্লবদা ১৯৫৯গী কোস্ত অমসুং ৱার্কস একাউন্তেন্ত এক্তনা ইন্সতিত্যুত অসি ১৯৫৯গী মে ২৮দা শেমগৎখি৷ কোস্ত অমসুং ৱার্কস একাউন্তেন্সীদা মরু ওইনা স্পিসিয়েলাইস তৌরবা ভারত্তা লৈরিবা রিকোগনাইস স্তেত্যুতরী প্রোফেস্নেল ওর্গনাইজেসন অমসুং লাইসেন্সিং বোদী অসি ইন্সতিত্যুত অসি খক্তনি৷ ১৯০৪দা লিংখৎতুনা ইংলেন্দ অমসুং ৱেল্সকী লোশিংগী মখাদা ১৯৪৭তা রোয়েল চার্তরনা পুনশিনখিবা এসোসিয়েসন ওফ চার্তর্দ সর্তিফাইদ একাউন্তেন্ত(এ.সি.সি.এ.) অসি মপুং ফানা ক্বালিফাইদ ওইরবা মেম্বর ২,২৭,০০০ হেন্না লৈরিবা অমসুং মালেম অসি শিনবা থুংনা ফ্যুচর মেম্বর ৫,৪৪,০০০ লৈরিবা প্রোফেস্নেল একাউন্তেন্তগী গ্লোবেল বোদীনি৷

*****



(Release ID: 1734064) Visitor Counter : 202