প্রধান মন্ত্রী শ্রী নরেন্দ্র মোদীনা ময়াই তাংবল লৌদুনা ফমখিবা কেন্দ্রগী মন্ত্রী-মন্দল মীফমনা আত্মনির্ভর ভারত রোজগার (এ.বি.আর.ৱাই.)গী মখাদা পীরিবা কান্নবা অসি লৌনবা বেনিফিসরীশিংনা রেজিস্ত্রেসন তৌবগী অরোইবা তাং অসি থা মপান অমগা হায়বদি জুন ৩০, ২০২১দগী মার্চ ৩১, ২০২২ ফাওবা শাংদোকপদা অয়াবা পীখ্রে। শাংদোকপা অসিনা মরম ওইরগা ফোর্মেল সেক্তরদা মমাংদা লাখ ৫৮.৫ প্রোজেক্সন তৌরম্বা অদুগা য়েংনবদা থবক লাখ ৭১.৮ পীরবা য়াই হায়না পান্নরি। ১৮.০৬.২০২১ ফাওবদা এ.বি.আর.ৱাই.গী মখাদা ইস্তব্লিশমেন্ত ৭৯,৫৭৭গী খুত্থাংদা বেনিফিসরী লাখ ২১.৪২দা লুপা করোর ৯০২গী শেনফমগী কান্নবা ফংহনখ্রে।

৩১.০৩.২০২২ ফাওবা রেজিস্ত্রেসন তৌবগী মতম শাংদোক্নবা প্রপোজ তৌরকখিবগী চাদিং য়াওরগা স্কিম অসিগী চাউরাকপা চাদিং অসি লুপা করোর ২২,০৯৮ ওইরগনি।

স্কিম অসি ইম্প্লোয়ী প্রোবিদেন্ত ফন্দ ওর্গনাইজেসন (ই.পি.এফ.ও.)গী খুত্থাংদা তোঙান তোঙানবা সেক্তরশিং/ইন্দস্ত্রীশিংগী ইম্প্লোয়রশিংগী শেলগী পোৎলুম হন্থহন্নবা অমসুং মখোয়না অহেনবা শিন্মীশিং নেকপদা থৌগৎনবা ইমপ্লিমেন্ত তৌরি।

এ.বি.আর.ৱাই.গী মখাদা করিগুম্বা ইস্তাব্লিশমেন্তনা অনৌবা ইম্প্লোয়ীশিং লৌরবা নত্ত্রগা ০১.০৩.২০২০দগী ৩০.০৯.২০২০গী মরক্তা মখোয়গী থবক অদু তৎখিবা তারবদি ই.পি.এফ.ও.গা লোইননা রেজিস্তর তৌখ্রবা ইস্তাব্লিশমেন্তশিং অমসুং লুপা ১৫,০০০/-দগী তানা থাগী খুৎশুমল লৌথোক্লিবা মখোয়গী অনৌবা ইম্প্লোয়ীশিং অদুনা কান্নবা ফংলি।

এ.বি.আর.ৱাই.গী মখাদা, ই.পি.এফ.ও.কী রেজিস্তর তৌরবা ইস্তাব্লিশমেন্তশিংগী মখা পোন্না ইম্প্লোয়ী অমসুং ইম্প্লোয়র অনিমক্কী শিয়র (খুৎশুমনগী ২৪%) নৎত্রগা ইম্প্লোয়ী খক্তগী শিয়র (খুৎশুমনগী ১২%)গী চহি অনিগী মতম ফাওবা ভারত সরকারনা ক্রেদিৎ তৌখ্রে। স্কিম অসিগী অকুপ্পা গাইদলাইন লেবর অমসুং ইম্প্লোইমেন্ত অমসুং ই.পি.এফ.ও. মন্ত্রালয়গী ৱেবসাইত্তা য়েংবা য়াগনি।   

এ.বি.আর.ৱাই. অসি আত্মনির্বর ভারত ৩.০ পেকেজগী মখাদা শেন্মীৎলোন ফগৎনবা অমসুং কোবিদতগী ফগৎলক্লবা তাঙ্কক মনুংদা ফোর্মেল সেক্তরদা থবক পীবা হেনগৎহন্নবা খোঙথাং অমা ওইনা লাউথোকখি। মসিগী স্কিম অসিনা লৈবাক অসিগী শেন্মীৎলোন্দা কোবিদ-১৯ লাইচৎনা পীবা চৈথেং হন্থহনগনি অমসুং খুশুমল নেম্বা শিন্মীশিংনা থেংনরিবা অৱাবা কোকহনগনি, ইম্প্লোয়রশিংদা ললোল-ইতিক্কী থবক থৌরমশিং অমুক হৌনবা অমসুং চাওথোক্নবা ইন্সেন্তিব পীগনি।

*******