نئی دہلی،08 جولائی   2021:

مرکزی وزیر تجارت و صنعت ، صارفین  امور اور خوراک شیز عوامی نظام تقسیم جناب پیوش گوئل نے آج،  مرکزی وزیر برائے خواتین و چائلڈ ڈویلپمنٹ ، محترمہ سمتری ثوبین ایرانی سے وزارت ٹیکسٹائل کا چارج لیا۔ وزیر مملکت برائے ٹیکسٹائل ، محترمہ درشنا وکرم جاردوش نے بھی آج چارج لیا۔

چارج سنبھالنے کے بعد میڈیا سے خطاب کرتے ہوئے جناب پیوش گوئل نے یہ موقع دینے کے لئےوزیر اعظم جناب نریندر مودی کا شکریہ ادا کیا۔ جناب گوئل نے اپنی پیش رو محترمہ سمتری ایرانی کی تعریف کرتے ہوئےکہا کہ انہوں نے اپنے دور میں وزارت ٹیکسٹائل میں بہت سارے اچھے کام کیے ہیں اور اس کے نتیجے میں حالیہ برسوں میں اس کی پروفائل میں کئی گنا اضافہ ہوا ہے۔ وزیر موصوف نے کہا کہ وزیر اعظم نریندر مودی چاہتے ہیں کہ یہ شعبہ مضبوط ہو اور معیشت کے لئے اس سے بھی بڑا سہارا بن سکے۔ انہوں نے مزید کہا کہ وزیر اعظم تجارت اور صنعت نیز ٹیکسٹائل کے شعبوں کے مابین ہم آہنگی کا تصور کرتے ہیں اور شایدیہی وجہ ہے کہ انہیں اس وزارت کی ذمہ داری بھی سونپی گئی ہے۔

جناب گوئل نے کہا کہ ٹیکسٹائلز، روزگار کے لئے ایک بہت بڑا شعبہ ہے لہذا یہ ایک بہت بڑا موقع ہے کہ اس شعبے کے ذریعے حکومت اس شعبے میں ملازمت کرنے والے تمام افراد،  خصوصا خواتین کی آمدنی میں ایک بڑا تعاون دینے کی کوشش کرے گی۔ انہوں نے یہ بھی کہا کہ وہ اس بات کویقینی بنائیں گے کہ اس شعبے میں مزید بہتری آسکتی ہے اور برآمدات میں بھی اضافہ کیا جاسکتا ہے۔ وزیر موصوف نے اس اعتماد کا اظہار کیا کہ اس شعبے میں بڑی ترقی ہوگی۔

جناب گوئل نے مزید کہا کہ حکومت برانڈ انڈیا اور ہندوستانی ٹیکسٹائل کو فروغ دینا چاہتی ہے ، جو اس سے قبل برانڈ انڈیا کی تعمیر میں اہم کردار ادا کرچکی ہےاورایک بار پھر کلیدی کردار ادا کرے گی۔ وزیر موصوف نے ، مسز محترمہ ک۔  محترمہ درشانہ وکرم جاردوش کا بھی خیر مقدم کیااور کہا کہ وہ ایک معاون ستون ہوں گی اور اس شعبے کی نمو میں مدد کریں گی۔

وزیر مملکت محترمہ درشانہ وکرم جاردوش نے میڈیا سے گفتگو کرتے ہوئے کہا کہ وزیر اعظم شری نریندر مودی نے انہیںیہ بڑا موقع دیا ہے اور وہ ٹیکسٹائل کے شعبے کو ترقی دینے اور اس کی ترقی کے لئے وزیر اعظم کی قیادت میں اور کابینہ کے وزیر جناب پیوش گوئل کی رہنمائی میں کام کریں گی اور اسے 'میک ان انڈیا' کے شعبے میں کلیدی حیثیت دیں گی۔

*****

U.No.6340

(ش ح - اع - ر ا)